Radio: Xa Đảng têx lul heik, chei kriê txos trâu thax tsav tox siêz đêz đrôngs

Yênhx têis cik sơưr nzor, pos Lưu Thị Tiệp nhoz Háng Chấu, xã Cai Bộ, huyện Quảng Hòa, tỉnh Cao Bằng li hâux lưv xuz thơưx zos krêz đeix chiê mnôngs zuk heir nênhs têx lul heik thiêz mnôngs têx suôz gâux, cưr cxiêx chor lâuk khênhr heik thâuv ntêx. Đhâu 2 luz hlik ntâu tso nta suôz siv, Đeix nta suôz VN li tsaz yênhx luk Tày-Nùng tưz txeik tâu chôngz lênhx ntâu tus nhiêv mnôngs đeix nhoz tas nro hâur têz qơưk, txix Móng Cái, têx tỉnh Cao Bằng, Lạng Sơn, Bắc Kạn thiêz hur si tsôngv box Tày nhoz Tây Nguyên têx cêr shir phaz, lul heik jông siêz.

“Hâur yênhx têis cik cur krêz đeix mnôngs tsaz yênhx luk Tày, tâu mnôngs zuk heir nênhs têx luk sâuv Đeix têz qơưk, cur uô tsâus tsaz yênhx lok six ntâu. Cur vav chiê siêz tiêk, zuôr muôx ntâu six hơưv đuô chiê tso têx suôz gâux Then, Sli...chiê tsôngv box muk uô liêx têz lok, thâuv gênhs tâu mnôngs têx suôz gâux ntơư zuôr uô trâu lơưr shir phaz đuô....”.

Nhoz têx thax tsav tox siêz, ntus đriv, têx đeix radio mê txix thâuv nzor lok tưz zos lênhx fôngx zưs sưv jông đros đreiv têx tuz lênhv pênhz phax, thâuv muk qênhz shuôs têx ntuss đriv têz qơưk. Zuôr xar 20 shông nhoz đros đrêiv Zênhx pênhz phax Apa-chải, lênhx tuz lênhv pênhz phax Lê Văn Thinh cux tsênhv ndo njôngr hâur đruôz siêz tsi plox lok têx hmo nhoz đriv têz pok huôz niêz, no njiv. Thâuv co zos têx luz six hơưv tix lâus ndo txos vax tsêr, ndo txos qơư nhoz, pâuz tâu tsênhz têz qơưk têx ar đriv têz zos muôx liv jông li chas. Tso đeix mnôngs hâur niêx hnuz, uô trâu chor tuz lênhv pênhz phax tsik ndo gênhs, tsi yuô ndo tsêr thâuv muk qênhz shuôs têx thax tsav ntus đriv:

“Muôx ntâu jiês pêz muk qênhz yuôx hmo ntux, tsuôk hnor đeix heik, tâu mnôngs têx jax gâux, cưr cxiêx heik lol têz qơưk tưz uô trâu pêz sor siêz, tsi yuô ndo tsêr, tsi hnor gênhs”.

Zos lênhx đại biểu hlôngr njêx muôs trâu px, tâu muk ntâu qơư, tâu njiz ntâu lênhx tsôngv box heir nênhs tsơưs, đại biểu Nguyễn Duy Hứa, đoanx Đắc Lắc pâuz tsênhz lok đeix nta suôz  li pưs txux txix têx tsênhv tsênhz lok phax tar moz Covid-19 nhiv kruôr đhâu:

“Cur ntâuk grê siêz lok đeix nta suôz. No zos iz kro jông, xa tâu Đảng, têz qơưk têx chei txos trâu px. Têx li heik co pov lok six tsênhz hâur ntu muôx moz Covid-19 nhiv kruôr đhâu, px txeik tâu thiêz pâuz  tsênhz lok Chính phủ têx chei fuô kriê  tâu tso tơưv. Khov li co mak pêz phax tar tâu moz”.

