Huyện Lục Yên (Yên Bái) sir jos txos shông 2025 uô tiêr luôs hâux lưv cxiv tsa jêx jok yiêz

Hâur ntu đrav ntêx, thâuv muk đhâu txox cêr txix xã Liễu Đô-Vĩnh Lạc-Minh Tiến-An Phú hâur huyện Lục Yên, tỉnh Yên Bái, lênhx tưs cux heik, lok six phiv liv muk lok, viv txox cêr trâus kơưx ntâu, puôk tsuôx tas, lok nas mak bluô, ntux yar lok six pâus.

Uô lơưr tsaz yênhx cxiv tsa jêx jok yiêz, hâur hli 6 nhiv kruôr đhâu, ntu cêr Liễu Đô-Minh Tiến tâu cxiv kho, uô đuô ntêr 5 cêik ntâu. Chiê krêz uô cêr đar jông muk lol, têx chuôz zis px nhoz 2 saz ntus cêr jos Sảo, xã Minh Tiến tưz muôz 4 cxênhz ntâu xưv phaz ar têz, đros trâu iz cxênhz ntâu tsoz ntông, kôngz lôngk chiê krêz uô cêr đar 9 thiêr (xav hur si ntus cêr), zôngx ziv trâu tsôngv px thâux xa têx kôngz, hax huv muk lok. Zơưv Triệu Tiến Dụ, Tsar jok Làng Sảo, xã Minh Tiến, huyện Lục Yên heik:

“Txox cêr no lok six phiv liv muk lol. Chênhr zos li heik co, tâu yưv pênhr krêz uô đar, px sđ hâur jok tưz jông siêz, thôngx ziv uô trơưk”.

Jok Tông Luông, xã Khánh Thiện cux iz zav li ntâu jêx jok txơưr đuô nhoz huyện Lục Yên, thâuv ntêx tsêr vênhx huôv jok, thax tsav qơư xênhz huôx côngv thôngx lok six grêiv, muôx tsi txâuk têx chuôz zênhx uz no, cêr muk lol phiv liv, tsi yuô tâu trơưk li têx cui tinhv lok cxiv tsa jêx jok yiêz. Chiê cxiv uô tsêr vênhx huôv jok taz por muôx 120 qơư jâuv tror zar sâuv thiêz muôx qơư ndis,  uô si, têx chuôz zis nhoz jê iz ndis thax tsav tsêr vênhx huôv kuz hâur jok tưz chiv chir gôngr txix 2, 3 châuv txos yênhx puô xưv phaz ar chiê cxiv uô đar tsêr vênhx huôv, qơư ndis uô si, xênhz huôx trơưk li px tsưr ziv, siêz xar.

Zơưv Nông Đức Nhanh, jok Tông Luông-iz hâur têx chuôz zis tưz gôngr ar chiê uô lox đar tsêr vênhx huôv jok heik pâuz:

“Trơưk li Đảng tsưr ziv, têz qơưk vênhv tôngv, thâuv uô cêr lok sik tsêr vênhx huôv zos cik thiêz zuôr txos chuôz zis tưs têx ar liêx têz mak sir jos gôngr paz, cur chuôz zis jông siêz, thôngx ziv hur si thiêz txơưv têx tuz nhuôs lok lơưr cux jông siêz li ntơư”.

Thôngz sâu hâur tas nro huyện Lục Yên, txix thâuv fuô uô tsaz yênhx cxiv tsa jêx jok yiêz txos nhiv no, tsôngv box cxuô heir nênhs hâur huyện tưz gôngr yênhx puô cxênhz xưv phaz ar têz, kôngz lôngk uz no…. chiê uô têx côngz trênhx côngz côngv. Ciês lok sâuv gôngr ar uô cêr muk lol jêx jok, txix hâur shôngk shông 2021 txos nhiv no, tsôngv px hâur thax tsav tưz gôngr 100 cxênhz ntâu xưv phaz ar chiê krêz uô yiêz, kho đuô têx cêr muk lol. Txix ntơư, tas nro huyện tưz muôx 640 cêik hâur hur si 1.100 ntâu cêik cêr jêx jok tâu cxiv uô jông, zôngx ziv muk lol. Pos Nông Thu Hà, Phưv Chủ tịch Ủy ban huyện Lục Yên, tỉnh Yên Bái heik pâuz:

“Pêz tror cxơưz tiês luôs hâux lưv yax mông, uô ntâu faz tsưr ziv fuô kriê yiêz thiêz têx uô jông, đhâu ntơư huiz tôngv tas nro cxix luôs chính trị thiêz tsôngv px sik đros uô luôs hâux lưv cxiv tsa jêx jok yiêz hâur six hơưv zuôr txos. Iz chas co zuôr sir jos uô tas zuk txux chi, pênhr xưv, têx muôx jông ntơưv qơư thiêz chor tsưr tsix, lênhx nênhs li têx cêr paz max chiê cxiv tsa jêx jok yiêz hâur six cxiv no”.

