Hax huv OCOP paz muôx tsiv gri đuô trâu Yên Bái têx hax huv kôngz nuv

Txir lưk jôngr Đại Minh lok zos txir bưởi Đại Minh zos zav txir ntông tâu chôngz lênhx nênhs pâuz txix ntêr lok. Txix thâuv thax tsav chos txir lưk jôngr Đại Minh tâu côngz jênhv zos hax huv OCOP hov jông, kaz trâu shông 2019, zơưv Nguyễn Kim Giao ziv chuôz zis cux xưk li ntâu ziv chuôz zis txơưr đuô nhoz xar Đại Minh tưz hlôngr yiêz tsưr ziv chos, tu thiêz sâu đê txir lưk jôngr lơưr tsưr ziv VietGAP. Đhâu thâuv uô lơưr tsưr ziv hữu cơ, chor ntông thiêz têx txir txi jông gâux, tsês tâu ntêr đuô…Lơưr co txir lưk jôngr Đại Minh tâu chor doanh nghiệp sâu zuôr tas hur si. Đros tsưr ziv uô no, shông 2019, zơưv Giao chor txir lưk jôngr tưz paz muôx tâu phênhv sâu zuôr xar 200 triệu đêiv thiêz njuôk xav shông no zuôr sâu tâu siêz đuô:“Thâuv ntêx no lok mak uô trơưk zuk pâuz xưz, hok uô trơưk khoa học thiêz kỹ thuật mak zuk cux tsik pâuz. Uô lơưr tsaz yênhx OCOP no mak tâu chor nênhs khoa học kriê uô trơưk kỹ thuật đros trâu zuk têx chênhz zênhv tưz paz trâu chor txir lưk jôngr jông gâux đuô, tsơưr lươngv cux siêz đuô”.

Ntơưv xar Đào Thịnh, huyện Trấn Yên, ciêv fix cux tâu uô zos hax huv OCOP jông, tâu muôs ciês trâu têx têz qơưk Nhật Bản, Ấn Độ….HTX ciêv fix Đào Thịnh đhâu 2 shông kriz uô sik côngv đros nênhs chos, chor ciêv fix hữu cơ xuz thơưx tsuôk muôx 1 héc ta ntâu, nhiv no tưz ndê muôx 500 ntâu héc ta. Pêx xênhv têx ciêv fix tâu HTX sâu zuôr tas nro thiêz ndê 20% tsiv gri pir li sâuv ciêz đrôngs. Đros uô lơưr tsưr ziv hữu cơ, têx tsưr ziv uô yiêz cux tâu sir zôngv uô chiê paz trâu hax huv uô tâu jông đuô, txix co 150 lênhx nênhs uô hâux lưv hâur HTX muôx tâu phênhv sâu truôx zos 6 triệu đêiv iz lênhx nênhs iz hli. Niêv tix Nguyễn Thị Dinh, nhoz xar Đào Thịnh, huyện Trấn Yên, tỉnh Yên Bái puz pâuz:“Txix thâuv muôx HTX txos nhiv no mak cur cux li sơưr đơưk phênhv sâu tâu truôx tuk. Tiv oz zos muôx tsêr mêir lok ntơưv no mak zos iz kror huv đros, zuk cux tsik cxơưx lơưv, tsuôk uô tâu mak chox muk muôs trâu công ty xưz”.

Txix thâuv kriz uô txos nhiv no, tỉnh Yên Bái tưz muôx yênhx châuv hax huv zos têx hax huv OCOP jông li: txir lưk jôngr Đại Minh, Yuôx zêx Suối Giàng, Cuêv fix Văn Yên, Cxur Séng cù….Njuôk xav txos tas shông 2020, tas nro tỉnh Yên Bái zuôr muôx 80 kror hax huv OCOP zos hov hax huv jông. Zơưv Nhâm Xuân Trường, Chi cục trưởng Chi cục huôv tsar jêx jok tỉnh Yên Bái puz pâuz:“No zos tsaz yênhx muôx tsiv gri lok six zov chênhr hâur huôv tsar kinh têr thax tsav jêx jok, zos iz tsaz yênhx huôv tsar paz muôx tâu têx tsiv gri jông, paz hlôngr yiêz đuô kinh têr, phênhv sâu trâu pêx xênhv, chor jêx jok nhoz Yên Bái ziv hnuz ziv hlôngr yiêz jông đuô. Đhâu chor tsaz yênhx no tưz paz muôx tâu sik côngv nhoz chor nênhs uô thiêz nênhs sâu zuôr, sir zôngv, paz trâu uô nox huôv tsar đuô”.

Tsaz yênhx iz xar iz hax huv nhoz tỉnh Yên Bái tưz paz uô trâu chor xar uô tiêr luôs hâux lưv cxiv tsa jêx jok yiêz ndê muôx 76 xar, phênhv sâu tâu xar muôx 39 triệu đêiv nhiêx iz lênhx nênhs iz shông. Taz sik, nhiv no têx hax huv OCOP nhoz tỉnh tox siêz Yên Bái tsênhv njiz trâus têx phiv liv tsik tsơưs li: hax huv thủ công mỹ nghệ tsuv tsav txênhz đros têx hax huv zuôr saz đrâuv lok siêz; têx hax huv jông, kaz mak muôx tsik ntâu; ntâu zav hax huv mak khov trâu chêix chiv; hnaz ntiv têx hax huv tsik tâu jông gâux; tsênhv tâu uô tsơưs thiêz tsik nhoz uô cê, tsênhv tok khov ntâu trâu ntux… têx phiv liv no mak tsuv muôx chính quyền, pêx xênhv thiêz doanh nghiệp sik đros uô, uô ntêx thâuv zuôr huôv tsar nzir têx hax huv OCOP./.

