Jax sâu thưr 7 hnuz 19/11/2016:

Tsêr ar-mênhx cxưx hà Nhì li vênhx huôv jông

       Đhâu ntêr lok no tsôngv box Hà Nhì nhoz xar Thu Lũm, huyênv Mươngx tex, tinhv Lai châu tưz uô tâu chor tsêr puôz ar jông jav, sor trâu chêix ntux no thiêz lax hâur chêix ntux sor. Tsêr mak tsuv uô jông uô viv li tsôngv box lok six uô jông uô txix thâuv piz txos thâuv uô tiêr. Hêir nênhs Hà Nhì têx tsêr puôz ar ntơư, kâuv tsêr tis iz trâu têx faz trôngz. Đhâu thâuv xêir tâu hnuz jông, tsưr tsêr muôz pêz njiêr blêx tso trâu hâur ar hêik tơưv hloz lox thiêz huôv tsar, uô kôngz tâu chêix. Txix thâuv khơưz plas tsêr txos puôz faz nja tsuv uô ntâu kror, cxiv poz jêz tsik chiê ntuz nông cov khor đuô, xuôk txiês thêir oz saz nquôr ar trâu tuôr cov khor. Hâur ntu uô tiêr mak muôz ntông ntâuk oz saz faz nja hâur thiêz saz đrâuv cov blâuv chi khor thiêz jông, đhâu co mav li tso grax ntông trâu thiêz vor. Zơưv chu por Cưx, 70 shông, nhoz jok Thu Lumr, huyênv Mươngx Texm, Lai Châu puz pâuz:

         “Uô tsêr ar mak ntêr thiêz uô ntâu kror, uô nhozz iz hli thiêx uô tiêr. Uô ntêx mak xêir poz jêz thiêz ar blâuv lok tuôr. Đhâu co mak bax zênhk, grax, ndêx mak tsuv zuôr ntông khênhx. Tas nro cxuô kror puôr lênhx khov trâu cưr tix sơưr đơưk hâur jok paz đros uô”.

      Nênhs Hax nhix li luz tsêr ar jông zos kror cxiv uô, tsêr uô flâuz saz đar iz zav, vor plâuz saz trur, tsik muôx kror trêi, kror trôngx muk lok cux tsơưs, tsuôk muôx iz luz kror trôngx nhoz kaz khar thiêz jix trâu iz saz tsêr. Kror chuz nhoz saz tsêr lâux. Qar kror chuz cux zos qơư ntê tơưl, qơư uô jâuz mor nox thiêz zos qơư tok kruô.

Hâur nênhs Hax nhix li tsêr tsik muôx thax đaz thiêz ntiv shaz, taz sik qơư txix côngv mak chêir jông zos lênhx tưs uô tsik zos mak zuôr trâus xưv bluô lơưr mênhx cxưx li cêr chêi. Zơưv Chu Xer Lux, Bí thư Đangv uyv xar thu Lumr, huyênv             Mươngx Tex, hêik pâuz lok thênhv thiêz qơư txi côngv hâur nênhs Hax Nhix li tsêr:

        “Nênhs Hax Nhix tsêr mak pos zơưs txax nhoz puôz saz kror chuz, têx tuz nhuôs nhoz saz tor. Hok qơư txix côngv mak xêir iz tuk ntông tsik trâus caz tho nox, hiêz iz luz tơưz đêi trâu qar tsưr tsêr nhoz thiêz tis trâu saz hnuz tuôx. Têx txi côngv zos iz ntiv grêix, iz kror mor thiêz chơưr tso trâu sâur thor muôx tâu luz nênhx jông, nênhs Hax Nhix tsik hlơưr shaz thiêz chor hnuz zov chênhr mak pox niêv tsik tâu muk trâu qơư txi côngv”.

      Hnuz nênhs Hax Nhix txênhv tsêr yiêz cux uô zôngx ziv, tsik uô ntênhk hlơưr shaz li cxuô mênhx cxưx txơưr đuô. Thâuv uô tiêr, tsưr tsêr uô pluôs mor zâuv cưr tix nênhx tsa sơưr đơưk hâur jêx jok tuôx đros nox. Muôx nênhs mak paz hưx chơưr, nênhs paz tuk kêiz, nênhs paz cir cxur khov lơưr zuk muôx. Lơưr sik đros hâuk chơưr, phôngv trâu tsưr tsêr muôx tsêr yiêz uô nox uô hâuk tâu ntâu, muôx jos, shir phaz. Nênhs Hax Nhix uô tsêr zos hêik tơưv tâu cêr sik hluz, sik paz lok six siêz, tas nro chor chuôz zis puôr lênhx sêiz co zos jêx jok hâux lưv cxuô. Pos Xưx Xar Nu, jok Thu Lumr, shông no muôx 60 ntâu shông hêik:

        “Cur lok six nhiêv nhoz tsêr ar, viv huv đros nênhs tox siêz li phongx cxưx, cur zuôr tuôr tsês chiê trâu chor tuz nhuôs”.

