Jax sâu thưr 6, hnuz 18/9/2015:

Thâuv tsôngv box tox siêz zuôr huôv tsar tu zus shuôz njêk

 

 

Zos huyện pluôs, tsi muôx txâuk liêx tsêz chos blêx, phênhv ntâu zos chos kôngz lôngk trâu têx têz nxaz, phiv liv muk lok, shông tưs ntux paz li tâu nox, zos ntux tsi paz zênhx uô tsi tâu kôngz; viv li tsôngv box cxuô heir nênhs nhoz Quỳnh Nhai luz nênhx tsênhv yuôr ntâu txov nhêv. Chiê gra  siêz tsôngv box sđ luz nênhx nox nhoz, Đảng bộ, hâu nov hâur huyện xav tinhv: Iz chas huôv tsar tsêz chos kôngz lôngk, tu zus tsiêx cxu, huyện zuôr krêz uô iz tsưr ziv jông zos tu zus shuôz njêk trơưk oz saz ntus pak đêx tênhv tênhz Sơn La thiêz ntâuk muôz shuôz njêl hâur pak đêx tênhv tênhz.

Shông 2010, Chi hội tu zus shuôz njêk tâu cxiv tsa trâu ntơưv xã Chiềng Bằng, huyện Quỳnh Nhai, muôx 18 lênhx. Xuz thơưx, têx lênhx nênhs no tưz jông siêz sik côngv paz đas jos, nhiêx txiêx chiê uô qơư tu zus shuôz njêk trơưk 2 saz ntus pak đêx tênhv tênhz. 20 kror qơư tu zus njêk trơưk tsưr ziv yiêz, iz qơư tu zus ntơư đar muôx 10 yiv đruôz, tso tâu nhos 50 cir nôngz njêk nox jâuz, njêk pok nêiz. Iz chas têx jâuz đrox muôz trâu njêk nox, lênhx nênhs tu zus tưz muôx tsưr ziv jông zok nriêr têx zav nox txơưr đuô trâu njêk: zôngv chôngv muk muôz têx hmoz njêk, chưk hâur đêx lok trâu nox. Đhâu 8 luz hlik tso zus li ntơư, iz kror qơư tu zus xav kror đruôz đraz sâu tâu 3 puôk ntâu njêk, sâu tâu nhos 20 tsov đeiv ntâu, yưx hur si têx nhiêx uz no tas tsênhv tâu xar muôx 16 tsov đeiv. Txix têx uô tâu trơưlk li siêz xar ntơư, ntâu ziv chuôz zis tsôngv box nhoz Chiềng Bằng tưz truôx siêz yưv pênhr uô zav nuv no.

Zơưv Tòng Văn Yên, chủ tịch hội nôngx mênhx xã Chiềng Bằng tror ndo txos têx hnuz xuz thơưx muk heik, zaz zâuv cxuô ziv chuôz zis tsôngv box đros uô hâux lưv, uô qơư tu zus njêk, iz zav hâux lưv tsi tâu uô iz jâus hlo, viv ntêr lok no tsôngv box nhoz co tsuôk pâuz muk uô têx liêx têz chos blêx chos poz cưk:

Băng: “Xuz thơưx tsôngv box tsi tâu muôx tsưr ziv uô mak cux uô tsi yuô tâu, đhâu thâuv tâu têx lênhx canr bôv cxiz kôngz tuôx paz kriê tsưr ziv uô, lơưr cux uô sưv jux juk thiêz uô tâu”.

Zơưv Lò Văn Khặn, nhoz jok Co Trăm, xã Chiềng Bằng tâu xeir zos iz hâur têx ziv chuôz zis uô tâu jông luôs hâux lưv no. Xuz thơưx, zơưv yưv pênhr uô 4 kror qơư tu zus njêk nox jâuz, njêk pok nêiz, iz shông sâu tâu 3,2 tênhr njêk, sâu tâu 185 tsov đeiv nhiêx. Nhiv no, zơưv tưz krêz uô ntâu qơư tu zus njêk thiêz zus nzir ntâu zav shuôz njêk nziv đros têx đêx ntơưv no:

Băng: “Nhiv no cur chuôz zis muôx 12 qơư tu zus têx shuôz njêl, iz zav cur zus 5 cxênhz tuk. Njêl têx zav nox phênhv ntâu zos têx mê nhuôv njêl thiêz chưk. 3 six sơưr nzor tưz tsuv muk chôngv têx nhuôv njêl, chưk ntơư, iz hnuz chôngv tâu 50-70 cir trâu njêl nox”.  

