Mù Cang Chải (Yên Bái) yeik txar têx chuôz zis tsôngv box muk nhoz qơư yiêz, đhâu muôx yưv ar zuôr trâus poz

Đhâu coz nas lox hnuz xiêz 3/8, iz chas têx ar, poz jêz poz lok cxuz tsêr, nhiv no sâuv trôngz thiêz ntơưv tix lâus Hạng A Su kâuv tsêr pov ar xưz tơưs ntâu caz plêz ntêr, zôngx ziv uô tox poz ar lơưk, tsuv yeik txar zênhx max muk nhoz qơư yiêz, tsik chiê uô ruôr hiêv txos tsôngv px têx vax tsêr thiêz lênhx nênhs. Tix lâus Hạng A Su nhoz jok Phình Hồ, xã Dế Su Phình heik:

"Cur chuôz zis muôx têx nhoz tsi tâu ntơưv kror qơư no, tâu Đảng, têz qơưk moz siêz paz yeik txar, tso tsôngv  cưr tix nênhx tsa sơưr đơưk tuôx đros paz, cur chuôz zis uô tsâus lok six ntâu".

Yuôr tix lâus Đruôl Vax Xênhv Hav chuôz zis, đhâu coz nas lox hmo xiêz 2/8 thiêz tas cik sơưr nzor hnuz xiêz 3/8, tsas ar siêz tưz poz lok cxuz, uô vâu tas nro tix lâus luz tsêr. Đhâu têx ar, poz jêz poz lok cxuz tsêr li ntơư, tix lâus chuôz zis hmôngr jông tsi muôx lênhx tưs trâul tuôs, taz sik tix lâus iz hâur 4 lênhx nhuôs tưz trâus lor tơư. Nhiv no tix lâus chuôz zis tưz tsi muôx iz zav đaz tsi tsiv grê hlo, tưz txov nhêv lok ziv trâus txov đuô thiêz, thâuv kror qơư kuz tsi truôx tuk, tsi jông nhoz, taz sik qơư nhoz yiêz cux zok nriêr tsi tâu tâu. Tix lâus Đruôl Vax Xênhv Hav heik:

"Nhiv no chuôz zis đaz tsi cux trâus pôngz tas, tsi muôx tuk tsi lơưv. Vax tsêr trâus puôk tsuôx, qơư nhoz kuz tsi jông nhoz, lok cux lax zok nriêr tâu qơư yiêz yeik txar. Vav chiê siêz tiêk, têz qơưk zuôr paz zok nriêr qơư thiêz paz uô iz luz tsêr trâu cur chuôz zis nhoz chiê tso siêz đuô".

Hâur coz nas lox nhiv kruôr đhâu, huyện Mù Cang Chải muôx 14 lênhx nênhs trâul tuôs thiêz pôngz plox mông, 9 lênhx trâus saz, 53 chuôz zis tsôngv box têx vax tsêr trâus đêx nas cuôr yôngz, vâu, puôk tsuôx, ntâu côngz trênhx côngv thôngx thiêz tsôngv box têx chuôz zênhx chuôz tas trâus vâu, lor, trâus đêx nas cuôr yôngz tsi jông tas. Đhâu ciês thâuv muôx yưv têx tsi jông li heik sâuv, hâu nov tỉnh Yên Bái tưz đros hâu nov ntơưv qơư tsưr tsix tror cxiv kho đuô têx trâus uô ruôr hiêv thiêz qênhz shuôs, ntâuk grê đuô têx qơư tsôngv box nhoz seiz pok truôx tuk.

