Gri buô khênhx txo grêk, lênhx nênhs tu zus nhoz Yên Bái tsênhv trâul pôngz pênhr

Zơưv Mai Quang Vụ nhoz jok 3, phường Hợp Minh, TP Yên Bái chuôz zis tu zus muôx 100 tus buô grêix. Kuôk no 2 ciêz, zơưv Vụ chuôz zis tưz muôs iz tênhr buô, gri 54 cxênhz đeiv iz cir. Xav đros hur si têx nhiêx txiêx txix zuôr nôngz buô txos trâu zuôr krâur puz, yuôx cxax phax phôngz tir thêir moz ơưk cux iz zav li côngk tu zus, trâul pôngz nhos 90 cxênhz đeiv iz tus. Nhiv no zơưv Vụ chuôz zis tsênhv yuôr 60 tus buô grêix tưz lox zuôr jông muôs. Txơưv pâuz tiêk trâul pôngz pênhr, taz sik chuôz zis xav tinhv cux tsuv muôs, viv ziv tsês ntêr, gri buô ziv txo grêk thiêz gri krâur iz hnuz tsar ndê jux juk.

Trơưk li zơưv Vụ, txix hâur shôngk shông txos nhiv no tưz 8 jiês têx krâur ndê gri. Zos six ndê li no, iz tus buô lênhx nênhs tu zus zuôr trâul pôngz pênhr nhos 500 cxênhz đeiv:

“Iz hnaz krâur ndê 90 cxênhz mak tu iz tus buô hloz lox jông muôs tưz tas nzir 900 cxênhz đeiv lơưv. Li ntơư gri buô grêk kis, lênhx nênhs tu zus nhiv no zuôr lax, trâul pôngz pênhr, tsi tâu đaz tsi”.

Zơưv Nguyễn Văn Biền, nhoz jok Thanh Giang, xã Âu Lâu, TP Yên Bái chuôz zis nhiv no muôx 20 ntâu tus buô grêix, tsuôk 2 ciêz ntâu xưz, iz tus buô tưz muôx 100 cir. Trơưk li zơưv Biền, chuôz zis nhiv kruôr tror huôv tsar tu zus fâuv buô tiv 2 đhâu moz ơưk buô châu Phi, nhiv no buô tsi tâu gri, têx krâur lok tsar ndê siêz, viv li njiz trâul ntâu phiv liv lok nhiêx txiêx:

“Cux zuôr tsuv muôs xưz, viv têx buô tưz lox jông muôs lơưv, txơưv zuôr zus nzir buô cux tsi lox nzir. Zos six li no, têx buô grêix zuôr lax ndê gri, txơưv tsi tâu gri, pôngz pênhr lok cux tsuv muôs xưz”.

Ntâu chuôz zis tu zus nhoz Yên Bái heik pâuz, lơưr zuôr têx nôngz buô thâuv ntu tsi yuô muôx muôs, zuôr civ nhiêx, xav kror đruôz đraz iz tus tas muôx 2 tsov đeiv. Phiv liv zus thiêz tu hâur 2, 3 luz hlik đros têx tsưr ziv xar njôngr, tov kaz no zuôr muôs tâu gri thiêz nzir tâu trâu têx trâul pôngz pênhr tiv moz ơưk buô châu Phi uô ruôr hiêv, taz sik nhiv no têx tsưr ziv xar ntơư tưz uô tsi tâu, viv gri buô grêk kis, tsuôk 50 cxênhz đeiv iz cir; iz chas co gri têx krâur tu zus txix thâuv hâur shôngk shông txos nhiv no tưz tsar ndê tsi so. Tsênhv tsênhz, iz tus buô 100 cir, gri nhiv no zos 5 tsov đeiv, thâuv tsênhv yưx têx nhiêx txiêx zuôr nôngz buô lok zus, zuôr krâur trâu nox, yuôx phax phôngv moz ơưk….tưz ndê txos 5,5 tsov đeiv.

