Lênhx pox niêv đảng viên heir nênhs tsơưs ndo njôngr Lâuk Hôx têx luk kriê lok cxiv kho têz qơưk cov huôv tsar, vav mênhx

Tưz 70 shông, lok pos Đặng Thị Phúc, heir nênhs Cho nhoz jok Làng Ẻn, xã Trì Quang, huyện Bảo Thắng, tỉnh Lào Cai cux uô ntêx nyuôs hâur cxuô luôs hâux lưv. Niêx hnuz hmo, pos Phúc sir jos lês uô têx hâux lưv, muk yênhx jok, yênhx chuôz zis seiz shuôs, sik pheiz kênh têx tsưr ziv uô nênhx jông, cêr txov đros tsôngv px, heik sđ sir jos hlôngr yiêz luz nênhx, tsưr ziv huôv tsar uô nox, sik thôngx siêz siz chos cxiv tsa têz qơưk cov ziv hnuz ziv vav mênhx. Pos Phúc têx lul heik thâuv tưs tưz huv chei, tâu sđ njênhs njôngr thiêz uô trơưk:“Cur cux tsi so muk hâur jok heik tsôngv cưr tix nênhx tsa uô lơưr têx tsưr ziv uô nênhx jông, muk yênhx chuôz zis kriê lơưr tsưr ziv huôv tsar uô nox uô hnar, hlôngr yiêz zuz nôngz tsoz chos, tsiêx tu zus...”.

“Pêz pov hâux lưv krêz uô cêr lox đar zôngx ziv trâu XH, ntơưv qơư huôv tsar uô nox, mul lok viv li pêz cux jông siêz hlo gôngr ar cux li têx liêx têz chiê uô cêr mul lok”.

50 ntâu shông đrav ntêx, thâuv co zos iz lênhx đảng viên hluôk, ndo njôngr Lâuk Hôx têx luk kriê “Đảng viên tsuv uô ntêx nyuôs”, pos Đặng Thị Phúc thâuv tưs tưz uô ntêx nyuôs hâur cxuô luôs hâux lưv, sir jos đros tir ntâuk trol châuz tsưx phưv têz qơưk, cơưv shâuv têx txux chi tsưr ziv jông lok huôv tsar uô nox uô hnar.... Trơưk li tsôngv px ntơưv qơư, pos Phúc zos lênhx muôx txux chi, car xar car uô, zos lênhx uô ntêx nyuôs hâur huôv tsar kinh tế, muôx phênhv sâu tâu truôx txix 10 tơưv ha jôngr ntông, txix tu zus tsiêx cxu yênhx cxênhz tus thiêz pak đêx zus njêl. Lar heik, pos thâuv tưs tưz sik pheiz kênh, jông siêz thiêz shir phaz lus paz cxuô lênhx sđ txix cxuô faz tsưr ziv. Pos Phúc heik:“Cur xar lok têx nhiêx txiêx, chuôz zênhx đaz tsi, thâuv tưs cux zuôr uô ntêx nyuôs hâur cxuô cêr nuv chiê phưx vưv trâu px, sir jos đros chi bộ, hâu nov hâur jok, têx đoanx thêv cxiv tsa jêx jok cov huôv tsar jông jav. Nhiv no cur jok tsuôk yuôr 7 chuôz zis pluôs xưz, zos uô tiêr hâux lưv lơưv, viv li cur lok six shir phaz”.

Zơưv Nguyễn Trọng Hiếu, Bí thư Đảng ủy xã Trì Quang, huyện Bảo Thắng heik pâuz, têx shông jê lok no, hâur phôngz yaox cxiv tsa jêx jok yiêz, pos Phúc tưz paz côngz đas jos ntâu thâuv heik tâu 80 chuôz zis px hâur xã gôngr yênhx vạn xưv phaz ar têz uô cêr mul lok. Pos cux kênh zuk têx txux chi tsưr ziv paz ntâu chuôz zis hlôngr yiêz tsưr ziv huôv tsar uô nox, hla đhâu yeiz pluôs truôx:“Zos lênhx tsôngv box heir nênhs Cho, pos Phúc cux uô ntêx nyuôs hâur yax kriê, heik côngv thôngx sđ hlôngr yiêz têx tsưr ziv uô nênhx, tso tsês têx cêr nênhx pôngz kaz. Đảng ủy, hâu nov xã thâuv tưs tưz xav, no zos lênhx nênhs siêz jông, uô ntêx nyuôs hâur cxuô cêr nuv paz ntơưv qơư yax kriê Đảng, têz qơưk têx chei, tsưr ziv txos trâu px sđ”.

Iz siv nênhx sir jos lês uô jông cxuô luôs hâux lưv, pos Đặng Thị Phúc tưz muôx jiês tâu Chủ tịch têz qơưk muôz côngz mênhx kruô  uô tâu jông hâux lưv tir ntâuk trol hov 2, Thủ tướng Chính phủ muôz ntơưr kruôs đros trâu ntâu zav ntơưr kruôs txơưr đuô, taz sik đros thiêz pos, cxuô zav hâux lưv pos uô puôr lênhx zos qir txix hâur zuk siêz, tsưr ziv xar xưz, tsi zos uô muôx liv trâu zuk, txơưv lênhx tưs tâu chuôs njiz pos lok cux pov pos zos iz lênhx nênhs siêz đơưz, siêz jông tiês./.

(An Kiên-Riê Lâux cxeik, nhênhv)