Mộc Châu chuv tôngv phax tar no trâu tsoz chos, tsiêx tu zus

          Tix lâuk Nguyễn Văn Sáu Chuôz zis, nhoz tiểu khu 12, xã Tân Lập, huyện Mộc Châu, tỉnh Sơn La nhiv kruôr kho đuô guôx cơư chuôz zis li 14 tul nhux. Cxôngx qiv hơưv li têx txơưr txar, tix lâuk chuôz zis tưz zuôr ntâuz tax lok their iz ndis guôx tu zus; thôngx cxix cxênhx tsês jâuz tâux trâu nhux nox. No zos têx zav nox muôx ntâu tsơưr pưr thiêz zôngx ziv cxênhx tsês hâur cheix ntux no. “Hâur cheix ntux no cux bax jâuz tâux cxênhx tsês, tiv oz zos krâur thiêz đrox nxư. Lok cheix ntux no mak their guôx thiêz puz nhux nox cxaz têx zav nox txơưr”.

          Tsôngv box nhoz Tân Lập thâuv ntêx khênhr tso tsiêx cxu, viv li khênhr muôx qênhx shênhx nhux trâus tuôs no, uô ruôr hiêv lox txos pox nhuôs li kinh têr. Cxôngx qênhx shênhx co, cấp ủy, chính quyênx tiv phaz tưz sir jos chêx chôngk yax mông, yênhx trus muôz siêz tsôngv box li jênhv pâuz, cux xưk li hlôngr yiêz cêr cor cav. Tix lâuk Vũ Hoàng Khánh, cán bộ cxuêz kôngz xã Tân Lập, huyện Mộc Châu puz pâuz: “Pêz yax mông vênhv tôngv pox nhuôs chaz nhux lok cơư hâur guôx, chêx chôngk their guôx cov jông, chos đrox nxư chiê cxênhx tsês jâuz trâu nhux, thâuv hleik blêx tas khơưk tsês têx hnhaz blês trâu nhux nox”.

          Sâuv thax tsav huyện Mộc Châu nhiv no muôx 10 cxênhz ntâu hecta tsoz ntông nox txir, 3000 hecta jâuz tâuv cxuô zav. Zơưv Lê Anh Dũng, Phưv giám đốc Tsênhv qơư kỹ thuật kôngz nuv huyện Mộc Châu puz pâuz, chiê tir tar đâuk tê trâu tsoz chos, tsênhv qơư tưz heik kriê tsôngv box zuôr ntâuz tax lok their trâu tsoz chos, tiv zix zos tsoz txir khơưz, chiê por vêv tsoz chos viv qiv hơưv txơưr txar: “Tsoz chos mak pêz tsênhv uô siv têx tsưr ziv thiêz zôngv ntâuz tax their têx tsoz chos tsiv grê kinh têr siêz. Yuôr tsoz ntông nox txir mak sir zôngv ntâuz tax vor tir tar đâuk tê, cov tsoz chos txi txir nju”.

          Chính quyênx tiv phaz li hâux lưv chuv tôngv, sir jos hâur chox kriê côngv đros tsôngv box li siêz chiv chir phax tar ntux no trâu tsoz chos, tsiêx tu zus zuôr paz txu grês têx trâus ruôr hiêv tiv qiv hơưv no njiv, taz por huôv tsar kôngz nuv truôx vênhs./.

(CTV Đức Cường- Txâur Vax cxeik nhênhv)