Nhoz uô nênhx jê dự án, tsôngv box cxơưx thâuv txos

cheix ntux nas

Pos Cầm Thị Vân đros ntâu ziv chuôz zis nhoz paz 1, tuêv 4, phường Tô Hiệu, đrôngs Sơn La puôr lênhx ndo njôngr jiês lok nas tsêz no, muôx txos 6-7 jiês têx ziv chuôz zis tsuv sơưr cêr tsir thâuv hmo ntux, viv tsêr trâus đêx ngaz. Zov chênhr đuô thiêz zos chor đêx co tsi zos đêx nas xưz mak tas nro đêx ngaz lok hâur tsêr zos đêx kiês nênhs, trox tsư nxiêz thiêz lok six kiês...

“Trox meir thiêz đêx kiês nênhs đuz txis ntưs lok tas hâur tsêr, meir hleik, meir kra kruôr, meir cơư ntông....hâur jêx jos tsêr nhoz buôk cur tsêr puôr lênhx liêv tas; cur tul nxeik li luz meir xơưk tsôngs yo, pax ntâuz... cux liêv tas,chuôz zis tsuv muôz nhiêx txiêx thêv trâu kruô tuôx xơưk tsôngs yo 2,3 châuv tsov đeiv. Iz jiês đêx ngaz mak nênhs lâuk, nênhs hloz, mê nhuôs zâu puôr lênhx tsuv nhoz uô nênhx đros têx đêx kiês nênhs đuz txik. Iz jiês li ntơưv nzuôr tsêr, nxuô khâuz ndơưk yênhx ciêz cux tsi tâu tas, lok six phêv liv”

          Krêz uô hâux lưv cxiv uô côngz tsinhx nhoz thax tsav pas njês zơưv Hloz Hôx reik đros uô qar tiêx tsôngv box đrôngs Sơn La, têx taz viv cxiv uô tưz luôv tas cxix luôk cêr zaoz thôngz, đros têx qơư hâur qar tiêx...Hâur six hơưv cxiv uô, tưz muôx ntâu tsêr nhoz trâus jov trâu hâur ar, tsêr trâus tơưs caz plêz. Viv qơư uô dự án no tâu cxiv uô siêz đuô qơư tsôngv box nhoz uô nênhx, viv li têx njưk đêx, cưx đês trâus vôngz tas, txos cheix lok nas ho trâus đêx ngaz, uô zênhr shar lox txos tsôngv box li luz nênhx. Pos Hoàng Thị Tân, nhoz tuêv 4, phường Tô Hiệu heik:

“Lok nas lox đêx ngaz tas cêr mul lok, pox nhuôs nhoz no mul lok tsi tâu, đêx mak tsư nxiêz. Tiv 2 zos têx veiv, thiêz zôngr muôx lok six ntâu thâuv txos zar hnuz keix. Tiv 3 zos côngz tsinhx li têx môngr ar lok six pâus. Tiv 4 zos têx zav meir uô côngz tsinhx lok six tôngs njêx. Co zos têx mak pêz trâus zênhr shar thâuv cxiv uô côngz tsinhx no”

Lơưr ntâu ziv chuôz zis, pox nhuos tsi tâu tâu heik lok têx phênhv pâux nzir thâuv uô côngz tsinhx, lok sik tsi pov muôx tsưr ziv txar qơư nhoz yiêz. Pos Cầm Thị Phông, iz lênhx tsôngv box nhoz uô nênhx hâur thax tsav no puz pâuz, viv luz nênhx trâus zênhr shar, pox nhuôs tsênhv xar njôngr nzor tâu pheiz qơư nhoz yiêz chiê taz por thâuv xar txos cheix lok nas shông no:

“Cur chuôz zis nhoz uô nênhx cxôngx nzor lok no, nhiv no têz qơưk muôz ar chiê uô côngz tsinhx cux tsi pov pâux nzir tul tsi trâu pêz. Cux pov heik tiêk tưz pâux nzir trâu hợp tác xã, taz sik tsi pâuz zos pâux nzir txos tưs, nhiv no ruôr tas cur chuôz zis li tsoz chos mak tsi heik tul tsi; uô yênhx hnuz yênhx hmo, tsôngv box pư cux tsi jông pư. Pêz li siêz xar njôngr zos tsuv tsov cưv txos tsôngv box, tsuv txar qơư nhoz trâu tsôngv box tas mav li uô côngz tsinhx. Txos cheix lok nas tsi muôx lênhx tưs tsov cưv mak pêz zuôr nhoz uô nênhx li chas, 2 shông li ntơưv lơưv”

Đros thiêz nênhs sâu xor xưv thav, zơưv Lê Trọng Bình, phưv chủ tịch UB đrôngs Sơn La puz pâuz: Ciês thâuv jênhv tâu Đoanx teiv plor côx hôiv tỉnh Sơn La li ziv chênhv ntơưv jiês njiz tsôngv box hnuz 28/3 nhiv kruôr đhâu, niêv đrôngs tưz tsưr tsix khiêz phêv sik seiz lax tsưr ziv khưx phưx qênhx shênhx đêx ngaz thax tsav tuêv 4, phường Tô Hiệu. Thâuv xav tênhv tâu qir tiv, UB đrôngs heik têx tsưr yưv pênhr ciêr chênhr uô tsưr ziv khơưk thôngz cưx đês thiêz tsuv cxaz nzir têx car tso đêx:

“Tỉnh li chủ trương cxuô zos cux tsênhv njuôs xav zuôr uô hâux lưv txar qơư nhoz yiêz trâu tsôngv box thax tsav no chiê tsôngv box nzor ngaz tul luz nênhx. Txos nhiv no, UB đrôngs Sơn La tsênhv đros Ban coar lik dự án thax tsav niêv đrôngs thiêz Sở cxiv uô krêz uô tsưr ziv njuôs xav qơư nhoz yiêz đros thax tsav no. Thâuv krêz uô, pêz zuôr tsưr ziv têx trus muôx lênhx coaz txos sâu zuôr tsôngv box li ziv chênhv thiêz nzor krêz uô dự án hâur six hơưv zuôr txos”.

Tsênhz mênhx tso pov, niêv đrôngs Sơn La tsênhv tsuôk li iz côngz trường lox, lok six ntâu dự án tâu krêz uô, côngz xưv njuôs xav tsi tâu tâu uô tiêr, uô zênhr shar lox txos tsôngv box li xênhz huôx thiêz tsiv uô xênhz yar. Tsôngv box thax tsav tuêv 4, phường Tô Hiệu li siêz xar njôngr zos nzor tâu pheiz qơư nhoz yiêz chiê ngaz tul luz nênhx tsi tsuv tuiv flu đros thiêz qênhx shênhx tênhx qơư trâus kiês nênhs, trâus đêx nas ngaz thâuv txos cheix lok nas thiêz./.

(VOVTB-Txâur Vax cxeik nhênhv)

NUK, TÊZ LOK CHEI BHYT, BHXH

(Xênhz zus mê nhuôv tsi muôx ntơưr hâur tsêr kho moz đros pok tâu sơưv BHYT?)

Nuk: Cur đros zuôr BHYT thiêz uô ntơưr seiz njuôk shuôs, kho moz ntơưv tsênhv qơư y tế TP Điện Biên Phủ. Uô li cur xênhz zus mê nhuôv ntơưv tsêr kho moz đa khoa tỉnh Điện Biên, tsi muôx ntơưr hâur tsêr kho moz tsênhv qơư y tế TP Điện Biên Phủ gra đros, uô li pok tâu BHYT paz thêv têx nhiêx khiêz kho moz lok tsi tâu?

Têz: Trơưk li cui tinhv ntơưv grê 22 chei BHYT kho đuô, cxaz nzir shông 2014 cui tinhv: Lênhx nênhs muôx ntơưr seiz njuôk shuôs, kho moz chiv chir muk seiz njuôk shuôs, kho moz tsi trơưk cui tinhv tâu BHYT thêv nhiêx khiêz kho moz lơưr cui tinhv tâu sơưv ntơưv grêi iz grê no li đrav kaz, yưx têx lênhx nênhs cui tinhv ntơưv grêi 5 grê no.

a) Ntơưv tsêr kho moz T.Ư zos 40% nhiêx khiêz kho moz thâuv nhoz pư  hâur tsêr kho moz chơưv kho têx moz gênhs;

b) Ntơưv tsêr kho moz tỉnh zos 60% nhiêx khiêz kho moz txix hnuz chei no qir uô lơưr txos hnuz 31/12/2020; 100% nhiêx khiêz kho moz thâuv nhoz pư hâur tsêr kho moz chơưv kho têx moz gênhs txix hnuz chei no qir uô lơưr txos hnuz 31/12/2021 hâur hur si têz qơưk;

c) Ntơưv tsêr kho moz huyện zos 70% nhiêx khiêz seiz njuôk shuố,s kho moz txix hnuz chei no qir uô lơưr txos hnuz 31/12/2015; 100% nhiêx khiêz seiz njuôk shuôs, kho moz txix hnuz xiêz 01/1/2016”.

Iz chas ntơư, lênhx nênhs thâuv muk seiz njuôk shuôs, kho moz tsi trơưk cui tinhv mak cux muôx têx tâu BHYT paz thêv têx nhiêx txiêx khiêz kho moz.

Trơưk li cox têx lul nuk txos heik sâuv, cox đas cir seiz njuôk shuôs, kho moz xuz thơưx ntơưv tsênhv qơư y tế TP Điện Biên Phủ thiêz xênhz zus mê nhuôv ntơưv tsêr kho moz đa khoa tỉnh Điện Biên mak tsi muôx ntơưr hâur tsênhv qơư y tế TP Điện Biên Phủ đros tuôx, lok zos muk seiz njuôk shuôs, kho moz tsi trơưk cui tinhv. Đros thiêz têx cui tinhv li heik sâuv, mak cox cux tâu BHYT paz thêv 60% nhiêx txiêx khiêz kho moz./.

(Thu Thùy-Riê Lâux cxeik, nhênhv)