Jax sâu thưr 5, hnuz 19/5/2016:

Cơưv zơưv hloz Hôx cêr uô nênhx

          Jông siêz zos xênhv trơưk zơưv hloz Hôx luz bê,Pos Hồ Thị Vôi, hêir nênhs Pa Kô nhoz xã A Túc, huyện Hướng Hoá, tỉnh Quảng Trị, thâuv tưs cux siêz bo cơưv shâuv zơưv hloz Hôx têx cêr uô nênhx. Zus 4 tus mê nhuôv mê, ziv chuôz zis uô nênhx txov nhêv; taz sik pov têx mê nhuôv njuôs tsik muôx niêv tsik muôx txir, pos Vôi tưz chox lok tu zus. Chiê tu zus cov tâu 10 lênhx mê nhuôv njuôs, pos Vôi oz niêv txir cux muk đhâu ntâu cêr txov nhêv, cxươx nhiêx txiêx, cxươx trâu pluôk nox…Taz sik, pos Vôi oz niêv txir cux truôx siêz bo tu zus lox hloz yênhx nênhs. Pos Hồ Thị Vôi hêik pâuz:

           “Txơưv cur ziv chuôz zis muôx ntâu cêr txov nhêv, taz sik thâuv tưs  cur cux nhav têx mê nhuôv njuôs lok tu zus. Viv zơưv hloz Hôx têx lik hêik kriê tiêk: Pêz uô nênhx nhoz tsuv muôx cêr siz paz siz hluz. Viv cur cơưv zơưv hloz Hôx têx cêr uô nênhx”.

          Cux li pos Hồ Thị Vôi, cưk yuôx Bác sỹ Trần Thị Hải Vân, têx cêr paz txos trâu iz cxiê lênhx nênhs tuôx kho moz; viv cơưv zơưv hloz Hôx têx luk hêik kriê, cưk yuôx tsuv uô ntêx nyuôk trâu cxuô luôs haux lưv; Trần Thị hải Vân, sêiz car kho njuôk têx mê nhuôv moz vưv nhoz tsêr kho moz Đà Nẵng, thâuv tưs cux sir tas đas jos tsưr ziv sêiz car thiêz tu hluz txos têx mê nhuôv moz vưv, cov đros sđ muôx luz nênhx yar ntux đris. Cưk yuôx Vân  hêik pâuz:

           “Pêz chor uô hâux lưv kho chor nênhs moz vưv, txơưr tsik thôngx chor. Cur cơưv tâu zơưv hloz Hôx têx cêr uô nênhx; cơưv cêr uô nênhx, cơưv cêr siz hluz, siz paz…puôr lênhx cơưv zơưv hloz Hôx hur tiz si”.

          Pos Hồ Thị Vôi thiêz cưk yuôx Bác sỹ Trần Thị Hải Vân zos oz tus hâur chôngz lênhx ntâu tus,  uô ntêx nyuôk cơưv shâuv zơưv hloz Hôx têx cêr uô nênhx jông. Đhâu 5 shông fuô uô trơưk chỉ thị 03 ntơưv Bộ chính trị; cxươz cxiz luôs hâux lưv cơưv shâuv uô trơưk zơưv hloz Hôx têx cêr nênhx jông, luz nênhx muôx cêr shir phaz. Pos Nguyễn Thị Phương Hoa, Vụ trưởng, sêiz car uô trơưk chỉ thị 03, Ban tuyên giáo Trung ương hêik pâuz:

          Băng: “Cơưv shâuv zơưv hloz Hôx têx cêr uô nênhx, cơưv shâuv zơưv hloz Hôx cxuô luôs hâux lưv uô hâur yênhx hnuz, uô hâur côngv thôngx, viv sđ luz nênhx; cơưv shâuv zơưv hloz Hôx têx luk  kriê cxiv kho têz qơưs thiêz huôv tsar cxuô VN têx cêr nênhx vênhx huôv jông cov ziv hnuz ziv tâu truôx”./.

