Chuôs njiz têx shux xênhz heir nênhs tsơưs cơưv ntơưr coz, uô ntêx nyuôs hâur cxuô luôs hâux lưv

Shông no muôx 120 lênhx shux xênhz heir nênhs tsơưs cơưv ntơưr coz, uô ntêx nyuôs hâur cxuô luôs hâux lưv nhoz 27 heir nênhs tuôx txix 33 tỉnh, TP tâu kruôs txos. Chor shux xênhz no zos têx lênhx tưz tưr thik tâu hov iz, hov 2 hâur cxuô jiês thik shux xênhz cơưv coz cấp têz qơưk lol sik hâur cxuô jiês thik khoa học kỹ thuật cấp têz qơưk shông 2019; shux xênhz tưr thik tâu điểm siêz muk cơưv trâu têx tsêr cơưv Đại học, học viện. Iz chas têx shux xênhz co, muôx 6 lênhx hluôk zos heir nênhs tsơưs uô tâu jông cxuô luôs hâux lưv. Lý Thị Dự, heir nênhs Cho nhoz tỉnh Tuyên Quang, tưr thik tâu hov iz jax Địa lý ntơưv jiês thik shux xênhz cơưv coz têz qơưk shông 2018, nhoz tsêr cơưv Đại học Khoa học Xã hội thiêz Nhân văn (Đại học quốc gia Hà Nội) heik: “Thâuv cxaz chuôz dự ntênhs kruôs têx shux xênhz cơưv coz, uô tâu hâux lưv jông no, cur jông siêz thiêz lok six shir phaz, txơưv tiêk no tsuôk zos iz kro nhiv kruôr qir trâu cur cux li têx lênhx fôngx zưs shux xênhz heir nênhs tsơưs, taz sik cur seiz co iz kro zov chênhr chiê tov kaz no cur sir jos đuô thiêz. Têx fôngx zưs shux xênhz heir nênhs tsơưs cux txơưx njê, cux lơưr chuôs têx fôngx zưs nhoz hâur têx đrôngs lox, viv li tsuôk sir jos tas zuk txux chi tsưr ziv mak cxuô zav zênhx hla tâu đhâu xưz”.

Chor shux xênhz, hluôk nênhs tâu kruôs txos ntơưv ntênhs jâuv no muôx six hơưv tâu chuôs njiz, tâu cơưv shâuv thiêz sik pheiz têx tsưr ziv hâur cêr cơưv txux, uô hâux lưv đros têx lênhx shux xênhz heir nênhs tsơưs txơưr đuô chiê tror sir jos hâur cêr cơưv ntơưr thiêz uô hâux lưv jông đuô. Lục Thị Doanh, heir nênhs Poz Ziz, nhoz huyện Nghĩa Đàn, tỉnh Nghệ An, zos shux xênhz tưr thik tâu điểm siêz muk cơưv trâu tsêr cơưv Đại học Vinh heik pâuz, hâur xã Nghĩa Đức phênhv ntâu zos heir nênhs Poz Ziz thiêz heir nênhs Thổ, chor tuz nxeik hluôk mul cơưv Đại học lok six tsơưs lênhx. Têx nuv uô hâur tsaz yênhx cux kriê trâu cur txux chi tsưr ziv sir jos, hla đhâu têx phiv liv chiê đros luôs lưv tuk muôx hâux lưv truôx, paz cxiv tsa têz qơưk:  “Cur xar mak sir jos trâu saz đrâuv cux zos iz tsưr ziv huôv tsar têz qơưk, tsi zos thâuv tưs cux tror lol zuk qơư nhoz xưz. Cur cux lok six jông siêz trâu têx fôngx zưs, lơưr cơưv tas ntơưr tror lol zuk qơư nhoz chiê huôv tsar têz qơưk, taz sik đros thiêz têx hâux lưv mak thor lok uô hâux lưv têz qơưk li pêz no, mak tsênhv seiz thâuv ntu ntơư li chas thiêz. Hok lol sâuv têx ngênhx li: Uô kôngz-jôngr nuv mak pir li pêz zôngx ziv đuô”.

