Jax sâu thưr 3 hnuz 18/7/2017

Cêr siz hluz paz chor nhuôs tuôx tsêr cơưv ntơưr

        Zax Động Tủa, shux xênhz lớp 9 tsêr cơưv phôv thôngz mênhx cxưx niêv txir zus mor Mường Lạn, tưz lok nhoz đros chor tuz lênhv zênhx pênhz phax Mường Lạn tâu oz shông. Viv uô njuôs niêv, njuôs txir, Tủa tsuôk đros tus txir nzơưv nhoz, uô luz nênhx txov nhêv. Taz sik, tâu zênhx pênhz phax Mường Lạn tok lok đros nhoz uô cê, nhiv no Tủa tưz sưv đros tuz lênhv li luz nênhx nox nhoz muk lok hâur niêx hnuz. txix iz lênhx shux xênhz hêik luk tsoz tsiz tsik mênhx; taz sik txos trâu nhiv no Tủa tưz pâuz lok six ntâu lik choz tsiz. Iz chas tâu tuz lênhv tsưx phưv, sêiz shuôk lok nox nhoz. Tủa tsênhv tâu cơưv shâuv lok cêr uô nênhx thiêz tâu cơưv ntơưr. Zênhx pênhz phax Mường Lạn nhiv no tưz zos Tủa li luz tsêr sor siêz.

       “Cur tâu chor tix thiêz chor txir nzơưv bộ đội tok lok ntơưv no mak lok six shir phaz thiêz pov zuk hmôngr jông đuô iz cxiê lênhx nênhs. Cur siêz xar mak tov kaz no tâu zos yênhx bộ đội li chor tix thiêz chor txir nzơưv nhoz no, viv zuk cơưv shâuv tâu ntâu kror jông. Thiêz chiê uô tâu li siêz xar mak cur zuôr sir cơưv ntơưr, cơưv shâuv cêr uô nênhx”.

Đros Tủa, oz tuk nhuôs zos Zax A Hợ thiêz thox Cha Pó cux tâu chor cán bộ tuz lênhv zênhx pênhz phax Mường Lạn jênhv tu zus. Chiê chor nhuôs pâuz uô nênhx tsiv txiêx, chor cán bộ, tuz lênhv hâur zênhx pênhz phax tưz uô jôngz kruôz kriê trâu chor nhuôs txix têx hâux lưv zâu tiv zix. Thiêz txos trâu thâuv 5 six 30 phênhz sơưr nzor hâur yênhx hnuz chor nhuôs tưz sơưr đros sơưr đơưk uô vêv xênhz, đros têik têx pav vor, vix tsav tsês chiê. Trung úy Lò Văn Khương, Đồn pênhz phax Mường Lạn, huyện Sốp Cộp, tỉnh Sơn La puz pâuz:

      “Xuz thơưx mak chor nhuôs li cêr uô nênhx tsik tâu huv đros, tsâuk ntux mak tsik đa đêx lơưv. Thâuv tuôx ntơưv no lơưv mak pêz zos chor nênhs kruôz kriê cov uô huv đros têx tsưr ziv. Nhoz tsêr mak tsar tov cơưv ntơưr tsik muôx li nhoz ntơưv no, opêz cux tsuv kruôz kriê ciês. Nox mor tas mak kriê chor nhuôs cơưv ntơưr. Zuk kriê trâu chor nhuôs xưk li zos iz lênhx tiv kriê trâu tuk cưr”.

      “Paz trâu chor nhuôs tuôx muk tsêr cơưv ntơưr” zos iz tsaz yênhx tsiv gri, tâu chor cán bộ tuz lênhv zênhx pênhz phax Mường Lạn sir jos uô. Đros jênhv paz tu zus chor nhuôs mênhx cxưx tsơưs nênhs muôx luz nênhx txov nhêv, Đros ntơư, zênhx pênhr phaz cux tsênhv kriz uô ntâu huôx tôngv tsênhv tsênhz li: khơưk muôz huv puz cxơưz cxiz cơưv ntơưr trâu chor chuôz zis quân nhân li têx tuz nhuôs, khơưk muôz trôngx jâuv puôz txix poz jêz, ntông nox txir, ntông chos uô nzôngr nzông trâu iz cxiê tsêr cơưv ntơưr sâuv thax tsav xã; khơưk muôz huv puz trâu shux xênhz pluôs sir jos cơưv ntơưr…Đros co, zênhx pênhz phax cux tsik so tsưr tsix vênhx huôv vênhx nghệ, kruôz kriê chor nhuôs nthuôr uô cêr lov thiêz muôz suôz thax trâu chor nhuôs hâur têx hnuz kriz ntênhk hội, têx hnuz tsiêz…Thiếu tá Phạm Thái hòa, Đồn trưởng đồn pênhz phax Mường Lạn, huyện Sốp Cộp puz pâuz:

      “Pêz tưz kriê trâu chor nhuôs tsưr ziv uô nênhx, sik thav, cơưv shâuv đas jos, cux xưk li cơưv ntơưr, pâuz tâu khoa học công nghệ xưk li máy vi tính. Sik thav đros tsêr cơưv ntơưr mak đhâu thâuv lok nhoz đros Đồn pênhz phax chor nhuôs đas jos tâu gra siêz đuô, thav luk thiêz cơưv ntơưr cux tâu jông đuô. No zos bộ đội pênhz phax li siêz xar đros pox nhuôs nhoz thax tsav ntus đriv”.

