Hluôk nênhs Sơn La paz đas jos phax tar moz covid-19

Têx hnuz kaz hlik hli 5 nhiv kruôr đhâu, tỉnh Sơn La sâu jênhv 1 lênhx nênhs trâus moz nhoz thax tsav Mỏ Đồng, jos Nà Bó, xã Nà Bó, huyện Mai Sơn trâus caz moz SARS Cov 2. Lơưr co, zuôr xar 20 ziv chuôz zis đros zuôr xar 80 lênhx nênhs nhoz uô nênhx ntơưv co trâus cêv kuôk.

       Cxôngx moz li têx huôv xênhz txơưr txar, niêv lâuk Lò Thị Du, Bí thư đoàn xã Nà Bó, huyện Mai Sơn tưz hu lơưs đoàn viên hluôk nênhs, côngv thôngx sik đros paz txưv tsôngv box hla đhâu phêv liv. Ciês thâuv co, đoàn xã tưz jênhv tâu zuôr xar 6 tsov đeiv nhiêx txiêx, 10 cir cxur, 6 cxênhz đeiv bos kror ndâux, 30 ntâu thôngz đêx, thax nduôr cxuô zav; têx pluôk nox sơưr nzor, nox su thiêz nox hmo txos thâuv phax tar tâu moz đros ntâu chuôz zênhx txơưr thiêz paz txưv têx chuôz zis sâu đêx txir khơưz. Niêv lâuk Lò Thị Du, Bí thư đoàn hluôk nênhs xã Nà Bó, huyện Mai Sơn puz pâuz:“Zos iz lênhx Bí thư đoàn xã, cur tưz vênhv tôngv, hu lơưs têx chi đoàn, đoàn viên hluôk nênhs thiêz têx tsưr tsix, lênhx nênhs hâur thiêz đrâuv xã hội paz max; đhâu hâux lưv uô no, têx đoàn viên hluôk nênhs tưz muôz siêz chinhz yênhx tir tar moz, sik côngv tês, côngv siêz paz têx bác sĩ, têx lưx lươngv công an, cux xưk li têx txưv zênhv viên hâur hâux lưv phax tar moz”

          Iz chas paz txưv ntơưv xã Nà Bó, đoàn viên hluôk nênhs tỉnh Sơn La tsênhv muôx ntâu huôx tôngv paz tỉnh Bắc Giang, Bắc Ninh phax tar moz Covid-19. Tiv zix zos paz sâu zuôr txir lưv tsiz, uô zav nox paz thiêz paz nhiêx txiêx, chuôz zênhx zuôr trâus, chuôz zênhx y tế phax tar moz. Đoàn viên Lò Thị Chính, Tsêr cơưv Cao đẳng y tế Sơn La heik:“Cur xar njôngr chox zuk li têx yênhx tưv cơưv tâu chiê phưx vưv tsaz yênhx txưv zênhv, truôx siêz sik côngv đros xã hội, gôngr côngv viv têz qơưk cxôngx têx hâux lưv uô tsênhv tsênhz”.

          Cxôngx hâur shôngk shông txos nhiv no, đoàn viên hluôk nênhs cxôngx tỉnh txos têx qơư txơưr tưz sir jos gôngr côngv nhiêx txiêx, chuôz zênhx, hnuz côngz phax tar moz covid-19, đros tas nro njuôs xav ndê txos 1,2 tỷ đeiv. Chor nhiêx txiêx no tâu ciêr chênhr xa txos têx lưx lươngv uô ntêx nyuôk phax tar moz li: Qơư seiz car moz ntơưv têx ntus đriv, têx zênhx pênhz phax, qơư cêv kuôk y tế tỉnh thiêz tiv zix zos khơưk muôz trâu đoàn hluôk nênhs tỉnh Hủa Phăn (Lào).Niêv lâuk Vì Kiều Oanh, Phưv chủ tịch Hội liên hiệp hluôk nênhs VN tỉnh Sơn La puz pâuz:“Hâur ntu zuôr txos, têx cấp bộ đoàn, hội, đội zuôr tror phuôx tôngv đoàn viên hluôk nênhs paz chuôz zênhx chuôz tas, nhiêx txiêx, tsov cưv trâu lưx lươngv uô ntêx nyuôk phax tar moz Covid-19 thiêz têx chuôz zis, mê nhuôs muôx luz nênhx txov nhêv tiv moz Covid-19 huôv xênhz; ndar txos tsaz yênhx phuôx tôngv sik pheiz kênh, sik côngv tês hla đhâu moz zos Trung ương đoàn phuôx tôngv”.