Heik lol zuk têx tsưr ziv xar hâur ntu tov kaz no,  Vax Lao Lừ, heir nênhs Hmôngz, zos canr bôv yax mông, kriê tsôngv box sđ tsưr ziv huôv tsar uô nox nhoz Zênhx pênhz phax Mường Lạn, huyện Sốp Cộp, tỉnh Sơn La heik pâuz, zuôr sir jos uô jông đuô thiêz zuk hâux lưv tâu zok muôz yax mông, kriê tsôngv px tsưx phưv đriv têz têz qơưk thiêz kriê hâur pâuk ntơưr trâu tsôngv box heir nênhs tsơưs: “Iz kro jông trâu cur, zos cur pâuz luk viv li yax kriê uz no mak lol six zôngx ziv. Hok lol sâuv phiv liv mak tsôngv box nhoz thax tsav ntus đriv tsi yuô tâu pâuz tsênhz txos têx jông lok tso têx mê tuz mê nhuôv muk đros luôs cơưv ntơưr, têx côngz trênhx nhoz têx jêx jok hâur thax tsav ntus đriv mak yuôr trâus lok six ntâu, cêr mul lok phiv liv. Cur cux xar cov cxuô cấp cux li Đảng, têz qơưk tror moz siêz txos thax tsav ntus đriv, lar heik zos muôz jông six hơưv chiê cxiv uô têx cêr jông mul lok cux li chaz xor tênhv tuôx trâu tsôngv px chiê px nhoz têx thax tsav ntus đriv huôv tsar uô nox thiêz cux li zôngx ziv muôs têx kôngz uô tâu trâu luôs 2 chas thax tsav đrâuv....”.

           120 lênhx shux xênhz, hluôk nênhs heir nênhs tsơưs cơưv ntơưr coz, uô tâu hâux lưv jông tâu kruôs txos shông no puôr lênhx zos têx lênhx txơưx njê, sir jos hla đhâu têx cêr txov thiêz phiv liv chiê uô tâu hâux lưv jông hâur cêr cơưv txux, cxuô cêr nuv thiêz đros uô heir nênhs tsơưs têx hâux lưv XH./.

(VOV1-Riê Lâux cxeik, nhênhv)

Hêik kriê sir zôngv yuôx por vêv đrox tsuôs lơưr tsưr ziv 4 zos thiêz sâu tsês têx hưx, hnaz trâu yuôx por vêv đrox tsuôs đhâu sir zôngv tas sâuv thax tsav tỉnh Sơn La shông 2019

(Hlôngr suôz): Nhiv kruôr đhâu, Chi cục tưz qênhz yuôx thiêz njuôk shuôk tsơưr lươngv 15 zav qir zuôv nhoz 8 công ty ntơưv 8 qơư muôs sâuv thax tsav. Chor qir no tâu xa lok trâu tsênhv qơư njuôk shuôk qir  têz qơưk, tâu Bôv Kôngz nuv thiêz huôv tsar tox siêz tsov chiê njuôk shuôk. Đhâu njuôk shuôk, muôx 7 zav qir tax tâu tsơưr lươngv, 8 zav qir tsik huv đros kỹ thuật lơưr cui tênhv lok sêiz car qir zuôv, zos têx qir tsơưr lươngv kik. Đros chêx cur co, Sở Kôngz nuv thiêz Huôv tsar jêx jok tox siêz tỉnh Sơn La tưz uô ntâuz ntơưr xưv bluô têx qơư muôs chor hax huv qir zuôv tsik taz por tsơưr lươngv no. Nhiv no sâuv tas nro thax tsav tỉnh Sơn La muôx 635 tsưr tsix, tiz nênhs đangk cir kinh doanh muôl muôs qir zuôv, 20 doanh nghiệp đrâuv tỉnh đăngk cir yưv pênhr cungz qir zuôv, yuôx por vêv đrox tsuôs trâu hâur thax tsav tỉnh. Zơưv Nguyễn Thành Công, giám đốc Sở Kông nuv thiêz Huôv tsar jêx jok tox siêz tỉnh puz pâuz: Sở zuôr sir jos uô qênhz yuôx thiêz zuôr muôx tsưr ziv xưv lik truôx têx taz viv, chuôz zis kinh doanh uô cxâuv.

