Yên Bái: Njuôs shôngz Bát Độ paz Trấn Yên hla đhâu cêr pluôs

Zơưv Trần Hiền ziv chuôz zis nhoz jok Liên Thịnh, xã Lương Thịnh, huyện Trấn Yên muôx 2 ha ar tox trôngz, hâur têx shông đrav ntêx, zơưv chuôz zis tsuôk pâuz chos ntông keo thiêz bồ đề. Ntươ zos chor tsoz chos ntêr shông, txix 6 txos 7 shông thiêx li jông sâu. Viv li, zơưv chuôz zis tsik so njiz phiv liv lok nhiêx txiêx hâur ntu co. Đhâu thâuv nriêr pâuz tsênhv tsênhz lok pox nhuôs li tsưr ziv chos shôngz Bát độ zuôr njuôs, zơưv tưz njuôk xav thiêz cuêz tênhv hlôngr 1 ha ar tox trôngz chiê chos zav shôngz no. Zơưv Trần Hiền hêik:

“Shôngz Bát độ lơưr cur pâuz mak shông tiv 2 xưz tưz muôx njuôs lơưv. Txix co pêz sêiz lax thiêz thôngx ziv hlôngr chiê chos zav shôngz Bát độ no”.

Cux xưk li zơưv Trần Hiền li chuôz zis, zơưv Hà Tiến Trường ziv chuôz zis, shông no cux hlôngr 1 ha ar tox trôngz chos jôngr chiê chos shôngz Bát độ. Zơưv Trường puz pâuz:

“Shông no cur chuôz zis chos 1 ha njuôs shôngz Bát độ. Nhiv no tas nro chuôz zis tsênhv sir jos chiê chos nzir iz ciêz mak chos tiêr”.

Txos six hơưv no, 100 hec ta ntâu njuôs shôngz Bát độ nhoz xã Lương Thịnh, huyện Trấn Yên hâur shông no tưz tâu chos tiêr. Chiê chos cov tâu truôx njuôs shôngz Bát độ, txix ciês thâuv hâur chiv, xar tưz yax kriê pêx xênhv hlôngr thax tsav jôngr tưz sâu tas chiê chos shôngz Bát độ; cungz muôz nôngz thiêz sik côngv đros cơ quan uô hâux lưv no kruôz kriê kỹ thuật trâu chor ziv chuôz zis cir ntươr chos txix 0,5 ha tror sâur. Zơưv Triệu Khánh Thiện, Phưv chủ tịch UBND xar Lương Thịnh puz pâuz:

“Đros 100 hec ta tsoz shôngz Bát độ chos zuôr njuôs hâur shông 2018 nhoz xar Lương Thịnh, xar tưz chox kriê pox nhuôs bax ar, jênhv zuz nôngz thiêz chos tas nro thax tsav hâur chiv ntux yiêz, chiê taz por huv chêix chiv thiêz shôngz chiêx jông đhâu thâuv chos tâu”.

Huyện Trấn Yên, tỉnh Yên Bái nhiv no muôx 2.500 ntâu hec ta njuôs shôngz Bát độ. Shông 2017, zuôr xar 1.600 hec ta tưz jông sâu, paz trâu pox nhuôs sâu tâu muôx 40 tiv đêiv ntâu nhiêx. Hâur shông 2018, đros tsưx phưv têx shôngz njuôs tưz chos tâu, huyện tsênhv chox car px chos yiêz 500 ntâu hec ta trâu ntơưv chor xã Lương Thịnh, Hưng Khánh, Hồng Ca thiêz Kiên Thành, sir jos txos shông 2020 uô tiêr luôs hâux lưv chos shôngz Bát độ hâur thax tsav huyện zos 4.000 hec ta.

