Uô trơưk li Lâul Hôx têx luk kriê, tsôngv box tox siêz Yên Bái sir jos huôv tsar uô nox, cxiv tsa luz nênhx tsâu sor

Ciêv fix nhiv no zos iz hâur têx tsoz chos chênhr nhoz tỉnh Yên Bái. Txix têx ntông ciêv fix “ siv nênhx ndo njôngr txos Lâuk Hôx” tâu chos trâu huyện Văn Yên têx shông 60 hâur thế kỉ uô ntêx, nhiv no ciêv fix tưz lox njuôz vor tox trôngz câuv har nhoz cxuô nro têx huyện Văn Yên, Văn Chấn, Trấn Yên, Yên Bình, Lục Yên….., gra luz nênhx tsâu sor trâu tsôngv px. Ciês huyện Văn Yên muôx hur si 40 cxênhz ntâu ha, iz shông lơưs sâu, tâu nhos 7 cxênhz tênhr têx tơưr kruôr, txiêr đê tâu 66 cxênhz tênhr blôngx, 60 cxênhz yiv đruôz ntông….., gra lok phênhv sâu tâu trâu tsôngv px hâur huyện 600 tyv đeiv ntâu iz shông. Txix phênhv ntâu têx chuôz zis zos chuôz zis pluôs, nhiv no chor nênhs chos ciêv fix phênhv ntâu lơưr luz nênhx tưz truôx tuk, tsâu sor. Zơưv Hoàng Văn Thảo, nhoz xã Đại Sơn, huyện Văn Yên heik pâuz, thâuv ntêx zơưv chuôz zis lok six txov nhêv, muôx 4 lênhx nhuôv, viv li 2 niêv txir sir jos khưr bâuv tưs lok cux tsuôk txâuk nox xưz. Đhâu 15 shông ntâu muôz tas nro xar muôx 10 ha ar têz por tox đo hlôngr chos ciêv fix, chuôz zis luz nênhx tưz hlôngr yiêz, xav kror đruôz đraz iz shông sâu tâu nhos 200 tsov đeiv: “Thâuv ntêx tsi tâu muôx têx ntông ciêv fix, sir jos khưr hâur niêx shông lok cux tsuôk txâuk nox xưz. Khov chos ciêv fix, 2, 3 shông lok no tưz hlôngr yiêz ntâu, nhiv nor muôx vax tsêr nhoz, muôx yêz đros luôs cheix, tâu nox kaz hnar jông lơưv”.

Iz chas têx tsoz chos ntêr shông, tsôngv px tox siêz Yên Bái cux nhênhz chơưv chos nzir ntâu zav tsoz chos lur hnuz nhôngs muôx grik kinh tế, fiv đros trâu têx ar liêx têz. Zơưv Trần Hiền, nhoz jok Liên Thịnh, xã Lương Thịnh, huyện Trấn Yên chuôz zis muôx 2 ha têz por tox đo, têx shông đrav ntêx chuôz zis chos têx ntông keo… Viv no zos têx tsoz chos ntêr shông, tsuv muôx 6-7 shông thiêx jông ntor cơư muôs, muôx phênhv sâu. Chênhr zos li heik ntơư, chuôz zis khênhr njiz trâul phiv liv lok kinh tế hâur ntu co. Đhâu thâuv nriêr pâuz têx tsênhv tsênhz txix chos njuôs shôngz Bát độ, zơưv tưz xav đuô thiêz quyết tinhv muôz iz ha liêx têz hlôngr chos chor shôngz no…. Đros trâu têx hlôngr yiêz tsưr ziv uô nox, zơưv chuôz zis tưz muôx phênhv sâu tâu truôx tuk, luz nênhx vav mênhx đuô pir li thâuv ntêx: “Njuôs shôngz Bát độ, trơưk li cur tâu pâuz lok shông tiv 2, zos qir tuôx njuôs lơưv. Txix ntơư, cur chuôz zis seiz lax thiêz thôngx ziv muôz hlôngr chos njuôs shôngz Bát độ”.

Ntơưv Yên Bái, nhiv no tsôngv px tsi tiêk xar tsưr ziv huôv tsar uô bluô nux trâu zuk, tsênhv sir jos khưr huôv tsar uô nox, yênhx têx thax tsav, suôv qơư chos kôngz lôngk, ntông nox txir ntâu…., đhâu co gra siêz gri têx xiv huv, phênhv sâu tâu, paz cxiv tsa têz qơưk huôv tsar, vav mênhx….

