Jax thưr 6, hnuz 18/11/2016:

Qơư chi cax nhoz ntus đriv Lai Châu

    Thax tsav qơư muôx ndêx cxok kuôk cêv đriv têz số 64+1 ntơưv jok Na Sa Phìn, xã Huổi Luông hnuz no chôngz lênhx thiêz lov jêv đuô thâuv muôx zuôr xar 100 lênhx shux xênhz cxuô heir nênhs tsơưs hâur thax tsav tuôx seiz shuôs.

    No zos jiês cơưv cxaz, tsêr cơưv phưv thôngz mênhx cxưx chêx chôngz niêv txir zus mor lok zos Phổ thông dân tộc nội trú niêv txir zus mor cxênhx 2 Huổi Luông đros zênhx pênhz phax tsưr tsix. Ntơưv no, têx nhuôs shux xênhz tâu chor tuz lênhv pênhz phax heik kriê lok sâuv tsưr ziv xav tinhv đriv têz, ndêx cxok kuôk cêv ntus đriv, thax tsav  qơư thiêz têx pâuz tâu lok chor ndêx cxok kuôk cêv đriv têz VN-Trung Quốc; shux xênhz hâux lưv, vax huôv hâur đros por hưv têx đriv têz, ndêx cxok kuôk cêv ntus đriv, por hưv jôngr ntông hâur thax tsav. Ly Xênhv Lik, shux xênhz lớp 7A3, tsêr cơưv Phổ thông dân tộc nội trú niêv txir zus mor, cxênhx 2 xã Huổi Luông heik pâuz:

    “Chor tuz lênhv pênhz phax thiêz hâu nov ntơưv qơư tsi so kriê trâu pêz lok sâuv têx tsưr ziv tsưx phưv đriv têz, ndêx cxok kuôk cêv ntus đriv thiêz por hưv jôngr viv li pêz cux uô trơưk. Iz zav li thâuv muk txiêr tơưk jê đriv têz têx, pêz tsuv txiêr chor tơưk kruôr xưz, tsi tâu txiêr têx ntông nhôngk, chiê nưk nhoz nưk uô jôngr”.

    Trơưk li cưk kriê ntơưr Nguyễn Đình Trường, thơưx seiz car tsêr cơưv Phổ thông dân tộc nội trú niêv txir zus mor, cxênhx 2 xã Huổi Luông, têx jiês tsưr tsix cơưv cxaz li no tâu zênhx pênhz phax Huổi Luông hux jos đros tsêr cơưv tsưr tsix iz hliz iz jiês thiêz tưz uô đreiv tâu 3 shông ntâu lok no. Co tâu seiz zos jiês cơưv cxaz lok six jông, viv têx nhuôs shux xênhz tâu pâuz txos têx tsưr ziv lok zuk đriv têz thiêz cxênhx hluôk vax huôv, hâux lưv đros por hưv ntus đriv, ndêx cxok kuôk cêv đriv têz, tuôr truôx txiv ngaz nhoz zuk jêx jok:

    “Hâur six hơưv đhâu, tsêr cơưv tưz đros zênhx pênhz phax muk yax mông, fuô kriê têz qơưs têx chei, lar heik zos chei lok sâuv txiv ngaz đriv têz têz qơưs. Đhâu luôs hâux lưv yax kriê, têx canr bôv, cưk kriê ntơưr thiêz shux xênhz hâur tsêr cơưv tưz pâuz cxaz nzir lok têz qơưs têx chei, cui tinhv đriv têz, poz hiêr. Thiêz cux thôngz đhâu hâux lưv no, chor nhuôs shux xênhz muk heik kriê, vênhv tôngv tsôngv box sđ hâur têx jêx jok, têx nênhs cxênhz jê đros tsưx phưv, tuôr truôx txiv ngaz ntus đriv têz qơưs”.