Cux trơưk li Phưv Chủ tịch Ủy ban huyện Lục Yên Nông Thu Hà, txos nhiv no, Lục Yên tưz muôx 8 hâur 23 xã uô tâu hâux lưv cxiv tsa jêx jok yiêz, xav kror đruôz đraz iz xã uô tâu nhos  15 têx tsưr ziv, hâux lưv./.

(Trịnh Xuân-Riê Lâux cxeik, nhênhv)

Thôm Mòn-Jêx jok hlôngr yiêz đhâu phiv liv txix xazz zênhz

“Tuk txir, mê nhuôv muôx zênhk zax zênhz, hâur vax tsêr muôx đaz tsi mak muôz chox muk muôs tas hur si lơưv”.

“Muôx zênhk zax zênhz, hâuk zax zênhz, vax tsêr cux muôz muôs tas. Vav tiêk zuôr tsik muôx nênhs hâuk thiêz muôx zênhk zax zênh nzir lơưv. Txov nhêv hênhr”.

Cxuô lênhx nênhs nhoz xar Thôm Mòn, huyện Thuận Châu, tỉnh Sơn La mak têx jâuv zuôr tsik muôx thâuv tưs tsik ndo txos têx phiv liv tiv zax zênhz uô ruôr hiêv txos zuk chuôz zis thiêz jêx jok hlo. Têx shông đrav ntêx, Thôm Mòn tâu sêiz zos qơư phiv liv lok zax zênhz-zos qơư chiê thâux xa têx zax zênhz txix têx qơư txơưr lok trâu hâur thax tsav qơư thiêz txix ntơưv no ho tâu thâux xa muk trâu têx qơư txơưr, zos kror qơư phiv liv tiv iz, tiv oz tas nro têz qơưk lok nênhs phamv cxâuv, txiêz nanv zax zênhz. Têx ntu mak tas nro chor jêx jok hâur xar puôr lênhx muôx nênhs muôx zênhk zax zênhz hur si, đros muôx ntâu qơư, chôngz lênhx nênhs sik đros zuôr muôx, uô luôv zax zênhz zênhz. Muôx têx chuôz zis mak tas nro chor nênhs hâur chuôz zis co txix niêv txir, têx tuz nhuôs, xênhz nzưr puôr lênhx cik txos zax zênhz hur si. 5 án tsuv tuô tuôs, 9 án nhoz tux tas tiêv nênhx, chôngz lênhx nênhs trâus cxov cơư tux, ntâu chuôz zis njiz trâus phiv liv hâur luz nênhx, zos têx muôx yưv ntơưv Thôm Mòn ntu thâuv co cux zos  tiv zax zênhz.

Đros qênhx shênhx no, Bôv Công an, tỉnh Sơn La thiêz cấp huyện, xar tưz tsêx trung lưx lươngv siêz jor kriz uô tir tar chiê hlôngr yiêz lok ngaz tuk ntơưv Thôm Mòn. Đảng ủy tso tơưv Nghị quyết lênhx tov, xar yênhx lix Ban chox kriê, tsêx trung uô truôx jông đuô cxiv luôs Chinhr triv txix xar txos jêx jok, huiz tôngv tas nro chor tsưr  tsix đoanx thêv sik đros uô, đros chiê chor đảng viên uô ntêx hlo, chor chi bộ jêx jok jênhv tiêk tsik chiê nênhss hâur chuôz zis cik txos têx txiêz nanv xar hôiv, uô chênhr zos lưx lươngv Công an, pox niêv, hluôk nênhs thiêz 91 paz sik côngv chiv chir sêiz jor hâur tas nro xar. Niêv tix Tòng Thị Lanh, hôiv viên Hôiv pox niêv xar Thôm Mòn puz pâuz, kror niêv tix niê pov uô tâu jông tiv zix zos cxuô cấp Hôiv Pox niêv tưz sir jos uô jux juk chiê yax kriê hêik chor vir ndâuk sơưr đơưk kruôz kriê hêik zuk chor nênhs cxênhz jê tso têx zax zênhz co tsês thiêz hêik trâu chor nênhs muôx vax huôv pâuz:

“Zos pox niêv, vir ndâuk uô cê mak zôngx ziv thav thiêz hêik luk đuô. Yax kriê mak sơưr đơưk thiêx pâuz tâu. Đhâu co, sơưr đơưk mav siz hêik pâuz tiêk cur tuk tuz cux muôx zênhk, cur tuk txir cux muôx zênhk zax zênhz chiê hêik trâu công an pâuz chox muk chiv zênhk zax zênhz. Uô tâu txix li co”.