Zos iz hâur têx chuôz zis chos nzor têx txir thênhx caz thiêz uô tâu jông đuô hur si luôs hâux lưv co, têx chiv txir jê lok no, xav kror đruôz đraz niêv lâuk Nguyễn Thị Chung nhoz jok Khe Bút, xã Minh An, huyện Văn Chấn, tỉnh Yên Bái chuôz zis đê sâu tâu txix 50-70 tênhr txir, muôs tâu nhos 500-600 tsov đeiv nhiêx. Niêv lâuk Chung chuôz zis hâux lưv chos, tu têx txir thênhx caz ntơư tâu lok six ntâu lênhx nênhs nhoz Khe Bút cơưv shâuv, uô trơưk chiê uô bluô nux. Tsi tiêk uô bluô nux trâu chuôz zis, niêv lâuk Nguyễn Thị Chung tsênhv jông siêz, shir phaz lus sik pheiz kênh têx tsưr ziv chos thiêz tu txir thênhx caz trâu têx chuôz zis nhoz jê iz ndis thax tsav. Niêv lâuk tưz muk yênhx chuôz zis chiê seiz lơưr têx liêx têz, seiz pok jông chos têx txir thênhx caz, chos tâu pok zuôr hloz jông lok sik kriê tsưr ziv khơưz kror, zuôv qir thiêz tu têx txir cov hloz lox jông tsi trâul caz hmoz tho nox uô ruôr hiêv. Txix niêv lâuk têx tsưr ziv kriê, hur si jok Khe Bút muôx 105 chuôz zis, mak muôx txos 70 ntâu chuôz zis chos txir thênhx caz thiêz phênhv ntâu lơưr luz nênhx tưz truôx tuk: “Txir thênhx caz gra lok phênhv sâu tâu siêz, tiv 2 zos côngk tu mak tsi yuô phiv liv yuôx zêx, chênhr viv li cur chuôz zis krêz đar liêx têz chos nzir. Iz cxiê chuôz zis cux tưz muôz têx têz yuôx zêx lok sik chor liêx têz thâuv ntêx ntơư uô poz cưk, chos kok liêz hlôngr chos txir thênhx caz”.

Đros trâu tsôngv px têx sir jos, Đảng bộ, hâu nov cxuô cấp nhoz Yên Bái cux cxơưz tiês uô têx faz tsưr ziv huôv tsar kinh tế, XH, muôz jông six hơưv chiê tsôngv niêv txir lax px sik tưr huôv tsar uô nox, cxuz cêr yeiz pluôs, sir jos uô bluô nux. Nhiv no chor chuôz zis pluôs hâur tỉnh Yên Bái tưz txo grêk tsơưs, têx ziv muôx thiêz bluô nux niêx shông tsar ndê jux juk. Co zos iz hâur têx tsưr ziv, qơư chuôz jos chiê Yên Bái nzor yênhx “iz tỉnh huôv tsar hâur têx tỉnh tox siêz” xưk li Lâul Hôx heik kriê./.

                                         (Tuấn Xuân-Riê Lâux cxeik, nhênhv)

Điện Biên sir jos uô têx tsưr ziv phax tar caz moz Covid-19 ntơưv xar Si Pa Phìn

Ciês thâuv pov muôx chor nênhs trâus cik caz moz Sát-Covi-2 ntơưv xar Si Pa Phìn, hâu nov huyện Nậm Pồ, tỉnh Điện Biên cux sêi đrơưv kriz uô ntâu tsưr ziv phax tar caz moz gênhk. Hâur co tsêx trung trâu côngz xưv zok nriêr, uô jông cxuô faz tsưr ziv paz trâu chor nênhs cêv kuôk tsêx trung. Zơưv Bùi Văn Luyện, Chủ tịch UB huyện Nậm Pồ puz pâuz: tas nro chor nênhs nhoz jê, njiz chor nênhs trâus moz tưz nriêr pov tâu ntơưv qơư muôx caz moz Si Pa Phìn zos 928 lênhx nênhs, chox muk cêv kuôk 439 lênhx; tso nyar njuôk shuôk caz moz trâu 600 lênhx thiêz njuôk shuôk caz moz trâu 220 lênhx nênhs; chor nênhs nhoz jê, njiz tâu chor nênhs trâus moz zos 957 lênhx nênhs. Nhiv no, lưx lươngv txơưx jênhv tsênhv tror nriêr pâuz chor nênhs nhoz jêz, njiz tâu chor nênhs trâus moz.

