Yên Bái: sir jos qênhz yuôx, tir tar tuôr chiê, chuôz ndê

gri hax huv tiv moz Covid-19

Siêu thị Vinmart thành phố Yên Bái iz hnuz muôx yênhx cxênhz lênhx kruô tuôr zuôr hax huv, phênhv ntâu zos zuôr têx hax huv sir zôngv hâur yênhx hnuz li: cxur, mì tôm…Đros xor mông hêik tiêk chor huv muôs ntơưv siêu thị zuôr muôx tsơưs, zơưv Vũ Văn Đồng, Giám đốc siêu thị Vinmart Yên Bái hêik: “Cxiv luôs siêu thị jênhv tiêk zuôr tuôr truôx gri muôs, tsik ndê gri pir li cxiê hnuz thiêz tsês chiê hax huv txâuk trâu nênhs zuôr. Chiê tsik trâus tuôr chiê hax huv siêu thị cux muôx tsưr ziv tsuôk muôs iz chor hax huv txâuk trâu iz lênhx nênhs zuôr iz hnuz, iz zav li: ntâuz bos kror ndâux mak iz lênhx nênhs tsuôk tâu zuôr oz đêiv, 3 kror hax huv ntơưr hâur iz hnuz”.

Niêv tix Nguyễn Thị Lan, thành phố Yên Bái puz pâuz: xưk li hnuz tưs niêv tix cux muk ciêz zuôr têx hax huv zav nox thiêz sir zôngv. Oz pêz hnuz no pov gri cux tsik ndê li chak: “Hnuz tưs cur cux zuôr hax huv pov gri cux xưk li cxiê hnuz, chor hax huv cux muôx ntâu, tsik muôx đaz tsi zuk zuôr cxơưx hlo”.

Tưz tsik zos ntơưv têx qơư zuôr muôs hax huv lox, mak ntơưv têx qơư muôs zuôr hax huv zâu sâuv thax tsav thành phố Phố Yên Bái cux tsik muôx tuôr chiê hax huv, ndê gri siêz. Chuôs li têx hax huv sir zôngv hâur luz nênhx yênhx hnuz puôr lênhx tâu muôs cxix cxuô. Niêv tix Hà Thị Hồng Sâm, iz lênhx tsưr qơư muôs huv ntơưv thành phố Yên Bái hêik: “Hâur ntu caz moz phiv liv li no mak qơư muôs huv zuôr muôs cov zos gri, tsik ndê gri têx hax huv. Qơư muôs huv tsik so muôx cxix cxuô têx hax huv cux xưk li bax cxuô têx hax huv tsuv muôx chiê muôs trâu pêx xênhv, thâuv tưs cux muôx txâuk chiê muôs”.

Lơưr lưx lươngv sêiz car ciêz đrôngs thành phôs Yên Bái mak ciês thâuv piz huôv moz Covid-19, chiê truôx tuk ciêz đrôngs thiêz pêx xênhv luz nênhx, taz viv tưz chiê chor chuôz zis kinh doanh cir jênhv, đros co sir jos uô côngv xưv qênhz yuôx. Zơưv Nguyễn Văn Cường, Kiểm soát viên Chi cục sêiz car ciêz đrôngs TP Yên Bái hêik mênhx: txos nhiv no mak tsik tâu pov muôx tuôr tsês chiê, ndê gri têx hax huv muôs: “Hax huv cux muôx txơưr txar tsơưs, taz sik pêz cux sir jos qênhz yuôx, cir jênhv đros tsưr têx qơư muôs viv li txos nhiv no hax huv cux txơưr txar, ndê gri tsik ntâu. Chor hax huv li mì tôm, trox nox, cxur…zênhx zuôr muôx txâuk chiê muôs trâu pêx xênhv, gri muôs cux truôx tuk, tsik txơưr txar ntâu”.

