Pênhz phax Sơn La yax mông vênhv tôngv tsôngv box têx mênhx cxưx cxaz chuôz hnuz ntênhs muk tso ntơưr bo xeir

          Hnuz tưs cux li ntơư, yar ntux lok sik lok nas, têx cán bộ nhoz Tuêv vênhv tôngv tsôngv box Zênhx pênhz phax Chiềng On cux muk đhâu trôngz đhâu har txos têx jêx jos chiê yax mông trâu pox nhuôs pâuz jiês tso ntơưr bo xeir teiv plor Côx hôiv thiêz Hội đồng cxuô cấp six cxiv 2021-2026 li ziz njiêz. Tsôngv box tưz shưv đros thiêz suôz loa nta suôz thiêz cán bộ pênhz phax li suôz yêz meir thâuv tuôx txos jêx jos. Thiếu tá Trần Văn Phương, Zênhx pênhz phax Chiềng On puz pâuz: “Đhâu hâux lưv muk yax mông li no cur pov pox nhuôs lok six muôz siêz tsưr ziv siêz xar. Pêz tưz sik côngv đros chính quyênx têx jêx jos nhoz buôk ntus đriv yax mông trâu pox nhuôs lok côngz xưv tso ntơưr bo xeir, xeir têx lênhx nênhs tsiv nhos chiê tso ntơưr bo xeir”.

          Chiê pox nhuôs muk tso ntơưr bo xeir cxix cxuô, cán bộ, chiến sĩ Zênhx pênhz phaxChiềng On tưz muk txos yênhx jêx jos, yênhx chuôz zis chiê yax mông, zôngv luk tiv phaz heik kriê, viv pox nhuôs nhoz têx jêx jos tox siêz phênhv ntâu tsi pâuz luk choz tsiz. Zơưv Shôngx Lao Phay, nhoz jos Suối Cút, xã Chiềng On, huyện Yên Châu heik: “Thâuv tâu yax mông lok jiês tso ntơưr bo xeir teiv plor côx hôiv thiêz Hội đồng cxuô cấp, chuôz zis lok six jông siêz thiêz njênhs njôngr lok Đảng, têz qơưk li lênhs tov thiêz zuôr muk tso ntơưr bo xeir, uô li chas cov xeir tâu têx lênhx nênhs muox txâuk pênhr xưv, txux chi lok uô teiv plor côx hôiv thiêz Hội đồng cxuô cấp”.

          Cxôngx hâur hlik hli 4 txos nhiv no, Zênhx pênhz phax Chiềng On tưz tsưr tsix 80 ntâu jiês yax mông cxôngx zôngv loa nta suôz; sik côngv đros lưx lươngv muôx txơưx jênhv, chính quyênx têx xã yax mông ntơưv têx jêx jos, chor ziv chuôz zis, chuôz zis muôx 50 shông ntâu, đros 900 ntâu jiês tsôngv box mnôngs lok Chei bo xeir. Đại úy Thào Nguyên Hồ, Chính trị viên phó, Zênhx pênhz phax Chiềng On, Bộ chỉ huy Bộ đội pênhz phax tỉnh Sơn La puz pâuz: “Đrâuv têx jiês yax mông chêx chôngk mak taz viv tsênhv heik têx đồng chí pâuz luk mênhx cxưx muk txos yênhx ziv chuôz zis vênhv tôngv thiêz nriêr pâuz tsôngv box li siêz xar njôngr. Chiê taz por txiv ngaz hâur ntu zuôr txos mak taz viv zuôr tror chox kriê têx tuêv côngz xưv nghiệp vụ sik côngv jông đros lưx lươngv công an sâuv thax tsav uô jông côngz xưv qênhz yuôx, seiz car jông sâuv thax tsav chiê taz por txiv ngaz hâur ntu tsưr tsix tso ntơưr bo xeir”.

