Lai Châu bax phax tar ntux no trâu tsiêx cxu

Tix lâus Chỉnh Xênhv Vax nhoz jok Sin Suối Hồ, huyện Phong Thổ, tỉnh Lai Châu chor shông jê lok no đrâuv yưv pênhr huôv tsar paz buô tsênhv zus nzir xar muôx 10 tuk tưv chiê zôngv đas jos thiêz paz muôx nzir phênhv sâu trâu chuôz zis. Đros chor chuôz zis txơưr đuô hâur jêx jok, hâux lưv phax tar ntux no trâu paz tsiêx cxu tưz tâu chuôz zis kriz uô ciês thâuv hâur chêix ntux no. Chor hnuz no, tix lâus đros pox niêv kho đuô têx tsêr guôx, chox chor tưv pêz har jâuz lok cơư chiê sêiz shuôk tu zus. Đros uô cov plas tsêr siêz kruôr krơưr, tix lâus chuôz zis cux tưz bax txâuk jâuz nox taz por trâu paz tưv nox hâur chêix ntux no. Tix lâus Chỉnh Xênhv Vax hêik:

“Chiê tưv tsik trâus tuôs li thâuv têx, cur chuôz zis tưz tsês jâuz nox trâu tưv thiêz thêir vor tsêr guôx cov truôx khor thiêz uô sor trâu tưv thâuv ntux no. Thôngx cxix tsik so qêz suô tsêr guôx cov hur si, tsik chiê ntuz đêx…”

Nhoz siêz muôx 1.600 yiv pir lir đêx hiêr, xã Sin Suối Hồ, huyện Phong Thổ muôx qiv hơưv phiv liv, jêx tưv hâur shông kik, tiv zix zos chêix ntux no tsik so muôx yưv no chênhr, no njiv. Chiê paz pêx xênhv por vêv paz tsiêx cxu sâuv thax tsav, chính quyền tiv phaz tưz xav tsưr ziv chiê tso nênhs lok têx jêx jok, kriz uô tsưr ziv phax tar ntux no trâu nhus tưv thiêz cxuô zav tsiêx.

Txos nhiv no, 100% ziv chuôz zis muôx nhux tưv nhoz xã tưz thêir vor têx tsêr guôx truôx jông, tsik chiê yâu chuô, cux li chox tsiêx cxu pêv har jâuz lok tsêr. Đuô li, pox nhuôs cux chos nzir 25 ha tâux thiêz tsês zav nox hmôngr chiê taz por muôx txâuk zav nox trâu txiêx cxu hâur chêix ntux no. Zơưv Lùng Xênhv Shôngx, phưv chủ tịch UBND xã Sin Suối Hồ, huyện Phong Thổ hêik:

“Pêz phêiz côngz chor cán bộ, nhân viên muk kriê pox nhuôs uô tsưr ziv phax tar ntux no. Hêik pox nhuôs tsês chiê zav nox trâu nhux tưv, cxax yuôx phax moz cxix cxuô. Tiv zix zos chêix ntux nas tsik tso tsêx cxu muk zus pêv têx har jâuz”.

Nhiv no, Tas nro tỉnh Lai Châu muôx paz tsiêx cxu zuôr xar 350 cxênhz tuk, hâur co tưv xar muôx 120 cxênhz tuk. Tiv pêx xênhv nhoz no cux tsênhv zus lơưr tsưr ziv tso yar, viv li shông tưs tỉnh Lai Châu cux muôx nhux tưv trâus tuôs no, têx shông chor nhux tưv tuôs muôx yênhx cxênhz tuk, tsik tsơưs chuôz zis chor tsiêx cxu trâus  tuôs tas hur si. Chiê por vêv pox nhuôs chor tsiêx cxu hâur chêix ntux no shông no, chi cục tu zus thiêz thú y tỉnh Lai Châu tưz chox kriê chor taz viv uô hâux lưv nhoz cấp huyện, chuôz cxaz yax kriê hêik pêx xênhv tsês chiê zav nox trâu tsiêx cxu; kho đuô, thêir vor têx tsêr guôx cov jông, tiv zix zos tsik tso yar tsiêx cxu chor hnuz ntux no chênhr no njiv.

Zơưv Phạm Anh Hùng, chi cục trưởng chi cục tu zus thiêz thú y tỉnh Lai Châu puz pâuz:

“Chi cục tu zus thiêz thú y tưz hêik trâu Sở kôngz nuv hêik trâu UBND tỉnh tso tơưv chỉ thị 16, tsênhv njiêz chênhr zos choz trâu UBND chor huyện thiêz Sở kôngz nuv sêiz kaz jông qênhx shênhx qiv hơưv txơưr txar chiê hêik trâu pêx xênhv pâuz phax tar ntux no trâu tsiêx cxu. Tiv oz zos chox kriê, hêik pex xênhv tsês chiê zav nox trâu tsiêx cxu…”

Lơưr tsênhv qơư njuôk qiv hơưv Trung ương, hâur chiv tsâus yiêz 2017-2018, ntux no txos lis đuô thiêz têx jâuv zuôr muôx yưv chor jiês no chênhr, no njiv truz ntêr txix 7-10 hnuz. Viv li, chiê por vêv paz tsiêx cxu sâuv thax tsav, chính quyền thiêz chor cơ quan txơưx jênhv tỉnh Lai châu tsênhv đros pêx xênhv kriz uô chor tsưr ziv phax tar ntux no trâu tsiêx cxu thiêz tsoz chos; hâur co tsov cưv txos tsês chiê zav nox, kho đuô têx tsêr guôx thiêz cơưv tsiêx cxu chiê zôngx ziv trâu tsoz phưz, tu zus./.

