Tsêr lơưx bê tông- têx hlôngr yiêz huv đros luz nênhx yiêz

          Nền Thái...

          Đhâu ntâu shông tiv ntux yar ntux nas, niêv lâuk Quàng Thị Thanh Hảo chuôz zis li luz tsêr lơưx nhoz jos Nà Khưa, xã Thanh Chăn, huyện Điện Biên (tỉnh Điện Biên) tưz trâus caz tho nox puôk tsuôx lơưv ntâu. Nhiv no ntông chiê uô tsêr ziv hnuz ziv tsơưs, niêv lâuk Hảo chuôz zis tưz cuiz tênhv hlôngr zôngv ndêx bê tông uô cxiv uô tsêr lơưx.

          Niêv lâuk Hảo puz pâuz: Uô nteir, uô lax caz...niêv lâuk puôr lênhx zôngv bê tông, xor hlâu, inox. Chiê tsêr uô tâu jông trơưk li tsêr lơưx chax chês, niêv lâuk chuôz zis tưz zôngv sơn chiê qêz têx ndêx, lax caz co jông xưk li ntông. Seiz cxuô, đrâuv chuôz zênhx cxiv uô mak phênhv ntâu tsưr ziv cxiv uô cux tsi muôx tul tsi hlôngr yiêz ntâu pir đros ntu đrav ntêx: “Thâuv ntêx txos nhiv no, tsêr lơưx zuk niêv zuk txir tưz uô lơưv. Zuk pov zôngv ntông uô mak khênhr trâus caz tho nox, tsuv yax six kho đuô, viv li zuôr chênhz zênhv zuk cxiv uô cxôngx bê tông, xor hlâu; li ntơưv zuôr truôx thiêz por vêv tâu tênhx qơư, tsi ntor luôx jôngr ntông mak tuôr tsês tâu mênhx cxưx li cêr chax chês uô tsêr lơưx”.

          Ntơưv tỉnh Điện Biên, tsôngv box Thái tưz nhoz uô nênhx ntơưv no cxôngx nzor. Tsav 38% ntâu jênh số tas nro tỉnh, nênhs Thái muôx chôngz tiv zix hâur 19 mênhx cxưx nhoz sâuv thax tsav tỉnh.

          Niêv lâuk Quàng Thị Thu, mênhx cxưx Thái nhoz xã Thanh Chăn, huyện Điện Biên pheiz kênh: Tsêr lơưx zos qơư mak nênhs Thái li têx cxênhx nênhs sik đros nhoz uô nênhx, cux zos qơư tuôr tsês pos zơưs têx phongz cxưx, cêr vênhx huôv chax chês jông. Chiê uô tâu iz luz tsêr lơưx cxôngx zôngv ntông mak nhiv no cê lax nriêr tâu ntông, cê tsi truôx li zôngv bê tông cxiv uô, viv li niêv lâuk chuôz zis tưz hlôngr tsưr ziv cxiv uô cov huv đros qênhx shênhx tsênhv tsênhz: “Lok tsưr ziv cxiv uô mak tsi muôx tul tsi hlôngr yiêz, zuk tsuôk hlôngr chuôz zênhx cxiv uô xưz. Đros tsêr lơưx zôngv ntông uô mak phênhv ntâu zos 100% zôngv ntông xưz, tsêr lơưx zôngv bê tông cxiv uô mak zuôr zôngv 100% bê tông uô. Têx pưv phênhv txơưr mak tsov lơưr chuôz zis li zoz qơưx thiêz tsưr ziv sir zôngv chiê xeir chuôz zênhx uô cov huv đros”.

          Zơưv Đào Duy Trình, Tsar phongx Di sản vênhx huôv, Sở vênhx huôv thiv thao thiêz ju lix tỉnh Điện Biên puz pâuz: tsôngv box Thái Điện Biên li tsưr ziv uô tsêr tsênhv muôx têx hlôngr yiêz tsênhz mênhx, hâur co zôngv bê tông uô tsêr zos iz hâur têx hlôngr yiêz cov huv đros qênhx shênhx tsênhv tsênhz.

