Jax thưr 7, hnuz 19/3/2016:

Lênhx nênhs tuôr tâu tsês heir nênhs Pà Thẻn têx txux chi vênhx huôv

Zơưv Sìn Văn Phong zos lênhx nênhs tiv 5 hâur chuôz zis pâuz thôngz têx chei đaz kruôs thiêz pâuz uô nênhz li têx lâuk. Txix thâuv tsênhv zâu, zơưv tsi so tâu lênhx txir zos iz lênhx txir nênhz Sìn Láo Xỉn piêr kriê têx chei nênhz, zuk heir nênhs Pà Thẻn têx txux chi vênhx huôv trâur lâuk đrav ntêx. Txos thâuv muôx 11 shông, zơưv tâu lênhx txir kriê iz kro jux juk têx chei đơưk bê trâu chor hloz tiêr nênhx thiêz chêi uô nênhz, lêis đaz…..Cơưv tâu 3 shông, zơưv tax tso tsês chiê muk cơưv vênhx huôv thiêz uô hâux lưv ntơưv xã iz ntuk. Shông muôx 29 shông, zơưv tror cơưv đuô têx txux chi heik sâuv thiêz tâu côngz jênhv jiês  xuz thơưx uô tâu têx chei heik ntơư đhâu iz shông, pâuz têx chêi txi côngv đaz xênhz têz xênhz qơư; lêis đaz, uô nênhz kho moz gênhs. Txix thâuv ntơư, hâur 10 shông siz lơưr liês, zơưv tâu côngz jênhv zos iz lênhx nênhs txơưx uô nênhz, pâuz lêis đaz, pâuz thôngz txos têx chei đaz kruôs đuô hur si hâur thax tsav ntơư thiêz tâu hnar txir nênhz têx chêr tsôngk trik yo thâuv uô nênhz, lêis đaz, đơưk bê…

Shông 1994, zơưv hlôngr lênhx txir muk uô nênhzz, đơưk bê, kriê têx txux chi vênhx huôv heik sâuv, ntơư zos têx chei tâu tsưr tsix chiê chor txir nênhz lênhk jênhv têx hluôk, chiê tsôngv hluôk sđ tuôx cơưv shâuv têx chei uô nênhz, lêis đaz, txi côngv đaz xênhz têz xênhz qơư trâu cxuô lênhx txir nênhz, pâuz thôngz, pâuz cxuô txos têx chei đaz kruôs ntơư trâu ntu tov kaz.

Txos nhiv no, zơưv Sìn Văn Phong tưz muôx 30 shông uô đreiv heir nênhs Pà Thẻn têx chei nênhz, đaz kruôs . Tsi tiêk uô nênhz, muk lês têx chei đaz kruôs ntơưv qơư, zơưv Phong tsênhv kriê heir nênhs Pà Thẻn têx txux chi vênhx huôv jông thâuk nzor trâu ntâu thax tsav, ntâu suôv qơư hâur hur si têz qơưs pâuz txos li: Uô ntênhs hội cêr lov jêv đhiê sâuv blêiv tơưk ntơưv Đại hội heir nênhs tsơưs têx tỉnh tox siêz faz Bắc (Thái Nguyên shông 2011); đros tưr zok nriêr Vn têx txux chi tsưr ziv jông (Hà Nội shông 2012)….

Moz siêz trâu hâux lưv yax kriê têx txux chi vênhx huôv jông heir nênhs Pà Thẻn, zơưv Phong zos iz hâur  têx lênhx xuz thơưx jông siêz, thôngx  ziv cxiv tsa Hội vênhx huôv nthuôr uô têx txux chi, cêr lov jêv đrav ntêx ntơưv xã Tân Bắc ( shông 2012) thiêz zos iz hâur têx lênhx hội viên moz siêz lus uô hội têx hâux lưv. Zơưv Phong heik: “heir nênhs Pà Thẻn nhoz jok vênhx huôv My Bắc muôx ntâu zav txux chi vênhx huôv trâur lâuk jông tsi siz thôngx. Zos tsik yax kriê trâu têx hluôk pâuz txos, têx txux chi, cêr nênhx vênhx huôv ntơư zuôr trâus pôngz plox jux juk”. Đros tsưr ziv thiêz siêz xar li ntơư, zơưv tưz krêz lớp kriê cơưv têx txux chi heik ntơư trâu têx tuz nhuôs hâur jok chiê sđ  pâuz thôngz txos heir nênhs Pà Thẻn têx txux chi cêr nênhx vênhx huôv jông đrav ntêx, lớp krêz trâu têx nhuôs cơưv shâuv co tâu tsưr tsix đhâu ntênhs kriê têx txux chi cêr nênhx vênhx huôv trâu chor hluôk, têx nhuôs lok hnuz 16/10 zênhz lix hâur niêx shông.

