Yên Bái tưz phax tir thêir tâu moz ơưk keiz ok A/H5N6

Niêv lâuk Nguyễn Thị Hương, nhoz jok Hồng Tiến, xã Y Can, huyện Trấn Yên chuôz zis nhoz kuôk nro trâu iz kro tsi shơư sđ, đros trâu muôx tsưr ziv tu zus keiz ok hâur ntâu shông thiêz chos tsoz chos nox txir, taz sik niêv lâuk Hương cux xar tsi tâu, tsuôk đhâu 1, 2 hnuz xav txix thâuv qênhz pov têx tus keiz xuz thơưx trâul moz, hơưz poz...., chuôz zis yênhx cxênhz tus keiz tưz trâul tuôs tas, mak tsi pâuz shor viv li chas.

Niêv lâuk Hương heik pâuz, xuz thơưx viv tsi pâuz no trâul moz ơưk chênhr li ntơư chuôz zis tưz chiv chir phâuk por tsês zuôr xar 4.400 tus keiz, đhâu co chor keiz cux tror tuôs, li heik trâu hâu nov ntơưv qơư pâuz, tuôx qênhz yuôx shuôs.

Txix têx qênhz yuôx shuôs moz ơưk, tưz xav tinhv niêv lâuk Hương chuôz zis chor keiz trâul tuôs zos tiv moz ơưk A/H5N6. Tiv zav moz ơưk no lok six riêz nênhs, siz cik sei viv li muôx nhos 2 cxênhz tus keiz tsênhv taz tov jông muôs cux tsuv muôz hlơưr por tsês hur si:

“Hâur luz cheix no cur tsuôk xar tiêk, chor keiz trâul hơưz poz thiêz moz li uz li no xưz, tưz xar tsi txos zuôr trâul moz ơưk li no, tsênhz tiês chor keiz trâul tuôs lok six sei. Cux muôx têx trâul cik tâu moz ơưk txix chor yêz fax thâux keiz ok. Taz sik cur qơư tu zus no tsơưs nênhs muk lol viv li cux tsi pâuz tsênhz shor cik tâu moz kror tưs lok”.

Pos Đỗ Thị Tròn, nhoz jok Minh Long, xã Tuy Lộc, TP Yên Bái chuôz zis tưz yưv pênhr cxiv uô qơư tu zus trơưk heik kriê li: Taz por vêv xênhz qơư tu zus, cxax yuôx phax phôngz, uô qơư ntov jông chiê tu zus.... taz sik txix hli 2 nhiv kruôr đhâu, tsuôk hâur 2, 3 hnuz moz ơưk siz cik tâu trâu chuôz zis paz keiz muôx 2.500 ntâu tus xưz, tưz uô ruôr hiêv tas nhos 200 tsov đeiv:

“Lơưr têx tuz luôv đrav tiêx đras tuôx zuôr, lênhx tưs muk hâur qơư tu zus cur cux chiê lơưr muk. Xuz thơưx cur muôs chor keiz đrav, hnor hâur jêx jok lơưr tiêk keiz tuôs tas hur si lơưv, cux xav muôx têx zos trâul moz ơưk A/H5N6, taz sik tiv muôx moz Covid-19 muk tsi qênhz shuôs tsi tâu ciês thâuv co”.

Trơưk li cơ quan lês car uô đreiv luôs hâux lưv qênhz yuôx têx moz ơưk, hur si 2 qơư muôx moz ơưk huôv xênhz hâur xã Tuy Lộc, TP Yên Bái thiêz xã Y Can, huyện Trấn Yên zos moz ơưk A/H5N6, đros thiêz 9.500 tus keiz trâul moz thiêz tsuv muôz hlơưr por tsês. No zos zav moz ơưk lok six riêz nênhs, siz cik tâu sei. Đhâu hlo thâuv muôx moz ơưk huôv xênhz, cơ quan lês car uô đreiv hâux lưv qênhz yuôx moz ơưk thiêz hâu nov cxuô thax tsav qơư tưz qir kuôk cêv qơư muôx moz ơưk chiê tsuôs yuôx tuô caz moz. Nhiv no tưz đhâu 21 hnuz ntâu tsi pov moz ơưk huôv xênhz nzir.

Taz sik, thâuv qênhz yuôx shuôs moz ơưk, cơ quan lês car uô đreiv têx hâux lưv sâuv hâur tỉnh Yên Bái seiz pov, chor chuôz zis tu zus, lar heik zos tu zus tsơưs têx keiz ok ntơư tsênhv tso siêz chiê caz moz ơưk huôv xênhz siz cik li: Tsi tâu cxax yuôx phax moz cxix cxuô, zuôr têx nôngz keiz ok lol zus tsi pâuz tsênhz qơư, muôx têx zuôr hur si chor nôngz keiz ok txix thax tsav muôx moz lok..... Iz chas ntơư, chor cơ quan uô đreiv têx hâux lưv sâuv tưz sir jos seiz kaz, yax mông, kriê têx chuôz zis tu zus uô lơưr tsưr ziv phax tar moz ơưk trâu têx keiz ok. Zơưv Đàm Duy Đức, Chi cục tsar Chi cục kho moz tsiêx cxu tỉnh Yên Bái heik pâuz:

“Đhâu thâuv huôv xênhz têx moz ơưk keiz ok, Chi cục tưz hux jos đros Tsênhv qơư paz max huôv tsar kôngz nuv cxuô thax tsav qơư, Ủy ban chor xã thiêz chuôz zis sik đros phax tir thêir, tsuôs yuôx tuô lov. Txos nhiv no Chi cục tror tso têx đoanx côngz xưv muk đros cxuô thax tsav qênhz yuôx, seiz kaz  moz ơưk keiz ok, phênhv ntâu iz jiês no tsi pov muôx moz ơưk li chas huôv xênhz nzir”.

  Cux trơưk li zơưv Đàm Duy Đức, đros trâu huôv tsar zus têx tsiêx lox, huôv tsar tu zus têx keiz ok tsênhv tâu ntâu HTX, chuôz zis nhoz Yên Bái krêz uô, tu zus ntâu./.

(Trịnh Xuân-Riê Lâux cxeik, nhênhv)

Taz por qênhx nhoz uô nênhx zos Việt Nam li tsov cưv xuz thơưx hâur qênhx shênhx muôx caz moz Covid-19 huôv xênhz

          Têz qơưk Việt Nam li bản tuyên ngôn độc lập tâu zơưv hloz Hôx nhênhv ntơưv qar tiêx Ba Đình hnuz xiêz 2/9/1945 tưz khav tênhv “Tas nro cxuô lênhx nênhs puôr lênhx muôx qênhx fênhx zav. Lơưr muôx têx qênhx mak tsi muôx lênhx tưs zuôr uô tuôr xuôv txos; hâur têx qênhx co, muôx qênhx tâu nhoz uô nênhx, qênhx txưv zơưx thiêz qênhx tâu uô nênhx shir phaz”.

          Hâur qênhx shênhx moz Covid-19 tsênhv huôv xênhz txơưr txar, qênhx lênhx nênhs li tsiv grê siêz tiv zix zos tâu nhoz uô nênhx, tâu por vêv txox siê. No zos hâux lưv mak Việt Nam tưz, tsênhv thiêz zuôr tror sir jos chiê por vêv.

          Ciês cxôngx thâuv muôx moz huôv xênhz, Thủ tướng Chính phuv Nguyễn Xuân Phúc tưz khav tênhv: Việt Nam truôx siêz chiê liv zix kinh têr trâus zênhr shar mak sir jos phax tar moz, taz por tsôngv box li đas jos, txox siê. Hnuz 30/1, Thủ tướng Chính phuv tưz thôngz đhâu cuiz tênhv yênhx lix Ban chox kriê têz qơưk phax tar moz lok cêr uô pa tiv caz moz Côrôna zos Phưv thủ tướng, Bí thư Ban cán sự đảng Bộ y tế Vũ Đức Đam uô tsar Ban.

          Tas nro cxix luôk chính trị thiêz tsôngv box sik côngv đros uô. Ntâu tsưr ziv jông tưz tâu Đảng, têz qơưk Việt Nam uô nzor li heik tsôngv box chox đeiv bos kror ndâux ntơưv qơư công côngv, heik kriê y tế thiêz cêv kuôk ntơưv têx qơư cêv kuôk chêx chôngk thâuv cxôngx thax tsav muôx moz tror lok; kho moz tsi pôngz nhiêx txiêx trâu lênhx nênhs trâus moz SARS- Cov-2 thiêz lênhx nênhs trâus cêv kuôk tâu xênhz huôx tsi pôngz nhiêx txiêx; tsi muk lok saz đrâuv têz qơưk; heik tsôngv box tas nro xã hôi cêv kuôk hâur 1 luz hlik ntâu; thix ziv thiêz krêz uô têx phênhv paz txưv têx pưv pênhv tsôngv box thiêz doanh nghiệp trâus zênhr shar hnhar tiv moz Covid-19.

          Ntơưv thax tsav tsôngv box mênhx cxưx tsơưs nênhs thiêz tox siêz, côngz xưv phax tar moz tâu tsov cưv, krêz uô txos qơư. Cxôngx ntâu ntâuz ntơưr, UB mênhx cxưx tưz heik trâu Chính phuv tso tơưv Chỉ thị số 06/CT-TTg hnuz 31/12/2020 heik công chức, viên chức, nênhs lox tôngv tsi muk lok đhâu têx mêr cêr, ntus đriv, tsi chêx chôngk chôngz lênhx nênhs thiêz uô jông tsưr ziv chox đeiv bos kror ndâux, zôngv cuô đêx yuôx nzuôr tês, seiz njôngr qênhx shênhx moz chiê muôx tsưr ziv yưr lir thôngx cxix ntâu grê moz li têx zênhr shar txos tsôngv box thax tsav tox siêz, thix ziv chính phuv, thủ tướng chính phuv chox kriê krêz uô uô cê têx tsưr ziv phax tar moz đros thax tsav mênhx cxưx tsơưs nênhs thiêz tox siêz.

