Yên Bái sir jos uô cov muôx tâu iz ntu “shir phaz”

Hâur oz shông ntâu đhâu, phongz yaox hnuz thưr 7 đros pêx xênhv tưz zos yênhx cán bộ, đảng viên nhoz Yên Bái iz kror hâux lưv uô tsik so. Têx hnuz kaz ciêz muôx tsiv gri co, chor cán bộ, đảng viên txix cấp tỉnh, txos cấp huyện, cấp xar, jêx jok muôx six hơưv tưz tsik zos đros pêx xênhv uô hâux lưv mak tsênhv mnôngs njôngr pêx xênhv têx siêz xar, txix co muôx têx tsưr ziv uô huv đros trâu pêx xênhv siêz. Zơưv Nguyễn Minh Tuấn, Tsar ban Tuyên Giáo Tỉnh ủy Yên Bái puz pâuz: Chor nênhs lênhx tov, sêiz car, cán bộ txix tỉnh txos cxuô thax tsav qơư iz hli tsês tsơưs tiv zix iz hnuz kaz ciêz muk trâu thax tsav qơư zuk sêiz car, nriêr pâuz lok pêx xênhv siêz xar, têx kror phiv liv chiê hêik trâu hâu nov thênhv siêz pâuz muôx tsưr ziv đơưk tu; paz trâu pêx xênhv huôv tsar uô nox, txo grêk cêr yêiz pluôs. Lơưr co, tưz muôx yênhx cxênhz lênhx cán bộ, đảng viên thiêz pêx xênhv  đros uô tsaz yênhx; yênhx cxênhz côngz trinhx, hâux lưv uô tsênhv tsênhz ntơưv cxuô thax tsav qơư tưz tâu đơưk tu thiêz kriz uô jông:“Chor cán bộ tuôx paz trâu pêx xênhv hnuz thưr 7 mak tsuv paz cxiv uô têx tsưr ziv kinh têr, chor tôv sik côngv, têx hax huv muôx liv tsiv gri ntơưv thax tsav qơư, têx hax huv du lịch chiê paz muôx nzir phênhv sâu trâu pêx xênhv. Đros thiêz tox siêz, cán bộ lok đros pêx xênhv mak tsênhv uô nzir hâux lưv yax kriê tso tsês têx phongx cxưx pôngz qaz, đros pêx xênhv uô têx hâux lưv hâur yênhx hnuz, paz muôx tâu cêr sik côngv thiêz shir phaz ntơưv thax tsav qơư. Đhâu kriz uô mak tưz paz uô truôx jông đuô cêr sik côngv siêz nhoz Đảng, Têz qơưk thiêz pêx xênhv; phuôx huiz tâu sik côngv siêz tas nro mênhx cxưx. Hâux lưv uô nox mak pêz zuôr sir jos uô jông hâur yênhx shông”.

Ntơưv iz tỉnh tox siêz tsênhv yuôr ntâu cêr txov, phiv liv li Yên Bái, pêx xênhv li cêr shir phaz zos hla tâu đhâu cêr pluôs, sir jos cov muôx tâu luz nênhx jông. Uô cov tâu kror no, têx huyện, thị xar tưz sir jos muôz têx zuz nôngz yiêz lok tsêz chos thiêz tu zus paz uô hlôngr yiêz ntâu trâu thax tsav tox siêz. Li huyện tox siêz Mù Cang Chải, sâuv têx ar tox trôngz ntu jê lok no, pov muôx têx thax tsav chos chor pax buôs nôngz Pháp jông jav, têx vax têz txir lê, txir hồng zos zav zuz yiêz txir txir ndư thiêz lox jông gâux…zơưv Nông Việt Yên, Bí thư huyện ủy Mù Cang Chải puz pâuz: Uô lơưr tỉnh li 3 tsưr ziv thiêz 4 tsaz yênhx zov chênhr txix nhiv no txos shông 2025, huyện tsuv sir jos, tưz tsik zos txo grêk yêiz pluôs mak tsênhv sir jos cov zos yênhx luz huyện du lịch ciês hâur six cxiv no. Uô tâu têx kror no, cux zos paz uô hlôngr yiêz tas nro pêx xênhv luz nênhx, lơưr saz jông thiêz shir phaz đuô:“Ntu 2020-2025, Đảng bộ huyện xav jênhv cxiv tsa Mù Cang Chải zos yênhx huyện huôv tsar njuôz thiêz thiv pluôs truôx đrênhk. Hâur co tsưr ziv huôv tsar kôngz jôngr nuv zos kror hâux lưv zov chênhr. Tiv oz thiêz zos huôv tsar kôngz nuv tsuv uô cov zos têx tsưr ziv kỹ thuật, muôz têx zuz nôngz  yiêz lok tsês chos thiêz tu zus…”