                                                                          (Tsu cxêik nhênhv-TTMT)

Phênhv thưr 5 hnuz 19/5/2016

Sơn La: Bộ đội lâul Cao Thành 2 jiês njiz zơưv Hloz Hôx

Zơưv Nguyễn Khắc Thành kuz têz qơưk nhoz Đình Bảng, Từ Sơn, Bắc Ninh, taz sik ho tâu xênhz zus thiêz hloz lox nhoz Yên Bái. Thâuv zơưv cơưv tas ntơưr cxênhx iz cux zos thâuv cách mạng hli 8 shông 1945 yênhx côngz. Zơưv xcaz chuôz đội thiếu niên tiền phong, sir jos cxaz chuôz chor huôx tôngv thiếu niên paz trâu phongz yaox cách mạng; uô liên lạc trâu chor tsưr tsix cách mạng thâuv co…đros zuk li tễ xgôngr côngv, hli 10 shông 1946, thâuv co zơưv muôx 14 shông, zơưv thiêz iz cxiê lênhx tâu lok thủ đô chiê njiz zơưv Hloz Hôx. Zơưv Thành piêr: Cxuô kror bax trâu jiês muk tâu bax cxix cxuô, tiv zix zos pov cov lok tsôngv box tỉnh Yên Bái li luz nênhx chiê pov cov trâu hloz Hôx. Uô ntêx thâuv zuôr muk njiz hloz Hôx, đoanx tâu chox muk ndis shuôk iz cxiê qơư zov chênhr li: Xưởng quân giới Phan Đình Phùng, njiz pêx xênhv thủ đô phố Hoàng Diệu, Khúc Hạo, Vạn Phúc, thị xã Sơn Tây”. Đhâu chor qơư co, txơưv hnuz nhôngs tsênhv kik, taz sik zơưv tưz phênhv tưs pâuz txos cxuô zav bax trâu mênhx cxưx li jiês tsav txênhz ntâuk tror châuz muk ntêr. Đhâu oz pêz hnuz tok, chor nênhs hâur đoanx têiv plor shông co li cêr shir phaz yax tưz txos. Co zos thâuv Hloz Hôx tuôr têk zơưv Huỳnh Thúc Kháng tơưv lok ntơưv qơư njiz. Tsik muôx nênhs hêik hlo, tas nro sơưr đơưk sơưr hlo hu jax guâx “Tok hloz Hôx lok”, kror ndâux hêik taz sik cuô muôs đros chuôs tsi viv shir phaz. Hloz Hôx tưz hêik sơưr đơưk tsuv sik côngv siêz, sik tưr uô xênhz yar, cxênhx txuôs chiê phưx vưv trâu ntâuk tros châuz. Zơưv Nguyễn Khắc Thành piêr:

 “Têik cik hnuz co đoanx tâu muk njiz hloz Hôx, hloz Hôx tơưv lok đros zơưv Huỳnh Thúc Kháng. Hloz Hôx hêik hnuz no cur đros zơưv Hùng Thúc Kháng hlôngr njêx muôs trây chính phủ njiz đoanx têiv plor Yên Bái. Hloz Hôx nus tsôngv box Yên Bái luz nênhx nox nhoz li chak, hloz Hôx piêr lok hloz Hôx thiêz đoanx chính phủ muk Pháp chiê sêiz lax lok têz qơưk li tiêx tuk taz sik tax tsik tâu chêx cur, viv li zuôr jav tsik tâu tsav txênhz, Hloz Hôx hêik tsôngv box Yên Bái lok no mak zos chiê sơưr đơưk pâuz tâu qênhx shênhx no”.