    Huổi Luông zos huyện Phong Thổ, tỉnh Lai Châu li xã pluôs, txov nhêv, muôx 23 jok, zuôr xar 1.300 chuôz zis, 7 cxênhz ntâu lênhx nênhs, phênhv ntâu zos tsôngv box Hmôngz, Cho thiêz Hà Nhì uô nênhx nhoz. Ntâu shông đrav ntêx, muôx tsi tsơưs txuz uô tsi truôx tuk thax tsav qơư nhoz. Qir tiv phênhv ntâu zos sđ tsi yuô tâu pâuz thôngz lok têz qơưs têx che, têx nênhs fêv khênhr liv zôngv têx li heik co chiê uô têx nuv tsi trơưk chei. Xav tinhv tâu têx muôx tsênhz li heik ntơư, luôs hâux lưv yax mông, fuô kriê têz qơưs têx chei, cui tinhv, uô ntêx zos têx shux xênhz hâur têx tsêr cơưv tâu canr bôv, têx tuz lênhv zênhx pênhz phax Huổi Luông moz siêz txos. Thiếu tá Phạm Thanh Tùng, Chính trị viên zênhx pênhz  phax Huổi Luông heik:

     “Zênhx pênhz phax Huổi Luông tưz fuô uô jông hâux lưv yax kriê têz qơưs têx chei txos trâu chor cưk kriê ntơưr thiêz têx nhuôs shux xênhz. Hâur six hơưv zuôr txos mak têx tuz lênhv Zênhx pênhz phax Huổi Luông zuôr sir jos uô jông đuô luôs hâux lưv no chiê fuô kriê txos trâu tsôngv px sđ pâuz to tâuz lok têx chei, cui tinhv têz qơưs. Thiêz txix ntơư chor  cưk kriê ntơưr, shux xênhz tsôngv box sđ hâur tas nro thax tsav xã gra siêz txux chi tsưr ziv jênhv pâuz lok têz qơưs têx chei thiêz uô tâu jông trơưk”.

    Đros trâu hâux lưv tâu pâuz cxaz nzir lok têz qơưs têx chei, cui tinhv, lar heik zos chei lok sâuv têx vax huôv, hâux lưv tsưx phưv têz qơưs, têx lênhx shux xênhz thiêz tsôngv box sđ hâur huyện ntus đriv Phong Thổ ziv pâuz tsênhz txos zuk vax huôv, hâux lưv uô hâur đros por hưv txiv ngaz ntus thiêz ziv uô trâu sđ muôx siêz nhiêv têz nhiêv qơư, đros tsưx phưv truôx jông têz qơưs./.

                                         (Khắc Kiên-Riê Lâux cxeik, nhênhv)

Phênhv thưr 6.18.11.2016:

PHÊNHV TSÊNHV CHEI THIÊZ LUZ NÊNHX

Bộ Laox xã hộiv heik kriê iz cxiê njiêz luv tsi tâu huv đros thâuv uô trơưk chêi BHXH

          Lok sâuv kho moz gênhs:

          Nênhs lox tôngv zos lênhx nênhs tsuv thêv nhiêx BHXH trâu cuiv moz gênhs, xênhz zus nhuôs trâus moz gênhs, txiêz nanv mak tsi zos txiêz nanv lox tôngv lok sik tsuv so hâux lưv chiê tsoz phưz mê nhuôs tsi tâu muôx 7 shông trâus moz gênhs mak six hơưv so cxôngx 14 hnuz ndê mul hâur hli (muôx lênhx nênhs so hâux lưv tsi sơưv nhiêx hli) mak phênhv chế độ moz gênhs tâu xav lơưr phênhv nhiêx hli thêv BHXH hâur hli uô ntêx thâuv so hâux lưv. Têx luz hlik lơưr co lơưr NLĐ zos tror moz gênhs thiêz tsuv so hâux lưv mak phênhv tâu sơưv moz gênhs tâu xav lơưr nhiêx hli hâur hli chiê thêv BHXH tưz thêv hâur hli uô ntêx thâuv so hâux lưv.

