Nênhs pluôs nhoz Yên Bái li qơư njênhs njôngr

Txix iz chuôz zis pluôs, luz nênhx lok six txov nhêv, đhâu ntâu sir jos, nhiv no niêv lâuk Hoàng Thị Cẩn nhoz jok Lừu 2, xã Hát Lừu, huyện Trạm Tấu, tỉnh Yên Bái chuôz zis tưz yênhx iz chuôz zis bluô nux, muôx phênhv sâu tâu 300 tsov đeiv iz shông txix chos poz cưk, uô blêx, tu zus tsiêx cxu.... Niêv lâuk Cẩn heik pâuz: Hâur têx ntu txov nhêv, niêv lâuk chuôz zis tưz kir txêik tsêr nhiêx têx pênhr muôz kir txeik huôv tsar uô nox, lar heik zos tsêr nhiêx tsênhv chei XH:“Muôx li hnuz no zos tâu têz qơưk paz tso kêr txeik pênhr zuôr nhiêx nju tsơưs thiêz cxuô cấp kriê tsưr ziv huôv tsar nox. Nhiv no mak muôx phênhv sâu tâu siêz, luz nênhx truôx tuk, zuk muôx six hơưv txoz cxơưx trâu luz nênhx trâu chuôz zis jông đuô”.

Nhiv no, cxix luôs tsêr nhiêx Tsênhv chei XH tỉnh Yên Bái tưz yênhx hur tiz têx nênhs pluôs thiêz chor nênhs muôx côngz trâu têz quưk hâur thax tsav li qơư njênhs njôngr, lar heik zos nhoz têx huyện tox siêz txov nhêv. Zơưv Lê Văn Thắng, phưv giám đốc sêiz car tsêr nhiêx Tsênhv chei XH huyện Mù Cang Chải heik pâuz: Tsêr nhiêx tsênhv tuôr truôx thiêz muôx đreiv 186 tổ cxênhx txuôs kêr txeik pênhr nhoz 98 jok thiêz tso kêr txeik thôngz đhâu 4 tsưr tsix hội, đoanx thêv hâur thax tsav huyện Mù Cang Chải.

Txos nhiv no, xav hur tiz si têx pênhr nhiêx Phongx giao muôz trâu tsôngv kruô kêr txeik huôv tsar uô nox muôx 247 tỷ đeiv ntâu; hâur co, têx nhiêx muôz trâu chor chuôz zis pluôs txeik zos zuôr xar 164 tỷ đeiv, muôz trâu têx chuôz zis huôv tsar uô nox nhoz thax tsav txov nhêv zos 23 tỷ đeiv ntâu, muôz trâu chor chuôz zis zuôr xar pluôs kêr txeik 23 tỷ đeiv ntâu..“Têx tsaz yênhx nhiêx txiêx tsênhv chei ziv hnuz ziv muôx ntâu, lênhx nênhs yưv pênhr tâu krêz đar, tsơưr lươngv nhiêx txiêx tâu taz por.... Co zos six hơưv jông chiê muôz tâu têz qơưk nhiêx txiêx txos trâu têx chuôz zis pluôs, chuôz zis zuôr xar pluôs thiêz chor nênhs muôx côngz têz qơưk txơưr đuô tâu kêr txeik pênhr huôv tsar uô nox, paz jông trâu huôv tsar uô kôngz nuv tox siêz, cxiv tsa jêx jok yiêz, taz por truôx tuk XH. Tsêr nhiêx têx pênhr tso kêr txeik zuôr nhiêx nju tsơưs tưz muk txos tâu trâu têx lênhx nênhs tâu sơưv, uô tâu trơưk tsưr ziv, txix ntơư thax tsav tox siêz huyện Mù Cang Chải muôx têx hlôngr yiêz, tsôngv box cxuô heir nênhs tsơưs luz nênhx tâu gra siêz”.

