Jax 2: Truôx tul thax tsav ntus đriv faz Bắc

“Khov muôx Đảng, têz qơưk thiêz cấp ủy chinhr quyênx xã, tuz lênhv nhoz tiv phaz lok six jông siêz paz max chuôz zis tul nhuôv Tòng Thị Hải. Pêz chuôz zis lok six uô tsâus ntâu”.

“ Lok six uô tsâus ntâu txos Đảng, têz qơưk, đoanx kinh têr côx phax 326 viv tsov cưv txos chuôz zis pluôs Lường Thị Liên thiêz paz cxuôv yeiz thiv pluôs trâu tsôngv box thax tsav tox siêz. Hlôngr njêx muôs trâu cur chuôz zis, uô tsâus ntâu txos têx cấp, têx nganhx, đoanx thêv, têx tuz lênhv tưz paz max chuôz zis muôx tsêr nhoz, tsi cxơưx thâuv ntux nyar ntux nas thiêz”.

          Co zos zơưv Tòng Văn Thành thiêz zơưv Lường Văn Phênh li ziv chênhv zos chuôz zis niêv lâuk Tòng Thị Hải nhoz xã Sốp Cộp thiêz niêv lâuk Lường Thị Liên nhoz xã Mường Và, huyện Sốp Cộp puôr lênhx zos chuôz zis pluôs, muôx nênhs trâus sêv khiz lok luz chêr, puôr lênhx tsi muôx txir li nênhs cxênhz jê. Tâu chinhr quyênx, têx đoanx thêv, têx tuz lênhv nhoz têx tuêv tsiv uô thiêz cxiv tsa chinhr trị nhoz Đoanx kinh têr- côx phax 326 paz cxiv uô tsêr niêv côngv siêz. Nhiv no muôx tsêr yiêz truôx jông, niêv lâuk Hải thiêz niêv lâuk Liên puôr lênhx lok six shir phaz thiêz zuôr truôx siêz sir jos uô nox uô hâuk hla đhâu cêr pluôs:        “Tâu Đảng, têz qơưk, têx tuz lênhv pênhz phax tsov cưv, pox nhuôs tsi tsir têz tsir qơư, tsi ntor luôx jôngr, tsi mnôngs lơưr nênhs fêv...lơưv thiêz. Pox nhuôs nhiv no tso siêz uô kôngz uô lông chiê ngaz tul luz nênhx”.

          Đros iz taz viv, iz lênhx nênhs tâu choz jênhv vưv, puôr lênhx muôx iz siêz xar zos chiê muôx tâu ntus đriv truôx tul mak tsôngv box luz nênhx tsuv muôx txâuk nox txâuk hnar. Trung tá Nguyễn Văn Ngọc, tuêv tsar tuêv 7- Mường Lèo puz pâuz cxaz lok têx hâux lưv mak têx taz viv uô hâur ntu đhâu:     “Sik đros tsôngv box nhoz, sik đros tsôngv box uô mak pêz uô têx hâux lưv tsênhv tsênhz chiê hlôngr yiêz pox nhuôs li siêz xar. Chiê taz por tâu txiv ngaz chinhr trị, xã hội uô ntêx tsôngv box luz nênhx tsuv ngaz tul Viv li, hâur têx shôngk đhâu pêz chêx chôngk huôv tsar uô têx trâur nuv uô nox uô hâuk. Chênhr viv li mak pox nhuôs pov pêz cux paz thiêz sik đros pox nhuôs uô, tâu pâuz txos têx KHKT yiêz chiê huôv tsar uô nox uô hâuk thiêx muôx luz nênhx ngaz tul”.

          Thâuv ntêx, txos cheix kôngz lôngk tsi tâu siêr, Têz qơưk tsuv paz txưv trâu ntâu ziv chuôz zis pluôs nhoz hâur têx xã, jêx jos txov nhêv tiv zix nhoz Sốp Cộp. Thâuv tâu têx cán bộ, đảng viên đoàn kinh têr- côx phax 326 paz lok tsưr ziv tsêz chos, ntâu ziv chuôz zis tưz txơưx zôngv tsưr ziv yiêz lok uô, chuôz tsar tsơưr lươngv tsoz chos, tsiêx tu zus, muôx cxaz phênhv sâu chiê huôv tsar kinh têr chuôz zis. Ngaz tul luz nênhx, tso siêz uô hâux lưv, nhiv no tsi taz tsi mnôngs lơưr nênhs fêv mak pox nhuôs tsênhv zos têx lênhx chiến sĩ por vêv ntus đriv, cungz xor mông trâu chinhr quyênx, tuz lênhv yưr lir thâuv muôx hâux lưv muôx yưv sâuv thax tsav ntus đriv. Bí thư huyện Ủy Sốp Cộp Bùi Thị Thanh Thủy ntâus gri:“Đoanx kinh têr- côx phax 326 nhiv no tsênhv uô jênhv vưv lok kinh têr chinhr trị, côx phax txiv ngaz sâuv thax tsav huyện. Hâur ntu đhâu, cấp ủy, chinhr quyênx huyện tưz sik côngv jông đros đoanx, tiv zix zos hâur hâux lưv paz tsôngv box cxiv tsa têx thax tsav dự án, yênhx trus muôz siêz luz nênhx, cxuôv yeiz thiv pluôs trâu tsôngv box. Đros huyện cxiv tsa nôngx cxênhz yiêz, tuôr truôx txiv ngaz côx phax, muôz siêz luz nênhx chinhz yênhx trâu pox nhuôs”.