Chor cán bộ, chiến sỹ Công an thiêz cxuô lưx lươngv sik côngv muk yênhx chuôz zis, nriêr pâuz yênhx lênhx nênhs chiê cê yax kriê, cê tsưr tsix trâu pox nhuôs sơưr đơưk cir jênhv sir jos tir tar, pênhr chor nênhs uô cxâuv. Đros co zos huiz tôngv lưx lươngv sir jos tsav txênhz tir tar chor nênhs zuôr muôs zax zênhz, chor nênhs uô cxâuv cik txos zax zênhz. Lơưr zơưv Lò Văn Đỉnh, Chủ tịch UBND xar Thôm Mòn hêik:

“Công an tỉnh, huyện tưz sir jos uô txix ntâu kror li: Hu, nus, hêv chor nênhs trâus pênhr; kruôz kriê hlôngr yiêz siêz xar trâu pox nhuôs lok côngz xưv phax tar zax zênhz; zoz zux, kruôz kriê chor hluôk nênhs cov uô luz nênhx jông, sir jos khưr uô nox. Uô tâu jông 3 kror hâux lưv no mak qênhx shênhx cux truôx tuk, paz muôx tâu luz nênhx jông đuô”.

Hâur 2 shông 2019-2020, Công an thiêz chor lưx lươngv txơưx jênhv nhoz Thôm Mòn tưz sâu tâu yênhx puô ntâuz ntơưr pênhr chor nênhs uô cxâuv. Đhâu co pov, cxov tsês 74 txuz, 126 lênhx nênhs uô cxâuv lok zax zênhz. Pov thiêz uô ntâuz ntơưr kruôz kriê, chox muk chiv zênhk zax zênhz 120 lênhx nênhs muôx zênhk zax zênhz; uô ntâuz ntơưr sêiz car 200 lênhx nênhs muôx zênhk zax zênhz đhâu chiv zênhk tas, xar muôx 100 lênhx nênhs tơưv tsêr tux, tror lok uô nênhx đros côngv thôngx. Chor nênhs tưz chiv tâu zênhk thiêz tơưv tsêr tux tror lok no tâu thax tsav qơư paz chiê txêik pênhr, huôv tsar uô nox, jux juk truôx tuk luz nênhx.

Tiếng cười nói, hỏi thăm chuyện lao động sản xuất làm ăn…..

Txos Thôm Mòn nhiv no, luz nênhx tưz hlôngr yiêz ntâu, sơưr đơưk tưz sik thav txos cêr uô nox li chos tsoz chos tưs, tu zus têx zav tsiêx cxu tưs cov muôx tâu phênhv sâu siêz paz huôv tsar tâu kinh têr. Txix iz xar muôx chor chuôz zis pluôs chôngz, txos nhiv no xar tsuôk yuôr muôx 12% ntâu chuôz zis pluôs hâur tas nro 1.367 ntâu ziv chuôz zis hâur tas nro xar.

“Iz jiês uô cxâuv, uô tsik zos lơưv. Sir jos lok tu zus, uô kinh têr ziv chuôz zis chiê muôx nhiêx txiêx trâu têx tuz nhuôs muk cơưv ntơưr thiêz uô cov  tâu iz luz tsêr truôx jông nhoz xưz”.

“Cur tưz txov hênhr tiv zax zênhz zênhz lơưv, tsik xar cor txos zax zênhz hlo lơưv. Nhiv no muôx Đảng, Têz qơưk chox cêr, kruôz kriê lơưv, zuôr sir jos khưr uô nox xưz”.

Co zos Lường Văn Dưỡng, mênhx cxưx Thái nhoz jok Nà Nam, hâur thax tsav chor jok Thôm, lênhx nênhs muôx zênhk zax zênhz tâu 17 shông thiêz tsuv nhoz tux 15 shông tiv jêiz tsês chiê zax zênhz thiêz tix lâus Quàng Văn Ngoãn, nhoz jok Thôm tưz trâus cxov thiêz nhoz tux 11 shông viv zuôr muôs, thâux gra tsik zos chêi zax zênhz li têx luk hêik. Tơưv tsêr tux, tror lok ntơưv qơư nhoz, tix lâus Dưỡng thiêz tix lâus Ngoãn zuôr sir jos tso zax zênhz tsês, đros sơưr đơưk hêik pâuz têx nênhs uô  cxâuv, sir jos đros chuôz zis khưr uô nox, huôv tsar kinh têr chuôz zis cov truôx tuk. Gơưr puôr lênhx vav  njôngr tiêk cxuô lênhx nênhs, tiv zix zos cxênhx hluôk nênhs tsuv txar đêz tsik cxoz cor txos têx zax zênhz co./.

(Bích Thủy-Thanh Thủy-Lik Thox cxêik nhênhv)