Zơưv Nguyễn Đức Mầu, phưv chủ tịch UBND huyện Trấn Yên, tỉnh Yên bái puz pâuz:

“Uô lơưr Đề án kho đuô nganhx kôngz nuv tỉnh Yên Bái, huyện tưz paz chiê chos shôngz Bát độ zuôr njuôs. Lok zuz nôngz trâu thax tsav xã Kiên Thành mak paz 1 triệu đêiv 1 hec ta; đros chor xã nhoz đêz cungz tsik tâu txâuk nôngz mak tas nro nhiêx txiêx tỉnh, huyện zuôr paz 3 triệu đêiv iz hec ta. Huyện sir jos txos shông 2020 zuôr uô tiêr Đề án chos shôngz Bát độ sâuv thax tsav huyện”.

Hâur têx hnuz no, yênhx ziv chuôz zis px nhoz thax hêik ntươ tưz shir phaz lul đros hâu nov ntươv qươ uô truôx luôs hâux lưv tsưx phưv thiêz chos shôngz Bát độ, muôx phênhv sâu tâu nhiêx txiêx, tsôngv px muôx luz nênhx truôx tuk tsâu sor jux juk./.

(Tuấn Xuân-Lik Thox cxêik nhênhv)

Tsôngv bôx li ziv chênhv thôngx ziv đros Đangv, têz qơưk tir tar chor nênhs fêv nox nhiêx têz qươs

Zơưv Nguyễn Văn Bình, iz lênhx canr bộ so lâus nhoz tỉnh Kiên Giang puz pâuz: zơưv thiêz tsôngv box lok six jông siêz cxôngx têx luôs hâux lưv uô tâu tiêr xuz thơưx lok tir thêir chor nênhs fêv nox nhiêx têz qươs:

          “ Đhâu têx txuz tir tar chor nênhs fêv nox nhiêx têz qươs, tưz tâu Trung ương tso tơưv thiêz uô trâu tsôngv box ziv njênhs njôngr. Tir tar têx nênhs fêv nox nhiêx têz qươs nhiv no tưz tâu uô txos qơư, viv li pêz njênhs njôngr Đảng thiêz têz qơưk. Six hơưv zuôr txos, lơưr cur xar mak luôs hâux lưv uô tir thêir têx nênhs fêv nox nhiêx têz qươs, tsuv chuôz tsar đuô thiêz, tiv zix zos nhoz tiv phaz. Chiê cov tâu truôx luôs hâux lưv no txos qươ, tsuv sir jos uô li chas sâu  cov tâu chor nênhs fêv nox nhiêx têz qươs, li têx chuôz zênhx chuôz tas chox lol trâu têz qươs thiex uô trâu tsôngv box ziv njênhs njôngr đuô”.

          Tsôngv box tỉnh Tiền Giang ntâus grê siêz Đangv li sir jos hâur côngz xưv tir tar nênhs phamv cxâuv nox nhiêx têz qươs, tiv zix zos nênhs phamv cxâuv công nghệ siêz chiê tuôr truôx txiv ngaz têz qơưk. Six hơưv đhâu, Đangv- têz qơưk tưz yưr lir txos qơư, trơưk lênhx nênhs, trơưk hâux lưv uô cxâuv, tưz uô trâu tsôngv box njênhs njôngr đuô. Têx lênhx car bộ thênhv siêz nox nhiêx têz qươs, tưr txiêx puôr lênhx trâus yưr lir trơưk cêr chei. Zơưv Nguyễn Tấn Lâm, tsôngv box xã Tam Bình, huyện Cai Lậy, tỉnh Tiền Giang heik:

          “ Six hơưv zuôr txos thix ziv Đảng- têz qơưk uô txos qơư đuô thiêz. Cur lok six jông siêz cxôngx Đangv thiêz têz qơưk li chinhz yênhx tir tartir thêir chor nênhs fêv nox nhiêx têz qươs, tưr txiêx. Zos hâu nov, tsênhv xar tưr txiêx mak Đangv- têz qơưk tso so hâux lưv tsik puz uô thiêz tsuv yưr lir trơưk cêr chei”./.

(Ban thời sự- Txâur Vax cxeik nhênhv)