Nhiv no, cxuô zav cux xưk li nênhx Hax Nhix luz nênhx tâu gra siêz, cxuô zav chiê uô tsêr muôx ntâu, ntâu chuôz zis tưz xêir tsov vor tôn, vor vuôk hlôngr trâu grênhz hax zav uô trâu luz tsêr ar lox jông, khor đuô sik cux tuôr chiê tâu nênhs Hax Nhix li têx kror jông. Cxuô kror jông nhoz luz tsêr ar co tsik so tâu nênhs Hax Nhix tuôr stês jông./.

                             (Thúy Ngoạn-Lik Thox cxêik nhênhv)

Phênhv thưr 7, hnuz 19/11/2016:

Ndo njôngr txos Ngọc Chiến

       Txơưv ntux yar đris nhoz cxuô thax tsav txơưr đuô haur thax tsav tỉnh Sơn La; taz sik, tsuôk muk đhâu ntu cêr hâur thax tsav Ngọc Chiến, ntux tưz no nziês, pov huôz njâur tas têx hâur trôngz. Txix sâuv têx hâur trôngz txos kaz trôngz nhoz thax tsav xã, cux zênhx pov njôngr cxuô luz tsêr tsar lơưx vor txiês ntông chiêz jông jav nhoz pur ntiê thax tsav ntơư.

       Ngọc Chiến cux pir chuôs li nhoz Đà Lạt -Tây Nguyên; Sa Pa nhoz faz Bắc; viv thax tsav hêik ntơư, thâuv tưs cux muôx chuô lax nziês hâur yênhx shông, uô trâu cxuô tsoz chos cux li jôngr ntông njuôz hloz hâur yênhx shông. Ngọc Chiến muôx xar 12 cxênhz ha jôngr ntông lâuk; phênhv ntâu zos jôngr ntông chiêz. Ntông chiêz muôx trox, tsư kaz thiêz truôx khor, tsik trâus njâuv tho nox, tsik yưv caz. Ngọc Chiến tâu xav chuôs li zos thax tsav ar jông huôv tsar jôngr ntông chiêz. Xưv x Tsaz nhoz xã Ngọc chiến hêik pâuz:

      “Chor lâuk đrav ntêx têx tsêr puôr lênhx muôz ntông chiêz chox lok uô; ntơư zos muôx oz zav ntông chiêz; zav ntông chiêz plơưr liêz, zos chox lok uô tsêr, khor truôx nhos 100 shông; zav ntông chiêz  đơưz mak truôx khor nhos 70-80 shông. Ntơư cux zos hâur ntu đrav ntêx, nhiv no px tsik luôx ntor jôngr chiê tsưx phưv têx ntông chiêz ntơư chiê huôv tsar”.

Ngọc Chiến muôx trôngz jôngr ntông jông jav, zos thax tsav nziv huôv tsar uô du lix kho moz gênhk li: Đêx khoáng sor ntơưv jos Lướt; jos Đớt; jos Khâu Vai…thiêz xav hur si xã muôx 1.700 ziv chuôz zis; ntơư zos Hmôngz, poz ziz, La Ha; phênhv ntâu zos tsôngv px sđ huôv tsar cêr uô nênhx khưr tsêz chos kôngz lôngk. Pos Nguyễn thị Hương nhoz đrôngl Sơn la tưz muôx jiês muk txos Ngọc Chiến hêik pâuz:

         “Cur tưz muk ntâu trâu tsôngv px hêir nênhs poz ziz têx jêx jos nhoz trâu ntâu qơư txơưr; taz sik, cur tuôx sêiz pov tsôngv px hêir nênhs poz ziz ntơưv Ngọc Chiến cux muôx ntâu kror jông”.

    Chiê cxươz cxiz luôs hâux lưv huôv tsar du lix; huôv  tsar vênhx huôv hâur thax tsav xã Ngọc Chiến, hâu nov tỉnh Sơn la tsênhv đros tsôngv px hâur thax tsav ntơư  tuôr xav cxuô faz tsưr ziv cxiv uô qơư du lix; ntơư zos tsuv muôz têx ntông chiêz chox lok cxiv uô. Zơưv Lò Văn Pháng, chủ tịch uỷ ban xã Ngọc Chiến hêik pâuz:

      “Ntơư zos huôv tsar uô trơưk Nghị quyết Hội đôngx xã, zos fuô yax kriê tsôngv px sđ tsuv huôv tsar truôx zuk hêir nênhs têx cêr nênhx vênhx huôv jông đros trâu huôv tsar cêr thôngx siêz”.

       Ngọc Chiến zos thax tsav zôngx ziv trâu tsôngv px huôv tsar du lix côngv thôngx đros trâu luôs hâux lưv cxiv tsa jêx jos yiêz. Ntơư cux chênhr zos paz phênhv gra siêz tsôngv px sđ muôx luz nênhx truôx tuk tsâu sor thiêz cxươz cxiz huôv tsar truôx zuk hêir nênhs têx cêr nênhx vênhx huôv jông tsik chiê plox./.

                                                               (Tsu cxêik nhênhv-Thanh Thuỷ, Tây Bắc)