Jax sâu thưr 2, hnuz 19/12/2016:

Yên Bái uô trơưk Lâuk Hôx luk kriê

    Zơưv Phạm Thanh Thủy, xênhz shông 1926, nhoz jok Nước Mát, xã Âu Lâu, Tp Yên Bái, tỉnh Yên Bái; cux xưk li yênhx cxênhz lênhx hluôk nênhs thâuv ntu ntơư, mnôngs thiêz uô trơưk hloz Hôx luk hu“Tas nro têz qơưs sik đros tir ntâuk trok châuz”, zơưv tưz xar njôngr tâu đros cxaz chuôz. Zơưv hloz Hôx têx luk hu ntơư tưz cxơưz cxiz zơưv cux li têx fôngx zưs, tuz nxeik hluôk sđ moz siêz, sik thôngx ziv, côngv đas jos sir jos tir ntâuk trok châuz. Lênhx bôv đôiv lâuk 67 shông Đảng tror ndo đuô têx six hơưv, hnuz nhôngs thâuv ntơư heik:

     “Cur hnor Lâuk Hôx heik thâuv hnuz ntơư, cur cuz siêz lus, qir sơưr muk uô tuz lênhv, cur đros têx tuz lênhv tir ntâuk trok châuz ntơưv têx qơư li: Zênhx Ca Vịnh ( Trấn Yên; zênhx Rón,, Đại Bục, Đại Phác ( Văn Yên); Zênhx Tú Lệ ( Nghĩa Lộ); Zênhx Ken ( Văn Bàn); Zênhx Bình Lư ( Lai Châu)…..Thâuv ntu co tsôngv box sđ lênhx tưs cux shir phaz, pov chor tuz lênhv tuôx txos mak xưk gâuk li tưz pov tir ntâuk zênhx tsav trok txos ntơư”.

    Ntu Lâuk Hôx muôx luk hu lơưk “ Tas nro têz qơưs sik đros tir ntâuk trok châuz”, pos Nguyễn Thị Phê nhoz nhoz phường Nguyễn Phúc, TP Yên Bái nhiv kruôr muôx 17 shông, tưz tsi tâu pâuz ntâu txos têx cêr li heik sâuv, taz sik pos cux jông siêz, shir phaz hlo đros uô hur si têx hâux lưv ntơưv qơư phuôx tôngv, lar heik zos têx nuv chor gâux muôv vir ndâuk uô. Thiêz lar heik đuô hur si zos têx shông txuôk lơưr co, phưx vưv têx qơư tsav trok, pos tưz đros chor vir ndâuk sđ zôngv fuôx gox thâux xa tâu truôx tuk tsi pâuz pêk tsơưs đoanx tuz lênhv, têx triêv fov, muôk txưr hla đhâu đêx liêz muk paz têx qơưv tsav trok. Pos Nguyễn Thị Phê heik:

     “Hur si pêz đoanx fuôx gox muôx txos 2, 3 puôk luz. Đruôz hnuz mak  nriêr qơư gâuv trâu têx fuôx gox, hmo ntux li tsar lok thâux xa têx tuz lênhv. Txơưv riêz nênhs bâuv tưs cux uô, tsuv truôx siêz bo xưz”.

     Tưz đhâu 70 shông, taz sik zơưv Thủy, pos Phê thiêz ntâu lênhx lâuk hnuz nhôngs siêz nhoz cxuô qơư hâur TP Yên Bái cux tsênhv ndo njôngr hâur đruôz siêz tsi plox têx cêr chiv nhênhv lok thâuv ntu tir ntâuk trok châuz phiv liv thiêz txov nhêv ntơư. Chor lâuk, têx tuz lênhv đrav ntêx cêr shir phaz, sđ sik đros sơưr tir ntâuk trok châuz tsưx phưv têz qơưs tưz gra cêr truôx tuk, tsâu sor lok trâu tsôngv px chiê sđ tror hlôngr yiêz, siz chos huôv tsar luz nênhx nox nhoz li hnuz no. Thị xã Yên Bái tsơưs nênhs, txov nhêv thâuv ntêx nhiv no tưz yênhx iz đrôngs lox đar, huôv tsar jông. Txix iz tỉnh pluôs, Yên Bái tsênhv jux juk hlôngr yiêz, chuôz tsar kinh tế niêx shông xav kror đruôz đraz tâu 11% ntâu, iz lênhx nênhs sâu tâu 25 tsov đeiv iz shông. Đảng bộ, hâu nov thiêz tsôngv px sđ nhoz thax tsav no tsênhv muôx cêr thôngx siêz jông, sir jos cov yênhx tỉnh huôv tsar hâur thax tsav trung du thiêz tox siêz faz Baz./.

