Jax sâu thưr 3, hnuz 19/1/2016:

Tsênhv yuôr ntâu phiv liv hâur sâu tsês têx triêv fov, chuôz zênhx zôngx ziv tơưs cuz nhoz Yên Bái

 

 

Huyện Yên Bình, tỉnh Yên Bái muôx ntâu heir nênhs tsơưs uô nênhx nhoz li: Cho, Tày, Nùng, Cao Lan. Lơưr tsôngv box, traz fov tuô nak tuô nông-fov chiv chir uô tưz yênhx zav chuôz zênhx đros đreiv tsôngv box luz nênhx xênhz huôx txix thâuv ntêx lok. Txơưv têx ngênhx muôx vax huôv tưz sir jos yax kriê, vênhv tôngv cov tsôngv box sơưr đơưk gra têx triêv, chuôz zênhx zôngx ziv tơưs cuz tuôx khơưs tsês, taz sik tsôngv box cux nhiês khơưk chiê tâu traz puôr chiê zôngv.

Pir li pos Tướng Thị Thiết, nhoz xã Phúc An chuôz zis. Lưv lươngv muôx vax huôv tsuv heik 3 jiês, pos thiêx gra chuôz zis traz fov tuôx tsês. Pos Thiết heik:

“ Traz fov cux tsênhv jông zôngv, nhiv no khơưk tsês jông trâu hâur tsêr xưz tưz tsi muôz uô đaz tsi, taz sik cux tsi xar gra muk trâu lơưr têx lênhx công an tuôr tsês, viv traz fov no zos fov lâuk, lơưr chor lâuk tsês chiê, viv li xar tsês tâu seiz đaz muôs”.

Pos Thiết tsưr  ziv, siêz xar cux xưk li ntâu lênhx tsôngv box heir nênhs tsơưs nhoz tox siêz Yên Bái. Taz sik li co, txix khơưk tsês chiê tâu seiz lok jux juk cux zuôr zôngv txos, ntơư zos kror zôngv ziv muôx yưv. Lar heik zos têx txuz uô fov siz trâus nhiv kruôr muôx no nhoz huyện Mù Cang Chải. Thâuv trâus moz, tix lâus Sinh xênhv Vax, xênhz shông 1988, nhoz ntơưv xã Nậm Khắt heik, ntơư zos zơưv Đruôk Xênhv Vax nhoz đros uô cê hâur xã tso đaz uô hiêv zuk chuôz zis, viv li hnuz xiêz 5/9/2015, Sinh Xênhv Vax thiêx gra chuôz zis traz fov muk tuô zơưv Đruôk tuôs.

Txix têx riêz nênhs tiv têx fov chiv chir uô, hâur 5 shông đhâu, Công an tỉnh Yên Bái cux tưz tsưr tsix tso yênhx puô lênhx canr bôv, chiến sỹ muk uô hâux lưv trâu cxuô thax tsav, yax kriê, vênhv tôngv tsôngv box gra tâu zuôr xar 6 cxênhz  traz fov cxuô zav tuôx khơưk tsês chiê. Taz sik chiê tsôngv box gra tas hur si têx fov tuôx tsês chiê tsi zos zôngx ziv. Tsênhz tiês nhoz xã Phúc An, huyện Yên Bình: Txơưv hâu nov ntơưv qơư tưz tsi so fuô kriê, vênhv tôngv, taz sik muôx kênh ziv chuôz zis cux tsênhv nhiês khơưk chiê têx fov chiv chir uô tsês hâur tsêr. Zơưv Đặng Văn Bảy, Phưv tsar công an xã Phúc An, huyện Yên Bình heik pâuz:

“ Pêz Công an xã hâux lưv uô phiv liv yax zos thâuv vênhv tôngv tsôngv box gra têx fov tuôx tsês chiê, viv lơưr tsi yuô tâu muôx tsưr ziv jênhv pâuz, ntâu lênhx tsôngv box cux tsênhv xar tuôr tsês têx fov chiê tâu gra muk zok uô si tuô nak tuô nôngs, tsi pâuz txos têx riêz nênhs li chas viv li lơưr tsi xar muôz”.

