Yên Bái: Pêx xênhv lok six cxơưx thâuv uô nênhx nhoz trâu thax tsav

đrav kaz njưs thêir đêx tsêr mêir quặng

Pos Hoàng Thị Vải nhoz jok Phương Đạo 2, xar Lương Thịnh, huyện Trấn Yên, tỉnh Yên Bái đros tuk txir zos kuz bôv đôiv lâuk trâus muôx moz gênhs thiêz têx tuz nhuôs oz pêz hnuz no puôr lênhx muk thor pư trâu têx chôz zis txơưr viv lok six cxơưx. Tơư têk trâu pêv tuk njưr thêir đêx siêz txos sâuv ntar trôngz, pos Vải puz pâuz nhiv kruôr đhâu, tuk njưr thêir no sưz jơưx thiêz tơưs xưz, muôx têx qơư ntêr muôx 25-30 thiêr, uô trâu pêx xênhv cxơưx lok six ntâu, ciês chính quyền jêx jok, xar cux cxơưx tsav phiv liv txos pêx xênhv luz nênhx viv li tưz hêik chor chuôz zis nhoz đrav kaz njưs thêir, tsik tsuv pư hâur tsêr thâuv hmo ntux.“Njiê trâu tuk njưr thêir xưz tưz nyêi lơưv. Yar ntux lok cux tưz xưz tas iz đraz lơưv, zos yar ntux xưz tsik tâu zos ntux nas. Tsêiz no nhiv kruôr đêx ngaz cuôr lok txix tuk njưr đrav har tưz ngaz tas chuôz zis luz yar tiêx lơưv, hok nhiv no tưz njưs siêz li no zos tơưs lok mak zuôr ngaz cuôr tas nro vax tsêr hur si tsik tâu hêik txos lênhx nênhs. Viv li mak cxuô cấp, nganhx tsuv paz trâu pêx xênhv sơưr đơưk”.

Pak đêx lox đar, muôx têx qơư toz muôx 30 thiêr. Pêx xênhv nhoz no puz pâuz, zos tiêk tuk njưr thêir đêx no tơưs, mak chor đêx ar ntâu sâuv luz pak đêx no zuôr ntưk cuôr lok trâu jêx jok nhoz đrav kaz, tsik muôx lênhx tưs khiêr tâu hlo. Zơưv Tăng Văn Bột, iz lênhx nênhs nhoz jok Phương Đạo 2 puz pâuz, txơưv tiêk công ty kho đuô lơưv taz sik zênhx khav tênhv tsik tâu tiêk tuk njưr no zuôr ngaz tuk hâur ntu zuôr txos.“Tuk njưr thêir no tơưs mak phiv liv txos 10 ntâu ziv chuôz zis. Hok liêx têz mak jok Khe Tú, Thổ An, Nam Kho, Cửa Kho cux trâus ngaz tas hur si, zuôr muôz đaz tsi lok uô nox”.

Zơưv Vũ Hùng Thịnh, Tsar jok Phương Đạo 2 puz pâuz, muôx yênhx châu ziv chuôz zis zuôr njiz trâus phiv liv zos tuk njưs thêir no tơưs. Hâur hlik hli 9, jok tưz tsuv txar qơư nhoz trâu 2 ziv chuôz zis, chor chuôz zis txơưr đuô mak tưz hêik pâuz phax tar tsav muôx yưv phiv liv tsik jông. Chiê pêx xênhv tso siêz nhoz uô nênhx mak tsuv muôx chor cơ quan txơưx jênhv đros sêiz shuôk.“Thâuv công ty huôx tôngv mak tưz phiv liv ciês txos pêx xênhv nhoz zar đrav kaz. Jêx jok mak pov công ty huôx tôngv cux thôngx ziv đros xưz, taz sik cux tsuv muôx têx cơ quan txơưx jênhv njuôk xav tênhv qơư, njuôk xav sêz luz pak đêx no puôk zuôr taz por ngaz tuk, no zos pêx xênhv thiêz cử tri li ziv chênhv. Hla đhâu ntâu jiês cơưv, cử tri tưz muôx ziv chênhv hêik cov công ty tsuv muôx tsưr ziv ngaz tuk trâu luz pak đêx no”.