Nhiv no, tas nro tỉnh Yên Bái muôx 83 cxênhz ntâu chuôz zis pluôs, chuôz zis zuôr xar pluôs, chuôz zis nhiv kruôr hla đhâu chuôz zis pluôs thiêz têx lênhx nênhs muôx côngz têz qơưk txơưr đuô tsênhv kêr txeik tsêr nhiêx Tsênhv chei XH têx pênhr nhiêx, xav hur si muôx nhos 3.040 tỷ đeiv. Tsuôk xav txix ciês hâur shôngk shông txos nhiv no, tsêr nhiêx tưz muôz trâu têx lênhx nênhs heik sâuv txeik 800 tỷ đeiv ntâu....Zơưv Nguyễn Văn Sơn, Phưv giám đốc sêiz car tsêr nhiêx Tsênhv chei XH tỉnh Yên Bái heik pâuz: “Kror pêz lok six shir phaz tưz uô tâu, co zos têx tổ cxênhx txuôs kêr txeik pênhr 2 cxênhz ntâu tổ. Chor tổ no xênhz huôx trơưk cui tinhv, iz hlik iz jiês. Nênhs pluôs thiêz têx lênhx nênhs muôx côngz têz qơưk (lar heik zos nhoz thax tsav tox siêz đêz đrôngs) tâu xênhz huôx tsi so trơưk li cui tinhv. Têx tổ co hâux lưv uô tưz hu zâuv tâu têx lênhx nênhs pluôs thiêz chor nênhs muôx côngz têz qơưk, lơưr tsês six hơưv, hnuz nhôngs, muôx têx jiês sik thav, siz heik kriê lok têx tsưr ziv huôv tsar uô nox, uô lax luôv, tsưr ziv sir zôngv têx pênhr nhiêx....li chas cov tâu trơuk siêz xar”./.

(Đinh Tuấn-Riê Lâux cxeik, nhênhv)

Sơn La: Bộ đội zơưv côngz Hôx “txơưx vênhv tôngv tsôngv box” cxiv tsa cêr niêv côngv siêz jông hâur tsôngv box

          Cxôngx hâux lưv chơưv paz tsênhv tsênhz hâur cheix ntux nas niêx shông sâuv thax tsav, thượng úy chuyên nghiệp Lò Văn Kiêm, lênhx nênhs hậu cần- kỹ thuật nhoz Ban Chỉ huiz quân sự huyện Sông Mã xar lok six ntâu viv taz viv li 2 luz fuôx gox lox thiêz lok six lax thâux mul lol. Thâuv muôx hâux lưv zov chênhr tưs taz viv cux tsuv huiz tôngv tsơưs tiv zix 10 lênhx nênhs thiêx li cưr tâus trâu hâur đêx chiê chơưv paz lênhx nênhs, lok six pôngz six hơưv thiêz phêv liv. Nriêr pâuz thiêz xar lok six ntâu, shông 2017 thượng úy Kiêm tưz chiv chir xar tơưv iz luz meir thâux truz fuôx gox đros têx chuôz zênhx uô zos 2 luz los yêz lox, 2 luz los zâu, têx tul xor hlâu, hluô xor hlâu, câuk vov hlâu...Muôx luz meir no thâuv muôx qênhx shênhx zov chênhr zuôr trâus chơưv paz lênhx nênhs, cán bộ, chiến sĩ hâur taz viv tsuôk đei ciês meir co thiêz têx chuôz zênhx chơưv paz trâu yêz quân sự txơưv mul chơưv paz mak tsi zuôr ntâu lênhx nênhs cưr thiêz tas ntâu six hơưv:     “Hâur têx jiês mul uô hâux lưv tsênhv tsênhz li ntơư lol tsêr, cur xar lok six ntâu chiê nhênhz chơưv, uô yênhx côngz luz meir truz fuôx gox no. Thâuv muôx qênhx shênhx zuôr trâus, pêz tsuôk đei ciês luz meir trâu ntơưv yêz chỉ huiz mul chơưv paz. Thôngx cxix sâuv fuôx gox co tsênhv tso tâu têx chuôz zênhx chơưv paz, lênhx nênhs cux cheix tâu sâuv co”.

          Cheix ntux nas tsêz no, khov muôx luz meir truz fuôx gox no, thâuv jênhv tâu thôngz pov cxôngx cơ sở, taz viv tưz ciêr chênhr truz fuôx gox mul chơưv paz yênhx côngz tâu 1 lênhx mê nhuôs nhoz xã Chiềng Khoong thiêz 1 chuôz zis nhoz xã Chiềng Cang trâus đêx nas cuôr yôngz. Pos Lò Thị Thiên, iz lênhx tsôngv box nhoz xã Chiềng Cang, huyện Sông Mã heik:“Thâuv co, đêx nas lox ntưs lol. Zos tsi muôx bộ đội li fuôx gox tuôx chơưv paz mak tsôngv box tưz trâus đêx cuôr lơưv tas. Pêz lok six uô tsâus ntâu txos têx lênhx bộ đội co”

