Chiềng Đen (Sơn La) bax phax tar no trâu tsiêx cxu

Tix lâus Quàng Văn Tỉnh nhoz jok Pảng, xar Chiềng Đen, TP Sơn La ziv chuôz zis zus 15 tuk nhux đas, zuôr xar 300 tuk kêiz ol. Chiê phax tar no trâu paz tsiêx cxu, txos chêix ntux no yênhx shông, tix lâus puôr lênhx sâu jâuz, tâuxm nhaz blêx txix chêix sâu kôngz hâur hli 10 tsês vâuv kâuz, lok siz jiêz kruôr chiê uô zav nox trâu chuôz zis chor tsiêx cxu. Đros co, tix lâus cux uô cxuô nro têx tsưr ziv phax tar ntux no trâu tsiêx cxu lơưr cán bộ cxơưz cxiz uô kôngz xar kruôz kriê, li: Trâur tơưl uô cov sor, tor đêx đros njêr thiêz têx tsơưr pưr trâu hâuk, cxax yuôx paz trâu tsiêx cxu muôx đas jos phax tar caz moz; tsik tso yar tsiêx cxu thâuv jêx tưv grêk kik đuô 12 tưv…Tix lâus Quàng Văn Tỉnh hêik:

“Jiês no mak ntux no lok txos sêi, chuôz zis cux bax uô ntêx nhaz blêx kruôr thiêz cxuô zav nox trâu tsiêx cxu. Hêik cxuô mak nhaz blêx zuk cux bax txix chiv sâu kôngz hli uô ntêx, tưz tu zus mak tsuv bax uô ntêx chiê nhux tưv tsik trâus tuôs. Hok lok jiês ntux no no mak chuôz zis cux bax ntâuz tax thêir vor trâur tơưl trâu nhux tưv chiê tsik trâus tuôs no hâur chêix ntux no no”.

Zơưv Lò Văn Don nhoz jok Quỳnh Tam, xar Chiềng Đen, thành phố Sơn La cux muôx 10 ntâu tuk yil, zuôr xar 40 tuk kêiz ol. Chêix ntux no yênhx shông, zơưv puôr lênhx uô cxuô tsưr ziv phax tar no trâu paz tsiêx cxu txix lok six nzor, tiv zix zos bax zav nox, viv txos chêix no, jâuz tâux thiêz zav nox trâu tsiêx cxu, kêiz ol muôx lok six tsơưs, tsuv muk thor têx chuôz zis txơưr đuô chor nhaz blêx chiê bax zav nox trâu hâur chêix ntux no, têx thâuv tsênhv tsuv txo grêk tsơưs chor tsiêx cxu txix muôz muôs muk chiê taz por tsơưr pưr shưz trâu paz tsiêx cxu tu zus hâur iz shông…Zơưv Lò Văn Don hêik:

“Yênhx shông mak cur tưz bax tax chiê thêir vor no trâu tsiêx cxu, kêiz ol hâur cur chuôz zis. 2 thiêz zos chêix ntux no no cur zus txix 11 txos 12 tuk yil, txos chêĩ xno mak muôx jâuz tsơưs, cur zus tsơưs co bax tâu jâuz txâuk nox xưz. Oz thiêz zos bax têx nhaz blêx trâu nhux nox, yênhx shông chêix ntux no mak muôx tsik txâuk jâuz tâux trâu tsiêx cxu no”.

Chiềng Đen nhiv no muôx 4.500 ntâu tuk tsiêx cxu, 50.000 ntâu tuk kêiz ol. Chiê bax phax tar no trâu paz tsiêx cxu, yênhx shông, chính quyền xar tưz tso cán bộ cxơưz cxiz uô kôngz muk trâu yênhx ziv chuôz zis chiê kruôz kriê, uô têx tsưr ziv kỹ thuật phax tar no, yêiz plaz trâu tsiêx cxu, kêiz ol. Hâur co, tsêx trung kruôz kriê pêx xênhv txos hâux lưv thêir vor, vêv xênhz tsêr guôx; uô, tsês chiê zav nox trâu tsiêx cxu. Đros co zos cxax yuôx vắc xin, phax tar caz moz trâu tsiêx cxu. Zơưv Quàng Văn Biu, Phưv Chủ tịch Ủy ban xar Chiềng Đen puz pâuz:

“Ciês shông no pêz cux bax txix nzor, piz txos chêix ntux no pêz tưz chox kriê txix ntâuz ntơưr cux xưk li tsưr tsix chor jiês cơưv yax kriê txos trâu pêx xênhv cov bax phax tar no trâu paz tsiêx cxu, tiv zix zos thêir vor têx tsêr guôx, trâur tơưl ntê cov sor, cxax yuôx vắc xin phax moz thiêz  thiêz tsuôs yuôx tuô lov caz moz têx tsêr guôx chiê taz por vêv xênhz hâur tu zus thiêz taz por lok huôv tsar kinh têr”.

