Tsiv uô kôngz nuv cxôngx tsêz chos tsênhv iz zav tsoz chos, nôngx mênhx Lai Châu hla đhâu cêr pluôs thiêz uô bluô nux

          Ciês thâuv sâu tas chiv jâuz poz chiv tsâux yiêz, chuôz zis tix lâuk Nguyễn Văn Quyết thiêz pox nhuôs xã San Thàng, đrôngs Lai Châu qir chos chiv blêx tsơưr lươngv siêz. Xã li mênhv chêx ar uô kôngz nuv tsi muôx thâuv tưs tâu tso tsês, tas chiv no, pox nhuôs ho chos jâuz lok sik chos pax. Tix lâuk Quyết puz pâuz, nhiv no tsi taz nênhs choz tsiz chos jâuz, chos pax chiê muôs xưz mak pox nhuôs nênhs Giáy cux uô lơưr. Muôx chuôz zis chos pax iz shông sâu tâu 500 tsov đeiv iz hecta:

          “Cxôngx thâuv cur chuôz zis chos jâuz lơưr thành phố li vênhv tôngv mak luz nênhx muôx ntâu hlôngr yiêz, muôx tul njưk đêx no cux muôx đêx cxix cxuô hâur yênhx shông chiê tsêz chos. Cur chuôz zis muôx 2 cxênhz yiv ar chos jâuz, iz chiv sâu tâu muôx nhos 2 txos 30 tsov đeiv”.

          Uô qơư tsov txos lok cxiv tsa nôngx cxênhz yiêz, shông 2011 thành phố Lai Châu tưz njuôs xav têx thax tsav tsêz chos kôngz nuv uô hax huv paz pox nhuôs nôngx mênhx chuv tôngv tsêz chos lơưr thax tsav, lơưr yênhx zav tsoz chos huv đros, zôngv khoa học kỹ thuật lok tsêz chos, jav tâu qênhx shênhx chos tsơưs, chiv chir chos chiv chir sâu zuôr.

          Lơưr co, thành phố muôx têx tsênhv chei paz txưv tsôngv box thiêz doanh nghiệp hâur hâux lưv hlôngr yiêz tsoz chos, tsiêx tu zus lơưr saz tsiv uô xiv huv hax huv chêx chôngk. Thôngx cxix, chuôz tsar sik côngv têz qơưk, lênhx nênhs khoa học, doanh nghiệp thiêz nôngx mênhx hâur hâux lưv tsiv uô, muôv muôs thiêz sâu zuôr xiv huv. Zơưv Bùi Hữu Cam, tsả phongx kinh têr đrôngs Lai châu puz pâuz:

          “Chiê uô tâu têx thax tsav tsêz chos tsênhv iz zav tsoz chos mak xuz thơưx thành phố tsov cưv zos yưv pênhr lok cơ sở cxuô zav trâu thax tsav co thiêz phênhv ntâu zos yưv pênhr uô njưk đêx, cưx đês. Li thax tsav chsó jâuz nhoz San Thàng no txơưv muôx 25 hecta xưz taz sik thành phố cux tưz yưv pênhr uô 3 cei cêr cưx đês tos đêx lok zưs jâuz trâu tsôngv box. Đhâu hâux lưv yưv pênhr uô cxix luôk đêx liv li co thiêx li muôx tsưr ziv chiê pox nhuôs tsêz chos truôx iz zav tsoz chos”.

          Zơưv Lương Chiến Công, Chủ tịch UB thành phố Lai Châu, tỉnh Lai Châu puz pâuz: Cxôngx hâux lưv phênhv ntâu tsuv sâu zuôr jâuz, txir ntông cxôngx têx tỉnh txơưr li Phú Thọ, Lào Cai, Sơn La chiê muôv muôs, txos nhiv no thành phố Lai Châu tưz muôx 25 hecta ar chos jâuz yênhx shông. Thax tsav chos pax muôx 40 hecta ntâu, thax tsav tu zus shuôz njês muôx 110 hecta thiêz chos txir ntông cxuô zav muôx nhos 135 hecta. Tiv zix cxôngx hâux lưv cxiv tsa têx thax tsav tsêz chos tsênhv iz zav tsoz chos kôngz nuv, tsôngv box têx mênhx cxưx tưz txơưx zôngv khoa học kỹ thuật lok uô kôngz nuv, tsiv uô xiv huv kôngz nuv yênhx hax huv tsiv gri, phênhv sâu fênhx pheiz tax 40 tsov đeiv iz lênhx nênhs iz shông li nhoz xã San Thàng:

          “Hu grus têx doanh nghiệp, têx ziv chuôz zis muôx theox chênhv yưv pênhr lok vênhv thix tsiv uô jôngz nuv hax huv thiêz txos nhiv no pêz cux jênhv pov hâux lưv tsêz tsiv uô kôngz nuv sâuv thax tsav thành phố muôx têx hlôngr yiêz jông. Tiv zix zos tsiv uô kôngz nuv hax huv tưz hlôngr yiêz tsoz chos lơưr saz huv đros thiêz niêv ciêz li zoz qơưx”.

          Chiê taz por trâu nôngx mênhx muôx phênhv sâu ngaz tul cxôngx tsiv uô kôngz nuv, thành phố Lai Châu sir jos vênhv tôngv tsôngv box chêx chôngk huôv tsar tsiv uô lơưr saz muôz siêz chêx cuk truôx vênhs, taz por tênhx qơư, taz por tsi muôx moz, taz por zav nox, zôngv khoa học kỹ thuật lok tsiv uô huv đros thiêz yênhx thax tsav./.