Công an tỉnh Yên Bái cux tsênhv piz qênhz yuôx iz cxiê xor mông tsik jông, tsik zos tsênhz mênhx, uô phiv liv hâur xar hôiv. Đros co, hêik pêx xênhv tsuv uô jông sêiz shuôk, tsik chiê trâus chor nênhs fêv nziêk đas. Trung tá Dư Mạnh Thắng, Đôiv tsar đôiv cảnh sát kinh têr, Công an thành phố Yên Bái puz pâuz: “Hêik sơưr đơưk tsuv nriêr pâuz tsênhz têx xor mông ntơưv têx qơư txâuk njênhs, zuôr hax huv ntơưv têx qơư muôs huv lox, muôx suôz bê viv lơưr muôx ntâu hax huv, chor hax huv lok tsơưr lươngv cux jông. Đros co, lơưr cux jênhv zuôr muôs truôx tuk gri, tsik ndê gri uô phiv liv txos pêx xênhv sơưr đơưk luz nênhx”./.

(Đinh Tuấn-Lik Thox cxêik nhênhv)

Qơư tir ntâuk tsav trok thâuv ntêx nhoz Him Lam-Điện Biên

Him Lam zos trok châuz Pháp iz hâur 3 tsênhv qơư zov chênhr chiê cxiv uô qơư tir ntâuk tuz lênhv pêz têz qơưs đrav ntêx nhoz faz Đông Bắc, sâuv txox cêr txix Tuần Giáo-Pha Đin muk trâu Tsênhv qơư tsav trok Điện Biên Phủ. Tros châuz pháp têx tsưr ziv siêz xar chiê muôz suôv qơư no uô yênhx qơư truôx jông, tsi muôx lênhx tưs muk lol tâu đhâu, tir ntâuk pêz têx tuz lênhv cxuô txox hâu cêr tuôx trâu qơư tsav trok Điện Biên Phủ. Chênhr viv li, qơư tsav trok Him Lam tâu cxiv  puôz uô yênhx 3 qơư lok six khor truôx, muôx lênhx nênhs seiz jor đrux.

Tror ndo txos têx hnuz nhôngs đrav ntêx tir ntâuk tros châuz, thâuv tâu bộ chỉ huy mặt trận choz hâux lưv tir ntâuk mul trâu qơư tsav trok Him Lam, zơưv Nguyễn Hữu Chấp, tuz lênhv lâuk Sư đoàn 312, sư đoàn chênhr tir ntâuk tsav trol xuz thơưx ntơưv Him Lam heik pâuz: Xuz thơưx mak qơư tsav trok Him Lam tâu xav zos zuôr tir ntâuk trâu hnuz 12/3/1954, taz sik đhâu thâuv qênhz yuôx shuôs đuô hur si têx cêr pêz chor tuz lênhv zuôr tir ntâuk mul trâu thax qơư co mak tsi yuô truôx, đros trâu têx tsưr ziv “Ntâuk cov tâu muk cov truôx”, Bộ chỉ huy mặt trận quyết tinhv nduô trâu hnuz kaz zos 13/3/1954, hnuz tir ntâuk trol châuz qơư tsav trok heik sâuv. Thâuv 5 six 5 phênhz tsâuk ntux, hnuz 13/3/1954, hur tiz si pêz chor tuz lênhv têx triêv, fov, muôk txưr, hôngz poz..... puôr lênhx iz tsâus tuô, tir ntâuk mul trâu qơư tsav trok Him Lam, thax tsav qơư chor thơưx tuz trok nhoz, yar yêz za thiêz trok châuz qơư trâu têx triêv fov uz no, uô trâu Him Lam kror cxiê qơư nqo lus, trok châuz qơư tsav trok ntơư, tưz tâu pêz chor tuz lênhv ntâuk tuô trâus tas hur si. Thiêz txos trâu thâuv 10 six 30 phênhz tsâuk ntux đros hnuz, tas nro qơư tsav trok Him Lam tưz trâul pêz chor tuz lênhv tir ntâuk, tsav txênhz tâu trơưk li tsưr ziv, siêz xar: “Thâuv tir ntâuk trâu Him Lam mak pêz têx tuz lênhv lok six sir jos, lênhx tưs cux xar cov tir ntâuk tâu zênhx, iz lênhx đảng viên nhiêk sir jos nhiêk đros tsưr ziv xar tiêk “Sir jos tir ntâuk, tsi zênhx tsav tsi lok”, sâu heik li ntơư đei sâuv câuk mov. Uô ntêx thâuv zuôr tir ntâuk tsav, sđ tưz bax tâu jông têx tsưr ziv, cêr sik thôngx siêz li ntơư lơưv. hâur iz hnuz, hnuz 13 co ntux lok yar cuz, yêz za lok za mul mul lok lok, kênh qiv ho tso bôngk lol ntâuk tuô, tsav fov đror đrôngs điêx viv li thâuv ntơư phiv liv cơưk, xar cov luz ntux tsâuk sei, txos six hơưv pêz chor tuz lênhv tâu tsav fov, sơưr tir ntâuk trol châuz xưz”.