          So thâuv xênhz zus mê nhuôs:

          - Nênhs lox tôngv zos pox niêv muôx mê nhuôs nzeiz hâur chêr thâuv xênhz zus muôx mê nhuôs trâus tuôs lok sik tuôs hâur plaz lok sik tas nro 2 tul mê nhuôs puôr lênhx tuôs mak tâu paz txưv iz jiês xênhz lơưr cui tênhv ntơưv grê 38 chêi BHXH tâu xav lơưr mê nhuôs tâu xênhz zus lol, hâur co muôx tul mê nhuôs trâus tuôs.

          - Lơưr cui tênhv ntơưv khoản 3, grê 31 chêi BHXH mak lox tôngv zos pox niêv tưz thêv nhiêx BHXH txưv 12 luz hlik ndê mul mak thâuv muôx mê nhuôs hâur chêr tsuv so hâux lưv lơưr qơư seiz njuôs moz muôx qênhx li luk heik kriê chiê tsoz phưz mê nhuôs hâur chêr tsuv thêv nhiêx BHXH txâuk 3 luz hlik ndê mul hâur six hơưv 12 luz hlik uô ntêx thâuv xênhz zus mê nhuôs. Chêi BHXH thiêz têx ntâuz ntơưr heik kriê tsi cui tênhv six hơưv so chiê tâu sơưv chế độ lơưr theox chênhv cui tênhv heik sâuv.

          - Paz txưv iz jiês thâuv xênhz zus nhuôs zos txir cxaz chuôz BHXH lơưr grê 38 Luật BHXH , niêv tsi muôx txâuk theox chênhv sơưv chế độ xênhz zus nhuôs, taz sik txir muôx txâuk tâu cui tênhv ntơưv Bộ lox tôngv saz pênhz thiêz xã hội li ntu 2, grê 9 Thông tư số 59/2015/TT-BLĐTBXH hnuz 29/12/2015.

          - Ntu 6, grê 34 chêi BHXH cui tênhv zos muôx txir cxaz chuôz BHXH mak niêv trâus têx tsi jông thâuv xênhz zus nhuôs, tsi muôx txâuk đas jos tsoz phưz mê nhuôs lơưr qơư seiz njuôs thiêz kho moz muôx qênhx li xav jênhv mak txir tâu so hâux lưv sơưv chế độ xênhz zus nhuôs txos thâuv mê nhuôs txưv 6 luz hlik, tsi tsov lơưr six hơưv tưz thêv nhiêx BHXH.

          - Lox tôngv zos txir nênhx tsênhv thêv nhiêx BHXH lol cuiv moz gênhs thiêz xênhz zus nhuôs thâuv pox niêv xênhz nhuôs tâu so hâux lưv sơưv chế độ xênhz zus nhuôs lơưr cui tênhv khoản 2, grê 34 chêi BHXH mak tâu so hâux lưv ntâu jiês taz sik tas nro six hơưv hnuz nhôngs so co tsi so đhâu six hơưv hnuz nhôngs cui tênhv.

          Six hơưv so hâux lưv sơưv chế độ xênhz zus nhuôs đros lox tôngv zos txir nênhx xav hâur six hơưv 30 hnuz xuz thơưx cxôngx hnuz pox niêv xênhz zus mê nhuôs, đros thiêz lênhx nênhs so ntâu jiês mak six hơưv so cux xav hâur 30 hnuz cxôngx thâuv pox niêv xênhz zus mê nhuôs.

          - Six hơưv ntâu tiv zix so chiê tsoz phưz đas jos thâuv xênhz zus nhuôs cui tênhv ntơưv khoản 2 grê 41 chêi BHXH tâu xav trâu iz shôngk, cxôngx hnuz xiêz 1/1 txos hnuz 31/12 hâur shông.

          Six hơưv xav chiê sơưv chế độ tsoz phưz đas jos tâu xav lơưr six hơưv nênhs lox tôngv so hâux lưv tsênhv tsênhz muôx têx hnuz ntênhs, hnuz tsiêz, hnuz so hâur yênhx ciêz thiêz..../.

                 (Thanh Thủy- Txâur Vax cxeik nhênhv)