Zơưv Triệu Khánh Thiện, Phưv chủ tịch UBND xar Lương Thinh, huyện Trấn Yên, tỉnh Yên Bái puz pâuz, xưk pêx xênhv tưz hêik mak zos kror tsênhz tiês. Nhiv kruôr đhâu, thâuv tuk njưr thêir trâus sưz jơưx, tơưs xưz, xar tưz tsuv tso nênhs hêik pâuz, txar pêx xênhv muk trâu têx qơư ngaz tuk. Đros co, hêik cov công ty tsik tsuv uô hâux lưv hâur ntu khưx phưx. Txos nhiv no mak công ty cux tưz khưx phưx, kho đuô tuk njưs thêir đêx taz sik chính quyền xar cux tsênhv txêik tsik tâu kror ntơưr cungz jênhv lok sik têx ntâuz ntơưr tưs hêik txos tuk njưs thêir no ngaz tuk hlo.“Uô ntêx zos công ty cổ phần khoangr yax Hưng Phát tưz tso chuôz zênhx thiêz lênhx nênhs khưx phưx, kho đuô tuk njưs thêir chiê taz por tsik trâus tơưs thiêz ngaz tuk. Taz sik hâux lưv khưx phưx tsuôk zos kror lav kho uô ntêx. Njuôk xav lok sêiz car mak tsênhz tiês Công ty luz pak đêx no tsik tâu tâu txâuk tsar tov ngaz tuk”.

Tâu pâuz, Công ty Cổ phần khoangr yax Hưng Phát tưz tâu uô ntêr muôx yênhx châuv shông lok no nhoz xar Lương Thịnh. Lơưr njuôk shuôk, tuk njưr thêir no tâu uô tar ciês iz tuk cưx ha. Chor cuô đêx ar muôx yưv thâuv kriz uô quặng mak lok six ntâu. Txix sâuv tuk njưs no njiê mak pov chor jêx jok nhoz ciês zar đrav kaz. Chêix ntux nas chuô tsênhv txơưr txar phiv liv, đuô thâuv tưs hur si, pêx xênhv nhoz jok Phương Đạo 2, xar Lương Thịnh, huyện Trấn Yên, tỉnh Yên Bái tsênhv tok njôngr nganhx txơưx jênhv thiêz chính quyền tiv phaz li ntâu gri, hêik pâuz lok tuk njưs thêir no puôk truôx, chiê pêx xênhv thiêx tso siêz uô nênhx nhoz thiêz khưr uô nox, tsik cxơưx tsik so txos luz nênhx thiêz cxuô zav zuôr trâus ruôr hiêv./.

(Đinh Tuấn-Lik Thox cxêik nhênhv)

Têx jông hâur đeiv đuôz txix muôz têx njiêz cxur lok lo uô

Tix lâus Lâm iz txưv txix thâuv zâu, cux zênhx nhiêv thiêz moz siêz txos cxuô zav đuôz. Txos shông 2014, seiz pov đuôz têx cxur zos iz zav đuôz jông, taz sik hâur zul thax tsav qơư nhoz tsi tâu muôx lênhx tưs uô, viv li tix lâus thiêx muk zok nriêr, cơưv shâuv tsưr ziv uô zav đuôz heik co chiê gra têx đuôz no tuôx trâu Sơn La. Xuz thơưx, tix lâus Lâm njiz lok six ntâu phiv liv, taz sik viv moz siêz trâu luôs hâux lưv uô ntơư, tix lâus Lâm tưz tsi tiêk tso tsês, mak tsênhv tror sir jos uô thiêz. Txos shông 2017, tix lâus têx đuôz qir huôv tsar thiêz uô tâu truôx tuk, viv li tix lâus tưz yênhx lix hợp tác xã uô zav luôs hâux lưv co. Têx đuôz heik sâuv tưz gra lok phênhv sâu tâu 100 ntâu tsov đeiv iz shông thiêz muôz hâux lưv uô trâu zuôr xar 5 lênhx lox tôngv ntơưv qơư. Tix lâus Lâm heik:“Xuz thơưx cur uô, cur muôs tsi tâu taz sik cur cux six uô viv zuk siêz nhiêv. Cur njênhs tiêk tov kaz thâuv cxuô lênhx sđ seiz njiê pov tâu têx jông, mak sđ zuôr pâuz jux juk. Chênhr viv li txos iz jiês no, ciêz đrôngs cur muôs têx đuôz ntơư cux lok six truôx tuk, uô tâu iz kro li no, cur pov lok six jông siêz thiêz shir phaz”.