Tas nro huyện Nậm Pồ nhiv no muôx 8 qơư cêv kuôk tsêx trung, đros tas nro muôx 702 luz txax, zos ntơưv 7 luz tsêr cơưv ntơưr sâuv thax tsav thiêz 1 Đôiv uô nox, Đoanx Kinh têr Côx phax 379. Tas nro chor nênhs tsênhv cêv kuôk zos 439 lênhx nênhs. Đros têx phiv liv li co lok vax tsêr cxuô zav thiêz caz moz Covid-19 li txơưr txar phiv liv sâuv thax tsav xar Si Pa Phìn, UB huyện tưz cuêz tênhv muôz muôx 900 triệu đêiv txix phênhv nhiêx txiêx têz qơưk ntơưv qơư chiê paz trâu chor nênhs uô hâux lưv phax, tar caz moz. Zơưv Bùi Văn Luyện hêik: “Huyện tsênhv sir jos chox kriê chor tôv sêi đrơưv nriêr pâuz chor nênhs nhoz jêz, njiz tâu chor nênhs trâus moz. Đros chor nênhs xav tiêk nhoz jê, njiz tâu chor nênhs trâus moz chiê sêi đrơưv chox muk cêv kuôk tsêx trung. Lok cxuô kror chiê paz trâu hâux lưv cêv kuôk mak nhiv no pêz tsênhv sir jos uô cov tiêr cov muôx txâuk qơư trâu nhos 350 lênhx nênhs”.

Zơưv Lê Khánh Hòa, Bí thư Huyện ủy Nậm Pồ puz pâuz: Nhiv no tas nro xar Si Pa phìn tưz kriz uô cêv kuôk trâu tas nro muôx 1.190 ntâu ziv chuôz zis, xar muôx 3.970 lênhx nênhs. Côngz xưv phax tar caz moz tsênhv tâu hâu nov hâur thax tsav qơư sir jos uô tiv zix. Huyện tưz kriz uô 6 tôv sêiz jor sâuv thax tsav xar Si Pa Phìn chiê sêi đrơưv phax tar tâu caz moz; thôngx cxix uô truôx jông 12 qơư sêiz jor truôx sâuv thax tsav ntus đriv, 6 tôv qênhz yuôx txos cxuô qơư chiê phax tar caz moz Covid-19 thiêz phax tar muk lok đhâu ntus đriv.

Uô lơưr Ban Thường vụ Tỉnh ủy Điện Biên li chox kriê, Ban Thường vụ huyện tưz tso 3 lênhx cán bộ so tsik puz uô hâux lưv tiv uô tsik trơưk têx cui tênhv lok phax tar caz moz gênhk, uô tsênhv mênhx tiz nênhs, tập thể li txơưx jênhv chiê muôs yưv caz moz huôv xênhz thiêz siz cik. Hâur co muôx iz lênhx nov hâu xar, oz lênhx cán bộ cưk kriê ntơưr tsêr cơưv Phôv thôngz mênhx cxưx niêv txir zus mor cxênhx iz Tân Phong: “Nhiv no pêz tưz tso Phưv Hiệu trưởng sêiz car so hâux lưv, thôngx cxix cux tso so hâux lưv trâu Phưv bí thư Đảng ủy xar. Nhiv no huyện tưz chiê pêz kror qơư cêv kuôk uô hâux lưv, tsênhv bax pêz kror qơư cêv kuôk  thiêz zuôr tror kriz uô nzir têx qơư txơưr zos caz moz txơưr txar phiv liv đuô”.

Tiv caz moz ntơưv huyện Nậm Pồ txơưr txar sêi thiêz chôngz lênhx nênhs tsuv chox muk cêv kuôk tsêx trung, viv li hâu nov ntơưv qơư tsênhv bax kriz uô fuô faz tsưr ziv chiê chor nênhs nhoz hâur qơư cêv kuôk tâu tso ntơưr bâux xêir hâur qơư cêv kuôk chiê taz por uô jôngz côngz xưv phax tar caz moz. Thôngx cxix sir jos yax kriê chiê pêx xênhv tso siêz uô truôx têx luôs hâux lưv phax tar  caz moz lơưr cui tênhv./.

(Vũ Lợi-Lik Thox cxêik nhênhv)