(Trịnh Xuân-Lik Thox cxêik nhênhv)

“Pos Hướng tsar jos”

          “Thâuv tâu choz uô têx jênhv vưv li ntơưv mak hâur tsêr lênhx tưs cux cxơưx, heik cur tiêk lok six lax chiê uô tâu viv zos iz lênhx pox niêv muk hmo ntux mak tsi taz por viv tiv nanv xã hội lok six phưx txuôx thiêz riêz nênhs. Taz sik cur cux tưz heik tơưv zuk li siêz xar njôngr zos tuôr truôx txiv ngaz jêx jos, xar uô tiêr zuk li txơưx jênhv tâu choz”.

          Zos thax tsav muôx dự án qơư công nghiệp Amata, qênhx shênhx txiv ngaz jos 4, xã Sông Khoai, thị xã Quảng Yên yax six muôx yưv têx txuz sik txênhz ar têz, côngz xưv car chêx njiz ntâu phêv liv; lênhx nênhs tuôx nhoz cux chôngz. Cxôngx hli 3/2020, tuêv “Qênhz shuôk tsôngv box” jos 4 tâu yênhx lix đros 8 lênhx nênhs, hâur co muôx 3 lênhx zos pox niêv. Đros tsưr ziv “muk txos yênhx chuôz zis” yax kriê, qênhz shuôk, têx lênhx nênhs hâur tuêv yax six muk qênhz yuôx thâuv hmo ntux, heik tsôngv box tsưv ziv por vêv chuôz zênhx chuôz tas, tuôr truôx txiv ngaz jêx jos. Pos Đinh Thị Ngọ, iz lênhx nênhs hâur tuêv “Qênhz shuôk tsôngv box” qơư 4, xã Sông Khoai, thị xã Quảng Yên heik:“Hâur iz luz hlik, niêv lâuk Hướng tsưr tsix khiêz phêv tuêv 1 jiês. Hmo tưs pêz cux sik pheiz côngz muk uô yênhx paz 4 lênhx muk qênhz yuôx thâuv 8 six tsâus ntux txos 12 six tas hmo. Pêz pov niêv lâuk Hướng zos iz lênhx nênhs lênhs tov moz siêz đros hâux lưv uô, têx hâux lưv gôngr côngv trâu tsôngv box, niêv lâuk puôr lênhx uô ntêx nyuôk uô, heik tâu tsuv uô tâu, thâuv tưs cux uô jông cxuô cui tênhv chiê sđ uô lơưr”.

          Khov tuêv tsar Hoàng Thị Hướng thiêz têx lênhx nênhs hâur tuêv “Qênhz shuôk tsôngv box” li sir jos huôx tôngv, muôx txơưx jênhv, qênhx shênhx nênhs phamv cxâuv zax zênhz thiêz nênhs muox zênhs zax zênhz tưz txu grês ntâu....Sâuv thax tsav tsi muôx qênhx shênhx tưr nhiêx, tuz saz tuz nhiês; huôx tôngv uô hiêv txos tênhx qơư cux txu grês ntâu. Zos pox niêv, ho muôx hnuz nhôngs, thâuv muk qênhz yuôx sâuv thax tsav njiz têx nênhs fêv pos cux tsi nyei, mak tsênhv paz lưx lươngv công an xã tôngv vênhx, kruôz kriê cov nênhs fêv jênhv pâuz tâu têx zuk uô cxâuv. Đại úy Khổng Văn Hoằng- Tsar công an xã Sông Khoai, thị xã Quảng Yên puz pâuz:“Nhiv kruôr jê ntơưv no, sâuv thax tsav muôx 3 lênhx nênhs muôx zênhs zax zênhz, gra triêv, ntax muk tov cêr uô tsôngv box lok six nyei. Jênhv tâu tsôngv box li thôngz pov, lưx lươngv Công an xã tưz đros tuêv qênhz yuôx tsôngv box muk tôngv vênhx, ntês têx lênhx nênhs co. Đros têx lênhx nênhs no, niêv nzơưv Hướng truôx siêz vênhv tôngv têx lênhx nênhs no li nênhs cxênhz jê tuôx sik côngv đros lưx lươngv muôx txơưx jênhv heik cov lơưr to tâuz thiêz tsi tror uô cxâuv cêr chei”.

          Tsi taz uô tiêr jông têx jênhv vưv tâu choz zos iz lênhx Bí thư chi bộ, Tsar jos, pos Hoàng Thị Hướng tsênhv jông siêz cxaz chuôz têx huôx tôngv Hội pox niêv tiv phaz. Cxôngx têx phongz yaox vêv xênhz tênhx qơư, cxiv tsa cêr muk lok hâur jêx jos; paz txưv, pheiz kênh chênhz zênhv chiê têx hội viên sik đros huôv tsar kinh têr....Pos Đinh Hạnh Giang, Chủ tịch Hội pox niêv xã Sông Khoai, thị xã Quảng Yên heik:“Muôx ntu zos lênhs tov tsêr cơưv tưz so lâuk, niêv nzơưv Hướng muôx ntâu chênhz zênhv hâur huôx tôngv côngz xưv tiv phaz, niêv nzơưv thâuv tưs cux uô ntêx nyuôk, krêz uô têx côngz xưv jênh chuv, tsênhz mênhx. Hâur huôx tôngv Hội pox niêv, niêv nzơưv Hướng lok six tsov cưv paz têx chi hội huôx tôngv, zos lênhx nênhs jông chiê têx chi hội txơưr cơưv shâuv sir jos huôx tôngv, uô tiêr têx jênhv vưv tâu choz”.

(VOVĐB-Txâur Vax cxeik nênhv)