          Hâur ntu 2020-2025, Đảng ủy Đoàn kinh têr-côx phax 326 Quân khu 2 xav tênhv: Sik côngv jông đros chinhr quyênx tiv phaz têx lưx lươngv muôx txơưx jênhv taz por txiv ngaz chinhr trị, thax tsav. Niêx shông cán bộ, đảng viên iz Tuêv tsiv uô thiêz cxiv tsa cơ sở chinhr trị zuôr cxaz chuôz paz muôz siêz tsơưr lươngv huôx tôngv trâu 3-4 tsưr tsix chinhr trị xã hội, paz cxôngx 7-10 ziv chuôzz is uô jông iz cxiê tsưr ziv hla đhâu cêr pluôs, paz 1-2 jêx jos uô jông têx tsưr ziv lok cxiv tsa nôngx cxênhz yiêz; sir jos iz shông thax tsav txu gris cxôngx 4-5% chor ziv chuôz zis pluôs./.

(B.Thủy-T.Anh.T.Ly-Txâur Vax cxeik nhênhv)

Tsưr ziv tu zus buô cov tsi trâul moz ơưk buô châu Phi

Lok sâuv qơư thiêz têx chuôz zênhx tu zus

Qênhz shuôs njôngr lênhx nênhs muk lol thiêz têx buô ntơưv qơư tu zus, qơư tu zus buô tsuv uô lơưr têx tsưr ziv hêik kriê, tsuôs yuôx tuô, lov caz moz, phax tar moz. Thax tsav qơư zus tsuv xor têx lax vak iz ndis chiê thêir zôngr, tsik chiê têx caz uz no cik trâu tsiêx cxu. Qơư muk lol hâur guôx, qơư zus buô tsuv muôx iz qơư hlôngr trik yo, yuôx tsuôs tuô lov caz moz. Têx qar qơư zus  tsuv tâu cêv, tsi zus uô cê chor buô nhiv kruôr zuôr lol  lok sik têx buô moz đros paz buô tưz muôx zus uô ntêx hâur guôx. Iz chas co, thax tsav tu zus tsuv muôx qơư trâu têx qir tsiêx cxu, têx vuôz tsuôz kiêk nênhs, tsi chiê tsư nxiêz, trâu saz đrâuv.

Lok sâuv nôngz buô tu zus, krâur nox thiêz đêx hâuk:

Têx nôngz buô zuôr lok zus tsuv pâuz tsênhz qơư thiêz zos têx nôngz buô jông. Đros thiêz chor buô zuôrsaz đrâuv luôs 2 chas tỉnh txơưr đuô lok mak tsuv muôx cơ quan kho moz tsiêx cxu ntâuz ntơưr qênhz njuôk shuôs moz. Têx buô nhiv kruôr zuôr lok zus co tsuv zus tso nưk nhoz nưk iz kro tsơưs tsơưs 2 ciêz uô ntêx thâuv zuôr muôz tso uô cê đros têx paz buô hâur qơư tu zus. Lênhx nênhs tu zus tsuv sir zôngv têx krâur nox pâuz tsênhz qơư, tsi tuôx pưv, tsi tsư nxiêz thiêz tâu taz por truôx tuk. Tsi tâu tror muôz chor buô tưz muôs lok sik buô trâul muôx moz ntơư têx krâur nox sênhv hâur đaz puz lưv tus buô nox. Têx đêx cux tsuv zos đêx hur, iz chas ntơư cxaz nzir têx zav krâur txơưr đuô, yuôx trâu buô nox chiê muôx đas jos phax tir têx moz ơưk.

Lok sâuv tu thiêz zus: Sđ tsuv hnar têx tsôngk yo jông iz zav thâuv muk hâur qơư tu zus têx buô thiêz tơưv hâur co tror lok. Thiêz tsuv uô lơưr tsưr ziv tu zus puz krâur nox kruôr, tsi chiê buô đa đêx….

Xưv lik têx kiêk nênhs, vuôz tsuôz: Buô têx kiêk nênhs, vuôz tsuôz tsuv tso ntưk trâu đrav kaz guôx, đêz qơư tso đêx. Thiêz buô têx kiêk nênhs vuôz tsuôz ntơư tsuv tâu qêz suô, nzuôr tsi so hâur niêx hnuz….cov hur si, đu lus.

Lok sâuv seiz car, qênhz shuôs moz: Uô trơưk li cui tinhv lok phax tar moz fiv đros trâu têx buô. Sđ tsuv ndo njôngr, tsưv ziv muôz têx buô moz cêv nưk nhoz nưk iz kro chiê qênhz shuôs, sox seiz, kho moz zênhx max, tsi muôs têx buô nôngz thiêz qênhz shuôs jông têx xiv huv lơưr cui tinhv. Thâuv muôx moz ơưk huôv xênhz tsuv tsuôs yuôx tuô, lov caz moz ntơưv qơư tu zus, muôz ntâuz tax xor thêir ntov iz ndis têx guôx buô. Chor buô muôx moz tsuv tâu muôz hlơưr por tsês trơưk li hâu nov ntơưv qơư heik kriê thiêz uô lơưr cui tinhv nzuôr hur, tsuôs yuôx tuô lov caz moz têx trâu qơư tu zus trơưk li cơ quan kho moz tsiêx cxu fuô kriê…..

Phênhv “nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos Chiz coaz Đeix nta suôz VN iz suôv Tây Bắc uô. Muôx tsênhv qơư cxuêz kôngz têz qơưk paz txưv./.

 (Vàng Lan BT-Riê Lâux cxeik, nhênhv)