Txos shông 2020, tỉnh Yên Bái muôx 80/150 xar uô tiêr cxiv tsa jêx jok yiêz. Phênhv sâu xav lênhx nênhs siêz đuô 2 jiês pir li shông 2015…Hâur ntu 2020-2025, cxiv tsa jêx jok yiêz cux zos iz hâur têx  hâux lưv chênhr ntơưv qơư. Gra siêz phênhv sâu, uô cov jông đuô cêr muk lok hâur têx jêx jok, tsêr cơưv ntơưr, qơư y têr…zos kror chiê paz trâu pêx xênhv muôx tâu luz nênhx jông đuô. Ủy viên Trung ương Đảng, Bí thư tỉnh Ủy Yên Bái Đỗ Đức Duy puz pâuz, cxuô kror tsưr ziv uô puôr lênhx zos uô trơưk pêx xênhv siêz xar thiêz uô cov jông đuô trâu pêx xênhv luz nênhx:“Cxuô kror tsưr ziv uô mak tsuv uô trơưk pêx xênhv siêz xar, muôx liv trâu pêx xênhv. Huôv tsar kinh têr xar hôiv thax tsav tsôngv box mênhx cxưx thiêz tox siêz zos uô trơưk tsưr ziv pêx xênhv thiêz côngv thôngx siêz xar đros por vêv cxuô kror thiêz huv đros trâu huôz chuô li txơưr txar, mak Yên Bái xav jênhv no zos iz hâur 7 kror hâux lưv tsênhv njiêz”.

Xưk Bí thư Tỉnh ủy Yên Bái hêik mak, chiê cxuô lênhx nênhs muôx tâu luz nênhx jông, shir phaz, cux zos paz trâu lơưr muôx tâu luz nênhx ngaz tuk, tsik trâus ntux têz ruôr hiêv, uô nênhx khov tâu trâu jôngr, tâu kho moz gênhs, têx tuz nhuôs tâu muk cơưv ntơưr… lok sik muôx tâu têx txox cêr jông muk lok xưz. Đros têx tsưr ziv uô jông, tỉnh Yên Bái zuôr piz uô txix têx hâux lưv uô tsênhv tsênhz huv trơưk pêx xênhv siêz. Nzor muôz Đại hôiv Đảng jiês tiv 13 têx Nghị quyết lok uô hâur luz nênhx chiê paz muôx tâu iz luz nênhx jông thiêz shir phaz, tsâu sor./.

Đinh Tuấn-Lik Thox cxêik nhênhv

Têx hluôk nênhs Cần Thơ muôz cêr shir phaz hâur cheix ntux yiêz trâu cxuô thax tsav qơư

Krêz uô têx luôs hâux lưv zos tsaz yênhx “lov jêv tsiêz đros chor shux xênhz”, Thành đoanx hux jos đros taz viv đoàn tsêr cơưv cxênhx 3 Thái Bình Dương thiêz tsêr cơưv Cao đẳng hâux lưv uô Cần Thơ tsưr tsix, muôz 500 poz huv puz trâu shux xênhz tsênhv cơưv ntơưr ntơưv têx tsêr cơưv cao đẳng, đại học hâur thax tsav TP. Iz poz huv muôx têx zuôr trâul txos hâur nox tsiêz, tsiv grê nhos 150 tsov đeiv. Iz chas paz max shux xênhz shir phaz tok tsiêz, Thành đoanx Cần Thơ tsênhv đros Ban Thường vụ Quận đoanx Bình Thủy, tsưr tsix tsaz yênhx “cêr shir phaz cheix ntux yiêz” trâu chor tuz nxeik nhuôs zâu muôx luz nênhx txov nhêv hâur thax tsav qơư. Tiv muôx moz Covid-19, canr bôv Đoanx-đội ntơưv qơư paz max 200 poz huv tsiêz, gra muk txos ntuô ntơưv tsêr trâu chor nhuôs zâu cơưv ntơưr ntơưv tsêr cơưv cxênhx iz Thới An Đông 2, cê txo grêk tsơưs chôngz nênhs hênhr cê gra cêr shir phaz trâu chor nhuôs zâu.

Lar heik, luz yêz thâux xa têx huv li heik sâuv reik đros chor hluôk nênhs Cần Thơ cux muk trâu thax tsav tox siêz đêz đrôngs hâur 5 quận, huyện: Bình Thủy, Phong Điền, Thới Lai, Cờ Đỏ, Vĩnh Thạnh chiê uô tiêr luôs hâux lưv muôz têx huv tsiêz trâu chor nhuôs shux xênhz muôx luz nênhx txov nhêv. Ntơưv têx suôv qơư muk shuôs co, iz chas huv tsiêz, đoanx tsênhv tsưr tsix uô si lov jêv trâu chor nhuôs thiêz, chiê muôx cêr shir phaz đros luôs lưv tus. Nguyễn Thúy Lam, shux xênhz lớp 8A4, tsêr cơưv cxênhx 2 Trường Long, huyện Phong Điền, Cần Thơ thiêz lênhx nhuôv Phạm Như Linh, nhoz ntơưv huyện Vĩnh Thạnh, Cần Thơ heik:“Cur niêv thiêz txir gơưk siz đrâux thâuv cur tsênhv zâu lơưv, cur txir muk uô hâux lưv, cur niêv cux muk uô hâux lưv, cur đros lênhx fâux nhoz tsêr xưz. Cur vax tsêr txov nhêv, cur pos thiêz zơưs cux nhiv kruôr pôngz tas tsi ntêr no. Tsaz yênhx paz trâu pêz 2, 3 lênhx shux xênhz muôx luz nênhx txov nhêv, cux muôx cêr shir phaz đuô hâur hnuz tsiêz”.

