Tuz lênhv thiêz px Lai Châu siz chos tsưx phưv truôx ntus đriv

Uô jông Đảng, têz qơưk têx hâux lưv zok muôz đros trâu tsôngv box cxuô heir nênhs nhoz ntus đriv, hâur ntu đhâu chor tuz lênhv Pênhz phax Pa Ủ-Bôv đôiv Pênhz phax Lai Châu tưz sir jos uô tâu jông têx luôs hâux lưv zok muôz, jux juk uô hlôngr yiêz tsôngv box luz nênhx nox nhoz, xênhz huôx thiêz tsưx phưv truôx đriv têz têz qơưk, hâur co muôx iz lênhx canr bôv tuz lênhv pênhz phax, hmôngr jông nhiv kruôr tâu heik cov Bôv Côx phax muôz ntơưr kruôs hâur uô lơưr Bộ chính trị chỉ thị 05/CT-TW ndax six hơưv Bôv Cox phax cơưv ntâuk grê 5 shông uô lơưr Bộ chính trị Chỉ thị 05/CT-TW lok “cxơưz tiês cơưv shâuv, uô trơưk Lâul Hôx têx cêr uô nênhx jông” ntu 2016-2021, co zos đại úy Hoàng Văn Trưởng.

Trơưk li đại úy Trưởng, xar cxiv tsa truôx cov tuz lênhv thiêz px muôx cêr sik thôngx siêz jông, tsuv nhoz sưv jê đros px, jêx jok, uô trâu sđ muôx cêr thôngx siêz, siz njênhs njôngr. Đros tsưr ziv xar li co, đại úy Hoàng Văn Trưởng tưz tsi so muk yênhx chuôz zis px chiê kriê tsôngv box La Hủ huôv tsar uô nox uô hnar, lar heik zos txix thâuv taz viv fuô uô luôs hâux lưv tu zus têx niêv nhux sha mê nhuôv chêx tsôngk.

“Thâuv xuz thơưx tâu muôz nôngz nhux puz, zuk cux cxơưx. Tsi pâuz shor tu zus cơư uô cê iz kro li co pok zuôr trơưk tsưr ziv, viv px iz txưv cor cav tu zus têx tsiêx tso lak yar, taz sik tuz lênhv Trưởng thiêz Zênhx Pa Ủ tuôx ntâu jiês, kriê chos tâux, viv li nhux muôx jâuz nox hâur niêx shông, chor tuz lênhv paz max zuk, zuk cux sir jos đros tsưx phưv đriv têz”.

“Đôngx chir Hoàng Văn Trưởng zos iz hâur têx lênhx uô ntêx nyuôs chiê tsôngv px cơưv shâuv, uô trơưk, lar heik zos têx lênhx tsar jok, bí thư chi bộ hâur cxuô jêx jok”.

Xã Pa Ủ muôx 100% zos heir nênhs La Hủ, uô nênhx nhoz ntơưv 12 jok. Đros tsưr ziv txơưx kriê px huôv tsar uô nox, muôz px têx tsưr ziv, siêz xar, muôx liv ntơư uô qơư khov viv li đại úy Hoàng Văn Trưởng đros taz viv tưz thiêz tsênhv taz tov sir jos uô trâu côngv thôngx nênhs La Hủ muôx cêr sik thôngx siêz truôx jông:

“Hâur six hơưv lês uô têx hâux lưv hâur thax tsav qơư, cur tưz xav tinhv tsuv nhoz sưv jê đros px, đros nox, đros nhoz, đros px uô thiêz đros lơưr heik lul mênhx cxưx, chiê px heik kriê têx tsưr ziv pêz li pâuz tâu  lơưr luz nênhx, siêz xar uô li chas”.

  Hâur ntu tas nro ntus đriv Lai Châu cxơưz tiês uô luôs hâux lưv seiz car, tsưx phưv đriv têz, phax tar moz Covid-19, đại úy Hoàng Văn Trưởng, zos phưv thơưx car seiz Zênhx tưz cxiv tsa tsưr ziv, sir jos muk qênhz shuôs têx qơư cuz nxor, phiv liv, tsưx phưv jông ntus đriv zos zênhx seiz car, hux jos truôx đros hâu nov ntơưv qơư, uô jông hâux lưv nhênhz chơưv, đơưk têx phiv liv:

“Hâur six hơưv đhâu, khov muôx đôngx chir Trưởng nhênhz chơưv tsưr ziv, cấp ủy seiz car taz viv cux muôx têx tsưr ziv uô fiv đros chiê tsưx phưv truôx đriv têz, têz qơưk”.

Đại úy Trưởng, cir ntơưr chos luk cơưv shâuv thiêz uô trơưk Lâul Hôx cêr uô nênhx jông zos tsuv sir jos lês uô jông têx hâux lưv zok muôz, heik tâu tsuv uô tâu, uô trơưk li tưz heik đhâu. Thiêz nhoz thax tsav ntus đriv Pa Ủ, mak uô jông cux zos iz kro uô trâu tsôngv box La Hủ thiêz chor tuz lênhv Pênhz phax ziv hnuz ziv muôx cêr thôngx siêz jông thiêz siz njênhs njôngr./.

(VOV4-Riê Lâux cxeik, nhênhv)