          Pov tâu pox nhuôs hâur jos li hâux lưv mul lol, muôv muôs hax huv, tiv zix zos mê nhuôs shux xênhz mul cơưv ntơưr hâur niêx hnuz lok six phêv liv, tiv zix zos cheix ntux nas, thiếu tá Hoàng Văn Nghĩa, phưv tham mưu trưởng Ban chỉ huiz quân sự huyện Sông Mã tưz vênhv tôngv zuk chuôz zis gôngr 500 yiv ndis ar chiê uô cêr zaoz thôngz nôngx cxênhz ntơưv jos Pá Công, iz luz jos txov nhêv tiv zix xã Huổi Một. Uô lơưr thiếu tá Nghĩa li hâux lưv uô jông co, 5 ziv chuôz zis txơưr hâur jos cux chiv chir gôngr ar uô 250 yiv ntâu cêr mul lol hâur jos:    “Niêx hnuz têx mê nhuôs shux xênhz mul cơưv ntơưr cêr bluô hênhr. Cur tsuôk xar njôngr uô tâu iz txox cêr yiêz chiê tôngv vênhx pox nhuôs. Thâuv muôx cêr nôngx cxênhz yiêz, shux xênhz 3,4 jos mul lol zôngx ziv đuô; muôv muôs hax huv, huôv tsar kinh têr jông đuô thâuv ntêx”.

          Đros thượng úy Lò Văn Kiêm thiêz thiếu tá Hoàng Văn Nghĩa, iz cán bộ, chiến sĩ Bộ chỉ huiz quân sự tỉnh Sơn La puôr lênhx muôx têx tsưr ziv uô tsênhv tsênhz paz tsôngv box sâuv thax tsav. Đros tsưr ziv “3 uô trơưk, 4 sik côngv đros”, têx lênhx cán bộ, chiến sĩ li têx luôk hâux lưv uô tâu jông co muôx nhoz cxuô qơư sâuv têx jêx jos.

          Hâur têx shôngk đhâu, cán bộ, chiến sĩ nhoz Bộ chỉ huiz quân sự tỉnh tưz cxaz chuôz yênhx puôk cxênhz hnuz côngz, gôngr yênhx puôk tsov đeiv uô cêr zaoz thôngz nôngx cxênhz, paz tsôngv box hlôngr yiêz tsoz chos, tsiêx tu zus, kriê vênhx huôv, cxuôv đis muôs ntơưr trâu tsôngv box têx mênhx cxưx tox siêz, thax tsav ntus đriv.... Tsuôk xav hâur shông no 2019, têx chiz coaz, taz viv hâur lưx lươngv tưz tsưr tsix 87 cxênhz jiês cán bộ, chiến sĩ cxaz chuôz uô côngz xưv vênhv tôngv tsôngv box nhoz ntơưv qơư, gôngr đas jos hlôngr yiêz 55 tsưr tsix chinhr trị, 20 ntâu qơư xã phường muôx tsôngv box mul lơưr vax tsưr, thax tsav tsôngv box mênhx cxưx tsơưs nênhs, thax tsav ntus đriv, qơư muôx txuz hâux lưv zov chênhr lok taz por txiv gnaz. Têx cán bộ chiến sĩ cux cxaz chuôz 1 cxênhz 300 hnuz côngz uô cêr zaoz thôngz nôngx cxênhz, njưs đêx liv; huiz tôngv 4000 ntâu hnuz côngz thiêz gôngr côngv tâu 12 tsov đeiv ntâu paz tsôngv box khưx phưx têx trâus ruôr hiêv tiv ntux nas. Zơưv Tòng Văn Công, Chủ tịch UB xã Chiềng Sơ, huyện Sông Mã ntâus grê: “Lưx lươngv vũ trang, dân quân tự vệ zos lưx lươngv tsênhv đros tsôngv box uô têx tsưr ziv hâur tsaz yênhx uô cêr nôngx cxênhz, paz tsôngv box huôv tsar uô kôngz nuv, hlôngr yiêz tsoz chos. Lưx lươngv vũ trang cux tưz paz lok côngz xưv tuôr truôx txiv ngaz jêx jos, phax tar ntux nas, tso pov cêr niêv côngv siêz jông hâur bộ đội thiêz tsôngv box”./.

(B.Thủy-L.Hạnh- Txâur Vax cxeik nhênhv)