Đhâu zuôr xar 8 shông uô đreiv luôs hâux lưv uô qơư tu zus njêk, zơưv Khặn heik lok zuk têx tsưr ziv uô li no:

Băng: “Thâuv nhiv kruôr qir uô tsi tâu muôx tsưr ziv mak phiv liv, taz sik đhâu 2-3 shông zuk tưz pâuz uô. Tsưr ziv tu zus njêl zos tsuv pâuz njêl muôx têx moz li chas, lar heik zos njêl Nheo, zav njêl no zos zuk uô njêl to iz kro mê mê cux zus tsi tâu hloz. Qơư zus njêl uô grêiv hênhr cux tsi jông, viv li tsi cxoz tu zus njêl trâu têx qơư ti, qơư grêiv, uô li chor njêl mê njik siz tos”.

Đros têx lênhx tsôngv box nhoz tox siêz iz txưv cor cav uô liêx têz, nhiv no hlôngr đuô tsưr ziv uô nox zos ntâuk muôz shuôz njêk, tu zus shuôz njêk lơưr tsưr ziv huôv tsar uô nox yiêz, chuôs li ntơư zos iz kro uô phiv liv, tsi zos thâuv  tưs cux uô tâu trơưk tsưr ziv, siêz xar. Hâux lưv uô qơư tu zus shuôz njêk trơưk 2 saz ntus pak đêx tênhv tênhz zos iz kror jông thiêz hâur pak đêx muôx ntâu zav zôngx ziv trâu njêk nox; viv li jông huôv tsar tu zus ntâu zav shuôz njêk. Chênhr li heik ntơư, tu zus tâu têx shuôz njêk hâur têx pak đêx co mak njêl hloz huôv vav lok six jông. Taz sik, tsuv uô qơư tu zus njêk trơưk 2 saz ntus pak đêx tênhv tênhz Sơn La thiêz Đêx đas zos tsuv muôx tsưr ziv tu zus, pâuz tâu têx đêx hâur pak jông li chas, zos tsi li zuôr uô tsi tâu trơưk tsưr ziv. Pir li ntơưv xã Chiềng Ơn.

Hợp tác xã tu zus shuôz njêk xã Chiềng Ơn cxiv tsa tâu shông 2013, muôx 10 lênhx uô luôs hâux lưv no. Pos Điêu Quỳnh Nga, Phưv Chủ tịch UBND xã Chiềng Ơn heik pâuz, pos thiêz têx canr bôv hâur xã tsuv muk muk, lok lok heik kriê tsôngv box sđ tsưr ziv huôv tsar tu zus shuôz njêk hâur ntus pak đêx tênhv tênhz; taz sik, tsuôk muôx 10 ziv chuôz zis thôngx ziv uô hâux  lưv no. Thâuv qir uô tâu 8 luz hlik, têx njêk xar muôx 2 cir iz tuk, zuôr jôngs muôs, txơưv muôx coz nas chuô lox shông 2013 uô trâu têx njêk trâus đêx yôngz lơưv tas, tsi tâu đaz tsi:

Băng: “Txơưv seiz njiê pak đêx tênhs zênhk li ntơư, taz sik hâur kaz, têx đêx lok six chênhr, thâuv muôx chuô lox mak uô têx qơư tu zus njêl ntơư tsi jông tas, tsôngv box tsi pâuz, tsi ndo chênhr phax, têx njêl đros đêx lơưv tas, ntâuk sâu tsi tâu, thâuv co txơưv lênhx tưs lok cux seiz njiê, tsi pov kaz uô chas”.

Tsi tâu uô, tsi tâu muôx tsưr ziv zos kror zôngx ziv jênhv pâuz, taz sik ntơư cux zos iz jax tsưr ziv chiê trâu sđ pâuz to tâuz, xor thêir têx qơư tu zus cov truôx:

Băng: “Tsưr ziv ntơư zos thâuv uô qơư tu zus shuôz njêk zuk tsi xav txos têx zuôr trâus uô ruôr hiêv, tsi chênhr phax, muôx têx jiês li ntơư, nhiv no pêz têx lênhx nênhs uô qơư tu zus njêk tsênhv zok nriêr qơư thêir chuô, thêir đêx chiê uô qơư tu zus têx shuôz njêk cov ziv hnuz ziv uô tâu truôx”./.

                                                          (Hoài Thu-Riê Lâux cxeik-nhênhv)  

 

 

 

 

 

Phênhv “Chêi têz qơưs” hnuz 18/9/2015:

Têx kror zuôr tsuv pâuz lok cxiv tsa jx jok yiêz- (Phênhv 2)

 

*Luôs hâux lưv cxiv tsa  jêx jok yiêz

Hnuz 16/4/2009, thủ tướng chính phủ tưz tso tơưv cuêz tênhv số 491/QĐ-TTG, tso tơưv 19 luôs hâux lưv lok cxiv tsa jêx jok yiêz. Bộ tsưr ziv tso tơưv tsênhv njiêz tsaz yênhx lok luôs hâux lưv cxiv tsa jêx jok yiêz; chox kriê uô siv cxiv tsa jêx jok yiêz hâur ntu hlôngr yiêz, qênhz yuôx, ntâuk gri côngz jênhv xã, huyện, tỉnh cov tax tâu jêx jok yiêz.

