Thax tsav tox siêz Trạm Tấu sir jos por hưv jông têx tsiêx cxu txix ntux no njiv

Txos cheix ntux no, niêv lâuk Mảy Xênhv Thox nhoz jok Tấu Dưới, xã Trạm Tấu, huyện Trạm Tấu tưz seiz njiê tsi pov têx tox trôngz hâur pêk nhoz jê tsêr, viv pok huôz niêz. Pok huôz, lok nas njuôs njêz ziv no njiv đuô. Chiê taz por trâu chuôz zis têx nhux tưv tsi trâul tuôs no, niêv lâuk Mảy đros nưs tus txir nzor chaz têx nhux tưv lok cơư thiêz khi , hlêis jâuz tâux puz thiêz muôz krâur trâu nox: “Ntux no njiv hênhr viv li cur chuôz zis chaz hur si têx tưv lok cơư thiêz khi, hlêis jâuz trâu nox ntơưv qơư thiêz râuz đêx sor trâu hâuk”.

Nhoz thax tsav tox siêz, siêz iz cxênhz ntâu thiêr pir li đêx hiêr, txos cheix ntux no, ntơưv têx xã tox siêz hâur huyện Trạm Tấu thâuv tưs tưz lok six no njiv hênhr. Đros trâu hâux lưv taz por txiv ngaz ngaz tuk, têx hnuz jê lok no, lưv lươngv Công an huyện Trạm Tấu tsênhv bax sik đros cấp ủy hâu nov ntơưv qơư fuô uô ntâu faz tsưr ziv chiê phax tir thêir no, por hưv đas jos trâu px thiêz tsiêx tu zus. Thượng úy Hoàng Quốc Hoàn, Tsar Công an xã Trạm Tấu, huyện Trạm Tấu heik pâuz: “Công an xã hâur six hơưv jê lok no cux tưz tror đros mặt trận tổ quốc thiêz têx tsưr tsix đoanx thêv yax kriê, vênhv tôngv tsôngv cưr tix nênhx tsa sđ gra siêz tsưr ziv por hưv đas jos thiêz khơưk tsês têx kuôr blêx chiê uô jâuz trâu nhux tưv nox hâur cheix ntux no”.

Zơưv Nguyễn Văn Hòe, Tsar phongx Kôngz nuv thiêz huôv tsar tox siêz huyện Trạm Tấu heik pâuz: Chiê txo grêk tsơưs têx trâul uô ruôr hiêv tiv no njiv hênhr trâu 36.100 ntâu tus tsiêx, huyện sir jos uô jông hâux lưv yax kriê, heik tsôngv px sđ cxiv kho têx qơư cơư thiêz khi tsiêx, muôz ntâuz tax thêir iz ndis cov tsi yâu chuô txiêk, muôz nzir têx krâur trâu tsiêx nox..... đhâu loa nta suôz hâur xã thiêz têx đoanx côngz xưv.

Lar heik, thâuv ntêx đhâu sâu têx kôngz tas, chor xã, thị trấn hâur huyện Trạm Tấu tưz vênhv tôngv tsôngv box khơưk tsês nzir têx kuôr blêx, chos yiêz 39 ha tâux thiêz 20 ha poz cưk ntux tsâus ntơưv 57 jok. No zos têx jâuz chênhr trâu tsiêx nox hâur cheix ntux no, viv luz cheix ntơư tsi yuô muôx jâuz tâux trâu nhux tưv nox. Chênhr zos li heik co, tsi trâul cxơưx trâu têx tsiêx hâur huyện tsav tsi muôx jâuz nox.

Zơưv Páo Xênhv Zax, Bí thư Đảng ủy xã Trạm Tấu, huyện Trạm Tấu heik pâuz, 100% jok hâur xã puôr lênhx bax khơưk tsês tâu têx kuôr blêx thiêz chos tâu tâux trâu nhux tưv nox hâur cheix ntux no: “Têx shông thâuv ntêx, hâux lưv no tsênhv tâu yax kriê ntâu trâu tsôngv px sđ, taz sik 2, 3 shông jê lok no, px tưz pâuz tsênhz thiêz muôx tsưr ziv phax tar no trâu tsiêx cxu. Iz chas khơưk tsês têx kuôr blêx, pêz tsênhv heik tsôngv box bax chos tsês têx tâux, nzaz nzơưv chuôz zis têx kuôr cưk, flâuz cưk... chiê uô jâuz trâu tsiêx nox hâur cheix ntux no njiv”.

