Lục Yên-Yên Bái: Txo grêk tsơưs chor nhuôs zâu

trâus pôngz đêx txix tsưr ziv kriê uô luôv đêx

No zos shông tiv pêz tsưr ziv kriê uô luôv đêx tâu Đoanx xar Phúc Lợi, huyện Lục Yên tsưr tsix ntơưv xar, zaz zâuv muôx 100 ntâu lênhx hluôk nênhs, nhuôs zâu txix 7-16 shông cxaz chuôz. Nhuôs Bàn Hải Nguyên, 9 shông, cxaz chuôz lớp cơưv uô luôv đêx ntơưv xar Phúc Lợi puz pâuz: cxaz chuôz chor lớp cơưv no, chor nhuôs tưz tâu kriê têx tsưr zov tsuv pâuz chiê por vêv zuk tsik trâus pôngz đêx:

“Cur uô tsâus chor nênhs nhoz Đoanx xar tưz kruôz kriê trâu pêz tsưr ziv uô luôv đêx. Nhiv no cur tưz pâuz uô luôv đêx, tsik nyêi trâus pôngz đêx lơưv”.

Hâux lưv kriê uô luôv đêx trâu chor nhuôs zâu sâuv thax tsav cux tâu chôngz chor uô niêv txir thôngx ziv uô trơưk. Tix lâus Văn Đạt, jok 2 Thuồng Ngoài, xar Phúc Lợi puz pâuz:

“Zuk pov chor nhuôs muk cơưv uô luôv đêx li co mak lok six jông. Viv hâur six hơưv niêv txir muk uô hâux lưv mak chor nhuôs cê muôx tâu qơư uô si, cê cơưv shâuv tâu đas jos. Hok niêv txir mak cux tsik muôx six hơưv sêiz car truôx jông chor nhuôs mak zos chor nhuôs muk uô si đa đêx lok cux pâuz uô luôv đêx lơưv”.

Tix lâus Ban Văn Xuân-Bí thư Đoàn xar Phúc Lợi, huyện Lục Yên puz pâuz: Txix shông 2013-2016 sâuv thax tsav xar tưz muôx 5 tuk nhuôs zâu trâus tuôs tiv trâus pôngz đêx lok six pôngz siêz. Đhâu 3 shông kriz uô tsưr ziv kriê uô luôv đêx ntơưv tuk đêx jok Túc 2, txos nhiv no tưz muôx 100 ntâu lênhx nhuôs zâu pâuz uô luôv đêx thiêz tsik muôx yưv nhuôs zâu trâus tuôs tiv trâus pôngz đêx:

“Shông 2017 Ban chấp hành đoanx xar tưz tso tơưv tsưr ziv, thôngx ziv kriz uô tsưr ziv kriê uô luôv đêx trâu chor nhuôs hâur chêix ntux sor. Txix ciês thâuv kriz uô tưz muôx lok six chôngz lênhx nhuôs đăngk cir cxaz chuôz. Qênhx shênhx nhuôs zâu trâus pôngz đêx tsik pov muôx yưv lơưv. Pêz zuôr tror uô tsưr ziv no hâur ntu zuôr txos”.

Zos tiv phaz muôx ntâu pak đêx, cưx đêx, cưx ha ntưk lok đhâu, tsuôk txix shông 2016 txos nhiv no, sâuv thax tsav huyện Lục Yên tưz muôx yưv 43 lênhx nênhs trâus pôngz đêx, hâur co muôx 21 lênhx nhuôs zâu trâus tuôs. Đros tsênhz mênhx muôx yưv phiv liv li no, hâux lưv kriz uô chor lớp kriê uô luôv đêx tâu huyện Đoanx tiv phaz xav jênhv zos tsưr ziv uô huv đros, tsênhv tsênhz chiê tir tar qênhx shênhx trâus pôngz đêx nhoz nhuôs zâu. Chor xar khov lơưr tsar tov tsênhz tsênhz ntơưv tiv phaz, xêir tsov têx tuk đêx huv đros chiê kriê chor nhuôs uô luôv đêx.

