Tsôngv box cxuô heir nênhs nhoz xã ntus đriv Chiềng Khương shir phaz hnuz hội sik côngv siêz.

Têx hnuz đhâu, hâur yar tiêx tsêr vênhx cxuô jêx jok, ntâu lênhx pox niêv vir ndâuk sir jos moz siêz cơưv shâuv têx txux chi đhiê uô si lov jêv chiê bax nthuôr uô lov jêv hâur hnuz hội sik thôngx siêz:

“Cur lok six shir phaz thâuv cxaz chuôz Hnuz hội, niêx hnuz pêz tsi muôx six hơưv uô si. Thâuv jok tsưr tsix li no pêz thiêx tâu tuôx siz chuôs njiz uô si, lênhx tưs cux shir phaz thiêz jông siêz cơưk”.

“Tâu tuôx đhiê uô si lov mak lênhx tưs cux shir phaz. Cur tuk txir chox cur tuôx uô si, tsênhv heik cur tiêk, car tsi đros sđ uô si lov jêv, kror tưs tsi pâuz mak shâuv, uô trơưk. Cur lok six shir pha zthâuv cxaz chuôz hnuz hội”.

Nhiv kruôr ntơư zos 2 tuk niêv lâuk Lò Thị Khay thiêz Lèo Thị Hạnh nhoz jok Ten Pạnh. Niêv lâuk Khay thiêz niêv lâuk Hạnh puôr lênhx nhoz hâur lơưr paz đhiê uô si lov jêv hâur jok Ten Pạnh thiêz puôr lênhx lok six shir phaz tâu cxaz chuôz hnuz hội sik thôngx siêz tas nro tsôngv box zos jok tsưr tsix.

Ten Pạnh muôx đriv têz ntêr 4 cêik ntâu buô jok Nà Hoi, têz qơưk Là. Nhiv no jok tsi muôx chuôz zis tưs trâul yeiz, tsôngv box pâuz xeir tsov têx nôngz kôngz jông lok chos, lar heik zos ntông txir lưv tsiz. Ntâu chuôz zis sâu tâu yênhx puô tsov đeiv đhâu iz chiv sâu đê têx txir lv tsiz. Luz nênhx huôv tsar, tsôngv box ziv sik thôngx siêz, siz chos sir jos cxiv tsa luz nênhx cov truôx njês.

Tix lâus Lò Văn Nhiệm, Tsar jok Búa heik: Jok bax ntâu zav txux chiê uô si lov jêv li: Ntâul los txir toz, sik truz hluô, sik lâuz pak, lêiv poz, tuô hnênhr....chiê tsưr tsix trâu tsôngv box jok uô si lov jêv hâur hnuz hội sik thôngx siêz:

“Hnuz ntơư pêz cơưv tas nro tsôngv px sđ yax kriê hnuz hội  sik thôngx siêz li têx jông. Hnuz co chiê trâu sđ siz chuôs njiz, sik cơưv shâuv tsưr ziv huôv tsar uô nox. Uô tas, sđ sik đros ntâuk los txir toz uô si lov jêv, siz lâuz pak, sik truz hluô, lêiv poz.....”.

Xã Chiềng khương muôx 23 jok, txơưv tiêk nhoz jê đriv têz thiêz tox trôngz hâur pêk nxaz, taz sik xã  ho zos thax tsav qơư xuz thơưx hâur tỉnh  Sơn La uô 100% tsưr ziv tso tơưv lok cxiv tsa jêx jok yiêz. Tsôngv box 4 heir nênhs Poz Ziz, Choz siz, Xinh Mun thiêz Khơ mur......uô nênhx nhoz uô cê hâur thax tsav xã, puôr lênhx tso siêz huôv tsar uô nox uô hnar, cxiv tsa luz nênhx tsâu  sor. Zos lênhx muôx ntâu tsưr ziv tsưr tsix têx hâux lưv vênhx huôv, muôz cêr chiê siêz, shir phaz trâu tsôngv box thiêz chuôz tsar cêr sik thôngx cxuô heir nênhs; tix lâus Cầm Văn Sơn, Chỉ huy tsar Ban Chỉ huy quân sự xã Chiềng Khương heik:

“Tas iz shông huôv tsar uô nox uô hnar, tâu hnuz hội sik thôngx siêz cxuô jêx jok tsưr tsix mak tsôngv box cux shir phaz thiêz jông siêz, tsi ndo txos têx cêr gênhs, txov nhêv, tso siêz lus huôv tsar  uô nox, muôz nzir cêr sik thôngx siêz trâu cxuô jêx jok thiêz cxuô heir nênhs hâur xã”.

