Lào Cai sir jos huôv tsar uô trâu hâur ntu zuôr txos

Hâur 5 shông txix ntu Đại hôiv jiês tiv 15, phiv liv muôx, têx uô tâu cux muôx hur si, taz sik txos nhiv no cux khav tênhv tâu tiêk Lào Cai tưz uô tâu tiêr lok cxuô luôs hâux lưv.

Hâur 25 luôs hâux lưv Nghị quyết Đại hôiv tso tơưv, muôx txos 23 luôs hâux lưv uô tâu tiêr thiêz tsênhv uô tâu ntâu đuô tsưr ziv tso tơưv. Hâur ntu no, Lào Cai tsik so tuôr truôx chuôz ndê kinh têr muôx 9% ntâu; GRDP tâu muôx 76 triệu đêiv ntâu iz lênhx nênhs iz shông; chor chuôz zis pluôs grêk tsơưs txix 34% ntâu shông 2016 txos yuôr tsơưs đuô 9% shông 2020; tỉnh cux tưz huiz tôngv tâu muôx 170 cxênhz tiv đêiv ntâu tas nro pênhr yưv trâu xar hôiv sâuv thax tsav, txix co tsêx tsung trâu  têx kror liv muôx ntơưv tiv phaz li khoangr yax, du lịch, trôngx đriv…xav ciês thâuv moz Covid-19 phiv liv txos, Lào Cai cux uô tâu jông, nhoz hâur chor tỉnh muôx chuôz ndê kinh têr siêz tiv zix hâur têz qơưk.

Têx co khav tênhv tâu tiêk, Lào Cai tưz uô tâu kinh têr truôx huv đros. Thiêz chiê  uô tâu li mak uô ntêx tsuv muôx tâu iz pênhr jos jông. Zơưv Nguyễn Đức Ảnh, Giám Đốc Sở tài chính tỉnh Lào Cai puz pâuz, hâur tsar tov nhiêx txiêx têz qơưk tiv phaz ziv hnuz ziv tsơưs, Lào Cai zênhx xav jênhv tiêk tsuv zaz zâuv chor doanh nghiệp yưv pênhr tuôx, viv zaz zâuv chor doanh nghiệp cux zos paz muôx tâu chor pênhr nhiêx sâu lok trâu nhiêx txiêx têz qơưk tiv phaz, paz cêir chêx tâu têx zoz qơưx huôv tsar kinh têr-xar hôiv ntơưv tiv phaz.

“Dự thảo Nghị quyết Đại hôiv Đảng bôv tỉnh Lào Cai jiês tiv 16 tso tơưv tsưr ziv txos shông 2025, phênhv sâu nhiêx txiêx têz qơưk sâuv thax tsav ndê 55% pir li ntu uô ntêx, cux zos tiêk sâu tâu muôx 15.500 tiv đêiv, hâur co 60% txix nhiêx sê thiêz nhiêx phí. Sir jos txos hông 2025 xav nhoz phênhv sâu thiêz sir zôngv tsik so thiêz txos shông 2030 mak zuôr chiv chir cxơưx tâu nhiêx txiêx”.

Lok tsưr ziv hâur ntu zuôr txos, zơưv Trịnh Xuân Trường, Phưv Chủ tịch UBND tỉnh Lào Cai puz pâuz, Lào Cai cux zuôr  tror uô jông trơưk têx tsưr ziv txix ntu uô ntêx chiê uô cov tâu truôx jông đuô. Hâur co, tỉnh zuôr tsov cưv txos 2 kror hâux lưv chênhr zos huôv tsar vax tsêr, cêr cxuô zav thiêz du lịch, dịch vụ.

Đuô li, têx hâux lưv tsênhv njiêz li cxiv tsa Đảng,  thiêz cxiv luôs chính trị; taz por ngaz tuk, côx phax; huôv tsar pênhr jos, phuôx huiz tsiv gri vênhx huôv-lênhx nênhs; sir jos sêiz car têx chiv xênhz, por vêv tênhv qơư…cux zuôr tâu moz siêz txos. Nhiv no, tas nro cxuô hâux lưv tưz tâu uô tsênhz mênhx trơưk 18 faz tsưr ziv tso tơưv đros 60 luôs hâux lưv uô tiêr tâu yiêz pir li ntu uô ntêx chiê kriz uô ciês đhâu Đại hôiv. Zơưv Trường hêik:

“Lào Cai nhoz hâur thax tsav Tây Bắc, muôx qơư sơưr lok six zov chênhr. Đros ntu zuôr txos li têx kror tsuv uô yiêz, pêz cux xav jênhv ciês hâur ntu xuz thơưx six cxiv zuôr txos, 18 Đề án đros muôx lok six ntâu luôs hâux lưv tso tơưv tsuv tâu uô cxix cxuô, muôx tâu thôngx ziv siêz paz uô tâu ciês, njênhs tiêk tỉnh Lào Cai zuôr uô cov tiêr tâu jông”.

Đhâu xar muôx 30 shông tror yênhx lix tỉnh, đhâu 5 jiês đại hôiv Đảng bôv tỉnh, Lào Cai tsênhv huôv tsar truôx jux juk, chiê yênhx  tỉnh huôv tsar truôx lok kinh tế nhoz thax tsav Trung du thiêz tox siez faz Bắc; tsưr ziv sir jos txos shông 2045, thâuv chiv nhênhv 100 shông yênhx lix têz qơưk, Lào Cai zuôr nhoz hâur bê ntơưr chor tỉnh huôv tsar hâur tas nro têz qơưk./.

(Thủy-Kiên-Lik Thox cxêik nhênhv)