          Cxôngx têx hâux lưv uô tsênhv tsênhz, muôx ziz njiêz, đoàn viên hluôk nênhs tỉnh Sơn La tưz tso pov chinhz yênhx uô ntêx nyuôk viv luz nênhx côngv thôngx, gôngr phênhv uô 2 tsưr ziv zos cê phax tar moz huôv xênhz, cê huôv tsar kinh têr./.

Trấn Long-Txâur Vax cxeik nhênhv

Căn cước công dân li tsiv gri pháp lý thiêz vax huôv cungz Căn cước công dân

Lok tsiv gri pháp lý, ntơưr căn cước công dân muôx chíp zos chor nênhs Việt Nam li đêiv ntơưr hêik pâuz lok zuk tiz nênhs chiê zôngv đêiv ntơưr co uô cxuô zav ntâuz ntơưr, têx hâux lưv uz no sâuv tas nro têz qơưk Việt Nam. Ntơưr căn cước công dân tâu sir zôngv hlôngr trâu ntơưr hộ chiếu hâur hâux lưv Việt Nam thiêz têz qơưk saz đrâuv cir jênhv sêiz lax ntiêx têz tso chêi nênhs hâur têz qơưk cir jênhv tâu sir zôngv ntơưr Căn cước công dân hlôngr trâu hâux lưv sir zôngv hộ chiếu sâuv têx têz qơưk co. Cơ quan, tsưr tsix, tiz nênhs muôx vax huôv tâu hêik sơưr đơưk muôz ntơưr Căn cước công dân chiê qênhz yuôx lok căn cước (lok zos tiz nênhs) thiêz têx xor mông cik txos. Đuô li, cơ quan, tsưr tsix, tiz nênhs muôx vax huôv cux zuôr sir zôngv tâu lênhx tiz nênhs tuk số lok lênhx nênhs sâuv ntơưr Căn cước công dân chiê nriêr pâuz xor mông lok lênhx nênhs tâu uô ntơưr hâur têx sôr lov têz qơưk lok pêx xênhv thiêz têx kror txơưr đuô trơưk cêr chêi têz qơưk li cui tênhv.

Thâuv sơưr đơưk muôz ntơưr Căn cước công dân trâu têx cơ quan, tsưr tsix, tiz nênhs muôx vax huôv sêiz mak cơ quan, tsưr tsix, tiz nênhs muôx vax huôv co tsik tâu hêik cov zuk muôz nzir têx ntâuz ntơưr tưs txơưr chiê hêik pâuz lok têx xor mông tưz muôx sâuv đêiv ntơưr Căn cước công dân. Têz qơưk por vêv vax huôv, kror liv huv đros trâu nênhs tâu uô ntơưr Căn cước công dân, taz por  tâu sir zôngv huv zos, huv chêi thiêz zôngx ziv.

Grê 21 Chêi Căn cước công dân cui tênhv hnuz nhôngs chiê uô ntơưr Căn cước công dân li đrav kaz: Ntơưr Căn cước công dân tsuv tâu hlôngr đuô thâuv tiz nênhs txưv 25 shông, txưv 40 shông thiêz txưv 60 shông. Zos tiêk ntơưr Căn cước công dân tâu uô, hlôngr đuô, uô đuô hâur 2 shông uô ntêx hnuz nhôngs cui tênhv mak cux muôx tsiv gri sir zôngv txos luz hnuz nhôngs tsuv hlôngr đuô txuôk lơưr co.