Tix lâus Lâm heik pâuz, chiê uô tâu iz đeiv đuôz cxur jông mak tsuv pôngz txix 3-15 hnuz, cux seiz zuk uô đeiv đuôz lox lok sik mê thiêz muôx ntâu pax lok tsi muôx. Iz kro, iz tsưr ziv uô tâu yênhx đeiv đuôz cxur puôr lênhx lok six zov chênhr. Xuz thơưx zos xeir cxur, têx luz cxur tsuv ntêr, lox thiêz chi jông gâux. Chor cxur puôr lênhx zos têx cxur jông li cxur tiês tiês ntơư, thâuv đhâu six hơưv, hnuz nhôngs ciz gis, têx cxur zuôr jông nhiêk txơưr nhiêk tsi siz thôngx, ciz txix 10 phênhz txos 6 luz six hơưv zuôr tâu 30 zav cxur nhiêk txơưr nhiêk, co cux zos phênhv lax uô đuô hur si hâur six hơưv uô đeiv đuôz cxur ntơư. Txuôk lơưr co zos xeir ntông, cok sâu têx trêr pax trâu sâuv ntông, muôz têx luz cxur lo trâu. Đhâu ntơư zos tsuôs yuôx cov caz, njâuv uz no tsi nox, tsi xưr thiêz gra muk jiêz yar ntux, jiêz kruôr mav gra lok vuôv trâu cov jông gâux, yênhx đeiv đuôz. Xuz thơưx, têx đuôz li heik sâuv tâu lok six tsơưs lênhx nênhs pâuz txos, viv no zos jiês xuz thơưx têx đuôz cxur tâu gra tuôx uô trâu Sơn la. taz sik txos nhiv no, tix lâus Lâm têx đuôz ntơư tsênhv tâu ntâu lênhx moz siêz thiêz nhiêv txos, viv co zos đuôz yiêz thiêz jông, tưz tâu gra txos trâu ntâu thax tsav qơư ju lix to bê li hâur têz qơưk. Niêv lâuk Nguyễn Thị Thu nhoz Mộc Châu, iz lênhx kruô tuôx zuôr đuôz heik:“Cur tâu pâuz txos têx đuôz cxur no ntêr lok lơưv, taz sik hnuz no cur thiêx tâu seiz njiê pov ciês têx nuv lơưr uô, lơưr muôz iz luz cxur jux juk lok lo thiêz uô têx trêr pax txêix jông gâux, mak cur seiz no zos iz zav đuôz lok six jông cơưk, tâu muôz têx luz njiêz cxur lok lo uô, yênhx têx đeiv đuôz. Cur lok six nhiêv têx đuôz li no, viv li tưz zuôr iz đeiv đuôz cxur gra muk chiê đei hâur zuk tsêr tâu seiz”.

Txơưv tiêk tsênhv hluôk, taz sik tix lâus Lâm tưz uô trâu sđ pov, iz tsưr ziv sir jos, car xar, car uô, uô trơưl zuk tsưr ziv, siêz nhiêv thiêz xuz thơưx uô tâu yênhx côngz, ntơư zos hâux lưv uô đuôz txix muôz têx njiêz cxur uô./.

(Đắc Thanh-Riê Lâux cxeik, nhênhv)