          Cxôngx nhiv no txos hnuz tso ntơưr bo xeir, lưx lươngv cán bộ chiến sĩ ntơưv têx zênhx pênhz phax sâuv thax tsav tỉnh Sơn La, tiv zix zos têx qơư nhoz buôk ntus đriv chuôz tsar lưx lươngv qênhz yuôx, seiz car thax tsav; tơưv txênhz tir tar têx zav nênhs phamv cxâuv, tiv nanv xã hội, yênhx lix têx qơư seiz car thax tsav thiêz tuêv muk qênhz yuôx sâuv thax tsav yax six muk qênhz yuôx buôk ntus đriv, tir tar têx lênhx nênhs nhiês muk lok đhâu ntus đriv tsi trơưk chei. Đại tá Cà Văn Lập, Chính ủy Bộ Chỉ huy Bộ đội pênhz phax tỉnh Sơn La puz pâuz: “Xav tênhv cê por vêv jiês bo xeir, cê phax tar moz Covid-19 viv li cán bộ pênhz phax tỉnh Sơn La tsuv sir tas đas jos uô jông jênhv vưv taz por txiv ngaz sâuv thax tsav ntus đriv, nhoz têx qơư tsưr tsix tso ntơur bo xeir chiê jiês tso ntơưr bo xeir tsưr tsix yênhx côngz jông”.

          Cê yax mông vênhv tôngv chiê pox nhuôs têx mênhx cxưx pâuz, uô jông zuk li txơưx jênhv, cê uô jông jênhv vưv tuôr truôx txiv ngaz ntus đriv, tiv zix zos hâur qênhx shênhx moz Covid-19 huôv xênhz txơưr txar, têx cán bộ, chiến sĩ pênhz phax Sơn La tsênhv sir jos gổng đas jos trâu Hnuz ntênhs muk tso ntơưr bo xeir zuôr txos li yênhx côngz./.

                                       (Trấn Long-Txâur Vax cxeik nhênhv)

Niêv lâuk Sú Xênhv Hav uô nox uô hâuk coz

Têx shông đhâu, phôngz yaox pox niêv huôv tsar uô nox, txo grêk cêr pluôs truôx nhoz huyện Tủa Chùa, tỉnh Điện Biên uô tâu jông. Txix ntơư muôx ntâu lênhx pox niêv uô nox uô hâuk coz, iz shôngk muôx phênhv sâu tâu yênhx puô tsov đeiv, paz txo grêk yeiz pluôs, huôv tsar kinh tế XH ntơưv qơư. Niêv lâuk Sú Xênhv Hav nhoz jok Tỉnh B, xã Xá Nhè, huyện Tủa Chùa (Điện Biên) zos iz hâur têx lênhx uô tâu jông li heik co. Zâuv sđ đros mnôngs:

Cux iz zav li ntâu chuôz zis heir nênhs Hmôngz txơưr đuô, thâuv ntêx niêv lâuk Sú Xênhv Hav lok six txov nhêv cơưk. Hur si  chuôz zis muôx zuôr xar 10 lênhx nênhs, tsuôk pâuz tok njôngr txos 2 ha liêx têz uô blêx iz chiv xưz; hok têz poz cưk mak tsơưs, uô tâu tsuôk txâuk puz keiz puz buô, li ntơư taz sik muôx kênh shông ntux tsi paz tưz uô tsi tâu, chuôz zis tsuv nox mor cuôv, nox poz cưk. Txơưv  lok six sir jos khưr taz sik niêv lâuk chuôz zis cux six trâul yeiz pluôs tas li. Sik đros pêz thav, niêv lâuk Sú heik: “Nhoz Tuần Giáo, Mường Nhé, muôx ntâu lênhx px uô tâu trơưk tsưr ziv lok huôv tsar uô liêx têz, tu zus tsiêx cxu, ntơưv Điện Biên Đông ho muôx ntâu lênhx huôv tsar uô nox txix muôs huv, uô lưv zav hâux lưv…..