Iz chas hâux lưv tưz hu zâuv tsi tâu tâu tsôngv box sơưr đơưk gra tas têx triêv fov riêz nênhs tuôx khơưk tsês chiê mak tưz ho pov muôx yưv têx zav fov yiêz. Chor fov no zos lơưr muôz car đêx zak zưr, car câuk uô, têx riêz nênhs cux jông xưk li têx fov hmôngz zuk uô zuk. Ciês ntơưv huyện Văn Yên, hâur shông 2015 lưv lươngv muôx vax huôv tưz sâu tsês tâu 100 ntâu traz fov cxuô zav. Txix têx li heik sâuv, tỉnh Yên Bái fuô kriê cxuô ngênhx muôx vax huôv, ntơưv qơư chuôz tsar tiês luôs hâux lưv yax kriê, vênhv tôngv  tsôngv box cov tsi cxoz uô, zuôr muôs, sir zôngv têx triêv fov chiv chir uô, yuôx zôngx ziv tơưs cuz. Đại tá Hoàng Văn Đường, Tsar công an huyện Văn Yên, tỉnh Yên Bái heik:

“ Yax kriê, vênhv tôngv tsôngv box; iz chas ntơư zos qênhz shuôs njôngr têx qơư tsiv uô têx triêv fov heik sâuv chiê pêz tir thêir tsi khênhr uô thiêz muôz tik cêr cxâuv trơưk chei têz qơưs”.

Uô jông luôs hâux lưv sâu tsês têx fov, yuôx zôngx ziv tơưs cuz thiêz têx chuôz zênhx tsiv uô têx fov heik ntơư zuôr zos hâux lưv uô jông chiê paz truôx tuk txiv ngaz-ngaz tuk XH hâur thax tsav tỉnh Yên Bái./.

                               (Tuấn Xuân-Riê lâux cxeik, nhênhv)

 

 

 

 

Phênhv “Tsôngv px zuôr tsuv pâuz” thưr 3, hnuz 19/1/2016:

Sêiz shuôk tưv muôx jês

         

 

          Nus: faz tsưr ziv tưs  thiêx pâuz tưv muôx jês?

          Têz: Muôx ntâu faz tsưr ziv pâuz tưv muôx jês:

          +Thâuv tus niêv tưv ntơư muôx jês txix 5 luz hli, sêiz njiê zênhx pov luz plaz lox thiêz pov mik đrux.

          +Faz tsưr ziv tiv oz: Thâuv tus tưv ntơư muôx jês txix 5 luz hli, muôz têk niêk ntơưv ntha faz xik, cux zênhx xuôk tâu tus mê nhuôv tưv ntơư luz toz hâu. Faz tsưr ziv no tsuv sêiz shuôk trâu thâuv têis cik sơưr nzor, tsik tâu tso muk nox jâuz.

          +Faz tsưr ziv tis poz njês mnôngs: Thâuv tus mê nhuôv tưv hâur tus niêv  plaz pư tis tar tox, mnôngs cux hnor tus mê nhuôv tưv ntơư luz plơưr đhia. Taz sik, tsuv mnôngs thâuv tus mê nhuôv tưv ntơư muôx 6  hli tror sâu.

          +Thâuv tus niêv tưv ntơư muôx jês txix 7-8 luz hli, pov tus niêv tưv ntơư kror qơư mok mêx njik lok cuô đêx.

 

          +Đhâu muôz máy qênhz shuôk, tus tưv ntơư tsuv muôx jês txix 70-90 hnuz; taz sik tsik cxoz uô ruôr hiêv txos tus mê nhuôv hâur plaz.

          +Thâuv tus tưv ntơư muôx jês, sêiz pov tưv tros, nox jâuz tsâu sêi,  pov mik đrux jux juk.

+Đhâu 22-25 hnuz, tsik pov tus fơư trơưk tus mâuv mak phênhv ntâu zos tus mâuv muôx jês./.

                                                                          (Tsu cxêik nhêv-Thanh thuỷ)