Jax sâu thưr 6.19.5.2017:

Cơưv shâuv thiêz uô lơưr Hloz Hôxtsuv qir uô cxôngx têx hâux lưv mê, heik tâu tsuv uô tâu

       Thâuv tsênhv nhoz uô nênhx, Chủ tịch Hồ Chí Minh thâuv tưs cux khav tênhv, iz mênhx cxưx tsuv bluô nux lok chuôz zênhx chuôz tas,lok chinhz yênhx, iz mênhx cxưx hlôngr yiêz. Pâuz thôngz siêz xar no, tix lâuk Văn Công Hòa, tuêv tsar tuêv tsiv uô thiêz chi uỷ viên phân xưởng Cán, Công ty cổ phần xor hlâu Nhà Bè nhoz Tổng công ty Xor hlâu Việt Nam, thâuv tưs cux chuv tôngv thiêz chiv chir nriêr pâuz, cơưv shâuv thiêz xar tơưv, hlôngr yiêz kỹ thuật chiê cxênhx txuôk six hơưv thiêz nhiêx txiêx cxôngx têx hâux lưv hâur niêx hnuz. Tiv zix, hâur six hơưv uô dưv anr txar tsêr meir cxôngx thành phố Hồ Chí Minh mul qơư công nghiệp Nhơn Trạch, Đồng Nai, tix lâul li tsưr ziv uô tưz paz tâu sei thiêz zôngx ziv đuô, txu grês iz đraz six hơưv, nhiêx txiêx trâu têx hâux lưv tsuv uô...Tix lâuk Văn Công Hòa pheiz kênh: khov siêz uô tsâus, txưv haox cxôngx têx tsiv grê lox mak chủ tịch Hồ Chí Minh tsês chiê, tưz paz tix lâuk muôx cxaz siêz sir jos uô jông zuk têx hâux lưv:

          “ Cơưv shâuv thiêz uô lơưr Hloz Hôx, lax mak cux lax, zôngx ziv mak cux zôngx ziv. Cur pov hâux lưv cơưv shâuv uô lơưr Hloz mak tsuv uô hâur niêx hnuz. Cur thâuv uô hâux lưv ntơưv công ty heik tâu mak tsuv uô tâu, uô mak tsuv qênhz yuôx. Cxôngx têx hâux lưv mê tiv zix, tsi zos hâux lưv lox, uô tiêr thiêx qênhz yuôx. Lơưr cur xar, co cux zos Hloz Hôx li iz tsưr ziv uô, tsi muôx tul tsi lox thiêz lax uô tâu”.

          Uô lơưr Hloz Hôx li lul heik “ Cưk yuôx jông li iz lênhx niêv”, Phưv giáo sư, tiến sĩ Nguyễn Quang Tuấn, giám đốc Tsêr kho moz plơưr Hà Nội tsi so nriêr pâuz, hlôngr yiêz trâur nuv huôx tôngv chiê tsêr kho moz yênhx qơư nênhs moz njênhs njôngr tuôx tsoz phưz đas jos. Cxôngx thâuv yênhx lix, thôngz đhâu Cuiv “ Viv iz luz plơưr muôx đas jos”, iz shông tsêr kho moz plơưr Hà Nội tsês yênhx châuv tỷ đeiv chiê sik côngv tês paz fuô plơưr tsi zuôr nhiêx txiêx trâu ntâu lênhx nênhs moz pluôs, tiv zix zos mê nhuôs txov nhêv nhoz tox siêz chiê têx mê nhuôs muôx tâu luz nênhx jông li cxuô lênhx nênhs fênhx yax. Lơưr bác sỹ Tuấn, cơưv shâuv thiêz uô lơưr Hloz Hôx zos cơưv shâuv moz siêz txos tsôngv box, seiz nênhs moz zos tsênhv qơư. Xar uô tâu li ntơưv, iz lênhx canr bôv, nhân viên chức cxôngx bác sỹ, điều dưỡng lok sik kỹ thuật viên tsuv uô jông zuk li côngz xưv.Giám đốc tsêr kho moz plơưr Hà Nội Nguyễn Quang Tuấn pheiz kênh:

          “ Zơưv Hloz Hôx li tsưr ziv uô nênhx lok six jông. Viv li, thâuv uô hâur tênhx qơư y tế tsuv seiz nênhs moz zos tsênhv. Tsuv hluz, muôx huôx tôngv huv đros. Tsưr ziv uô jông zos zuôr nênhs moz li ntơưr ntâus grê hâur jix vuv, chuyên môn chiê hlôngr yiêz cov nênhs moz jông siêz đuô”.

