“Kho đuô”, seiz car, taz por têx tsêr cơưv ntơưr nhoz Lào Cai

          Txơưv uô ntêx shông cơưv yiêz tưz tâu qênhz yuôx iz jiês, taz sik hâux lưv qênhz yuôx jiês no mak cux zos cux tsik sênhv. Viv jiês qênhz yuôx no tâu chuôz tsar uô jông đuô chiê ntâus grê qênhx shênhx tsênhv tsênhz. Lơưr zơưv Hoàng Minh Đức, Phưv tsar phongx Zaoz zux huyện Bảo Thắng, tỉnh Lào Cai, jiês qênhz yuôx no đrâuv cxôngx njiê pov mak tsênhv zôngv meir njuôs shuôk chiê qênhz yuôx, qênhz yuôx têx tsêr cơưv li hồ sơ ntâuz ntơưr chiê tuêv liên nganhx huyện sik seiz lax tsưr ziv car chêx:

          “Muôx têx côngz tsinhx njiê pov mak jông, taz sik seiz hồ sơ ntâuz ntơưr thiêx li pov tsi taz por, pir li trôngx vas tsi muôx xor hlâu, lok sik nja trôngx vas tsuv kir ar chiê cxiv uô tsuv muôx 2 tsưr ziv uô. Iz zos khưx phưx cov taz por, oz zos cxiv đuô cov truôx tsi tâu mak tsuv ruôr por tsês chiê cxiv yiêz”.

          Qir thơưx qênhz yuôx tso pov, huyện Bảo Thắng nhiv no muôx nhos 10 côngz tsinhx tsêr cơưv, qar cơưv cxiv truôx cxôngx têx shông 80 thế kỷ tov ntêx thiêz muôx ntâu côngz tsinhx zâu tưz tâu ntâu shông tsi muôx ntâuz ntơưr xar tơưv cxiv uô. Bảo Thắng tsênhv zos huyện thax tsav kis, tâu yưv pênhr uô nzor viv li muôx ntâu côngz tsinhx tưz tâu uô ntâu shông lok no. Tas nro têx côngz tsinhx no zuôr tâu tsov cưv txos đuô, zos taz por mak tror zôngv tâu tsi ruôr por tsês cê uô lav phêv, cê uô zênhr shar txos têx tsêr cơưv li tsưr ziv kriê thiêz cơưv ntơưr.

          Zơưv Nguyễn Thế Dũng, Phưv giám đốc Sở zaoz zux tỉnh Lào Cai puz pâuz, nhiv kruôr đhâu, Sở li 3 đoanx côngz xưv tưz muk qênhz yuôx, chox kriê qênhx shênhx tsênhv tsênhz ntơưv têx huyện, thành phố, thị xã. Tsênhz mênhx tso pov hâux lưv taz por tsêr cơưv ntơưr nhoz tiv phaz tox siêz li Lào Cai tsênhv phêv liv. Xuz thơưx zos tox siêz, ar têz nxaz, khênhr muôx ntux nas ruôr hiêv. Đrâuv co, đros thiêz Lào Cai li têx sir jos txos nhiv no tas nro tỉnh phênhv ntâu tsi yuôr tsêr cơưv lav uô mak hlôngr co zos têx tsêr cơưv jông đuô, taz sik taz por mak zos iz hâux lưv phêv liv, tiv zix zos nhoz têx tsêr cơưv mê nhoz đêz tâu cxiv uô cxôngx xã hội li pênhr paz txưv, pênhr tsơưs:

          Pir li muôx têx qơư qar tiêx tsuôk luôv xi măng, nja trôngx vas mak tsi cxiv uô truôx jông mak tsuôk zôngv xor hlâu B40 xor their. Đrâuv co, têx shông tov ntêx tsênhv muôx iz cxiê tsêr cấp 4 lok sik tsêr zôngv xor hlâu uô zos têx tsaz yênhx, têx lênhx nênhs siêz jông yưv pênhr, đhâu six hơưv sir zôngv tưz trâus puôk tsuôx ntâu...

          “Têx côngz tsinhx no txơưv tsi lox, taz sik muôx txux zôngv lox đros têx tsêr cơưv nhoz đêz, paz coar lik, por vêv chuôz zênhx thiêz shux xênhz. Nhiv no, têx côngz tsinhx no tsênhv paz tsêr cơưv, taz sik lêx ntêr mak zuôr tsi taz por tsuv tâu hlôngr yiêz. Nhiv no pêz cux tsênhv ntâus grê, zos tsi taz por mak tsi zôngv thiêz”.

          Cux lơưr zơưv Nguyễn Thế Dũng, đrâuv seiz car côngz tsinhx, nganhx zaoz zux heik têx tsêr cơưv tsuv chuôz tsar jênhv pâuz, ntâus grê têx njuôs xav tsi taz por, muôz siêz chêx cuk coar lik shux xênhz, txơưv đros tiv phaz muôx 600 ntâu tsêr cơưv lox thiêz yênhx cxênhz tsêr cơưv mê tsênhv yuôr ntâu phêv liv li Lào Cai, hâux lưv no zos iz phêv liv tsi zos zôngx ziv uô tâu./.