Lơưr tix lâus Hoàng Trung Chinh, Bí thư huyện đoanx Lục Yên: hâur tsar tov nhiêx txiêx tsênhv muôx tsơưs pir li zoz qơưx tsênhv tsênhz ntơưv tiv phaz, mak hâux lưv uô tsênhz mênhx têx pênhr jos, hêik chor nênhs siêz jông gôngr côngv chiê tror uô truôx jông tsưr ziv no. Tsưr ziv uô zos chiê sir jo txo grêk tsơưs thiêz tsik yuôr qênhx shênhx nhuôs zâu sâuv thax tsav trâus tuôs tiv trâus pôngz đêx lơưv:

“Hâur ntu zuôr txos hluôk nênhs Lục Yên tror sik côngv đros chor nganhx txơưx jênhv chiê sir jos yax kriê thiêz gra siêz jênhv pâuz lok txiêz nanv trâuss pôngz đêx trâu chor uô niêv uô txir, thiêz chor nhuôs zâu hâur tas nro huyện.Tror kriz chor lớp kriê uô luôv đêx chêix ntux sor ntơưv têx qơư muôx tsar tov thiêz tsik so kriz têx lớp cơưv shâuv nzir trâu chor cán bộ đoàn thiêz hluôk nênhs lok tsưr ziv, txux chi phax tar trâus pôngz đêx. Tror vênh tôngv xar hôiv paz têx pênhr jos, chor uô niêv uô txir, chor nênhs siêz jông têx paz chiê tror cxiv uô yiêz, kho đuô cov muôx qơư trâu chor nhuôs cơưv uô luôv đêx”.

Đhâu 4 shông, txos nhiv no, tsưr ziv kriê mê nhuôs uô luôv đêx tưz tâu cxuô cấp bộ đoàn ntơưv huyện kriz uô ntơưv 7 xar, đros muôx 725 lênhx shux xênhz cxaz chuôz, đros muôx 100 triệu đêiv ntâu nhiêx txiêx kriz uô, tâu tsưr tsix chính phủ njiê đêz ndar txos ntiêx têz paz, thiêz tsưr tsix no jênhv tiêk zuôr tror paz txos tas shông 2021./.

(Thiều Nghiệp-Lik Thox cxêik nhênhv)

Txuz lênhx nxeik Cho trâus nziêk đas muôs trâu têz qơưk Trung Quốc:

Ủy ban mênhx cxưx heik têx cơ quan muôx

vax huôv sik đros uô cov tsênhz mênhx

Nus: Thor cox puz pâuz, txuz lênhx nxeik Cho 11 shông trâus nziêk đas muôs trâu saz Trung Quốc muôx yưv hâur huyện Sìn Hồ, tỉnh Lai Châu, iz thax tsav qơư muôx ntâu tsôngv box heir nênhs tsơưs uô nênhx nhoz xưk li VOV tưz heik cux tsi tâu đơưk tu tsênhz mênhx. Uô li nêx zos hâu nov cơ quan lês uô hâux lưv nhênhz chơưv trâu Chính phủ lok têx nuv cik txos thax tsav tsôngv box heir nênhs tsơưs, cox xar li chas lok txuz hâux lưv no?

Pos Hạnh: Đhâu VOV heik lol txuz lênhx nxeik heir nênhs Cho 11 shông trâus nziêk đas muôs trâu saz Trung Quốc. Zos lênhx Thứ trưởng, Phưv seiz car Ủy ban Mênhx cxưx Chính Phủ, zos canr bôv pox niêv, heir nênhs Tày xênhz thiêz hloz lox nhoz Tây Bắc, cur zênhx tsi jông siêz lok têx nênhs fêv zuôr muôs lênhx tiz nênhs. Heik têx cơ muôx vax huôv ntơưv qơư thiêz têx thax tsav cik txos nzor uô tsênhz mênhx, tik cêr cxâuv cov txos qơư, sđ muôx luz nênhx côngz fênhx, lar heik zos tsôngv box heir nênhs tsơưs, têx lênhx pox niêv.