          Iz lênhx nênhs jông cơưv shâuv thiêz uô lơưr Hloz Hôx li cêr uô nênhx jông puôr lênhx uô cxôngx zuk li siêz xar, chiv chir hlôngr yiêz zuk cov jông đuô tuôx. Viv li, jiês xuz thơưx hâur Đangv li ntâuz ntơưr Đại hội 12 tsi taz khav tênhv hâux lưv cxiv tsa Đangv tsuv hur si, truôx vênhs lok tsưr tsix, mak tsênhv heik mênhx cxiv tsa Đangv lok shưz xar. Viv li, hâux lưv tso tơưv chỉ thị 05 lok “ Cxơưz tiês cơưv shâuv thiêz uô lơưr Hloz Hôx li cêr uô nênhx jông” zos chiê tuôv zênhv canr bôv, đangv viên li zoz qơưx siêz đuô lok cơưv shâuv hâur qênhx shênhx yiêz, zos hâux lưv zuôr trâus uô. Ủy viên Bộ chinhr triv, Tsar Ban Tuyên giáo Trung ương Võ Văn Thưởng heik mênhx:

          “ Pêz tror uô chỉ thị 05 reik đros Nghị quyết Trung ương 4 chiê tơưv txênhz, tir tar, txu grês qênhx shênhx siêz xar chinhr trị tsi jông, muôx shưz xar tsi jông...Reik hâux lưv uô chỉ thị đros Bộ chính trị, Ban bí thư li têx cui tênhv li 101, cui tênhv 25 tsuv seiz no zos tsưr ziv tsênhv yax six uô hâur uô Nghị quyết Trung ương 4”.

          Cơưv shâuv,uô lơưr Hloz Hôx li cêr uô nênhx jông izlênhx iz hâux lưv uô, vênhv thix côngz xưv tsi xưk iz zav, taz sik tas nro puôr lênhx muôx iz siêz xar zos cơưv shâuv thiêz uô lơưr Hloz Hôx chiê chiv chir hlôngr yiêz zuk tiz nênhs cov jông đuô, gôngr phênhv jông trâu côngz xưv cxiv tsa thiêz por vêv têz qơưk./.

                                  (TTT- Txâur Vax cxeik nhênhv)

Phênhv thưr 6 hnuz 19/5/2017

PHÊNHV CÊR CHÊI TÊZ QƠƯK

HĐND tỉnh Sơn La tso tơưv Nghị quyết lok tsênhv chêi paz huôv tsar hợp tác xã chos ntông nox txir, yuôx njuôz hâur chor ntông nox txir sâuv thax tsav tỉnh, ntu 2017-2021

(txuôk nzir)

      III. Tsưr ziv paz

     Yênhx shông chor huyện, thành phố ntâuk gri njuôk xav nhiêx txiêx têx kror paz xa trâu Sở tài chính muôz trâu UBND tỉnh, chiê muôz trâu HĐND tỉnh cuêz tênhv choz zok dự toán trâu chor huyện, thành phố; UBND chor huyện, thành phố paz txix nhiêx txiêx trâu chor nênhs hêik ntơưv khoản 2 Grê 1, zos:

     Nhiêx txiêx paz nhiêx liv txêik trâu Hợp tác xã, thành viên hợp tác xã.

     Nhiêx txiêx paz hux thôngx kruôz kriê kỹ thuật thiêz uô Tổ paz hêik pâuz Ban chox kriê muôz txêik pênhr huôv tsar kôngz nuv chor huyện, thành phố li huôx tôngv.

      Nhiêx txiêx têx phênhv paz txơưr đuô.

         IV. Pênhr nhiêx paz, tas nro chor nhiêx paz

    Pênhr nhiêx paz: Txix phênhv côngz xưv kinh tế nhiêx txiêx têz quuwk tỉnh muôz phênhz hâur njuôk xav nhiêx txiêx yênhx shông trâu chor huyện, thành phố chiê kriz uô tsênhv chêi.

     Tas nro nhiêx txiêx chiê uô tsênhv chêi ntu 2017-2021 zos: 50 tiv đêiv.

        V. Cungz muôz, njuôk xav ntâuk gri phênhv nhiêx txiêx

    Lơưr phênhv nhiêx txiêx uô tsênhv chêi UBND choz zok njuôk xav hâur shôngk shông thiêz chor tsưr tsix, tiz nênhs li ntâuz ntơưr hêik paz; phongx kôngz nuv thiêz huôv tsar jêx jok chor huyện, phòng kinh tế thành phố sêiz shuôk sik côngv đros chor phòng txơưx jênhv tsưr tsix sâu tsês têx hâux lưv uô tâu, xa trâu phòng tài chính-tsưr ziv xav jênhv, muôz UBND chor huyện thành phố sêiz shuôk tso tơưv thiêz paz.

    Khov lơưr UBND chor huyện, thành phố li cuêz tênhv paz; phòng tài chính-tsưr ziv hêik trâu phòng kôngz nuv thiêz huôv tsar jêx jok chor huyện pâuz lok nhiêx txiêx, phòng kinh tế thành phố muôz chor nhiêx paz trâu chor tsưr tsix, tiz nênhs thiêz uô lơưr cuiz tênhv nhiv no muôx./.

(Thu Thùy-Lik Thox cxêik nhênhv)