Tox siêz Thanh Vân muôx đêx zôngv khov têz qơưk paz cxiv kror đêx

Thâuv ntêx, chiê muôx đêx phưx vưv xênhz huôx, têx lênhx nênhs hâur niêv lâuk Vax Thị Mai, mênhx cxưx Hmôngz nhoz jos Longx Caz, xã Thanh Vân, huyện Quản Bạ, tỉnh Hà Giang tsuv sik hlôngr mul cưr đêx pêv têx kror đêx cxơưr nhoz kuôk tsêr nhoz 2,3 cei cêr chox lol zôngv. Cxôngx shông 2012, thâuv jos tâu têz qơưk yưv pênhr cxiv kror đêx đar 3.200 yiv đruôz, niêv lâuk Mai thiêz pox nhuôs nhoz no tsi tsuv khưr mul cưr đêx lok xênhz huôx niêx hnuz thiêz. Niêv lâuk Mai shir phaz heik:

          “ Tiếng Mông”

          Xã Thanh Vân, huyện Quản Bạ, nhoz tox siêz Hà Giang, zos xã tâu sơưv Chinhr phuv li tsaz yênhx 30a. Xã muôx 7 jêx jos, đros 1 cxênhz 130 ntâu ziv chuôz zis đros thiêz 5.600 ntâu lênhx nênhs. Phênhv ntâu zos trôngz poz jêz, tsi muôx đêx, viv li pox nhuôs nhoz no luz nênhx njiz lok six ntâu phêv liv lok đêx xênhz huôx thiêz phưx vưv uô xênhz yar kôngz nuv. Qiv hơưv txơưr txar tsi so, qênhx shênhx tsi muôx đêx sir zôngv tiv zix zos hâur cheix ntux kruôr niêx shông zos pox nhuôs nhoz ntơưv no li iz txox cêr cxơưx. Tsi muôx đêx, pox nhuôs nhoz no tsuôk chos poz cưk, kok ntông uô kôngz krâur phưx vưv chuôz zis. Shông 2011, khov pênhr cxôngx Chinhr phuv li tsaz yênhx 30a, xã tâu yưv pênhr cxiv kror đêx đar 7.200 yiv đruôz đros tas nro pênhr yưv zos 13 tỷ đeiv ntâu ntơưv jos Muôk Hôngx phưx vưv 50 ziv chuôz zis, cưk kriê thiêz shux xênhz 3 luz tsêr cơưv ntơưr thiêz tsênhv qơư xã. Lơưr co, shông 2012, xã tror tâu yưv pênhr cxiv 2 luz kror đêx ntơưv 2 jos Longx Caz thiêz Longx Côngr, iz luz đar 3.200 yiv đruôz, iz luz đar 4000 yiv đruôz...

          Chiê coar lik, sir zôngv thiêz kho đuô têx côngz tsinhx cungz đêx xênhz huôx đhâu yưv pênhr, UB xã tưz yênhx lix 7 tuêv coar lik côngz tsinhx ( iz tuêv 3 lênhx nênhs cxaz chuôz) chiê coar lik têx côngz tsinhx cungz đêx no. Zơưv Dương Ngọc Vàng, Bí thư Chi bộ jos Longx Caz puz pâuz:

          “ Tiếng Mông”

           Khov muôx kror đêx tso đêx yênhx shông, chor ziv chuôz zis nhoz nôngx cxênhz Thanh Vân tâu sir zôngv đêx xênhz huôx huv vêv xênhz, tax ploz tsênhr tâu muôz siêz. Pox nhuôs tso siêz uô xênhz yar kôngz nuv thiêz tror tuôr tsês hâux lưv uô chơưr poz cưk Thanh Vân- tsôngv box Hmôngz nhoz no li iz xiv huv chax chês nto bê. Taz sik, nhiv no sâuv thax tsav xã tsênhv yuôr têx ziv chuôz zis nhoz jos Muôv Xêx phêv liv lok đêx xênhz huôx, tiv zix zos hâur cheix ntux kruôr. Zơưv Zax Mir Mua- Chủ tịch xã Thanh Vân huyện Quản Bạ, tỉnh Hà Giang thix ziv:

          “ Đros 3 jos tưz tâu têz qơưk yưv pênhr cxiv kror đêx, đêx xênhz huôx cux tuôv zênhv phưx vưv tâu trâu pox nhuôs. Đhâu seiz car cux xưk li cử tri li ziv chênhv, tsôngv box cux thix ziv six hơưv zuôr txos zos têz qơưk muôx pênhr mak tsov cưv yưv pênhr cxiv cxaz 1 luz kror đêx ntơưv jos Muôv Xêx thiêz tuêv 1 xã Thanh Long chiê phưx vưv đêx xênhz huôx trâu pox nhuôs”.