Nhạc cắt

Đhâu seiz ti vi, pov ntâu lênhx px lơưr txơưx huôv tsar uô nox, cur  krêz seiz muk seiz lok, muôz ntơưr chưx mêv sâu tsês lơưr têx tsưr ziv txơưx uô nox co. Đhâu ntâu hnuz hmo xar, cur seiz lax đros tus txir kêr txeik tsêr nhiêx têz qơưk huyện 50 tsov đeiv chiê zuôr meir jov cxur, krêz uô qơư muôs hax huv phưx vưv tsôngv cưr tix nênhx tsa sđ hâur thax tsav qơư”. Txix kaz shông 2015, niêv lâuk Sú chuôz zis uô nzir têx hâux lưv yiêz. Niêv lâuk tus txir zos Chư Xênhv Shôngx, nưk lês car uô đreiv uô luôs hâux lưv krêz meir jov cxur, jov poz cưk trâu tsôngv px hâur jok Tỉnh B thiêz têx jok nhoz jê iz ndis; hok niêv lâuk Sú mak muôs huv thiêz tu zus nzir buô. Đros trâu têx sir jos, gruôs khưr uô nox, niêv lâuk chuôz zis tưz thêv tas têx nhiêx txiêx kêr txeik têz qơưk thiêz muôx nhiêx muôx txiêx krêz uô đar qơư tu zus buô. Khov li co, tsuôk đhâu 5 shông, niêv lâuk Sú chuôz zis luz nênhx tưz hlôngr yiêz ntâu, tsi nyơư luôs nox luôs hnar. 2 shông tror lok no, iz shông niêv lâuk Sú chuôz zis puôr lênhx muôs zuôr xar 10 tênhr buô grêix, phênhv sâu tâu txix jov cxur, jov poz cưk, zuôr muôs hax huv uz no….. tâu nhos yênhx puô tsov đeiv.

Nhạc cắt

Tsi tiêk muôx txâuk pênhr chiê huôv tsar uô nox hâur niêx hnuz, niêx shông, đros trâu tsưr ziv uô nox li heik sâuv, niêv lâuk Sú chuôz zis muôx nzir pênhr krêz uô đar qơư tu zus nhux tưv trok maz thiêz. Niêv lâuk Sú heik pâuz: “Tsôngv px tox siêz mak khênhr zus nhux, zus tưv tso lak yar, nưk mul zok nưk jâuz tâux nox pêv têx yar jâuz, tsơưs muôz hmôngr cưk  puz têx nhux tưv nox, viv li nhux tưv tsi trok jông gâux, muôs tsi tâu gri. Seiz pov li heik co, cur tưz muk zuôr têx nhux tưv zuôs lok zus cơư guôx, lêis jâuz puz, muôz hmôngr krâur trâu nox cov trok maz, jông gâux. Đhâu nhos 3 luz hlik, têx nhux têx tưv ndê cir sei thiêz trok jông gâux, txơưv muôs tâu gri. Hur tiz si têx luôs hâux lưv uô li heik sâuv, xav kror đruôz đraz iz shông chuôz zis muôx phênhv sâu tâu xar 300 tsov đeiv.

Đros trâu têx uô tâu trơưk tsưr ziv co hâur huôv tsar uô nox, ntâu shông siz lơưr liês niêv lâuk Sú Xênhv Hav thâuv tưs tưz tâu kruôs txos zos lênhx huôv tsar uô nox uô coz ntơưv qơư.

Nhạc cắt

Tix lâus Lôngx Xênhv Hav nhoz jok Tỉnh B heik pâuz, iz chas huôv tsar uô nox, niêv lâuk Sú Xênhv Hav zos iz tsov iêr chi cax, jông siêz thiêz shir phaz lus kriê tsôngv cưr tix nênhx tsa sđ tsưr ziv uô nox. Khov niêv lâuk Sú paz max, ntâu gơưv niêv txir hluôk hâur jok muôx nzir pênhr, tsưr ziv paz lơưr huôv tsar uô nox uô hnar. Niêv lâuk Sú tsưr ziv kriê thiêz siêz jông tưz paz cxơưz đas jos chiê tsôngv box Hmôngz nhoz jok Tỉnh B heik taz, xã Xá Nhè heik cxuô truôx siêz đuô hâur hlôngr yiêz tsưr ziv uô nox, tu zus tsiêx cxu chiê jux juk txo grêk tsơưs cêr yeiz pluôs.

Tsôngv box….! Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đeix TNVN nhoz faz Tây Bắc uô đros trâu Tsênhv qơư cxiz kôngz têz qơưk paz max./.

(Thào Ly BT-Riê Lâux cxeik, nhênhv)