66 shông đhâu, nhiv no Him Lam tưz jux juk hlôngr yiêz, yênhx suôv qơư truôx tuk, jông jav, tâu seiz zos iz hâur têx phường zov chênhr lok huôv tsar ciêz đrôngs, kinh tế hâur TP Điện Biên Phủ đros ntâu tsar zav jông. Nhiv no phường Him Lam muôx 20 luz jok, 2.800 ntâu chuôz zis, 10.800 lênhx nênhs, phênhv sâu tâu txix huôv tsar uô ju lix, zuôr muôs têx chuôz zênhx cxiv uô vax tsêr, uô kôngz trơưk têx tsưr ziv yiêz..... Khov Đảng bôv, hâu nov, tsôngv px cxuô heir nênhs hâur thax tsav li têx sir jos, txos nhiv no chor chuôz zis pluôs hâur Him Lam tsuôk yuôr nhos 0,17%, tsôngv px luz nênhx ziv hnuz ziv muôx ntâu hlôngr yiêz, xav kror đruôz đraz iz lênhx nênhs shông tov kaz sâu tâu ntâu đuô shông uô ntêx, tâu nhos 35 tsov đeiv iz lênhx nênhs lok shông 2020 (tsar ndê 6,5 tsov đeiv pir li shông 2015). zơưv Lường Văn Hịa, nhoz jok Him Lam 2, phường Him Lam, TP Điện Biên Phủ shir phaz heik: “Thâuv ntu tir ntâuk trol châuz Điện Biên mak ntơưv jok Him Lam 2, têx vax tsêr tưz trâul tsi jông, puôk tsuôx tas, taz sik đhâu ntơư pêz thiêx tror cxiv uô đuô. Tov kaz no, tsôngv px luz nênhx ziv hnuz ziv tsâu sor, vav mênhx đuô. Jêx jok tâu Đảng, têz qơưk moz siêz paz, cxiv uô têx cêr mul lok tâu zôngx ziv, tsôngv px sđ lok six shir phaz”.

Têx uô tâu li heik sâuv cux pov tâu tiêk, thax tsav-qơư tir ntâuk trol châuz đrav ntêx Him Lam zuôr muk trâu hâur TP Điện Biên phủ tưz jux juk tâu hlôngr yiêz. Hâur ntu zuôr txos, hâu nov ntơưv qơư tsênhv sir jos fuô uô cov tiêr ntâu dưv anr zov chênhr li: Dưv anr txox cêr đar 60 thiêr, Dưv anr cxiv uô têx côngz trênhx ntơưv qơư nhoz Him Lam....chiê cxơưz cxiz tsênhv qơư  huôv tsar kinh tế-XH cov tâu zos đrêiv luôs hâux lưv tso tơưv.

        Đros trâu têx muôx jông lok muôv muôs- uô ju lix...., hâu nov ntơưv qơư, tsôngv px cxuô heir nênhs hâur thax tsav phường Him Lam cux tsênhv tror sir jos cxiv tsa ntâu luz jêx jok cov yênhx têx jok vênhx huôv ju lix  đros trâu têx xiv huv ju lix lịch sử  jông ntơưv qơư./.

                                      (Vũ Lợi-Riê Lâux cxeik, nhênhv)