          Lơưr UB mênhx cxưx li pov cov thôngz sâu, jiês moz Covid-19 huôv xênhz xuz thơưx muôx 47/51 tỉnh, thành phố thax tsav tsôngv box mênhx cxưx tsơưs nênhs thiêz tox siêz muôx 5 lênhx nênhs mênhx cxưx trâus moz Covid-19. Tưz muôx 4 lênhx tâu kho jông moz. Muôx 1 cxênhz 148 lênhx nênhs mênhx cxưx tsơưs nênhs tâu cêv kuôk ntơưv tsêr nhoz 6 tỉnh (Hà Giang, Cao Bằng, Lai Châu, Điện Biên, Bắc Giang, Kon Tum); 1 cxênhz 639 lênhx nênhs mênhx cxưx tsơưs nênhs nhoz 8 tỉnh cêv kuôk chêx chôngk ntơưv têx tsênhv qơư y tế; 10 cxênhz 371 lênhx nênhs mênhx cxưx tsơưs nênhs nhoz 8 tỉnh muk uô lox tôngv đhâu ntus đriv tror lok tiv phaz (xav cxix hli 1/2020 txos hli 4/2020). Muôx 813 ziv chuôz zis mênhx cxưx tsơưs nênhs pluôs, zuôr xar pluôs, chuôz zis tsi muôx qơư khov vav (tỉnh Kon Tum thiêz An Giang) trâus zênhr shar tiv moz Covid-19 njuôs xav trâus yeiz hâur cheix chos kôngz lôngk...

          Đros têx tiv phaz thax tsav mênhx cxưx tsơưs nênhs thiêz tox siêz li sik côngv, UB mênhx cxưx tưz krêz uô ntâu tsưr ziv phax tar moz; chuôz tsar pâuz tsênhz qênhx shênhx moz ntơưv thax tsav mênhx cxưx tsơưs nênhs thiêz tox siêz; chox kriê têx chiz coaz, tsưr tsix hâur nganhx coar lik chuôz tsar yax mông, vênhv tôngv tsôngv box mênhx cxưx tsơưs nênhs uô jông têx tsưr ziv phax tar moz Covid-19, hâur co, muôx ntâu tsưr ziv thôngz xor mông, yax mông cxôngx zôngv luk mênhx cxưx.

          Hâur jiês tiv 3 moz Covid-19 huôv xênhz, Chính phuv tưz chox kriê txos qơư tsưr ziv nriêr lênhx nênhs moz, cêv kuôk thax tsav, têx tiv phaz sik côngv jông chiê uô, tsôngv box chuv tôngv phax tar moz, viv li txos nhiv no tưz tir tar tâu qênhx shênhx moz.

          Tiv zix Chính phuv cux tưz chox kriê muôz nhiêx txiêx chiê Bộ y tế ciêr chênhr zuôr yuôx vắc xin phax moz phưx vưv tsôngv box thiêz heik Bộ y tế uô jông hâux lưv cxax yuôx phax moz, trơưk lênhx nênhs trâu tsôngv box. Phuôx plov ntơưv phêv ziv y tế tas nro têz qơưk hâur shôngk shông 2021, Thủ tướng Nguyễn Xuân Phúc heik mênhx:

          “Pêz zuôr sir jos cxax yuôx phax moz trâu tsôngv box Việt Nam, pêz taz por nhiêx txiêx thiêz cxuô zav, muôx tsưr ziv paz txưv nhiêx txiêx chiê cxuô lênhx nênhs puôr lênhx tâu cxax yuôx. No zos zoz qơưx lok six zuôr trâus mak nganhx y tế thiêz têx cấp tsuv tsưr tsix uô jông jênhv vưv no sei tiv zix, tiv zix zos têx lênhx nênhs mak chính phuv tưz muôx Nghị quyết”.

          Pos Caitlin Wiesen-Antin, Tsar hlôngr njêx muôk UNDP ntơưv Việt Nam ntâus grê siêz Việt Nam li têx yênhx tix tax tâu hâur shôngk đhâu, muôx ntâu huôx tôngv tsênhv tsênhz đros chinhz yênhx “Tsi chiê lênhx tưs trâus tso tsês tov kaz”...jiês xuz thơưx Việt Nam muôx chỉ số huôv tsar lênhx nênhs siêz đros hov hnuz nhôngs chungz fênhx tâu hlôngr yiêz siêz đuô phênhv fênhx pheiz cxuô. Hâur qênhx shênhx moz Covid-19 tsênhv huôv xênhz uô zênhr shar txos kinh têr ntiêx têz, Việt Nam zos têz qơưk yênhx côngz hâur côngz xưv uô tsưr ziv phax tar moz thiêz sir jos huôv tsar kinh têr tax phênhv huôv tsar siêz shông 2020./.

(VOV4- Txâur Vax cxeik nhênhv)