Lai Châu: Krêz, uô têx ntâuz ntơưr  njuôk shuôs đal jos ntơưv qơư paz tir thêir moz siz cik lol hâur thax tsav qơư

Cux li ntâu chuôz zis nhoz thax tsav ntus đriv Việt-Trung ntơưv Lai Châu, đhâu mnôngs Đeix, seiz ti vi, pos Lò Thị Thim, nhoz jok Nậm Cúm, xã ma Ly Pho, huyện Phong Thổ (Lai Châu) chuôz zis tưz pâuz tsênhz lok moz Covid-19 thiêz moz li têx riêz nênhs. Tâu Tổ seiz car phax tar moz hâur jok, xã muk yênhx chuôz zis yax mông, heik kriê, pos chuôz zis tưz buôk ti mul krêz, uô têx ntâuz ntơưr njuôk shuôs đal jos seiz chor nênhs hâur tsêr pok muôx moz li chas thiêz mul, nhoz trâu thax tsav qơư tưs lok, hâur six hơưv nhoz jê, buôk ti đros luôs lưv tus saz đrâuv.

Pos Lò Thị Thim heik pâuz: Txơưv pos vax tsêr nhoz jê đriv têz, taz sik txix thâuv muôx moz Covid-19 huôv xênhz saz tov Trung Quốc, chor nênhs hâur pos chuôz zis tưz tsi nhoz, tsi đros luôs lưv tus đrâuv uô uz uô no...., lar heik zos nênhs đriv têz saz đrâuv. Cxuô luôs hâux lưv, muôx đaz tsi lok puôr lênhx zos hu xor tôngx siz thav, siz heik thiêz zos tsuv chuôs njiz mak cux chox ntâuz  bos kror ndâux thiêz nhoz, sơưr đêz siz heik xưz. Chuôz zis têx tsơưz txos cheix jông txiêr muôs cux tâu muôs ciês ntơưv têz trâu chor tuz luôv hâur thax tsav lơưr tuôx zuôr, tưz tsi thâux muk ciêz li thâuv ntêx: “Moz Covid-9 no puôr lênhx tâu sđ hâur cur chuôz zis sox seiz, mnôngs đreiv hâur niêx hnuz. Đhâu ntơư, cxuô lênhx nhiêk cux puôr lênhx pâuz nhiêk tsưr ziv chiê phax txar jav, tir thêir, tsi nhoz jê đros chôngz nênhs, tsi siz zâuv uô li uz li no chôngz lênhx.... Thiêz chuôz zis siz heik kriê cov tsi cxoz muk saz tov Trung Quốc, zos mul lok uô hâux lưv têx mak njiz chor nênhs zuk tsi pâuz tsênhz, tsuv heik zênhx max trâu canr bôv ntơưv qơư pâuz”.

Uô lơưr Ban chox kriê phax tir thêir moz Covid-19 li Quyết tinhv, txos nhiv no iz jok, iz thax tsav tsôngv box nhoz hâur thax tsav tỉnh Lai Châu puôr lênhx muôx iz paz nênhs lês uô hâux lưv seiz car phax tar têx moz gênhs. Chor nênhs no têx hâux lưv zos Ban chox kriê cấp xã car seiz, muôx vax huôv yax kriê lok têx moz, qênhz shuôs tsôngv box sđ mul lok hâur jok, buôk ti seiz njuôk shuôs đal jos thiêz seiz car chor nênhs tâu xav tiêk zôngx ziv trâul cik tâu moz tso nưk nhoz nưk iz kro ntơưv tsêr. Txos nhiv no,  chor nênhs lês uô têx hâux lưv li heik co, lar heik zos nhoz thax tsav ntus đriv-suôv qơư zôngx ziv siz cik tâu moz ntơư puôr lênhx uô tâu jông cxuô luôs hâux lưv zok muôz, paz trâu phax tir thêir moz tsi siz cik lol hâur thax tsav.

Zơưv Đồng Văn Tươi, Tổ tsar tổ seiz car phax tar moz Covid-19 jok Pa Nậm Cúm, xã Ma Ly Pho, huyện Phong Thổ heik pâuz: Pa Nậm Cúm muôx 2 cêik cêr đriv têz buôk huyện Kim Bình, tỉnh Vân Nam, Trung Quốc. Jok muôx 130 ntâu chuôz zis, zuôr xar 500 lênhx nênhs puôr lênhx zos tsôngv box Poz Ziz uô nênhx nhoz. Tiv jok nhoz jê txox cêr lox muk trâu trôngx đriv, tsi so muôx lênhx nênhs thiêz têx yêz mul lok đhâu, viv li lok six zôngx ziv siz cik tâu moz. Khov tổ seiz car phax tar moz gênhs uô jông luôs hâux lưv yax kriê, lar heik zos têx lênhx tsôngv px lơưr tưx bax seiz njuôk shuôs zuk đal jos, viv li txos nhiv no, tsi tâu muôx lênhx nênhs tưs hâur jok trâul tso nưk nhoz nưk iz kro viv muôx moz hlo: “Heik cxuô hâux lưv yax kriê sâuv loa nta suôz, ntơưr pov tsir, tsôngv px lơưr tưz pâuz tâu tsênhz. Lok sâuv seiz njuôk shuôs đal jos mak pêz cux đros y tế hâur xã, hâur jok kriê trâu px cov uô ntơưr chos luk tsi tâu muk lol đhâu đriv têz tsi trơưk chei. Zos lênhx tưs muk uô nox kror tưs, thâuv tror lok tsuv heik trâu pêz pâuz chiê tâu seiz njuôk shuôs đal jos. Txix têx đaz tsi zuk uô tâu mak nhiv no zuôr tsuv uô cov tâu thiêz zuôr sir jos uô”.