Krêz đar thax tsav tso nta suôz txos trâu têx suôv qơư tox siêz đêz đrôngs, lar heik zos chor thax tsav vuôk har, nhoz toz, txix thâuv nzor lok Đeix TNVN tưz xar txos tsưr ziv uô co. Đros trâu têx li heik no zos tsưr ziv yax xa mông muk cxuô thax tsav qơư đhâu tso đeix nta suôz têz qơưk. Đros thiêz tsưr ziv no, lơưr Phưv Tổng giám đốc Đeix TNVN Trần Minh Hùng, Đeix TNVN tsênhv hux jos đros iz cxiê cơ quan muôx vax huôv nhênhz chơưv tsiv uô têx đeix radio mê huv đros trâu tsôngv box thax tsav tox siêz đêz đrôngs:

“Uô lơưr tsưr ziv yax xa têx mông, xor xưv muk  yênhx thax tsav, suôv qơư, Chính phủ tưz choz Đeix TNVN hux jos đros têx taz viv muôz thiêz pheiz têx đeix radio trâu tsôngv pox nhuôs nhoz têx thax tsav tox siêz đêz đrôngs chiê pox nhuôs zênhx max txeik thiêz mnôngs tâu Đảng, têz qơưk têx mông, chei fuô kriê”.

54 heir nênhs zos 54 têx txux chi vênhx huôv jông nhiêk txơưr nhiêk tsi siz thôngx, taz sik cux zôngx ziv trâul pôngz plox hâur ntu têz qơưk tsênhv taz tov huôv tsar thiêz hlôngr yiêz. Tuôr tsês thiêz por hưv cxuô heir nênhs VN têx txux chi vênhx huôv jông trâu cxênhx hluôk tov kaz pâuz txos zos iz hâur têx hâux lưv Đeix nta suôz tsuv sir uô thiê tuôr tsês tsik chiê pôngz plox./.

(Mỹ Hà- Riê Lâux cxeik-Txâur Vax nhênhv)

Mênhx cxưx tsơưs nênhs li vax huôv tự do tín ngưỡng, tôn giáo đros thiêz

jênhv pâuz

Uô lơưr chủ trương sir jos hội nhập ntiêx têz, têx hâux lưv sik côngv, siz njiz hâur hâux lưv mênhx cxưx, tôn giáo cux tâu sir jos uô hâur têx shông jê lok no, đhâu co paz trâu côngv thôngx ntiêx têz pâuz tâu cxix cxuô đuô lok qênhx shênhx tsênhv tsênhz ntơưv Việt Nam. Têx xor xưv xưk li 500 shông Hlôngr yiêz Tin lành 12/2017, Niêv ntênhk Phật đản Vesak Liên Hợp Quốc hli 5/2019 zos têx xor xưv tôn giáo ntiêx têz, zaz zâuv chôngz lênhx nênhs sâuv ntiêx têz tsov cưv txos. Tsik tsơưs lênhx tov, chính giới, pov chir têx têz qơưk ntâuk gri siêz lok têx xor xưv no, sêiz no zos iz kror tsênhz mênhx tiv zix hâur xênhz huôx tín ngưỡng tôn giáo nhoz Việt Nam.

Fôngx zưs ntiêx têz cux pâuz txos chor mênhx cxưx tsơưs nênhs nhoz thax tsav tox siêz faz Bắc, Tây Nguyên, Tây Nam Bộ li yênhx puô ntênhk hôiv vênhx huôv. Ntâu kror tưz zos yênhx têx qơư zaz zâuv du lịch ntiêx têz nto bê, tâu tso tơưv hêik pâuz sâuv ntâu trang web, têx kênh nta đuô sơưr thơưx sâuv ntiêx têz. Cux chênhr txix ntâuk gri siêz Việt Nam li têx sir jos, fôngx zưs ntiêx têz tror njênhs njôngr paz thơưz têx dự án sik côngv huôv tsar, yưv pênhr ntơưv thax tsav tsôngv box mênhx cxưx tsơưs nênhs. No zos hâux lưv Việt Nam zuôr sir jos uô đuô hâur ntu zuôr txos chiê paz jông đuô trâu kriz uô têx tsênhv chêi huôv tsar kinh têr-xar hôiv, gra siêz tsôngv box mênhx cxưx tsơưs nênhs luz nênhx.

