Lào Cai: tsôngv box uô nênhx đros têx qơư riêz nênhs, tok yêil txar muk nhoz qơư yiêz

Zos têx lênhx zênhx max tâu paz txos hâur yêik txar qơư nhoz, taz sik zuôr xar 4 shông lok no, 20 ntâu chuôz zis tsôngv box hâur jok Nậm Bắt, xã Tân Tiến, huyện Bảo Yên, tỉnh Lào Cai cux tsênhv niêx hnuz uô nênhx đros têx cêr cxơưx, riêz nênhs ntơưv qơư nhoz kuz viv dưv anr yêik txar qơư nhoz đhâu 2, 3 shông ntêr li ntơư cux tsênhv uô tsi tâu tiêr.

Nzênh trâu cheix ntux nas shông tiv 4, thâuv muôx têx coz nas hloz mê njik, zơưv Trương Văn Diễn chuôz zis ho sâu đra, siz chox zok nriêr qơư đreiv đêz yênhx cêik cêr, lav tuôv uô tsêr fênhz suôz nhoz tax txos cheix ntux kruôr li tror lok, viv nhoz hâur tsêr lok six riêz nênhs, muôx têx caz tu, xưz lox pêv têx hâur trôngz, tsi pâuz shor thâuv tưs xưz poz lok:

“Cheix ntux nas mak cxơưx cơưk. Têx hnuz ntux nas lox tưz tsi car nhoz, car pư. Tsuv nhoz tax ntơưv tsêr fênhz suôz no chiê thâuv tưs têz qơưk paz yêik txar mak thiêx zuôr truôx tuk”.

Tsi tiêk zos zơưv Diễn chuôz zis, 20 chuôz zis txơưr đuô hâur jok cux xưk li zơưv, thâuv tưs cux uô nênhx nhoz đros đreiv têx cêr cxơưx thiêz bax phax li ntơư. Chor hluôk nênhs lok hâur cheix ntux nas cux  tsi car muk uô hâux lưv đêz, tsuôk nhoz jê iz ndis vax tsêr chiê bax yêik txar zos thâuv tưs tox xưz poz lok.

Heik lok qơư nhoz yiêz, đhâu zuôr xar 4 shông, tsuôk zos têx lul heik, iz qơư nhoz jông thiêz truôx tuk trâu têx chuôz zis tsôngv box Nậm Bắt no cux tsênhv zos lav luôv ar uô plas iz kro mê njik tưz tsi tâu tiêr, txơưv zuôr uô zênhx max lok cux tsi jông chiê trâu yêik txar tsôngv box muk nhoz. Zơưv Lý Văn Hội, Chủ tịch Ủy ban xã Tân Tiến, huyện Bảo Yên, tỉnh Lào Cai heik:

“21 chuôz zis tsôngv box thâuv yêik txar lok nhoz no mak txov nhêv yax zos đêx xênhz huôx thiêz tênhv tênhz phưx vưv xênhz huôx trâu tsôngv box cux tsi tâu muôx”.

Tâu pâuz, dưv anr qơư nhoz trâu têx chuôz zis jok Nậm Bắt hur si yưv pênhr tas 5 tỷ đeiv, ciês thâuv tsênhv heik thiêz sâu hâur têx ntâuz ntơưr tưz pôngz 2 shông, txos thâuv cxiv uô, luôv plas ar tâu nhos 80% mak tưz tas têx pênhr. Nhiv no, tsuv zuôr trâus nzir 10 tỷ thiêz thiêx muôx têx uô tiêr.

Tso tsês têx heik lol sâuv yưv pênhr thiêz cxiv uô, tsênhz tiês tsênhv uô trâu sđ pov, 20 ntâu chuôz zis tsôngv box hâur jok pluôs Nậm Bắt cux tsênhv niêx hnuz uô nênhx nhoz đros têx cêr cxơưx thiêz riêz nênhs. Tsôngv box sđ têx shôngz ntông bax tsês chiê uô tsêr yiêz đhâu iz ntuk ntêr, njâuv tưz nox thiêz zuôr xar yưv caz. Thâuv tưs txos cheix ntux nas, hnor mông heik tsi so lok thax tsav qơư no, qơư tov thâuv  muôx tox xưz poz, đêx nas cuôr yôngz mak nyêi trưk, taz sik tsi pov kaz uô li chas?