Đros zuk têx tsưr ziv, đas jos paz, zơưv Sìn Văn Phong tưz tâu Chủ tịch têz qơưs muôz côngz: Zos iz lênhx nênhs moz siêz nhênhz chơưv, tuôr tsês chiê tâu têx txux chi vênhx huôv jông thiêz tâu tỉnh, huyện muôz ntâu ntơưr kruôs. Ntơư cux zos têx ntâuz ntơưr sâu jênhv, ntâuk hov zơưv têx sir jos hâur choz kriê, por hưv tsês têx txux chi vênhx huôv jông trâu cxênhx hluôk tov kaz./.

( KT Báo Dân tộc miền núi-Riê Lâux cxeik, nhênhv)

Phênhv thưr 7, hnuz 19/3/2016:

Tuôr truôx hêir nênhs Cho Tiền têx tsôngk trik yo

Jos Chang, xã Thành Công, huyện Nguyên Bình, tỉnh Cao Bằng, muôx 43 ziv chuôz zis, 100% puôr lênhx zos hêir nênhs Cho Tiền. Ntơư zos iz luz jos tuôr tâu truôx zuk hêir nênhs tsơưs têx tsôngk trik yo đrav ntêx tsik chiê plox. Pos Bàn Thị Chệch, muôx 60 shông, nhoz jos Chang, xã Thành Công, zos iz lênhx cxươz cxiz, chox kriê tsôngv hluôk sđ xơưk zuk hêir nênhs Cho Tiên têx tsôngk trik yo.

Zos iz lênhx zênhx nhiêv zuk hêir nênhs têx tsôngk trik yo, txix thâuv tsênhv zâu, pos Chệch tưz đros niêv xơưk zuk hêir nênhs Cho cxuô tsôngk trik yo chiê trâu tsôngv tuz cxêik hluôk hnar hâur têx hnuz nox yôngz thiêz Chệch cux xar tiêk: Zuk zos hêir nênhs Cho, zuk tsuv tuôr cov tâu truôx zuk hêir nênhs têx tsôngk trik yo, zuk hêir nênhs têx cêr nênhs vênhx huôv jông tsik chiê plox. Hêir nênhs Cho Tiền têx tsôngk trik yo, zos muôz gax chox lok trâuk thiêz muôz xơưk txêix pax jông jav zos đrêiv hêir nênhs Cho têx tsôngk trik yo đrav ntêx; lar hêik zos tsôngv pox niêv vir ndâuk têx tsôngk trik yo, tâu xơưk uô ntâu pax jông jav.

          Hêir nênhs Cho Tiền têx tsôngk trik yo txêix pax, jông jav zos đrêiv hêir nênhs Cho têx cêr uô nênhx đhâu ntâu tiêv thiêz muôx iz cxiê pax cux xơưk uô cxuô zav tsiêx li:Kêiz buô…thiêz têx tsôngk trik yo ntơư, thâuv zuôr xơưk trik yo, tsuv muôz  chiêz ntông chox lok sâu, cok uô ntâu zav pax.

          Pos Chệch zos iz lênhx muôz siêz truôx bo yax kriê tsôngv nxêik hluôk hêir nênhs Cho xơưk zuk hêir nênhs têx tsôngk trik yo chiê muôx nhoz trơưr hâur zuk hêir nênhs luz nênhx thiêz tsuv tuôr tsês chiê zuk hêir nênhs têx cêr vênhx huôv jông tsik chiê plox./.

                                              (Tsu cxêik nhênhv-Báo dân tộc miền núi)