Pos Phạm Mai Phương, Giám đốc Tsênhv qơư Dịch vụ paz max huôv tsar kôngz nuv TP Yên Bái heik pâuz:

“Heik cxuô mak nhiv no têx buô cux tsi tâu grêk gri ntâu, lênhx nênhs tu zus cux trâul pôngz pênhr tsi yuô lox, sđ tsi cxoz huôv tsar zus nzir, zus bâuv li no tus buô xưz”.

Đhâu iz shông ntâu tsi pov muôx moz ơưk buô châu Phi huôv xênhz, ntâu chuôz zis nhoz Yên Bái tưz tror huôv tsar tu zus têx buô. Taz sik, moz Covid-19 tsênhv uô ruôr hiêv txos, uô têx lênhx nênhs tu zus tror njiz phiv liv, têz qơưs tsuv tâu paz max chiê lơưr tror huôv tsar cêr uô nox, tu zus tsiêx cxu, cov tsôngv px sđ muôx luz nênhx truôx tuk./.

(Đinh Tuấn-Riê Lâux cxeik, nhênhv)

PHÊNHV ĐÊX HUR

Nus: Li chas zos kror đêx huv vêv xênhz?

Têz: Trơưk li Bộ Kôngz nuv thiêz huôv tsar tox siêz Quyết tinhv sôr 2570/QĐ-BNN-TCL hnuz 22/10/2012 lok sâuv cir têx ntâuz ntơưr fuô kriê hâux lưv sox seiz, ntâuk grê đêx hur thiêz vêv xênhz tênhx qơư: Kror đêx tsuv nhoz kuôk đêz qơư tơưv trôngx, qơư tu zus tsiêx cxu lok sik qơư vuôz tsuôz kiêk nênhs.

Yar tiêx iz ndis kror đêx co tsuv luôv xuôz jêz xi măng lok sik puô vuôk, poz jêz, tsi tơưs, tsi xưz.

Nus: Đêx nas pok zos đêx hur?

Têz: Tsênhz tiês đêx nas zos đêx hur. Taz sik, đêx nas muôx têx trâul vuôz tsuôz viv têx pa ar, pluô plar, caz uz no pâus, muôx nhoz hâur tênhx qơư thiêz sâuv têx tsêr, chiêr đêx ntưk lol viv li txos thâuv sir zôngv, têx đêx nas tsi yuô hur.

Nus: Đêx nas muôx têx zôngv uô đaz tsi?

Têz: Đêx nas muôx têx zôngv xênhz huôx, nzuôr têk nzuôr tơư…. Chor thax tsav tsi muôx đêx, muôx têx lơưr zôngv uô jâuz mor nox, hâuk, taz sik tsuv muôz chor đêx ntơư  chox lok liv têx vuôz tsuôk kiêk nênhs por tsês thiêz râuz têx đêx uô ntêx thâuv zuôr zôngv cov sđ muôx jông đas jos.

Nus: Sir zôngv đêx nas li chas cov thiêx tsik uô ruôr hiêv đas jos?

Têz: Chus têx đêx nas tsuv txar jav tsi cxoz chus têx coz nas xuz thơưx krêz yiêz  hâur shôngk shông.

Vêv xênhz hur si têx chiêr đêx, qơư trâu đêx, muôx hâu vor ntov têx thôngz đêx, qơư trâu đêx cov tsi pâus têx kiêk nênhs, vuôz tsuôz, pa ar, tsi muôx têx caz côngx uz no pôngz uô kiêk nênhs trâu chor đêx.

Nus: Đêx lox pok sir zôngv tâu?

Têz: Têx đêx hâur đêx lox muôx têx sir zôngv thiêz krêz uô tâu zôngx ziv. Taz sik, viv lênhx nênhs khênhr uô hâux lưv, xênhz huôx uz no, muôx têx uô kiêk nênhs vuôz tsuôz trâu têx hâur đêx.

Nhạc cắt

Tsôngv box….! Sir zôngv têx đêx uô đaz tsi, uô zav hâux lưv tưs (uô jâuz mor nox lok sik xênhz huôx), tsôngv box tsuv tso tơưv luôs hâux lưv uô xưv lik  huv đros chiê sđ muôx jông đas jos./.

(Tuyết Lan-Riê Lâux cxeik, nhênhv)