Đhâu qênhz shuôs, ntâuk grê tas, pov xưz têx caz plêz lox nhoz xã Dế Xu Phình, zongx ziv uô ruôr hiêv txos 30 chuôz zis tsôngv box hâur jok Phình Hồ luz nênhx nox nhoz. Txix têx li hêik ntơư, huyện Mù Cang Chải thiêz tỉnh yên Bái tưz qir yeik txar zênhx max têx chuôz zis heik sâuv muk nhoz qơư truôx tuk. Xav txos trâu nhiv no, tưz zok nriêr tâu qơư  yiêz truôx tuk, txâuk trâu 30 chuôz zis yeik txar muk nhoz, qir ruôr, jêik yêv tâu xar muôx 20 luz tsêr, yeik thiêz cxiv uô tâu 6 luz tsêr. Taz sik, luôs hâux lưv no cux njiz ntâu phiv liv. Zơưv Nguyễn Văn Khánh, Phưv chủ tịch UBND tỉnh Yên Bái heik pâuz:

"Cêr mul lok lok six phiv liv, têx yêz uz no muk tsi tâu txos trâu hâur jok co. Chênhr viv li, hâux lưv ruôr, jêik yêv thiêz yeik txar, thâux xa têx shôngz ntông, chuôz zênhx uz no muk puôr lênhx zos lênhx tiz nênhs siz chos paz cưr, gra xưz. Pêz chox kriê huyện, sir jos yax mông, vênhv tôngv cov têx chuôz zis tsôngv box nhoz têx qơư riêz nênhs yeik txar muk nhoz qơư truôx tuk, thiêx tsi uô hiêv li chas txos zuk thiêz chuôz zis, têx chuôz zênhx chuôz tas".

Đros lok six ntâu têx phiv liv, taz sik hâu nov huyện Mù Cang Chải thiêz tỉnh Yên Bái cux tsênhv taz tov sir jos uô luôs hâux lưv no chiê yeik txar cov tas têx ziv chuôz zis tsôngv box nhoz qơư riêz nênhs muk nhoz trâu qơư yiêz hâur ciêz zuôr txos chiê lơưr truôx tuk luz nênhx./.

(Thừa Xuân-Riê Lâux cxeik, nhênhv)

UBND tỉnh Sơn La cuêz tênhv tso tơưv luôs hâux lưv lok xã jêx jok yiêz tỉnh Sơn La ntu 2017-2020

Luôs hâux lưv lok thông mông thiêz yax mông:

a/ Tsênhv njiêz luôs hâux lưv:

- Xã muôx qơư phưx vưv bưu chính.

- Xã muôx qơư viễn thông, internet.

- Xã muôx Đaix fuô luk thiêz cxiv luôs loa txos têx jêx jok.

- Xã muôx công nghệ thôngz mông hâur sêiz car, chox kriê.

b/ Muôx txơưx jênhv kruôz kriê, ntâuk gri: Sở thôngz mông thiêz yax mông

Luôs hâux lưv lok tsêr nhoz trâu pêx xênhv:

a/ Tsênhv njiêz luôs hâux lưv:

- Tsêr lav nhoz, đaz tuôs: Zos uô tsik tiêr luôs hâux lưv tso tơưv

- Chor ziv chuôz zis muôx tsêr nhoz tax lơưr cuiz tênhv. Tsưr ziv ntâu đuô lok sik bâuv 75%

b/ Muôx txơưx jênhv kruôz kriê, ntâuk gri: Sở cxiv tsa

Luôs hâux lưv lok phênhv sâu:

a/ tsênhv njiêz luôs hâux lưv:

- Phênhv sâu lênhx nênhs thax tsav jêx jok txos shông 2020 (triệu đêiv iz lênhx nênhs). Luôs hâux lưv tso tơưv shông 2017: bâuv lok sik siêz đuô 26; Shông 2018: bâuv lok sik siêz đuô 29; Shông 2019: bâuv lok sik siêz đuô 32; Shông 2020 bâuv lok sik siêz đuô 36;

b/ Muôx txơưx jênhv kruôz kriê, ntâuk gri: Cục thôngz sâu tỉnh

Chuôz zis pluôs:

a/ Tsênhv njiêz luôs hâux lưv:

- Chor ziv chuôz zis pluôs ntâu hâur ntu 2016-2020. Tsưr ziv bâuv lok sik tsơưs đuô 12%

b/ Muôx txơưx jênhv chox kriê, ntâuk gri: Sở lox tôngv-xã hội./.

(Thu Thùy-Lik Thox cxêik nhênhv)