(An Kiên- Txâur Vax cxeik nhênhv)

Quyết định 132 tsov cưv yưv pênhr cxiv uô têx côngz trênhx, tu ar uô nox thiêz ar nhoz (17)

Heir nênhs tsơưs li vax huôv zos lênhx tiz nênhs li iz hâur têx vax huôv zov chênhr, tâu chei têz qơưk VN côngk nhav. Tsênhz tiês, tsôngv box heir nênhs tsơưs ziv hnuz ziv muôx ntâu zav huôv tsar jông, paz trâu têz qơưk cêr huôv tsar lok cxuô zav, paz phênhv huôv tsar truôx têz qơưs. No cux chênhr zos cxươz cxiz heir nênhs tsơưs li vax huôv heik taz thiêz lênhx tiz nênhs VN vax huôv heik cxuô.

Têx shông đhâu, têz qơưk VN fuô uô ntâu tsênhv chei paz max tsôngv box cxuô heir nênhs tsơưs uô trơưk têx chei: pox niêv, txir nênhx vax huôv siz luôs, gra siêz luz nênhx nox nhoz, jux juk uô trâu cxuô heir nênhs muôx cêr sik thôngx siêz, siz hluz siz paz sik đros huôv tsar cov sđ muôx luz nênhx tsâu sor, vav mênhx đuô. Lar heik zos: Quyết tinhv 132 tsov cưv trâu yưv pênhr uô têx côngz trênhx, tu ar uô nox, ar nhoz trâu tsôngv box heir nênhs tsơưs.

Tsênhv chei paz ar nhoz, ar tsêz chos kôngz lôngk tưz đơưk tâu chor chuôz zis tsôngv box heir nênhs tsơưs muôx luz nênhx txov nhêv, px nhoz nhoz têx suôv qơư khênhr trâul ntux nas uô ruôr hiêv …. paz truôx tuk iz phênhv têx px hêik sâu muôx luz nênhx truôx tuk. Txix ntơư tưz txo grêk tsês jux juk chor nênhs khiêr têz khiêr qơư, ntor luôx uô ruôr hiêv jôngr tsik trơưk chêi.

Tsôngv box heir nênhs tsơưs tâu muôz ar nhoz, ar uô nox, tâu uô tsưr sâuv zuk thax tsav qơư nhoz, viv li tưz shir phaz, tso siêz huôv tsar uô nox uô hnar, jux juk hla đhâu yeiz pluôs, truôx tuk luz nênhx; muôx kênh suôv qơư tưz muôx yưv têx tsưr ziv huôv tsar uô nox tâu trơưk têl. Lar heik, tsênhv chei no li têx uô tâu tsi tiêk đros đơưk têx phiv liv, cêr txov uô ntêx, buôk ti paz max trâu cxuz cêr yeiz pluôs, huôv tsar uô nox reik đros côx phax mak tsênhv muôx liv jông lok chính trị-XH, paz truôx tuk txiv ngaz chính trị-XH; uô muôx nzir cêr sik thôngx siêz nhoz cxuô heir nênhs, uô trâu px njênhs njôngr lok Đảng, têz qơưk chei chox car, fuô kriê.

Lar heik li ntơưv Thanh Hóa. Shông 2013, Ủy ban tỉnh Thanh Hóa quyết tinhv choz 10 tyv đeiv nhiêx chiê uô siv dưv anr choz jôngr, ntiêr jôngr ntông reik đros trâu choz ar, ntiêr ar har jôngr hâur thax tsav huyện Thường Xuân. Đhâu zuôr xar 8 shông fuô uô, phênhv ntâu têx jôngr ntông nhoz Thường Xuân tưz tâu por hưv, tsôngv px luz nênhx jux juk hlôngr yiêz, cxuz cêr yeiz pluôs.

Xưk li zơưv Đỗ Văn Hoan, Phưv Chủ tịch Ủy ban huyện Thường Xuân, tỉnh Thanh Hóa: Choz ar, choz jôngr paz px bax tâu hâur luôs hâux lưv por hưv, huôv tsar kinh tế txix jôngr ntông:

“No zos tsênhv chei tâu tsôngv px sđ jông siêz, thôngx ziv đros, muôz jông six hơưv trâu huyện Thường Xuân cxuz cêr yeiz pluôs. Thâuv ntêx, Thường Xuân muôx txos 52% chuôz zis pluôs, đhâu zuôr xar 10 shông, chor chuôz zis pluôs tsuôk yuôr 4% ntâu. No zos iz kro jông, hâur co khov muôx tsênhv chei choz ar, choz jôngr trâu px”.

  Choz jôngr, choz ar, muôz ntơưr côngk nhav sir zôngv ar har jôngr zos iz tsưr ziv, chei uô huv đros. Thâuv têx har jôngr muôx tsưr, muôx nênhs seiz car, zuôr paz por hưv, huôv tsar kinh tế, XH ntơưv qơư, cxuz cêr yeiz pluôs reik đros trâu cxiv tsa jêx jok yiêz./.

(VOV4-Riê Lâux cxeik, nhênhv)