Hnuz hội sik thôngx siêz nhoz xã Chiềng Khương tâu tsưr tsix nhoz têx jêx jok đros thiêz cxix cxuô têx tsênhv njiêz. Hâur co, cêr sik thôngx siêz cxuô heir nênhs viv tsưr ziv huôv tsar kinh tế-XH, taz por txiv ngaz ngaz tuk XH thax tsav ntus đriv tâu hâu nov xã Chiềng Khương moz siêz heik txos thiêz tiv 2 zos xã tưz kriê trâu têx jêx jok cơưv shâuv nzir txux chi tsưr ziv tsưr tsix, muôz cêr shir phaz, lov jêv thiêz sik thôngx siêz trâu sđ. Zơưv Nguyễn Trung Vực, Chủ tịch Ủy ban xã Chiềng Khương heik pâuz:

“Nhiv no uô lơưr HĐND tỉnh Sơn La li Nghị quyết lok paz max têx jok tsưr tsix “Hnuz hội sik thôngx siêz” thiêz côngz fur têx chuôz zis vênhx huôv, pêz tưz paz txix 5-7 tsov đeiv chiê tsưr tsix hnuz hội. Hnuz hội muôx 2 tsênhv njiêz. Pêz tsưr tsix uô têx txux chi cêr lov jêv, sik thôngx siêz chiê tsôngv box uô si thiêz hâur hnuz co tsênhv tsênhv zos hnuz hội sik thôngx siêz cxuô heir nênhs”./.

(Hoàng Thái-Riê Lâux cxeik, nhênhv)

Trâur nuv jông “ Iz đangv viên paz iz ziv chuôz zis pluôs” nhoz

xã tox siêz Ia Piar

Chuôz zis tix lâuk Ksor Luân zos ziv chuôz zis txov nhêv tiv zix nhoz jos Mơ Nai Trang, xã Ia Piar, huyện Phú Thiện, tỉnh Gia Lai. Pâuz tâu qênhx shênhx, cxôngx kaz shông 2016, Đảng ủy xã Ia Piar pheiz côngz đảng viên Ksor Amliu, tsar jos Mơ Nai Trang paz chuôz zis tix lâuk Luân huôv tsar kinh têr. Jênhv jênhv vư, tsar jos Amliu jông siêz paz max tix lâuk Ksor Luân lok cxuô zav. Cxôngx paz txưv pênhr uô xênhz yar txos heik kriê tsưr ziv uô nox uô hâuk. Khov co, đhâu zuôr xar 3 shông, tix lâuk Ksor Luân li kinh têr muôx ntâu hlôngr yiêz:

          “ Thâuv ntêx cur cur lok six txov nhêv, uô tsi tâu nox taz sik nhiv no mak uô tsâus Tsar jos thiêz Đảng ủy xã tưz pax max cur chuôz zis uô tâu nox tâu hâuk, luz nênhx jông đuô tuôx. Zuk cux xar njôngr têx ziv chuôz zis txơưr uô lơưr zuk, sir jos uô nox sir jos hla đhâu cêr pluôs, tsuv chiv chir uô bluô nux”.

