Jax sâu thưr 7, hnuz 18/6/2016:

Tsôngv box Sán Chay ntênhs hội thor ntux yar ntux nas

Tsôngv box Sán Chay nhoz Thái Nguyên khênhr tsưr tsix ntênhs hội thor ntux yar ntux nas uô ntêx lok sik đhâu tsiêz têz qơưs hâur niêx shông. Hâur hnuz tsưr tsix ntênhs hội heik co, tsôngv box sđ hâur jok bax cxix cxuô  zav li: grêix keiz, grêix buô, bax tênhz tơưk, kuôr chiêz thiêz têx shaz ntơưr…. Têx zov chênhr zuôr tsuv muôx zos: tâuz hâu buô, co tư buô, co tơư, fax mor blâuv, keiz, kê keiz, muôx têx nduôr zos tsôngv box tưx uô tâu, txir ntông, tênhz thiêz kuôr chiêz, cxok 2 tuk shôngz trâu 2 saz.

Đros tsôngv box Sán Chay, têx zuôr tsuv muôx hâur ntênhs no zos têx đeiv đuôz lâuk đei đros. Chor đuôz ntơư zos chor txir nênhz têx đuôz muôx cxix cxuô 28 zav đuôz li: Phuôz têik txos trâu têx đuôz thor hmôngr…., chor đuôz ntơư cux jông txơưr tsik siz thôngx thiêz tâu zôngv hâur têx ntênhs tsưr tsix nhiêk cux txơưr lơưv nhiêk. Pir li đuôz zôngv trâu lêis đaz, zôngv hâur têx ntênhs đơưk bê, zôngv hâur ntênhs thor ntux yar ntux nas….

Iz chas têx đuôz li heik sâuv, hâur ntênhs txi thor ntux yar ntux nas no cux muôx triêv ntax, pir li zôngv triêv, txuôk… chiê uô liêx têz….Luz thôngz ar tâu muôz tơưr ntông uô, thâuv lênhx txir nênhz tsênhv uô ntênhs txi thor ntux yar ntux nas lok paz zưs sđ têx kôngz lôngk hloz jông, mak ntâuk luz thôngz ntơư đror tâu seiz zos qơư tik, txuôk tsôngv px ntiêx têz têx luk heik txos trâu pox sâuz zơưv sâuz thor  cov muôx tâu iz chiv cheix uô sâu tâu nju kôngz lôngk. Sâuv kâuv ntux zơưv sâuz hnor suôz đror ntơư, zuôr tso nas lok paz ntiêx têz cov sđ uô tâu nox tâu hnar.

Thâuv tưz bax tâu cxix cxuô zav li heik sâuv, lênhx hu tuôx txi ntênhs co zuôr qir tsưr tsix txi ntênhs thor ntux yar ntux nas paz tsôngv box sđ hâur jok niêx shông uô tâu nox tâu hâuk, kôngz lôngk sâu tâu nju, tsi muôx moz muôx gênhs, sđ uô nênhx shir phaz lus.

Đhâu thâuv txi tas ntơư, tsôngv cưr tix nênhx tsa sđ hâur jok sik đros uô cêr lov jêv, đhiê pax vuôs Tắc Xình hơưv tok ntux têx cêr paz. Tsôngv box Sán Chay nhoz Thái Nguyên ntênhs hội thor ntux yar ntux nas thiêz đhiê pax vuôs Tắc Xình zos phôngz cxưx cêr nênhx vênhx huôv jông muôx thâuv nzor thiêz ndo txiêx njis, qơư txuôk txix tsôngv box trâu zơưv sâuz pox sâuz, heik lok tsôngv box têx tsưr ziv, siêz xar hâur huôv tsar  cêr uô nox uô hnar../.

( VOV4-Riê Lâux cxeik, nhênhv)

Phênhv thưr 7, hnuz 18/6/2016:

Poz hiêr thú Ba Mùn thax tsav pak đêx Tử Long

Nền sóng biển……

Txix qơư tsar yêz gox đêx Cái Rồng (Vân Đồn, Quảng Ninh), muk xar tas 45 phút yêz gox đêx thiêx txos Poz hiêr thú Ba Mùn thax tsav pak đêx Tử Long.