                         (An Kiên-Riê Lâux cxeik, nhênhv)

PHÊNHV ĐAS JOS THIÊZ SIV NÊNHX

Chi cục taz por vêv xênhz zav nox tỉnh Sơn La li thông sâu shông 2017, sâuv thax tsav tỉnh muôx 5 txuz trâus tsơưr tưx zav nox, taz sik hâur 5 luz hlik hâur shôngk shông 2018 tưz sâu jênhv 3 txuz trâus tsơưr tưx zav nox đros yênhx puôk lênhx nênhs tsuv mul chơưv kho trâu tsêr kho moz. Nhiv kruôr đhâu, hâur hlik hli 5/2018, txuz trâus tsơưr tưx zav nox nhoz xã Nậm Ty, huyện Sông Mã, tỉnh Sơn La tưz uô 200 ntâu lênhx nênhs tsuv mul chơưv kho trâu tsêr kho moz. Đhâu sêiz njuôs siv nyar, zos trâus caz moz Salmonella. Nhiv no tsênhv zos ntu yar ntux cuz sor, tỉnh Sơn La tsênhv chêx chôngk têx tsưr ziv chiê taz por zav nox…

Nhạc cắt…

          Lơưr zơưv Nguyễn Mạnh Hà, Chi cục tsar Chi cục taz por zav nox tỉnh Sơn La, đros cêr cor cav sir zôngv zav nox nhôngs, tsi tâu uô siêr hâur cheix ntux sor mak zuôr tsi taz por trâu tsôngv box. Cheix ntux sor cux zos cheix njuôs, thiêz têx zav ndêz huôv tsar, hâux lưv tsôngv box sir zôngv têx zav nox đê pêv jôngr, tsi đhâu seiz car njuôs siv viv li ziv zôngx ziv trâus tsơưr tưx zav nox tiv caz moz, trâus têx zav moz tiv nox hâuk li thox plaz….

          Zơưv Nguyễn Mạnh Hà heik tsôngv box tsuv uô trơưk têx tsưr ziv taz por zav nox thiêz thâuv uô têx zav nox. Đros co, Chi cục taz por vêv xênhz zav nox tỉnh Sơn La tưz sir jos côngv đros têx tiv phaz tsưr tsix yax mông muôz siêz yênhx tưv, tsưr ziv chiê taz por zav nox… trâu tsôngv box thiêz têx qơư tsiv uô, muôv muôs zav nox.

          Cxôngx qênhx shênhx muôx yưv têx txuz trâus tưx thiêz njuôs xav tsênhv muôx têx uô tsi taz por zav nox hâur cheix ntux sor, Chi cục taz por vêv xênhz zav nox tỉnh Sơn La tưz uô ntâu tsưr ziv seiz car taz por zav nox, tiv zix zos đros têx zav nox muôs tov têx cêr. Zav nox tâu muôs tov têx cêr zos lax seiz car tâu tiv zix viv lơưr khênhr hlôngr qơư muôs…Hâur hli 5/2018, Chi cục taz por zav nox tỉnh Sơn La đros Tsênhv qơư y tế huyện Mộc Châu krêz uô trâur nuv ntu cêr taz por zav nox muôs ntơưv cêr nhoz 2 thị trấn Nông trường Mộc Châu thiêz Mộc châu ( huyện Mộc Châu). 2 ntu cêr no muôx 130 qơư muôv muôs zav nox, ziv chuôz zis muôv muôs phưx vưv kruô ju lix.

          Lơưr chêi têz qơưs cui tênhv, zav nox muôs tov cêr tsi zuôr cungz ntơưr côngz jênhv muôx txâuk theox chênhv taz por zav nox mak tsuôk muôx ntơưr cam kết uô trơưk têx cui tênhv lok taz por zav nox. Taz sik, ntâu qơư nhiv no tsi tâu uô trơưk têx cui tênhv, tiv zix zos hâur pâus têx zav nox, taz por hâur tsiv uô zav nox. Hâux lưv krêz uô ntu cêr seiz car taz por zav nox zos lok six zuôr trâus, tiv zix zos đros huyện Mộc Châu chiê ndar txos huôv tsar nganhx ju lix, jix vuv taz por thiêz jông đuô.

          Hâur six hơưv zuôr txos, Chi cục taz por vêv xênhz zav nox tỉnh Sơn La njuôs xav sik côngv đros têx qơư muôv muôs krêz đar trâur nuv ntu cêr seiz car taz por zav nox ntơưv tas nro têx huyện, thành phố. Thôngx cxix, Chic cục zuôr seiz shuôk, thix ziv yênhx lix trâur nuv seiz car taz por zav nox ntơưv qơư uô mor nhoz têx qơư zaoz zux thiêz hâur têx pluôs mor muôx chôngz lênhx nênhs nox nhoz hâur tsêr, cxôngx co chuv tôngv phax tar trâus tsơưr tưx zav nox./.

( Tuyết Lan- Txâur Vax cxeik nhênhv- In lưu)