“Cur pov tsaz yênhx no lok six muôx liv, paz max trâu têx chuôz zis muôx côngz têz qơưk, chor shux xênhz txov nhêv nox tsiêz, muôx cêr shir phaz sor si đros luôs lưv tus. Cur vav chiê siêz, shông tưs cux muôx tsaz yênhx paz max li no trâu chor nênhs txov nhêv”.

  Tsi tiêk xar txos chor shux xênhz muôx luz nênhx txov nhêv, txos cheix ntux yiêz, têx lênhx hluôk nênhs TP Cần Thơ tsênhv tsês têx cêr paz max, hluz txos chor lâuk nênhs tsi muôx qơư khov vav nhoz hâur tsênhv qơư tu zus têx nênhs lâuk thiêz nhuôv zâu tsi muôx qơư khov vav. Phương Tấn Đạt, Bí thư đoàn tsêr cơưv phổ thông Thái Bình Dương, qơư xar tơưv têx tsưr ziv jông paz max chor nênhs muôx luz nênhx txov nhêv no heik pâuz:“No zos iz tsaz yênhx, Hội liên hiệp hluôk nênhs TP xar tâu thiêz uô hâur shông 2021. Têx hâux lưv uô co zos chiê chox chor hluôk đros trâu chor lâuk, paz max têx lênhx muôx luz nênhx txov nhêv, đros thiêz uô hlôngr yiêz tsưr ziv, siêz xar chiê cxuô lênhx sđ muôx têx pov thiêz pâuz tâu tiêk, tsuv mnôngs, sik pheiz kênh têx cêr txov đros chor lâuk, lênhx nênhs muôx luz nênhx txov nhêv”.

Cheix ntux yiêz tưv shông 2021, cxuô cấp đoanx hội hâur thax tsav TP Cần Thơ tưz muôz 11.300 poz huv, xav hur si tsiv grê xar muôx 3 tỷ đeiv trâu têx nhuôs zâu, shux xênhz thiêz nênhs lâuk tsi muôx qơư khov vav hâur thax tsav qơư. Trơưk li tix lâus Lâm Văn Tân, Phưv Chủ tịch Hội đồng đội TP Cần Thơ: Muk txos trâu yênhx shuôv qơư, thax tsav, chor hluôk thiêx pov thiêz pâuz txos ntâu tus luz nênhx txov nhêv li chas. Txơưv tsuôk paz tâu têx lênhx nênhs li heik co iz phênhv tưs têx cêr txov, taz sik seiz njiê pov lơưr têx cêr shir phaz, njêx muôs luôs, chor hluôk nênhs ho muôx nzir đas jos trâu siêz uô têx hâux lưv jông siêz ntơư:“Txơưv co zos têx huv tsi lox, tsi ntâu, taz sik tsaz yênhx tưz gra cêr shir phaz, chiê siêz txos trâu chor nênhs muôx luz nênhx txov nhêv. Iz chas ntơư, chor hluôk nênhs, shux xênhz đros uô têx hâux lưv jông siêz no cux pov, tsuv muôx txơưx jênhv đuô trâu luz nênhx, trâu côngv thôngx, cux moz siêz, đros hluz txos chor nênhs lâuk. Thiêz têx huv co, muôx  liv paz trâu chor hluôk, têx lênhx nênhs txov nhêv, chor nhuôs zâu muôx cêr chiê siêz, shir phaz đuô hâur shông yiêz”.

Đros thiêz tsưr ziv “muôz paz max jông siêz trâu luôs lưv tus muôx luz nênhx txov nhêv”, hluôk nênhs Cần Thơ tưz siz chos paz chiê muôx iz luz tsiêz sor si, lov jêv trâu chor shux xênhz, têx nhuôv muôx luz nênhx trâus txov, chor nênhs lâuk tsi muôx qơư khov vav. Lar heik, têx hâux lưv uô tsênhv tsênhz thiêz jông co, tưz cxơưz gra sđ muôx cêr sik thôngx siêz, siz hluz siz paz, choz kriê tsưr ziv, cêr uô nênhx jông, tsiv txiêx trâu têx lênhx hluôk nênhs, shux xênhz./.

(TTĐBSCL-Riê Lâux cxeik, nhênhv)