Nhạc cắt

Xar Chiềng Đen tsik sir zôngv yuôx por vêv đros tsuôs pev hâur đêx

(Hlôngr suôz): 5 shông lok no, đhâu têx jiês cơưv jêx jok, xar, tix lâus Quàng Văn Hà ziv chuôz zis nhoz jok Chiềng Xét tưz pâuz tâu txos têx phiv liv txix yuôx por vêv đrox tsuôs, cê uô trâu tsoz chos huôv tsar kênhz, cê uô tsik hur tênhv qơư thiêz phiv liv txos ciês lênhx nênhs li đas jos. Tix lâus tưz yưv pênhr 5 triệu đêiv chiê zuôr mêir luôx têz, đros sir zôngv yuôx tuô đrox cov huv tsưr ziv lơưr cán bộ cxơưz cxiz uô kôngz kruôz kriê. Uô trơưk tsưr ziv no, txơưv tas ntâu đas jos đuô, taz sik tsoz chos huôv tsar jông thiêz sêi đuô, zov chênhr tiv zix zos taz por tâu đas jos trâu chuôz zis: “Đrav ntêx mak chuôz zis cux tsik so sir zôngv yuôx tuô đrox, taz sik nhiv no mak chuôz zis cux zôngv tsơưs yuôx tuô đrox lơưv, hlôngr trâu xuôk mêir luôx. Nhiv no zos xuôk mêir luôx ntâu lơưv xưz”.

Txos nhiv no tas nro 14 jêx jok nhoz xar Chiềng Đen puôr lênhx muôz tsênhv njiêz “tsik sir zôngv yuôx tuô đrox ntơưv têx hâur đêx” tso trâu hâur têx chêi jêx jok thiêz tâu pox nhuôs thôngx ziv uô trơưk. Chor jêx jok cux yênhx lix chor tổ qênhz yuôx, sêiz shuôk thiêz xưv lik truôx chor nênhs uô cxâuv. Txix co, pêx xênhv li jênhv pâuz hâur sir zôngv yuôx por vêv đrox tsuôs, tiv zix zos yuôx tuô đrox ziv hnuz ziv tâu gra siêz đuô, chor chuôz zis tưz hlôngr jux juk trâu têx tsưr ziv txơưr đuô chiê uô nox, xưk li xuôk mêir chiê luôx đrox…txar jav tâu chor yuôx tuô đrox co cxênhv tâu trâu hâur têx đêx uô tsik hur txos tênhv qơư thiêz phiv liv txos lênhx nênhs li đas jos. Tix lâus Tòng Văn Sum, tsar jok Tò Lọ, xar Chiềng Đen puz pâuz: “Jok cux cxiv uô têx chêi hâur jok zos pox nhuôs muôx têz nhoz pêv hâur đêx mak tsik tâu tsuôs yuôx tuô đrox; đuô thiêz zos txos chêix ntux nas pox nhuôs cux pâuz tâu tiêk yuôx por vêv đrox tsuôs thiêz yuôx tuô đrox phiv liv txos lênhx nênhs đas jos, viv li cux sir zôngv tsơưs lơưv. Pox nhuôs cux uô truôx jông lơưr jêx jok têx chêi tưz tso tơưv”.

Ntơưv xar Chiềng Đen nhiv no cux tưz uô tâu 40 qơư chiê sâu tsês têx hnaz, hưx trâu yuôx por vêv đrox tsuôs đhâu sir zôngv tas, tâu tso jê ntơưv têx liêx têz, têx cêr…chiê thâuv pox nhuôs zôngv yuôx tas mak khơưk têx hnaz, hưx co lok por tsês trâu hâur têx qơưk co, tsik muôz por tsês ntơưv têx liêx, têz lok sik por tsês trâu cxiê qơư li thâuv ntêx lơưv./.

(Bích Thủy-Lik Thox cxêik nhênhv)