Ntâuz ntơưr, tsưr ziv uô ntơưr Căn cước công dân muôx chíp điện tưv lok six zôngx ziv, sêiz đrơưv khov lơưr têx xor mông nriêr pâuz pêx xênhv. Six hơưv muôz chor ntơưr Căn cước công dân muôx chíp điện tử đhâu thâuv uô zos 7 hnuz lok sik 15 hnuz uô hâux lưv xav txix hnuz txêik tâu têx ntâuz ntơưr, khov lơưr nênhs uô yiêz, hlôngr đuô, lok sik uô đuô tiv pôngz plox, tsik pov. Thượng tá Huỳnh Thị Thu Trang, Phưv trưởng phongx PC06, công an thành phố Hồ Chí Minh puz pâuz: ntơưr Căn cước công dân yiêz no mak paz muôx lok six ntâu kror liv trâu pêx xênhv, tiv zix zos đhâu hnuz 1/7/2021, thâuv Bôv Công an phêiz kênh têx xor mông lok lênhx nênhs trâu chor sở nganhx hâur sêiz car têz qơưk, mak zuôr tsik thav muôx têx ntơưr txơưr đuô thâuv uô têx ntâuz ntơưr, hâux lưv dân sưv uz no txơưr:“Nhiv no, pêz muôx nhos 22 ntâuz ntơưr hành chính thâuv sơưr đơưk uô ntâuz ntơưr. Ntơưr Căn cước công dân muôx chíp mak zuôr paz zôngx ziv đuô trâu 30 ntâu zav ntơưr lok tiz nênhs sik txơưr li: ntơưr BHYT, BHXH, mã số nhiêx sê tiz nênhs, ntơưr tsar yêz. Tov kaz no mak sơưr đơưk tsuôk tsuv muôz ntơưr Căn cước công dân thâuv uô ntâuz ntơưr, hâux lưv uz no xưz. Sâuv đêiv ntơưr no mak sơưr đơưk zuôr zôngv tâu mêir điện thoại chiê tsov mã QR code xưz zuôr pâuz tâu xor mông lok zuk đêiv ntơưr chứng minh thư kuz”.

Grê 27 Chêi Căn cước công dân shông 2014 cui tênhv vax huôv uô, hlôngr đuô, uô đuô ntơưr Căn cước công dân zos Cơ quan sêiz car Căn cước công dân Bôv Công an.

Sơưr đơưk zuôr xêir tsov tâu iz hâur têx qơư đrav kaz no chiê uô ntơưr Căn cước công dân thâuv txưv hnuz nhôngs chiê uô ntơưr căn cước công dân lơưr cui tênhv:

+ Cơ quan sêiz car Căn cước công dân Bôv Công an;

+ Cơ quan sêiz car Căn cước công dân Công an tỉnh, thành phố lox;

+ Cơ quan sêiz car Căn cước công dân Công an huyện, quận, thị xar, thành phố nhoz tỉnh thiêz taz viv hành chính iz zav li co;

+ Cơ quan sêiz car Căn cước công dân muôx vax huôv tsưr tsix uô ntâuz ntơưr cungz têx ntơưr li co.

+ Căn cước công dân ntơưv xar, phường, thị trấn, cơ quan, taz viv lok sik ntơưv sơưr đơưk li qơư nhoz zos tsuv tâu uô.

Pâuz tsênhz thiêz cxix cxuô lok Căn cước công dân li tsiv gri pháp lý, cux xưk li vax huôv tâu uô ntơưr Căn cước công dân zos cxuô lênhx nênhs Việt Nam li vax huôv thiêz jênhv vưv, trơưk cêr chêi têz qơưk li cui tênhv./.

Thanh Tâm-Lik Thox cxêik nhênh