(Khắc Kiên-Lik thox cxêik nhênhv)

Phuôx huiz hluôk nênhs li cêr uô ntêx nyuôs hâur cxuô luôs hâux lưv.

Hâur ntu đhâu, phôngz yaox “hluôk nênhs uô têx nuv jông siêz” uô tâu jông, uô trâu XH moz siêz, thôngx ziv paz, đros thiêz 16 tsov lênhx hluôk nênhs cxaz chuôz. Hâur ntơư, chêx tsôngk lok sâuv cxiv tsa jêx jok yiêz, ciêz đrôngs vav mênhx, taz por txiv ngaz, ngaz tuk zoz thôngz, vêv xênhz tênhx qơư, phax tir thêir ntux txơưr txar, ntux uô ruôr hiêv, chuôz cxaz đas jos paz têx shux xênhz tưr thik ntơưr, paz têx lênhx nênhs muôx moz gênhs, tso nyar jông siêz, tsoz phưz đas jos côngv thôngx, yax kriê lok vêv xênhz ngaz tuk zav nox........ Phôngz yaox uô têx nuv jông siêz zuôr zos iz hâur têx phôngz yaox chênhr tâu hluôk nênhs fuô uô hâur 5 shông zuôr txos. Chênhr viv li, chiê tror uô tâu jông hluôk nênhs têx luôs hâux lưv li heik sâuv, iz cxiê lênhx đại biểu heik, tsuv hlôngr yiêz tsưr ziv uô têx nuv ntơư. Niêv lâuk Trần Thị Ngọc Trinh, Bí thư huyện đoanx Bến Cầu, tỉnh Tây Ninh heik:

“Chiê phôngz yaox uô têx nuv jông siêz ntơư nthuôr uô đêz đar txos trâu cxiê qơư hâur six hơưv zuôr txos, mak cur xar, pêz tsuv  phuôx tôngv phôngz yaox “six hơưv uô têx nuv jông siêz” chiê seiz shuôk têx hluôk nênhs li six hơưv tsênhv tsênhz cov uô tâu jông hur si têx hâux lưv no. Cur xar, T.Ư tsuv muôx tsưr ziv chox kriê hur si têx cơ sở đoanx sik đros uô li heik sâuv chiê phôngz yaox uô têx nuv jông siêz hâur 5 shông zuôr txos uô tâu jông trơưk tsưr ziv, siêz xar”.

5 shông đhâu, đoanx tưz vênhv tôngv thiêz tsưr tsix trâu 5 tsov ntâu lênhx hluôk nênhs uô têx nuv por hưv tênhx qơư nox nhoz, phax tir thêir ntux txơưr txar. Têx hâux lưv por hưv tênhx qơư, qêz suô têx kiêk nênhs, vuôz tsuôz, por hưv hâur đêx, têx đêx ntơưv qơư tâu fuô uô jông. Ntâu trâur nuv ntơưv côngv thôngx hâur por hưv tênhx qơư tâu nthuôr uô đar li: Cxiv tsa côngz trênhx đêx hur, cxiv uô qơư hlơưr vuôz tsuôz, kiêk nênhs; qêz suô, xưv lik têx kiêk nênhs; uô hur têx đras liêx ntơưv qơư nhoz..... Iz chas têx luôs hâux lưv uô tâu, hâur six hơưv đhâu, hâux lưv yax kriê zoz zux chiê gra siêz txux chi, tsưr ziv trâu canr bôv, têx hluôk nênhs tsi yuô tâu moz siêz txos. Iz cxiê lênhx hluôk nênhs tsưr ziv, siêz xar hâur cxaz chuôz uô têx nuv chơưv paz chor nênhs trâus moz trâus saz, njiz trâus têx tsi jông....tsênhv uô tsi yuô tâu. Tix lâus Nguyễn Huy Long, Tsar ban hluôk nênhs Quân khu 4 heik:

“Pêz tsuv uô jông luôs hâux lưv fuô kriê, sir jos choz kriê chiê gra siêz txux chi tsưr ziv jênhv pâuz lok por hưv tênhx qơư. Cxuô cấp, cxuô ngênhx, lar heik zos nhoz têx thax tsav qơư tsuv muôx tsưr ziv tsưr tsix uô tâu jông tsênhv njiêz no. Lar heik, hluôk nênhs lênhk nhav uô têx zav nuv tưs thâuv muôx hâux lưv. Lok zos T.Ư đoanx muôx tsưr ziv heik trâu Chính phủ paz lok têx chuôz zênhx uz no chiê hluôk nênhs cxuô thax tsav qơư uô tâu jông luôs hâux lưv zok muôz”./.

(TTT-Riê Lâux cxeik, nhênhv)