Đhâu ciês thâuv njiz hloz Hôx tas tror lok yên Bái, zơưv thiêz 10 ntâu lênhx nênhs tưz cxaz chuôz trâu đội yax kriê uô ntêx hlo, chiê muk uô côngz xưv. Hloz Hôx têx luk kriê tâu zơưv thiêz sơưr đơưk hêik txos trâu tas nro tsôngv box hâur tỉnh. Hnuz 19/12/1946, oz hli tov kaz đoanx tror lok, thôngz têz qơưk tưz hnor tâu hloz Hôx li luk hu “Tas nro têz qơưk ntâuk tros châuz”. Jiês ntâuk tros châuz tưz uô zơưv hla đhâu ntâu kror hâux lưv xưk li đọi viên đội yax kriê uô ntêx hlo-Ty thôngz mông Yên Bái, cán bộ phongx chính trị tỉnh đội Yên Bái, cán bộ đêx liv jêx jok, trưởng ban cán sự Châu đoàn Mường La, phưv văn phongx ủy ban hành chính huyện Mường La, tỉnh Sơn La…Nhoz kror hâux lưv tưs zơưv cux sir jos lênhx chiến sĩ cách mạng, uô tiêr jông têx jênhv vưv tâu choz. Shông 1959, zơưv tror tâu njiz hloz Hôx iz jiês thiêz thâuv hloz hôx tuôx dự ntênhk yênhx lix qơư chiv chir coangr lik Thái Hmôngz nhoz Tây Bắc. Jiês njiz no hax zav uô trâu zơưv pâuz tsênhz đuô lok hloz Hôx li têx luk kriê trâu tsôngv box Tây Bắc lok tsuv sir jos, sik côngv siêz chiê cxiv tsa jêx jok tsâu sor. Hloz Hôx têx luk kriê zos kror hêik zơưv kruôz kriê têx tuz nhuôs sir jos cơưv ntơưr, zos yênhx chor nênhs muôx liv trâu xã hội.

 “Hmôngr jông tâu cơưv hloz Hôx li lo luk txix thâuv 13, 14 shông uô ntêx thâuv zuôr tiêr nênhs, viv li thiêx uô tâu li no. Zuk cux xar thiêz tsikso kriê chor nhuôs tiêk chor nhuôs tsuv sir jos cơưv tas cxênhx pêz, tov kaz no uô kror hâux lưv tưs lok cux tsuv sir jos, uô tiêr cov jông”.

Thâuv têz qơưk chiê so lâul nhoz ntơưv Sơn La, zơưv Nguyễn Khắc Thành cux sir jos cxaz chuôz trâu côngz xưv nhoz phường, tổ dân phố. Zơưv tsênhv đros iz cxiê lênhx nênhs nhiêv pax huôv yênhx lix câu lạc bộ pax huôv Hương Đào gôngr côngv ntâu jax pax huôv jông thiêz cxơưz cxiz phongx yaox vênhx huôv, vênhx nghệ nhoz tiv phaz. Zơưv Trần Phiến, nhoz tổ 3, phường Chiềng Lề, cũ zos nênhs hâur câu lạc bộ pax huôv Hương Đào hêik:

 “Txơưv hloz Cao Thành zos nênhs muôx hnuz nhôngs, taz sik xav txix đảng viên txos pêx xênhv lênhx tưs cux lok six nhiêv hloz li pưk txux hâur luz nênhx thiêz ntơưv qơư nhoz. Tiv zix lênhx tưs tsik to tâuz đaz tsik txơưv lok Đảng li têx cêr chêi, taz sik thâuv tuôs txos hloz tâu hloz kruôz kriê mak cux pâuz thôngz hur si”.

Đros zuk li têx gôngr côngv, zơưv Nguyễn Khắc Thành tưz tâu jênhv Đảng, têz qơưk li ntâu kror khơưk kruôk tsiv gri li: Huân chương ntâuk tros châuz Mỹ hov iz, huân chương ntâuk tros châuz Pháp hov pêz, huy chương viv côngz xưv vênhx huôv, huy chương viv niêv côngv siêz mênhx cxưx…./.

(Lik Thox cxiv sâu, cxêik nhênhv)