Pêx xênhv jok Ngoa tso siêz txos qơư nhoz yiêz ngaz tuk

Pêx xênhv nhoz jok Ngoa, xar Phúc Sơn, thị xar Ngĩa Lộ cux tsênhv ndo njôngr txos tsik plox jiês đêx ngaz cuôr lịch sử thâuv hli 10/2017. Đêx huôv đax rur cuôr đros têx ar, poz jêz thiêz shông ntông lok tưz cuôr thiêz cxuz tas nro têx kôngz lông thiêz lênhx nênhs. Niêv tix Lường Thị Xoa, nhoz jok Ngoa puz pâuz, đhâu jiês đêx ngaz cuôr co, oz pêz shông đhâu, txos trâu chêix ntux nas mak lênhx tưs cux cxơưx. Đhâu ntâuk shông nhoz tok, hli zuôr txos no, niêv tix chuôz zis zuôr kriz uô cxiv tsa tsêr yiêz trâu ntơưv kror qơư nhoz yiêz, hok kror qơư nhoz kuz no mak zuôr tâu zôngv chiê uô liêx têz:“Têz qơưk tsưx phưv txos chiê nhoz ntơưv kror qơư yiêz siêz đuô mak cux tso siêz đuô lơưv. Khơưz plas thiêz cxiv uô tâu tsêr yiêz mak pêz zuôr njêis yêv muk nhoz ntơưv co”.

Qơư nhoz yiêz niêv Xoa ziv chuôz zis txar lok nhoz đar muôx 3 héc ta ntâu, tâu cxiv tsa uô đhâu jiês đêx ngaz cuôr lịch sử shông 2017. Txos nhiv no tas nro plas tsêr thiêz tênhv tênhz, cêr tưz tâu cxiv uô cxix cxuô, tok 52 ziv chuôz zis txar lok nhoz. Xav mak iz chuôz zis tâu phêiz txix 180 txos 200 thiêr ndis ar chiê uô tsêr nhoz. Tix lâus Hoàng Văn Duyên, nhoz jok Ngoa puz pâuz: đhâu thâuv tâu paz ar nhoz, tix lâus chuôz zis tâu pox nhuôs hâur jêx jok paz uô đuô luz tsêr ntông chiê nhoz. Pir li qơư nhoz kuz, ar grêiv đuô, taz sik no zos kror qơư nhoz ngaz tuk tiv zix, tsik cxơưx ntâu thâuv tưs txos chêix ntux nas chuô lơưv:“Txar lok ntơưv kror qơư nhoz yiêz no pêz lok six tso siêz, truôx siêz chiê uô nox viv ntơưv qơư nhoz kuz mak lok six nyêi tsav muôx đêx ngaz cuôr, đruôz hnuz mak tsik cxơưx luôx tưs, hmo ntux mak hax zav cxơưx đuô”.

Ntơưv qơư nhoz yiêz, phênhv ntâu têx chuôz zis ruôr zuk têx tsêr kuz chox lok uô đuô. Chor chuôz zis muôx đuô mak cxiv uô tsêr yiêz nhoz. Zơưv Hoàng Văn Yên tưz muôx 70 shông nhoz ntơưv kror qơư nhoz kuz, nhiv no tâu txar lok ntơưv kror qơư nhoz yiêz hêik:“Txar lok nhoz ntơưv no mak cur lok six tso siêz. Muôx ntux nas chuô lok cux tsik cxơưx lơưv. Lok ntơưv no mak jêx jok, têx tuz nhuôs cux paz uô tsêr chiê nhoz”.

Zơưv Hoàng Văn Hải, Phưv chủ tịch Ủy ban xar Phúc Sơn, thị xar Nghĩa Lộ puz pâuz: Qơư nhoz yiêz jok Ngoa, xar Phúc Sơn tâu kriz uô lơưr Hôiv đôngx tỉnh li Nghị quyết, txix tsưr ziv sir zôngv xar li cuiv ar 5% chiê uô qơư nhoz trâu chor chuôz zis njiz trâus ntux têz ruôr hiêv. Hâur co, têz qơưk paz uô plas tsêr, cêr muk lok, cưx đêx chiê đêx ntưk thiêz tênhv tênhz têz qơưk; paz nhiêx txiêx txar qơư nhoz 15 triệu đêiv thiêz paz khơưz kror đêx trâu yênhx ziv chuôz zis:“Đhâu thâuv tâu phêiz ar mak pox nhuôs cux tưz txar lok nhoz. Chor qơư phiv liv mak pox nhuôs tưz txar tas lok lơưv. Nhiv no muôx 52/97 ziv chuôz zis tưz txar lok nhoz, chor chuôz zis tsênhv yuôr mak zuôr sir jos txar lok nhoz ntơưv kror qơư yiêz hâur uô ntêx tsiêz”.

Lơưr tsưr ziv, txix nhiv no txos tas shông, qơư nhoz yiêz zuôr tok tas nro chor ziv chuôz zis ntơưv qơư nhoz kuz jok Ngoa lok trâu qơư nhoz yiêz, paz trâu pêx xênhv truôx tuk luz nênhx, cov taz por ngaz tuk thâuv tưs muôx ntux nas chuô, đêx ngaz cuôr./.

(Đinh Tuấn-Lik Thox cxêik nhênhv)