Têx huôx tôngv sik côngv ntiêx têz hâur hâux lưv tôn giáo, mênhx cxưx tsênhv paz muôx tâu têx xor mông tsênhz mênhx trâu côngv thôngx ntiêx têz lok qênhx shênhx mênhx cxưx, tôn giáo nhoz Việt Nam, đhâu co uô plox juk iz cxiê ziv chênhv tsik zos ntơưv jiês sik thav ntơưv Hôiv đồng Lênhx nênhs li vax huôv (hli 1 thiêz hli 7/2019) lok sik ntơưv chor jiês por vêv têz qơưk têx hêik pâuz uô lơưr têx công ước ntiêx têz lok lênhx nênhs li vax huôv mak Việt Nam zos thành viên li: Công ước tir thêir ntâuk tsiv (11/2018), Công ước lok têx vax huôv dân sự, chính trị (3/2019). Têx ziv chênhv tsik zos no phênhv ntâu zos tâu hêik txix iz cxiê lênhx nênhs pâuz tsik tsênhz têx xor mông, tsik thôngx siêz, jông siêz đros Việt Nam li têx kror uô tâu hâur oz pêz thập kỷ đhâu.

Lơưr zơưv Lý Seo Dìn, Trưởng ban Dân vận tỉnh Lào Cai, Đảng thiêz têz qơưk tsik so tsov cưv txos vax huôv tự do tín ngưỡng, tự do tôn giáo, tiv zix zos đros thiêz têz qơưk muôx txos 54 mênhx cxưx. Kror no tưz tâu uô tsênhz mênhx ntơưv Nghị Quyết Trung ương 5 khóa 8, co zos cxiv tsa nền vênhx huôv jông cxuô mênhx cxưx. Co zos nhiêv têz qơưk thiêz hlôngr yiêz mak tsênhv njiêz zos độc lập mênhx cxưx đros đrêiv CNXH lơưr Chủ nghĩa Mác-Lênin, Tư tưởng Hồ Chí Minh, uô lơưr tsưr ziv tas nro viv lênhx nênhs. Pêz Đảng thiêz têz qơưk tưz hêik tsênhz mênhx li co, taz sik li cux tsênhv yuôr iz phênhv tưs tsôngv box, tiv txux chi kik, pâuz tsik tâu cxix cxuô viv li cux tsênhv njênhs thiêz uô trơưk uô muôx yưv ntâu kror phiv liv pôngz siêz, tsuôk zos thâuv tâu hêik kriê, yax kriê mak thiêx li pâuz tsênhz.

“Chor nênhs fêv tsik so nhoz gâuv liv zôngv txix tsôngv box, nhoz đêz, tox siêz, pêx xênhv txux chi kik yax kriê tsik so taz sik pêz hêik tsênhz mênhx co zos tsôngv box li siêz njênhs, tso siêz khưr uô nox, tas nro sir jos trâu huôv tsar kinh têr…Thâuv co mak tsôngv box zuôr chiv chir pâuz tâu, pêz cux tsik hêik tiêk tsôngv box mnôngs trơưk li uz, li no, kror co mak zos tsôngv box li vax huôv. Đảng, têz qơưk li tsưr ziv zos tôn giáo, tín ngưỡng zos sơưr đơưk li vax huôv, tsôngv box muôx kinh têr, gra siêz txux chi thiêz zuôr pâuz tâu têx co zos trâus liv zôngv lok tsik zos”.

Vax huôv tự do tín ngưỡng, tự do tôn giáo mak tsiv xav txos qơư kik lok zos tox siêz, mak trơưk zơưv Lý Seo Dìn co zos yênhx lênhx nênhs li jênhv pâuz li chak chiê muôx têx hâux lưv uô, siêz xar cov zos xưz. Chênhr viv li, gra siêz txux chi, sir jos uô têx tsưr ziv yax kriê Đảng, têz qơưk têx chủ trương, cêr chêi zuôr paz trâu tsôngv box pâuz tsênhz mênhx đuô, kror tưs zos, kror tưs tsik zos, tsik mnôngs trơưk têx luk hêik tsik jông tsik zos, uô ruôr hiêv, phiv liv txos  Đảng, têz qơưk têx cêr chêi. Lơưr co, uô grêiv juk cêv kuôk nhoz qơư kik thiêz tox siêz, jux juk gra siêz luz nênhx trâu tsôngv box mênhx cxưx tsơưs nênhs, gôngr phênhv paz trâu têz qơưk li huôv tsar./.

(VOV4-Lik Thox cxêik nhênhv)