Đros trâu luôs hâux lưv yax kriê thiêz seiz njuôk shuôs đal jos txix hâur jok, thax tsav tsôngv box nhoz, six hơưv đhâu, tỉnh Lai Châu cux uô đrux ntov hâux lưv seiz car chor nênhs muk lol đhâu đriv têz; qênhz shuôs jông têx cêr mê, cêr lus muk lol đhâu ntus đriv, viv li tsôngv px muk lol shuôs têx cưr tix nênhx tsa nhoz 2 saz đriv têz cux tâu txo grêk tsơưs. Xav txix hâur hli 2 txos nhiv no, Trôngx đriv ma Lù Thàng tưz uô ntâuz ntơưr trâu 134 lênhx nênhs muk lol đhâu hâur têz qơưk, hâur co muôx 58 lênhx lok hâur têz qơưk thiêz 76 lênhx muk saz đrâuv luôs 2 chas têz qơưk. Tas nro têx lênhx nênhs lok hâur têz qơưk puôr lênhx tâu seiz njuôk shuôs đal jos uô ntêx thâuv zuôr tso nưk nhoz nưk iz kro hur si. Bác sĩ Bùi Ngọc Chuyên, Tsar khoa qênhz njuôk shuôs moz ntiêx têz, Tsênhv qơư njuôk shuôs moz gênhs  tỉnh Lai Châu seiz car hâux lưv qênhz njuôk shuôs moz ntơưv Trôngx đriv Ma Lù Thàng heik pâuz: “Tas nro têx lênhx nênhs uô ntêx thâuv tso nưk nhoz nưk iz kro ntơư, puôr lênhx tâu pêz seiz njuôk shuôs đal jos hur si. Zos têx lênhx px tsi pâuz ntơưr mak pêz nus lơưr lok sâuv têx mông cik txos seiz njuôk shuôs đal jos; lar heik zos têx moz nưk zuôr muôx moz yưv li chas, nhoz jê thiêz buôk ti li chas txos chor nênhs saz tov Trung Quốc. Zos px tsi pâuz luk Choz Tsiz mak pêz zuôr thor txos luôs lưv tus paz cxeik lul nus, zos lênhx nênhs tưs trâul muôx têx moz txơưr txar li chas, pêz zuôr uô ntâu jiês nus chiê pâuz tsênhz trâul moz lok tsi trâul”./.

                                  (Khắc Kiên-Riê Lâux cxeik, nhênhv)

Chox đeiv bos kror ndâux li chas thiêx li zos?

          Chox đeiv bos kror ndâux li chas thiêx li zos?

          - Đeiv bos kror ndâux y tế tsuôk zôngv iz jiês, tsi tror zôngv đuô.

          - Chox mak saz njuôz lok sik muôx njik đuz trâu saz đrâuv, saz đơưz trâu hâur, chox their cov tas kror ndâux kror njưk hur si.

- Thâuv chox đeiv bos kror ndâux tsi zôngv tês cor trâu saz đrâuv đeiv bos kror ndâux.

          - Thâuv hlê đeiv bos kror ndâux tsuôk zôngv tês tuôr 2 txox hluô đei ntơưv kror njêx, tsi zôngv tês tuôr saz đrâuv đeiv bos kror ndâux chiê hlê. Thâuv hlê tas muôz por ciês trâu hâur qơư por têx vuôz tsuôz kiês nênhs muôx hâu vor.

          - Zôngv yuôx phongx lok sik cồn nzuôr tês cov hur thâuv hlê đeiv bos kror ndâux.

Nhạc cắt

          Ntâuz bos kror ndâux pok tir tar tâu caz moz? Lênhx tưs tsuv chox đeiv ntâuz bos kror ndâux?Thâuv tưs tsuv chox đeiv ntâuz bos kror ndâux ?

          Ntâuz bos kror ndâux cux tir tar tâu caz moz siz cik. Têx lênhx nênhs muôx đas jos, tsi muôx têx moz yưv lok cêr uô pa li gru, iz chêr cuz sor, lok njưk.... mak tsuv chox ntâuz bos kror ndâux. Thâuv mul txos têx thax tsav muôx chôngz lênhx nênhs li qar yêz kruô, yêz za, ciêz, tov têx cêr muôx chôngz lênhx nênhs mul lok...tsuv chox ntâuz bos kror ndâux.

Chox đeiv ntâuz bos kror ndâux li chas thiêx li zos chiê phax tar moz muôx chêx cuk?

          - Chox đeiv ntâuz bos kror ndâux their tas kror ndâux kror njưk.

          - Thâuv chox tsi zôngv tês cor trâu saz đrâuv đeiv ntâuz bos kror ndâux.

          - Thâuv hlê đeiv ntâuz bos kror ndâux tsuv tuôr 2 txox hluô đei ntơưv poz njês, tsi tuôr đeiv ntâuz chiê hlê.

          - Nxuô cov hur đeiv ntâuz bos kror ndâux cxôngx yuôx phongx chiê tror zôngv đuô.

          - Yax six zôngv yuôx phongx nzuôr tês chiê phax tar moz.

Tsuv uô jông hâux lưv chox đeiv bos kror ndâux thâuv mul têx qơư muôx chôngz lênhx nênhs thiêz chox trơưk tsưr ziv heik kriê chiê phax tar moz, por vêv đas jos trâu zuk thiêz côngv thôngx sđ./.

(VOV4-Txâur Vax cxeik nhênhv)