                                (Thanh Thủy- Txâur Vax cxeik nhênhv)                               

Uô li chas chiê muôz vax huôv siz luôs thiêz truôx tuk trâu têx pox niêv, nhuôs zâu

Hlôngr njêx muôs T.Ư Hội Liên hiệp pox niêv VN, T.Ư Đoanx hluôk nênhs cộng sản HCM thiêz Cơ quan LHQ lok pox niêv, txir nênhx vax huôv siz luôs thiêz muôz vax huôv trâu pox niêv tưz sik pheiz kênh mông lok pox niêv li pưs txux hâur XH, lok đoanx hluôk nênhs, Hội pox niêv têx hâux lưv uô chiê pox niêv thiêz txir nênhx vax huôv siz luôs hâur ntu đhâu. Chủ tịch Hội Liên hiệp pox niêv VN Nguyễn Thị Thu Hà heik pâuz, Pox niêv VN têx txux chi thiêz qơư sơưr tsênhv ziv hnuz ziv siêz. Chiê uô tâu jông lơưr Đảng, têz qơưk tsưr ziv, tsênhv chei, ntâu dưv anr, têx trâur nuv jông tâu krêz uô đar thiêz tuôr truôx, paz cxơưz uô lơưr pox niêv txir nênhx vax huôv siz luôs. Taz sik, pos Nguyễn Thị Thu Hà cux heik, cux tsênhv yuôr ntâu kror phiv liv li: Seiz hloz txos têx txir nênhx lok sik tsês six hơưv, hnuz nhôngs ntâu trâu chuôz zis, xênhz zus nhuôs.... Chênhr viv li, têx pox niêv muôx txux chi siêz khênhr tsơưs đuô chor txir nênhx:

“Viv têx tsưr ziv, siêz xar li heik sâuv thiêz viv ntâu qir tiv txơưr đuô, taz sik six hơưv lênhx pox niêv tsês ntâu trâu chuôz zis cux zos iz kro. Xav kror đruôz đraz iz lênhx pox niêv zos xênhz zus 2 tuk nhuôs thiêz muôx iz tuk kuôk iz tul txix 3-5 shông. Lơưr tsês 8 shông trâu xênhz zus, tu têx mê nhuôv zâu, lok six jông taz sik pôngz ntâu six hơưv, co cux zos iz kro”.

Hâur ntu đhâu, Hội pox niêv cxuô cấp tưz fuô uô ntâu trâur nuv jông chiê yax kriê lok sâuv uô lơưr pox niêv thiêz txir nênhx vax huôv siz luôs, phax tar ntâuk tsiv chuôz zis ntơưv côngv thôngx, li “Shux xênhz niêv txir phax tar ntâuk tsiv chuôz zis”, “txir nênhx uô ntêx nyuôs hâur phôngz yaox phax tar ntâuk tsiv chuôz zis đros thiêz pox niêv, nhuôs zâu”..... hu zâuv ntâu tuk chôngz lênhx tsôngv box cxaz chuôz. Lok sâuv đoanx hluôk nênhs, tix lâus Lê Quốc Phong, Bí thư tiv iz T.Ư Đoanx hluôk nênhs cộng sản HCM khav tinhv: Tsưr tsix Đoanx, Hội Liên hiệp hluôk nênhs VN thâuv tưs tưz seiz hloz txos cxaz chuôz taz por pox niêv, txir nênhx vax huôv siz luôs zos hâux lưv zov chênhr. Hâur têx tsaz yênhx, hâux lưv đoanx, Hội puôr lênhx ndar txos chuôz tsar yax kriê gra siêz têx pox niêv đoanx hluôk nênhs li pưs txux, paz têx pox niêv hluôk nênhs sâuv ntâu thax tsav, suôv qơư hâur hur si têz qơưk, lar heik zos têx nhuôv nxeik nhoz tox siêz đêz đrôngs. Iz chas ntơư, hux jos đros têx cơ quan tsưr tsix têx hâux lưv chiê gra siêz txux chi tsưr ziv jênhv pâuz lok pox niêv, txir nênhx vax huôv siz luôs. Tix lâus Lê Quốc Phong heik pâuz:

“Pêz tsưr tsix ntâu têx hâux lưv siz chuôs njiz chiê pêz muôx têx heik tâu têx tsưr ziv, siêz xar uô qơư txuôk chiê xa têx mông ntơư txos trâu chor cơ quan muôx vax huôv chiê yênhx lix têx tsênhv chei, cui tinhv  chiê paz trâu têx zâu. Pêz cux đros Ủy ban têz qơưk nhuôs zâu VN fuô uô cxix luôs tổng đài 111 thiêz seiz cxix luôs tsưr tsix đoanx ntơưv qơư zos iz hâur têx kênh qênhz pov sei thiêz zênhx max hur tiz si têx cik txos lok sâuv zuôv têx nhuôs zâu uô đaz uô tuôs, ntâuk tsiv nhuôs zâu”.

Zuôr tsênhv yuôr lok six ntâu hâux lưv tsênhv tsênhz mak cxuô cấp ngênhx, tsôngv box tsuv sik côngv têk mal pox niêv, txir nênhx vax huôv thiêx siz luôs thiêz truôx tuk trâu pox niêv, nhuôs zâu./.

(BTS-Riê Lâux cxeik, nhênhv)