          Kror đêx cux tưz car chêx tâu phênhv tưs qênhx shênhx tsi muôx đêx xênhz huôx trâu tsôngv box tox siêz Thanh Vân. Cử tri têx mênhx cxưx nhoz no xar njôngr têx cấp, têx nganhx, tiv phaz tror tsov cưv chiê car chêx txos qơư qênhx shênhx tsi muôx txâuk đêx xênhz huôx trâu pox nhuôs./.

                                                                                                                                                          (Txâur Vax cxiv sâu- cxeik nhênhv)

Tix lâus Tuz pâuz huôv tsar cêr uô nox

          Sik thav đros chor sâu xor xưv, tix lâus Tuz tưz hêik lok chuôz zis têx tsưr ziv huôv tsar cêr uô nox, cxiv kho luz nênhx truôx tuk tsâu sor. Txix thâuv zâu, tix lâus tưz tâu niêv txir tso muk cơưv ntâuz ntơưr, hloz lox tiêr nênhx, zuôr pox niêv tuz sê thiêz phêiz chuôz, tâu niêv txir phêiz mê njik liêx, ar têz chiê tsêz chos kôngz lôngk. Txơưv muôx liêx, ar têz, taz sik tsuôk chos têx nôngz kôngz lôngk đrav ntêx, tsik muôx nhiêx zuôr qir mfông, li ntơư uô ntâu sâu tâu kôngz tsơưs. Taz sik, đhâu ntâu lớp cơưv kriê lok tsưr ziv huôv tsar tsêz chos nôngz kôngz yiêz, tuz zus tsiêx zos đrêiv tsưr ziv kriê thiêz sir tas đas jos tsưr ziv uô; đhâu ntơư, tix lâus chuôz zis tưz muôx phênhv sâu tâu nju kôngz yax oz pêz bâus pir li ntu đrav ntêx. Xav kror đruôz đraz, iz shông zơưv chuôz zis tsêz chos 2-3 chiv blêx liêx iz shông, sâu tâu 4 tấn blêx thiêz 2 tấn poz cưk njiêr.

          Iz chas ntơư, zơưv Tuz chuôz zis cux tsênhv chos tâu 4 ha chos txir hơưk, taz sik hâur shông 2016, ho trâus đâuk bu uô puôk tsuôx tas ntâu, tsuôk yuôr phênhv tsơưs thiêz nhiv kruôr qir txi, sâu tâu 1 tạ ntâu txir hơưk kruôr, muôs tâu 320 cxênhz đêiv iz cir.

          Đros trâu cêr khưr huôv tsar cêr uô nox hâur chuôz zis, tix lâus Tuz tsênhv yax kriê tsôngv px thiêz têx nênhs cxênhz jê siz chos hlôngr yiêz huôv tsar cêr uô nênhx jông, tso tsês têx cêr nênhx pôngz kaz thiêz tix lâus oz niêv txir tsuôk xênhz zus oz tus mê nhuôv, muôx txâuk nhiêx txiêx tu zus muk cơưv ntâuz ntơưr cxix cxuô. Zơưv Por x Lux zos iz lênhx px hâur jos thav pâuz nzir tiêk: Tuz x Phax, thâuv tưs tưz uô ntêx nyuôk trâu cxuô luôs hâux lưv huôv tsar cêr uô nox thiêz muôx siêz paz px sđ lok tsưr ziv hlôngr yiêz tsoz chos, tsiêx tu zus.

          Txix shông 2002, zươv Tuz tưz tâu tsa nhoz Đảng viên thiêz tsik so fuô yax kriê, Đảng têz qươs têx chêi txos trâu tsôngv px sđ đros trâu yax kriê tsôngv px hlôngr yiêz tsoz chos, tsiêx tu zus thiêz tso tsês têx cêr nênhx pôngz kaz, cov muôx luz nênhx hlôngr yiêz jux juk.

          Zươv chảo A Lai, bí thư Đảng ủy xã Hồ Thầu, huyện Tam Đường, tỉnh Lai Châu hêik pâuz tiêk: Tuz x Phax zos iz lênhx Đảng viên uô ntêx nyuôk trâu cxuô luôs hâux lưv huôv tsar cêr uô nox thiêz uô truôx cxuô luôs hâux lưv hâur côngv thôngx, đros paz côngk đas jos cxiv kho jêx jos hlôngr yiêz jông jav thiêz yax kriê cxuô gơưv niêv txir tsik xênhz zus tus mê nhuôv tiv 3./.

(Tsu cxêik nhênhv-KT báo Lai Châu)