          Jos Mơ Nai Trang zos jos thax tsav 3, jos txov nhêv tiv zix xã Ia Piar. 100% ziv chuôz zis hâur jos zos nênhs Jarai thiêz nhiv no yuôr zuôr xar 70 ziv chuôz zis zos chuôz zis pluôs. Đảng viên Ksor Amliu, tsar jos Mơ Nai Trang puz pâuz, chiê paz têx ziv chuôz zis huôv tsar kinh têr, hla đhâu cêr pluôs truôx vênhs, Đảng ủy xã pheiz côngz đảng viên ntơưv qơư paz txưv ziv chuôz zis pluôs. Viv jos li chor đảng viên tsênhv tsơưs, Đảng ủy xã heik cxaz têx đảng viên cxôngx khối chính quyênx, đoanx thể tuôx paz têx ziv chuôz zis pluôs:

          “ Đảng ủy, UB xã pheiz côngz iz lênhx đảng viên zos phưv txơưx, paz max iz chuôz zis pluôs. Đảng ủy pheiz côngz phưv txơưx hâur jos zos 18 ziv chuôz zis pluôs, taz sik hâur jos muôx 5 đangv viên xưz, yuôr hâur xã zos 13 đangv viên mul jos Mơ Nai Trang chiê paz max ziv chuôz zis pluôs. Phưv chủ tịch UB xã cux tuôx ntơưv no hâur yênhx ciêz, heik têx ziv chuôz zis pluôs hlôngr yiêz tsưr ziv uô nox, paz max lơưr cxôngx ciês têx hâux lưv mê tiv zix”.

          Zos xã tox siêz, muôx chôngz tsôngv box mênhx cxưx tsơưs nênhs thiêz chor ziv chuôz zis pluôs, têx shôngk đhâu Đảng bộ xã Ia Piar xar lok six ntâu lok hâux lưv uô li chas chiê paz tsôngv box hla đhâu cêr pluôs tuôx vênhs. Tsưr ziv heik đảng viên mul cơ sở paz ziv chuôz zis pluôs ciêr chênhr tâu xeir thiêz trâur nuv “ Iz đảng viên paz iz chuôz zis pluôs” tâu Ban thường vụ Đảng ủy xã thôngx ziv tso tơưv Nghị quyết krêz uô cxôngx kaz shông 2016 txos nhiv no. Zơưv Rmah Suen, Phưv Bí thư Đảng ủy, Chủ tịch HĐ xã Ia Piar puz pâuz, têx đảng viên jông tâu xeir chiê paz max têx ziv chuôz zis pluôs. Uô ntêx, xã xeir iz cxiê jos thiêz chuôz zis pluôs chiê uô uô ntêx. Txos nhiv no, tưz muôx zuôr xar 170 đảng viên tâu pheiz côngz mul têx jêx jos paz têx chuôz zis pluôs. Chêx cuk zos lok six tsênhz mênhx thâuv tưz muôx ntâu ziv chuôz zis hla đhâu cêr pluôs truôx vênhs thiêz xã sir jos shông 2018 no zuôr muôx 7% ziv chuôz zis pluôs, bâuv muôx nhos 120 ziv chuôz zis zuôr hla đhâu cêr pluôs:

          “ Xã tsuv hlôngr yiêz côngz xưv cxuôv yeiz thiv pluôs. Đảng ủy xã tưz chox kriê UB, lênhx nênhs hâur UB thiêz têx Hội đoanx thể pâuz tâu têx ziv chuôz zis pluôs. Tiv 2 zos pheiz côngz đảng viên hâur xã, têx lênhx nênhs jông paz max trâu chuôz zis pluôs co cxôngx tsưr ziv tsiv uô xênhz yar. Đros thiêz jos li cxix luôk chinhr trị sik đros uô chiê lơưr pâuz tâu, chiv chir sir jos hla đhâu cêr pluôs truôx vênhs”.

          Cxôngx têx hâux lưv uô tsênhv tsênhz co ntơưv xã tox siêz Ia Piar tso pov, hlôngr yiêz cxôngx tsưr tsix đảng li pưs txux lênhs tov tưz tâu têx đảng viên uô jông thiêz chox lok têx luôk hâux lưv jông hâur côngz xưv cxuôv cêr yeiz pluôs. Đros ndaz ndơưv têx phênhv pênhr paz txưv, têz qơưk li têx tsaz yênhx, chính sách paz txưv, mak tsưr tsix Đảng thiêz yênhx đảng viên nhoz cơ sở li pưs txux tưz tâu phuôx huiz jông. No zos hâux lưv coaz tsôngv chiê xã tox siêz Ia Piar huôv tsar./.

( VOVTN- Txâur Vax cxeik nhênhv)