          Cxôngx hâux lưv zôngv chuôz zênhx bê tông, xor hlâu hlôngr trâu zôngv ntông cxiv uô tsêr cux uô zênhr shar ntâu txos hâux lưv tuôr tsês têx tsiv grê vênhx huôv cxôngx luz tsêr lơưx chax chês, uô ntêx Sở vênhx huôv, thiv thao thiêz ju lix tỉnh Điện Biên cux tưz heik tỉnh ủy Điện Biên tso tơưv Nghị quyết số 11 lok hâux lưv tuôr tsês thiêz huôv tsar vênhx huôv têx mênhx cxưx reik đros huôv tsar KTXH, ntu 2021-2025, ndar txos shông 2030. Hâur co, muôx ntâu njiêz luv reik đros tuôr tsês côngv thôngx nênhs Thái li tsưr ziv uô tsêr lơưx chax chês; tuôr tsês pax vuôs xòe Thái lok sik hâux lưv uô têx phongz cxưx, cêr chax chês jông reik đros luz tsêr lơưx chax chês... “Lơưr cur hâux lưv nênhs Thái zôngv têx chuôz zênhx txơưr cxiv uô tsêr lơưx cux uô zênhr shar ntâu txos cêr chax chês, taz sik co zos hâux lưv zuôr trâus thiêz pêz cux tsuv sir jos yax mông, vênhv tôngv tsôngv box sir jos tuôr truôx mênhx cxưx li vênhx huôv chax chês jông”.

          Nhạc Thái...

          Luz nênhx muôx têx hlôngr yiêz tsi so. Ntơưv Điện Biên, Tsôngv box Thái li têx luz tsêr lơưx tâu zôngv ntông cxiv uô tsênhv jux jus tâu hlôngr yênhx têx luz tsêr lơưx bê tông yiêz jông đuô. No tâu seiz zos iz hâur têx hlôngr yiêz zuôr trâus, viv li tsuv tâu seiz trơưk saz jông đuô lok hâux lưv no./.

(Vũ Lợi-Txâur Vax cxeik nhênhv)

Iz lênhx pox niêv sir zôngv suôz sênhr gâux Then yax kriê tir thêir caz moz Covid-19

          Nền then tính……….

          Ntơư zos niêv hluôk Nguyễn thị Phương, hêir nênhs Tày, nhoz jos 5, Xã CưMga, huyện CưMga, tỉnh Đắc Lắc, têx tsưr ziv xar tơưv njiêz luk hêik hêir nênhs Tày, Nùng suôz gâux then. Suôz gâux then, zôngx ziv mnôngs pâuz  tsênhz lok têx njiêz luk yax kriê sđ tir thêir caz moz Covid-19, trơưk đrêiv li Thủ tướng Chính phủ, Bộ y tế quy  tênhv lok cxuô faz tsưr ziv tir thêir caz moz Covid-19 thiêz hêik txos cxuô lênhx lực lươngx tuz lênhv, cxuô lênhx cưk yuôx luôs hâux lưv sir tas đas jos tsưr ziv chơưv kho moz, yax kriê cxuô lênhx sđ uô jông cxuô faz tsưr ziv tir thêir caz moz Covid-19. Đhâu tsik ntêr hnuz, niêv hluôk Nguyễn thị Phương jax gâux then tâu tso trâu hâur mạng xã hội, fay bút, youtub, tưz muôx yênhx cxênhz lênhx kriz sêiz, mnôngs thiêz kruôk txos têx njiêz luk jax gâux then co. Tix lâus Nguyễn Trung hải, hêir nênhs Tày, nhoz huyện CưMga hêik pâuz: “Đhâu sêiz, mnôngs niêv lâuk Phương jax gâux then, têx njiêz luk suôz gâux jông hênhr, huv đros suôz trax tính. Suôz gâux then muôx njiêz luk hêik txos tsôngv px cxuô hêir nênhs sđ siz chos côngv tsưr ziv đas jos tir thêir cov tâu caz moz Covid-19 thiêz đhâu sêiz, mnôngs tas suôz gâux then co, zôngx ziv pâuz tsênhz lok cxuô faz tsưr ziv tir thêir caz moz gênhk”