*Lok tsưr ziv xar, tsưr ziv uô cxiv tsa jêx jok yiêz hâur ntu 2010-2020:

- Cxiv tsa jêx jok yiêz zos iz luôs hâux lưv lox chiê huôv tsar kinh tế-xã hội, gra siêz luz nênhx cxuô zav trâu pêx xênhv nhoz têx jêx jok; zos tas nro cxiv luôs chính trị.

- Cxiv tsa jêx jok yiêz tsênhv zos cxiv vênhv tôngv đêz đar, zaz zâuv cxuô pênhr jos hâur tas nro xã hội đros cxaz chuôz; hâur cấp ủy Đảng thiêz chính quyền tiv phaz muôx pưk txux lênhv tov, sêiz car uô, Mặt trận têz qơưk thiêz chor đoanx thể yax kriê, hêik pêx xênhv uô cov tâu truôx luôs hâux lưv cxiv tsa jêx jos yiêz.

- Cxiv tsa jêx jok yiêz tâu kriz uô tas nro cxuô xã hâur thax tsav tỉnh; uô nzir thiêz uô đros cxuô tsaz yênhx dự án thiêz têx cxiv vênhv tôngv txơưr đuô, tiv zix zos phongz yaox “Tas nro pêx xênhv sik côngv cxiv tsa luz nênhx vênhx huôv” nhoz tiv phaz, phongz yaox pêx xênhv đros cxiv tsa cxuô zav hâur jêx jok, ciêz đrôngs…

*Tsưr ziv uô:

- Khov trâu pênhr jos pêx xênhv zos chênhr, muôx iz phênhv paz txix nhiêx txiêx têz qơưk; cxơưz cxiz chor nênhs huôv tsar kinh tế sik đros uô cov tau truôx “Pêx xênhv pâuz, pêx xênhv sêiz lax, pêx xênhv uô, pêx xênhv qênhz yuôx thiêz pêx xênhv tâu sir zôngv”.

* Têx tsênhv chêi chiê cxiv tsa jêx jok yiêz

Tsênhv chêi huiz tôngv pênhr chiê cxiv tsa jêx jok yiêz; qênhz shuôk kho đuô, cxaz nzir têx tsênhv chêi zaz zâuv yưv pênhr huôv tsar kôngz nuv, jêx jok tsêx tsung trâu têx kror uô lơưr tsưr ziv: Kinh tế sik côngv, qơư tu zus uô xênhz yar lox, huôv tsar doanh nghiệp zâu thiêz tov thơưx, cxuô tsưr ziv sik côngv uô, tsov cưv txos chor dự án huôv tsar kôngz nuv công nghệ siêz, tsiv uô têx kôngz lôngk thiêz chor dự án sir zôngv chôngz nênhs uô hâux lưv thiêz gra siêz phênhv sâu tâu.

Tsênhv chêi paz nhiêx txiêx kruôz kriê, choz zok công nghêv, nhiêx txiêx cxiv tsa thiêz hêik pâuz têx kror uô tâu tiêr, nhiêx txiêx paz chiê huôv tsar uô xênhz yar kôngz nuv thiêz hâur lưv uô nhoz têx jêx jok; nhiêx txiêx paz têx trâus uô hiêv chiê tror uô xênhz yar tiv ntux têz, caz moz uô hiêv. Cxiv tsa tsênhv chêi zaz zâuv cán bộ kỹ thuật, cán bộ muôx txux chi siêz, cơưv tas cao đẳng, đại học lok uô côngz xưv trâu hâur xã.

* Cán bộ thiêz pêx xênhv li txơưx jênhv hâur cxiv tsa jêx jok yiêz.

- Hêik pâuz tsênhz kror zov chênhr, tsênhv njiêz tsưr ziv uô cxiv tsa jêx jok yiêz; sir jos đros uô têx phongz yaox cách mạng, sik tưr cxiv tsa jêx jok yiêz.

- Uô ntêx hlo đros uô chor phongz yaox cxiv tsa jêx jok yiêz nhoz cxuô tsênhv qơư thax tsav jêx jos tox siêz; thôngx cxix hêik sơưr đơưk sik đros uô.

- Đảng viên nhoz cxuô tsênhv qơư, tsuv đros uô têx côngz xưv; iz đoanx thêv sêiz shuôk uô iz luôs hâux lưv hâur đêx anr cxiv tsa jêx jok yiêz.

- Yênhx cơ quan, taz viv tsuv cxiv tsa phongz yaox sik tưr thiêz đros uô luôs hâux lưv cxiv tsa jêx jok yiêz txix têx tsênhv njiêz tsênhv tsênhz uô cov tâu truôx./.

                                                    (Hồng Việt-Ly cxêik-nhênhv)