Jax sâu  thưr 5: 19/11/2015

Lịch sử-tsuv tâu sêiz zos iz môn cơưv

Zos nênhs uô côngz xưv ntêr shông hâur nganhx zoz zux, pos Võ Ngọc Thu, zos kuz trưởng phongx zoz zux-thox cxov quận 5 hêik tiêk, kriê ntơưr uô cê zos zoz zux ntiêx têz li tsưr mak Việt Nam tsuv cơưv shâuv. Taz sik uô chak cov kriê tâu muôx chêx cur. Ciês muôz môn lịch sử kriê uô cê đros môn zoz zux công dân thiêz ngaz tuk côx phax, pos Thu tsik thôngx ziv viv lơưr pos, no zos tsưr ziv uô tsik jông. Zos Bộ zoz zux-thox cxov li dự thảo hêik sâur tâu thôngz đhâu, nênhs njiz phiv liv ntâu tiv zix hâur cơưv ntơưr 3 môn uô cê zuôr zos chor shux xênhz. Đros chor nênhs cơưv mak phênhv ntâu chor nênhs kriê cux tsik thôngx ziv đros tsưr ziv kriê li no. chôngz lênhx cưk kriê ntơưr ntơưv thành phố Hồ Chí Minh hêik tiêk, Lịch sử zos iz môn cơưv muôx nưk iz kror txơưr. No cux zos môn cơưv muôx pưk txux zov chênhr hâur zoz zux siêz nhiêv têz qơưk thiêz cxênhx hluôk li txơưx jênhv. Viv li, zos tiêk tsuv muôz kriê uô cê đros chor môn txơưr đuô mak Bộ zoz zux-thox cxov tsuv xar sêz zuôr uô li chak cov chor tsêr cơưv hlôngr yiêz tsưr ziv kriê lịch sử chiê chor nênhs cơưv pâuz jông đuô. Chor nênhs nhiêv môn lịch sử vav tiêk, Bộ zoz zux-thox cxov zuôr mnôngs sơưr đơưk hêik chiê tuôr chiê jông môn cơưv muôx tsiv gi nox zos iz môn cơưv tsik shơư đros chor môn cơưv txơưr đuô./.

(TTTPHCM-Ly Thox cxêik nhênhv)

Phênhv thưr 5, hnuz 19/11/2015

Cheix ntux no thiêz chor cưk kriê ntơưr thax tsav tox siêz cêr vav chiê siêz njôngr

Nhoz xã Quan Thần Sán, shông tưs ntux no cux txos nzor đuô cxuô thax tsav, suôv qơư đrâuv. Hli 10, thâuv ntâu suôv qơư nhiv kruôr no nzux nziês thâuv tas cik sơưr nzor, mak nhoz no tưz lok six no, pok huôz niêz. Txơưv li ntơư, taz txix ciês tas cik nzor, chor cưk kriê ntơưr tưz tuôx jov jơưk muk tsêr cơưv tox siêz chiê kriê ntơưr trâu shux xênhz txix cêr moz siêz lus, trâu ntuô trâu luôs hâux lưv. Ntơưv tsêr cơưv cxênhx iz Quan Thần Sán, hâur ntux pok huôz nti cux hnor têx nhuôs shux xênhz, cưk kriê ntơưr suôz nhênhv ntơưr, kriê ntơưr tưz paz uô trâu thax tsav tox siêz tsi yuô no. 100% shux xênhz hâur tsêr cơưv zos mê nhuôv shux xênhz heir nênhs Hmôngz, ntâu lênhx niêx hnuz tsuv muk 2-3 cêik cêr tuôx tsêr cơưv. Seiz chor nhuôs têx tâuz hâu, tsôngk trik yo tsênhv ntuz lưs chuôs tsi, taz sik ntơưv têx lớp cơưv, chor nhuôs tưz moz siêz lus nhênhv ntơưr, shâuv sâu ntơưr. Txix ciês tas cik nzor, cưk kriê ntơưr Phạm thị hồng Hạnh đros têx lênhx cưk kriê txơưr đuô tưz ndê tox, hla trôngz tuôx kriê ntơưr trâu têx shux xênhz nhoz tox siêz. Cưk kriê Hạnh heik pâuz, cơưv tas ntơưr uô cưk kriê ntơưr, txix qơư nhoz Yên Lập, Phú Thọ tuôx no uô hâux lưv tưz tâu 5 shông, 3 đros tsôngv box thax tsav tox siêz viv li tưz pâuz tâu ntâu tsưr ziv jông lok sâuv kriê ntơưr, txux chi trâu nhuôs shux xênhz. Taz sik kror uô trâu cưk kriê Hạnh xar njôngr thiêz cxơưx trâu zuk têx shux xênhz zos thâuv tưs txos luz cheix ntux no. Tsêr cơưv cxênhx iz Quan Thần Sán muôx 200 ntâu lênhx shux xênhz, 27 lênhx cưk kriê ntơưr. Iz hnuz mak chor cưk kriê ntơưr nhoz no muôx ntâu hâux lưv uô, txix tas cik nzor, txơưv ntux tưz tsi tâu pov cêr jông, taz sik chor cưk kriê ntơưr tưz bax sơưr cêr muk kriê ntơưr, tax txos thâuv tsâuk ntux li tror lok txos tsêr. Cheix ntux no nhoz tox siêz lok six no njiv, taz sik ntâu shux xênhz cux hnar têx chêr trik yo nhiêk, tsi muôx câuk mov ntông, muk tơư liêz, hluz chor nhuôs shux xênhz, têx lênhx cưk kriê ntơưr tsi so vênhv tôngv sơưr đơưk siz chos paz trik yo sor, ntơưr cơưv, ntơưr sâu chiê têx nhuôs tsi yuô txov, sir jos tuôx tsêr cơưv chiê cơưv ntơưr. Têx shông jê lok no, tâu Đảng, têz qơưs moz siêz txos, tsêr cơưv tox siêz Quan Thần Sán tưz tâu yưv pênhr cxiv uô têx qar tsêr lớp cơưv khor thiêz truôx. Txix thâuv muôx tsêr cơưv yiêz, chor nhuôs shux xênhz tưz tsi yuô trâus no hênhr thâuv cheix ntux no, tsơưr lươngv tsoz phưz thiêz zoz zux cux jux juk tâu gra siêz. Thâuv txos cheix ntux no, cux zos thâuv luz six hơưv chor cưk kriê ntơưr thax tsav tox siêz xar thiêz cxơưx txos ntâu lênhx shux xênhz tsênhv tsi tâu muôx txâuk trik yo sor hnar tuôx cơưv ntơưr. Lok six zuôr trâus txos têx tsaz yênhx trik yo sor hâur cheix ntux no tuôx paz trâu têx shux xênhz. Ntơư cux zos chor cưk kriê ntơưr thax tsav tox siêz Quan Thần Sán siêz vav xar jôngr./.

( Thanh Thủy-RiêLâux cxeik, nhênhv)