          Niêv hluôk Nguyễn thị Phương cux thav tiêk, hâur ntu đhâu tưz đros chor uô hâux lưv tir thêir caz moz gênhk hâur jos, xã muk fuô yax kriê tsôngv px sđ uô jông cxuô faz tsưr ziv tir thêir caz moz gênhk thiêz yax kiê chor nênhs muk uô hâux lưv, uô jos nhoz têx tỉnh muôx caz moz Covid-19 chiê muk cêv kuôk zos đrêiv Chính Phủ chỉ thị tso tơưv. Niêv hluôk Nguyễn thị Phương shir phaz lul hêik: “Đhâu mnôngs jax gâux no, cux tâu cxuô lênhx sđ kruôk txos thiêz cux uô trâu cur truôx siêz xar tơưv ntâu jax gâx nzir. Txơưv nhiv no, cur tsênhv đros sđ uô ntâu luôs hâux lưv tir thêir caz moz gênhk hâur thax tsav xã; taz sik hâur ntu zuôr txos no, cur tsênhv zuôr sir jos xar cov tâu ntâu jax gâux then huv đros luz nênhx hlôngr yiêz nhiv no”

          Pos Hồ Thị Thanh Hải, chủ tịch uỷ Ban MTTQVN xã CưMga cux hêik pâuz tiêk, hâur thax tsav xã no, hêir nênhs Tày, Nùng muôx chôngz txos 16%. Hâur têx hnuz đhâu, thâuv cxuô tỉnh tso tơưv chêi cêv kuôk xã hội trơưk li chỉ thị 16, muôx chôngz lênhx nênhs laox tôngv muk uô jos hâur têx tỉnh muôx caz moz Covid-19 tror lok tsênhv qơư. Chênhr zos li hêik ntơư, luôs hâux lưv fuô yax kriê, chơưv paz chor nênhs laox tôngv co uô cov tâu truôx cxuô faz tsưr ziv tir thêir caz moz gênhk, zos iz luôs hâux lưv zov chênhr. Uô tsar Ban Mặt trận jos, uô chi hội trưởng pox niêv, niêv hluôk Nguyễn thị Phương tưz uô ntâu luôs hâux lưv muôx liv đros cxuô lực lươngx tir thêir moz gênhk. Hâur ntơư, muôx niêv hluôk Nguyễn Thị Phương suôz gâux then huv đros chôngz lênhx ntâu tus px hâur thax tsav. “Niêv lâuk Phương zos iz lênhx cán bộ jos, uô tâu tiêr ntâu luôs hâux lưv jông muôx liv trâu tsôngv px sđ hâur thax tsav qơư nhoz, niêv hluôk Phương cux tâu têx hâu nov thênhv siêz thiêz tâu tsôngv px sđ njênhs njôngr. Lar hêik zos, niêv lâuk Phương suôz gâux then muôx njiêz luk yax kriê sđ lok cxuô faz tsưr ziv tir thêir caz moz Covid-19”

          Nền hát then…….

          Suôz gâux then, trax tính zos iz zav tsuv muôx đros đrêiv hêir nênhs Tày, Nùng nhoz cxuô tsênhv qơư li luz nênhx nox nhoz muk lok hâur niêx hnuz. Lar hêik zos, niêv lâuk Phương suôz gâux then muôx njiêz luk yax kriê sđ uô trơưk cxuô faz tsưr ziv tir thêir cov tâu caz moz Covid-19./.

Tsu cxêik nhênhv-VOV Tây Nguyên