Khov bax kriz uô têx tsưr ziv jông, mak txix hâur chêix ntux no txos nhiv no, tiv zix zos jiês ntux no truz ntêr hnuz muôx iz ciêz đhâu, sâuv thax tsav xar Chiềng Đen, TP Sơn La tsik tâu muôx tuk tsiêx cxu tưs trâus tuôs no hlo./.

(Hoàng Long-Lik Thox cxêik nhênhv)

NUK, TÊZ LOK CHEI BHXH, BHYT

Lok sâuv têx chei tâu sơưv đros thiêz chor nênhs nhoz thax tsav txov nhêv muk seiz njuôk shuôs moz tsi zos li qơư đas cir muk seiz kho moz.

Nuk: Cur nhoz thax tsav txov nhêv muk seiz njuôk shuôs moz ntơưv qơư đas cir seiz njuôk shuôs, kho moz xuz thơưx hâur huyện. Li ntơư nhiv no cur xar muk tsêr kho moz T.Ư chiê seiz kho moz pok tâu thiêz tâu sơưv li chas têx chei paz?

Têz: Trơưk grê 4 Quyết tinhv sôr 1351/QĐ-BHXH cui tinhv lok qơư seiz seiz njuôk shuôs moz sâu hâur ntơưr Bảo hiểm li đrav kaz:

“Grê 4. Qơư đas cir uô nênhx nhoz mak sâu K2: Zos qơư mak tsôngv box heir nênhs tsơưs thiêz têx lênhx zos chuôz zis pluôs cxaz chuôz BHYT, tsênhv uô nênhx nhoz ntơưv thax tsav txov nhêv trơưk têz qơưk chei cui tinhv”.

Trơưk grê 22 chei BHYT kho đuô, cxaz nzir shông 2014 lok phênhv tâu sơưv BHYT cui tinhv li đrav kaz:

“5. Lênhx zos tsôngv box heir nênhs tsơưs thiêz zos chuôz zis pluôs cxaz chuôz BHYT tsênhv uô nênhx nhoz ntơưv thax tsav txov nhêv, thax tsav lok six txov nhêv; lênhx nênhs cxaz chuôz BHYT tsênhv uô nênhx nhoz têx xã, huyện poz hiêr thâuv chiv chir muk seiz njuôk shuôs, kho moz tsi trơưk li cui tinhv tâu cuiv nhiêx BHYT thêv nhiêx khiêz seiz njuôk shuôs, kho moz đros thiêz tsêr kho moz huyện; kho moz nox nhoz, pư hâur tsêr kho moz đros thiêz tsêr kho moz tỉnh, T.Ư thiêz tâu paz trơưk li cui tinhv ntơưv grê no”.

Thiêz ntơưv grê 22 chei BHYT kho đuô 2014 cui tinhv:

“1. Lênhx nêns cxaz chuôz BHYT thâuv muk seiz njuôk shuôs, kho moz trơưk cui tinhv ntơưv grê 26, 27 thiêz 28 hâur chei no mak tâu cuiv nhiêx BHYT thêv têx nhiêx khiêz seiz njuôk shuôs, kho moz hâur thax tsav qơư tâu sơưv têx chei paz li đrav kaz :

a) 100% nhiêx khiêz seiz njuôk shuôs, kho moz đros thiêz têx lênhx nênhs cui tinhv ntơưv grê 12 hâur chei no. Nhiêx txiêx khiêz seiz njuôk shuôs, kho moz tsi nhoz hâur thax tsav tâu sơưv BHYT cui tinhv ntơưv grê 12 hâur chei no tâu muôz txix têx nhiêx txiêx BHYT tsês trâu chor nênhs no seiz njuôk shuôs, kho moz; têx kror iz chas têx nhiêx txiêx no tsi txâuk mak zos têz qơưk muôz”.

Li ntơư, cox zos lênhx nênhs nhoz thax tsav txov nhêv mak thâuv chir chir muk seiz njuôk shuôs, kho moz tsi trơưk li cui tinhv cux tâu cuiv nhiêx BHYT thêv têx nhiêx khiêz seiz njuôk shuôs, kho moz xưk iz zav li muk seiz njuôk shuôs, kho moz trơưk cui tinhv hâur tsêr kho moz huyện, nhoz chơưv kho moz hâur tsêr kho moz tỉnh, T.Ư (tsi tas muôx ntâuz ntơưr hâur tsêr kho moz huyện xa muk chơưv kho moz) thiêz cox tâu sơưv têx nhiêx khiêz seiz njuôk shuôs, kho moz zos 100%./.

(Thu Thùy-Riê Lâux cxeik, nhênhv)