Nus: Uô li cox tsưr ziv hâur đơưk tu txuz hâux lưv no zos uô li chas?

Pos Hạnh: Pêz muôx luk kruôk txos VOV tưz muôx têx xor xưv heik lol txuz hâux lưv no. Heik têx cơ quan muôx vax huôv nzor đros qênhz yuôx, uô tsênhz mênhx. Zos Đảng, têz qơưk cơ quan nhênhz chơưv, buôk ti zos Chính phủ, Thủ tướng Chính phủ lok hâux lưv mênhx cxưx thiêz tsênhv chei mênhx cxưx, pêz zuôr chuôz tsar tiês uô luôs hâux lưv yax kriê chiê tsôngv px sđ chênhr phax, tsi trâus têx nênhs fêv hâuz nziêk, iz chas uô jông Đảng, têz qơưk tsênhv chei mênhx cxưx chiê tsôngv box muôx luz nênhx ziv hnuz ziv jông đuô. Cxơưz tiês huôv tsar Zoz zux, gra siêz sđ txux chi tsưr ziv jênhv pâuz tsênhz đuô lok têz qơưk têx chei kriê, chiê por hưv sđ luz nênhx tsik trâus têx nênhs fêv hâuz nziêk đas

Nus: Đros trâu txuz hâux lưv ntơưv Sìn Hồ, tsênhz tiês tso pov têx nênhs fêv zuôr muôs lênhx nênhs nhoz thax tsav ntus đriv, tox siêz đêz đrôngs hâur hur si têz qơưk nhiv no cux tsênhv muôx yưv phiv liv. Uô li Ủy ban mênhx cxưx zuôr tror nhênhz chơưv trâu Chính phủ têx tsưr ziv tsênhv tsênhz li chas chiê tir thêir tâu têx nênhs fêv no, lar heik zos ntơưv têx thax tsav, suôv qơư tsôngv box heir nênhs tsơưs?

 Pos Hạnh: Pêz tsênhv taz tov tror thôngx ziv đros VOV, zuôr sir jos đros heik chiê paz por hưv tsôngv box heir nênhs tsơưs têx vax huôv, muôx liv, por hưv chei thiêz côngz fênhx trâu XH. Hâur six hơưv đhâu, Ủy ban mênhx cxưx tưz nhênhz chơưv trâu Chính phủ lok six ntâu tsênhv chei lok hâux lưv mênhx cxưx. Hâur co, muôx hur si têx hâux lưv chiê tsôngv box heir nênhs tsơưs pâuz tsênhz lok chei têz qơưk thiêz pâuz por hưv zuk lênhx tiz nênhs. Hâur six hơưv zuôr txos no, pêz tror nhênhz chơưv trâu Chính phủ têx tsưr ziv tsênhv tsênhz chiê tir thêir tâu cov tâu truôx têx nênhs fêv trâu thax tsav tsôngv box heir nênhs tsơưs. Uô ntêx, cux zos yax kriê, txix têx faz tsưr ziv tsênhv tsênhz txos trâu ntơưv qơư. Sik côngv têk thiêz chox kriê đros Ủy ban têx tỉnh, Ban mênhx cxưx têx tỉnh, têx ban, Bộ ngênhx cik txos tsưr tsix têx lớp kriê cxaz txux chi tsưr ziv yuôr trâus, fiv đros tsôngv box cêr nênhx vênhx huôv chiê heik trâu tsôngv box mnôngs, pâuz to tâuz txos têx tsi jông, tsênhv tsênhz ntơưv qơư, tsi lav tâuk lav heik cxuô cxuô, tsi tsênhz mênhx. Đhâu ntơư, pêz zuôr muôx têx tsênhv njiêz tsênhv tsênhz, uô hâux lưv đros VOV thiêz têx cơ quan yax xa mông txơưr đuô nhoz T.Ư thiêz ntơưv qơư chiê uô jông đuô luôs hâux lưv no./.

Thor uô cox tsâus ntâu!

(Bích Thủy-Riê Lâux cxeik, nhênhv)