Ba Mùn nhoz sâuv thax tsav poz hiêr pak đêx Tử Long-zos thax tsav qơư pak đêx jông jav, muôx jôngr ntông nhoz puôk ndis trơưk ntus pak đêx. Poz hiêr đar 1.800 ha, taz sik ntêr 20 caik cêr thiêz  sâuv thax tsav poz hiêr ntơư tsik muôx px nhoz; tsuôk zos muôx kiểm lâm sêiz car har jôngr, sêiz car tsiêx kuk, tâu cxiv tsa shông 2001.

Thax tsav jôngr ntông  nhoz trơưk ntus pak đêx Tử Long, muôx  2 cxênhz zav tsiêx kuk, shôngz ntông; hâur ntơư muôx 72 zav tsiêx kuk thiêz 32 zav shôngz ntông tsiv grê, muôx bê sâu tsês trâu hâur ntơưr pêz têz qơưs VN. Sâuv poz hiêr, muôx cxuô zav ntông tsiv grê li: Đinh, lim, sến táu…thiêz muôx ntâu tsoz ntông lox, 3-4 lênhx puôs cux tsik tas. Tsiêx kuk cux muôx ntâu zav li: Sơn dương, mok lưx, câur, liêz, đêik, câuv jâus, sêi….Zơưv Phạm Ngọc Biên, cán bộ tsưx phưv tsiêx kuk hêik pâuz tiêk: Iz zav tsiêx kuk, tsuv tâu tu zus thiêz tsưx phưv jông txơưr tsik siz thôngx.

 “Liêz mak tsuv tâu muôz đêx tsik so trâu hâuk, muôz cxuô zav txir ntông, tâuz đas, vơưs kok zax zưv, vơưs liêz…trâu nox. Huôz cik zos zav tsiêx nox grêix thiêz nox jâuz tâux. Naz tros, oz pêz hnuz tsuv tâu muôz iz tus kêiz trâu nox iz jiês, nưk tưx tov tưx nox. Muôx têx tus, tsuv tâu muôz iz đêiv grêix jux juk trâu nox”.

Iz chas muôz grêix, txir ntông puz trâu cxuô zav tsiêx nox, zơưv Biên tsênhv uô jông luôs hâux lưv tu zus cxuô zav tsiêx tsik chiê trâus cik caz moz ơưk. Hâur iz shông, chor nênhs sêiz car  hêik ntơư tưz chơưv paz tâu chiêx yênhx puô zav tsiêx kuk. Zơưv Biên hêik pâuz nzir:

 “Luôs hâux no, têx jiês cux uô phiv liv cơưs; pêz chor chơưv paz đros kiểm lâm muk qênhz yuôx thiêz chơưv paz tsik so cxuô zav tsiêx trâu har jôngr; zuk cê sêiz shuôk, cê tu thiêz tsưx phưv cxuô zav tsiêx kuk hâur har jôngr”.

Đros trâu lực lươngx kiểm Lâm chiê tsưx phưv, chơưv paz; phênhv ntâu têx tsiêx kuk ntơư tso tror muk trâu har jôngr har tsuôs, cov ziv hnuz ziv muôx ntâu zav tsiêx kuk huôv vav nhoz sâuv thax tsav poz hiêr Tử Long Zơưv Vũ Ngọc Thân, phưv sêiz car thax tsav poz hiêr Tử Long hêik pâuz:

 “Luôs hâux lưv tsưx phưv, sêiz car poz hiêr Tử Long, pêz cux xav tâu tiêk: Tsuv uô cov tâu truôx cxuô luôs hâux lưv zok muôz, sêiz car cxuô zav tsiêx kuk. Chênhr zos li hêik ntơư, hâur shông đhâu, cxuô zav tsiêx kuk thiêz cxuô zav ntông tsiv grê hâur thax tsav no tsik trâus ruôr hiêv txos”.

Nền sóng biển….

Hâur ntâu shông đhâu lok no, muk txos trâu Ba mùn cux li thax tsav poz hiêr Tử Long, muôx chôngz lênhx nênhs nhênhz chơưv thiêz chôngz lênhx kruô tuôx sêiz shuôk ndis ntux txos thiêz zos thax tsav jông jav hâur pêz têz qơưs VN./.

                                                 (Tsu cxêik, nhênhv-TTĐB)