(Tuấn Xuân-Riê Lâux cxeik, nhênhv)

Phênhv thưr 2, hnuz 19/12/2016:

Cưk kriê thiêz shuv xênhz têx luk hêik lok jiês tưr thi cơưv tas lớp 12 shông 2017

           Hâur jiês zuôr tưr thi cơưv tas lớp 12 shông 2017, zuôr tâu tsưr tsix tưr thi trơưk li 5 jax ntơưr cơưv: Ntơư zos, Toán, Ngữ Văn, khoa học thiêz khoa học xã hội; hâur ntơư, môn văn tưr thi sâu, đuô li zos zuôr tưr thi sâu chiv têx kror zos.

          Luôs hâux lưv uô hlôngr yiêz lok tưr thi hâur shông zuôr txos no, cux uô trâu ntâu lênhx cưk kriê thiêz shuv nhoz thax tsav tox siêz li Sơn La cxơưx. Lar hêik zos môn toán, six hơưv tưr thi 180 phút tâu txo grêk tsuôk yuôr 90 phút sâu baix tưr thi; môn văn yuôr 120 phút sâu baix tưr thi. Shuv xênhz Nguyễn Đức Quyết Tiến, cơưv lớp 12A, tsêr cơưv Tô Hiệu, đrôngl Sơn La hêik:

           “Cur xav mak tưr thi môn toán zos sâu chiv kror zos, tsưr ziv kriê cơưv tsuv kriz đar đuô; trơưk li cur mak cux tsik zôngx ziv uô. Đuô li cxuô môn xã hội; shông no giáo dục công dân, cur cux tsênhv xar tsik thôngz, shor zuôr tưr thi li chas”.

          Đuô li shuv xênhz Hoàng Mai Chi, cơưv lớp 12B, tsêr cơưv Tô Hiệu đrôngl Sơn La hêik pâuz nzir:

           “Hâur jiês tưr thi shông no, hlôngr yiêz ntâu, cur cux pâuz tsik thôngz thiêz cxơưx. Phênhv ntâu zos tưr thi sâu chiv, zuk tsuv pâuz to tâuz thiêz pâuz thôngz cxuô jax ntơưr thiêx zuôr tưr thi tâu. Lar hêik, tưr môn toán tsuôk yuôx 90 phút xưz”

          Cưk kriê Nguyễn Ngọc Hà, kriê cơưv môn toán nhoz tsêr cơưv Tô Hiệu, đrôngl Sơn La hêik pâuz nzir:

           “Đhâu sêiz njuôk shuôk, tưr thi môn toán, phênhv ntâu zos nhoz hâur cxuô jax ntơưr cơưv lớp 12, cux zôngx ziv trâu cxuô lênhx shuv xênhz tưr thi. Taz sik, iz kror uô trâu cur xar tsik thôngz mak pir li thâuv ntêx, six hơưv tưr thi môn toán zos 180 phút, nhiv no tsuôk tưr thi 90 phút lơưv xưz; ntơư cux chênhr zos uô trâu cxuô lênhx shuv xênhz cxơưx”.

          Cưk kriê Tòng Thị Thu Hiền, kriê ntơưr trâu tsêr cơưv Tô Hiệu cux shir phaz lul tiêk: Môn zoz zux công dân, zos thơưx jiês muôz chox lok tưr thi cơưv tas ntơưr lớp 12 thiêz xêir zuôr shuv xênhz muk cơưv Đại học. Đhâu sêiz njuôk shuôk, txơưv li chas cxuô lênhx shuv xênhz cux zuôr tưr thi tâu.

           “Đhâu sêik njuôk shuôk, muôx 40 jax tưr, sâu tưr thi 50 phút, cux shuv đros cxuô lênhx shuv xênhz thiêz trơưk li cur xav mak, cxuô lênhx shuv xênhz cux zuôr tưr thi tâu”.

          Chênhr zos li hêik ntơư, cxuô lênhx cưk kriê ntơưr cux li cxuô lênhx shuv xênhz puôr lênhx tok njôngr Bộ zoz zux, nzor tso tơưv faz tsưr ziv tưr thi shông 2017; ntơư cux chênhr zos luôs hâux lưv chiê cxuô luz tsêr cơưv tso tơưv cxuô faz tsưr ziv kriê ntơưr trâu shuv xênhz cov huv đros./.

 (Tsu cxêik nhênhv-Hồng Việt)