Ban seiz car phax tar ntux uô ruôr hiêv thiêz zok nriêr chơưv paz tỉnh Yên Bái tưz muôx ntơưr heik 9 huyện, thị xã, TP; têx sở, ngênhx tror sox seiz njôngr ntux têx txơưr txar thiêz bax uô lơưr têx tsưr ziv phax tar no trâu tsoz chos, tsiêx tu zus cov jông./.

                                                                            (Thừa Xuân-Riê Lâux cxeik, nhênhv)

Iz cxiê tsưr ziv phax tar ntux no trâu tsiêx cxu

          1. Đros guôx tu zus: Tsuv muôx ntâuz tax their guôx cov jông, taz por guôx kruôr krơưr tsi trâus chuô njơưx. Tiv zix, plas guôx tsuv kruôr thiêz hur đu, zôngv xuô blêx, hnhaz blês puô hâur plas guôx cov sor đuô.

          2. Six hơưv tso lav tsiêx cxu: Pox nhuôs tsuv tsưv ziv seiz njôngr qênhx shênhx njuôs pov qiv hơưv chiê muôx tsưr ziv tso tsiêx cxu huv đros. Tsi tso ntâu, thâuv jêx tưv kis đuô 15 tưv (tiv zix zos tsiêx cxu mê).

          Têx hnuz ntux no njiv đuô 12 tưv, tsi tso lav tsiêx cxu, tsuv cơư hâur guôx chiê zôngx ziv tsoz phưz, seiz car thiêz tơưk tênhv tênhz lok sik trâur tơưs trâu tsiêx cxu ntê (trâur tơưs tsuv muôx qơư tso pa tơưv muk đrâuv chiê tsiêx cxu zôngx ziv uô tâus pa). Đros nhux tưv nhux đas tsuv muôz têx pav, trik yo kuz vor trâu tsiêx tu zus chiê tir tar ntux no njiv.

          3. Tsoz phưz

          Đros thiêz tu zus buô: Tsuv muôx qơư txơưr trâu mê nhuôv buô. Tsi nzuôr guôx buô hâur têx hnuz ntux no kis đuô 12 tưv. Puz nox cxix cxuô taz por tsơưr pưr trâu buô. Muôz đêx trâu hâuk, nox cxaz têx vitamin...

          Đros nhux tưv, nhux đas: puz nox jâuz tâux cxix cxuô. Iz tul hnhar 300 cir tsuv puz nox 30 cir jâuz iz hnuz. Thôngx cxix puz nox cxaz krâur chiê nhux muôx đas jos tir no.

          Đros têx hnuz ntux no njiv tsuv râuz đêx sor trâu nhux hâuk, cxâuk cxaz cuô njêr. Puz nox jâuz tâu vâuv kâuz 7-10 cir iz hnuz, đros nox cxaz jâuz tâux njuôz, hnhaz blês chiê taz por đas jos trâu nhux hâur têx hnuz ntux no njiv.

          Iz chas têx tsưr ziv heik sâuv, pox nhuôs tsuv uô jông luôs hâux lưv phax tar ntux no njiv thiêz vêv xênhz tsuôk yuôx tuô lov caz moz, cxax cxix cxuô yuôx phax moz ơưk lơưr chiz coaz thú y li heik kriê. Yax six seiz njôngr qênhx shênhx qiv hơưv chiê muôx tsưr ziv tsoz phưz tsiêx tu zus, pov thiêz yưr lir zos muôx têx tul tsiêx trâus yeiz, no lok sik trâus moz ơưk./.

(Lai Chau.gov.vn- Txâur Vax cxeik nhênhv)