       Khov muôx chor bộ tuz lênhv zênhx pênhz phax li đas jos tsưr ziv paz, chor nhuôs li Tủa, Hợ thiêz Por đros chôngz lênhx shux xênhz mênhx cxưx tsơưs nênhs pluôs txơưr đuô nhoz huyện ntus đriv Sốp Cộp li txox cêr muk cơưv ntơưr zuôr zôngx ziv thiêz jông đuô. Lơưr li têx cêr hluz co zuôr paz trâu chor nhuôs sir jos muk đhâu têx cêr txov nhêv, uô nênhx yênhx nênhs, paz phênhv muôx liv trâu xã hội têz qơưs./.

(Hồng Việt-Lik Thox cxêik nhênhv)

Phênhv thưr 3.18.4.2017:

PHÊNHV NÔNGX MÊNHX ZUÔR TSUV PÂUZ

Lul Hmôngz (số 5)

Tso hnuz 18/4/2017

Tsưr ziv tu zus nhux đas tros

          Tu zus nhux đas tros tsuv xeir tâu chor nôngz nhux jông. Nôngz tsi xưk iz zav mak hloz lox cux tsi xưk iz zav. Fênhx yax mak niêv nhux tsi lox li hênhr nhux, têx greix tsơưs đuô, greix kaz đuô, zôngx ziv tu tros sei đuô. Hênhr nhux mak greix ntâu đuô. Hâur six hơưv tu nhux tros, nênhs tu zus tsuv sav thâuv hênhr nhux muôx 7 txos 12 luz hlik chiê tu zus cov tros, zos tus hênhr nhux tâu sav nzor chiê tu zus cov tros mak greix nhux muôk đuô thiêz tros sei đuô.

          Chiê tu zus nhux tros tax chêx cuk kinh têr siêz, pox nhuôs tsuv xeir têx tul mê nhuôv nhux muôx jos chox lok tu zus chiê zus zuôr greix. Pox nhuôs tsuv xeir têx tul jông gâux, luz chêr khênhx khênhx...Nhiv no muôx iz cxiê nôngz nhux tâu zus ntâu ntơưv Việt Nam zos nôngz nhux đas đax Việt Nam, nôngz nhux đas txuôv Zêbu.

          Tsưr ziv puz nhux nox zos puz nox ntâu têx môngr krâur, li ntơưv trox thiêx đax thiêz tuôz đuô, greix tsư kaz đuô. Tsuv puz nhux nox têx jâuz nhôngs, hnhaz blês, đrox kruôr....Iz chas co, tsuv puz nox cxaz jâuz vâuv kâuz thiêz krâur.

Nhạc cắt

          Chiê muôx nhux đas hnhar cxôngx 250-300 cir, thâuv nhux muôx 2 shông, tsuv tu zus tros cxôngx puz nox krâur 1 cir/iz tul/iz hnuz, puz tsi so 80 txos 90 hnuz uô ntêx thâuv muôs. Xar tu zus nhux zuôr greix muôx chêx cuk kinh tế siêz, pox nhuôs tsuv puz nox ntâu jâuz tâux đros trâu cxuô zav txir ntông...

          Hâur tu zus nhux zuôr greix, iz chuôz zis tsuv tsês 500-1000 yiv ndis ar chiê chos cxuô zav tâux li: Tâux nxư...chiê uô jâuz puz nhux nox. Puz nhux nox têx zav jâuz nhôngs thiêz nox cxaz têx njik kuôr njuôk, hmaz kok liêz, nhaz blêk, jâuz vâuv kâuz....

          Guôx tu zus tsuv tâu cxiv qơư siêz thiêz lax chuô nziês, muôx vix tsav thêir iz buôk ndis tsi chiê zôngr tov. Plas guôx tsi bluô thiêz muôx qơư tso đêx ntưs. Đaz nox hâuk tsuv zôngv xi măng uô. Pox nhuôs tsuv muôx tsưr ziv yưr lir têx qir chiê tsi uô tênhx qơư trâus kiês nênhs.

          Phênhv “ Nôngx mênhx zuôr tsuv pâuz” ciêz no, zos Đeix nta suôz VN đros tsênhv qơư cxiz kôngz têz qơưk uô./.

                         (Txâur Vax cxeik nhênhv)