Sir jos chiê hla đhâu cêr pluôs

Nhoz jo Sơn Hải, xar Nam Sơn, huyện Ba Chẽ, tix lâus Đặng Minh Thu ziv chuôz zis tâu sêiz zos ziv chuôz zis pluôs tiv zix. 28 shông muôx 3 tuk mê nhuôv, tsik muôx ar chiê uô nox, yênhx shông muk uô jos viv li txơưv txơưx luôx tưs lok cux tsik txâuk trâu 5 lênhx nênhs hâur chuôz zis nox. Thâuv tsưr ziv paz pênhr huôv star kinh têr jêx jok nhiv kruôr tâu kriz uô, đhâu ntâu hmo xar, tix lâus kir txêik 200 triệu đêiv yưv pênhr zus nhax đas muôs grêix. Nhoz jok pluôs tox siêz, kror hâux lưv no tâu sêiz zos iz kror phiv liv taz sik tix lâus Đặng Minh Thu cux sir jos uô trơưk zuk tsưr ziv xar hiêz tix lâus chuôz zis tưz uô tâu. Piz txix 10 tuv nhux đas, đhâu ntâu shông uô, tix lâus tưz thêv zuôr tas chor nhiêx txêik mak hâur guôx tsênhv muôx 22 tuk nhux đas, 10 tuk tưv, tix lâus Thu puz pâuz:

“Nhiv no cur tsênhv yuôr nux gri muox 50 triệu thiêz. Zuk tsênhv hluôk pluôs mak tsuv sir jos khưr, njênhs trâu zuk sir jos uô iz shông sâu tâu 70 txos 80 triệu đêiv. Nhiv no tsênhv yuôr chôngz lênhx nênhs pluôs đuô zuk. Zuk tưz uô tâu li no lơưv mak chiv chir uô ntơưr thor tơưv đhâu chuôz zis pluôs chiê tas nro chor chuôz zis pluôs ir jos cov hla đhâu cêr pluôs’.

Nhoz iz saz tix lâus Thu chuôz zis zos tis lâus Đặng Sơn Vĩnh thiêz niêv tix Lý Thị Vinh, hêir nênhs Cho Thanh Y, xar Nam Sơn li oz niêv txir cux chiv chir thor tơưv đhâu bê ntơưr chuôz zis pluôs. Txơưv tix lâus oz niêv txir luz nênhx phênhv ntâu zos khov trâu hâux lưv uô thiêz têr tơưr ntông keo, taz sik đhâu xar muôx 10 shông uô nênhx nhoz ntu đrav ntêx, tix lâus oz niêv txir thôngx siêz sir jos khưr uô nox.

“Cux pâuz tiêk muôx tsik txâuk tsar tov bluô nux taz sik shông tưs cux muk xar chiê jênhv hax huv puz trâu chuôz zis pluôs mak txax muôs hênhr. Viv li cux sâu ntơưr thor chiv chir sir jos uô nox xưz cov ndê muk xưz”.

“Zuk luz nênhx nhiv no tsik tok txos têz qơưk paz lơưv. Muôx kror hâux lưv tưs nriêr tâu nhiêx xưk li muk cxiv uô tsêr, uô keo, sir jos, gruôs mak thiêx li zuôr hla đhâu cêr pluôs….”

Zơưv Nguyễn Công Quyền, phưv chủ tịch UBND huyện Ba Chẽ puz pâuz chiê muôx tâu chêx cur li co, đros huyện pluôs tiv zix tỉnh Quảng Ninh zos iz kror sir jos uô, viv tsik zos tiêk ntơưr thor tơưv đhâu cêr pluôs tưs cux tâu txêik jênhv, tas nro tsuv tâu sêiz shuôk lơưr têx tsưr ziv hla đhâu cêr pluôs txix ntâu kror chiê taz por trâu chor chuôz zis muôx luz nênhx truôx tuk, tâu buôs ti têx dịch vụ, xar hội thiêz tiv zix zos tsik tror pluôs:

“Thiv pluôs mak uô lơưr phongz yaox tsik tâu. Viv uô li co mak lơưr zuôr tror pluôs sêi. Chêx cur no zos tổng hợp txix ntâu shông thâuv chính quyền paz lơưr lok uô xênhz yar, chor pênhr thiêz kror zov chênhr zos pêx xênhv li jênhv pâuz tâu tiêk pluôs mak txov nhêv, paz trâu lơưr sir jos huôv tsar kinh têr. Thiêz lơưr chiv chir sâu ntowur thor xưz tsik zos kruôz zuôv txix chox kriê”.

Thiv pluôs zos tas nro cxiv luôs chính trị li sir jos thiêz zos iz kror tsưr ziv chiê ntâuk gri têz qơưk li huôv tsar. Jênhv pâuz tâu hlôngr yiêz zos kror paz uô trâu sir jos cov hla đhâu cêr pluôs sêi đuô, gra siêz tsơưr lươngv luz nênhx. Taz sik hâix lưv phax tar yêiz pluôs nhoz Việt Nam tsênhv yuôr ntâu kror phiv liv thâuv yuôr têx qơư tsênhv muôx yưv xar tâu zos chuôz zis pluôs. Kror qiv siêz đuô zos têx li hêik co ho muôx nhoz chor nênhs tưz zênhx pâuz tsênhv txos têx tsênhv chêi, cov tâu sơưv liv txix chor nênhs pluôs xưk li Bôv trưởng Bôc lox tôngv Xaz pênhz thiêz xar hôiv Đào Ngọc Dung tưz hêik ntơưv jiês cơưv sêiz lax Côx hôiv li Nghị quyết lok chêx cur oz shông uô lơưr tsưr ziv thiv puôs truôx đrênhk txos shông 2010:

“Têx thâuv mak muôx têx huyện tưz hla đhâu huyện pluôs, taz sik cux tsênhv fênhx jông xưk li, cán bộ huyện thor tâu sơưv Nghị quyết 30a (Nghị quyêý lok paz thiv pluôs sêi thiêz truôx đrênhk trâu 61 huyện pluôs). Iz zav li iz cxiê xar nhoz Nam Định, iz cxiê xar muôx chủ tịch xar chiê mê nhuôs muk uô mê nhuôs puôs chiê tso trâu hâur bê ntơưr chuôz zis pluôs chiê tâu sơưv tsênhv chêi no. Tưz muôx chủ tịch xar tsuv muk nhoz tux tiv têx hâux lưv li no. Tas nro puôr lênhx xưv lik truôx jông lơưr cêr chêi têz qơưk cuiz tênhv”.

Chor nênhs chiv chir sâu ntơưr thor tâu tơưv đhâu zos chuôz zis pluôs mka ntâu tsơưs cux tsuv tâu tsov cưv txos, cungz jênhv. Viv đros lơưr, txơưv luz nênhx tsênhv yuôr ntâu kror muôx tsik txâuk, taz sik lơưr zênhx tsik pluôs lok siêz xar thiêz cêr uô nênhx./.

(TTĐB-Lik thox cxêik nhênhv)

PHÊNHV ĐAS JOS ( 2 suôz)

Tsôngv cưr tix fôngx zưs hmor yuô! Hâur phênhv đas jos ciêz no, pêz tror xa txos tsôngv cưr tix fôngx zưs mnôngs Chei taz por zav nox li têx cui tênhv.

          Grê 12: Têx taz por đros thiêz zav nox tưz đhâu tsiv uô.

          1. Uô trơưk têx tâu cui tênhv hâur Chei no li grê 10.

          2. Têx chiê uô zav nox qir thơưx tsuv taz por; tsi uô ruôr hiêv txos lênhx nênhs li đas jos, txox siê.

          3. Zav nox tưz đhâu tsiv uô tso hâur hnaz, hưx tsuv đăng cir ntơưr côngz fur huv cui tênhv đros chiz coaz têz qơưk muôx qênhx uô ntêx thâuv muôv muôs trâu niêv ciêz.

          Chính phủ cui tênhv tsênhz mênhx hâux lưv đăng cir ntơưr côngz fur huv cui tênhv thiêz six hơưv hnuz nhôngs ntơưr đăng cir côngz fur huv đros đros thiêz zav nox tưz đhâu tsiv uô, tso hâur hnaz, hưx...

          Grê 13: Têx taz por đros zav nox chuôz cxaz tsơưr pưr

          1. Uô trơưk têx tâu cui tênhv ntơưv Chei no li grê 10.

          2. Têx chiê uô zav nox qir thơưx tsuv taz por; tsi uô ruôr hiêv txos lênhx nênhs li đas jos, txox siê.

          3. tsuôk tâu chuôz tsar tsơưr pưr zos vitamin, tsơưr khoáng, tsơưr vi lượng lok hâur zav nox mak taz por tsi uô hiêv txos đas jos thiêz lênhx nênhs li txox siê, thiêz nhoz hâur bê têx zav tsơưr lơưr Bộ trưởng Bộ y tế li cui tênhv.

          Grê 14: Têx taz por đros zav nox  chuôz cxaz đas jos

          1. Uô trơưk têx tâu cui tênhv hâur Chei no li grê 10.

          2. Muôx xor mông, cxeix laov khoa học heik tsênhz mênhx lok têx muôx hâur zav nox chuôz cxaz đas jos li txux zôngv tưz côngz fur.

          3. Zav nox chuôz cxaz đas jos jiês xuz thơưx tâu muôv muôs sâuv niêv ciêz tsuv pov cov chêx cuk njuôs siv lok xiv huv li txux zôngv.

          4. Bộ trưởng Bộ y tế cui tênhv tsênhz mênhx lok coar lik zav nox chuôz cxaz đas jos.

          Grê 15: Têx taz por đros thiêz zav nox zôngv công nghệ sinh học uô

          1. Uô trơưk têx tâu cui tênhv hâur Chei no li grê 10.

          2. Uô trơưk têx cui tênhv lok taz por đros thiêz đas jos lênhx nênhs thiêz tênhx qơư lơưr Chính phủ li cui tênhv.

          Grê 16: Têx taz por đros zav nox tưz tâu zôngv tênhv tênhz tơưk tuô têx caz moz.

          1. Uô trơưk têx tâu cui tênhv hâur Chei no li grê 10.

          2. Têx zav nox muôx bê hâur têx zav nox tâu tso chei tơưk tênhv tênhz tuô caz moz.

          3. Uô trơưk cui tênhv lok tsưr ziv tơưk tênhv tênhz tuô caz moz.

          4. Bộ trưởng Bộ y tế, Bộ trưởng Bộ kôngz nuv thiêz huôv tsar nôngx cxênhz, Bộ trưởng Bộ công thương tso tơưv bê têx zav nox tâu tso chei tơưk tênhv tênhz tuô caz moz thiêz tsưr ziv tơưk tênhv tênhz tuô caz moz đros têx zav nox tâu pheiz côngz coar lik./.

(Tuyết Lan- Txâur Vax cxeik nhênhv)