Tsôngv box Poz Ziz Tây Bắc li njêl kâuz-zav nox kaz

Chiê uô tâu chor njêl kâuz nox kaz, tsư ha, mak xeir njêl thiêz tsưr ziv uô zos zov chênhr đuô hur si. Tsôngv box khênhr xeir zuôr chor njêl ntâuk muôz tâu đrav têx đêx lox, pak đêx lok sik njêl zus hâur têx pak tsi muôz têx jâuz uz no puz ntơư lok uô. Chor njêl zuôr muôz uô njêl kâuz ntơư zos njêl pok nêiz mê, njêl tầm luôx 2, 3 nti lok sik njêl nox jâuz lox cux tâu, taz sik zos muôz njêl lox uô mak zuôr muôx grêix thiêz kaz đuô, đros trâu têx txux lov li: Kriêr tox kênhz, kix, njêr. Tus njêl lox đhâu thâuv tưz cxôngr uô têx đưz đeiv jông nox, muôx têx sđ muôz chor poz cxa lâux poz tsês, gra muk tsâus nzuôr hur tso trâu hâur têx tơưz, saz chiz  cov kruôr đêx, zos njêl tsi tâu tsâus nzuôr hur mak zuôr tsư nhôngk, uô tâu tsi kaz. Zav njêl kâuz co thâuv tưs tưz zuôr tsuv muôx têx hmôngr krâur, hmôngr cxur blâuv ciz gis, đax tsư ha jov uô hmôngr lok uô shơư. Đhâu thâuv bax tâu tas têx hmôngr cxur blâuv li heik sâuv, muôz chor hmôngr co đo tor shơư trâu têx kriêr tox kênhz, kix, njêr cov cxuô li muôz lok đo shơư têx grêix njêl. Zơưv Lường Văn Muôn, nhoz jok lầu, phường Chiềng Lề, Tp Sơn La, tỉnh Sơn La heik pâuz:“Têx txux lov muôz đo tor shơư trâu chor hmôngr cxur ciz gis ntơư, đhâu co thiêx muôz đo shơư têx grêix njêl, uô li no chor txux lov thiêx thơưv cxuô trâu chor grêix đuô. Xar cov chor grêix njêl kâuz sei đuô mak muôx têx muôz nzir mê njik suz thax njêr lok đo shơư trâu thiêz”.

Đhâu thâuv đo, uô tas li heik sâuv, sđ li muôz chor grêix njêl thiêz txux lov ntơư tso trâu hâur huz. Uô ntêx thâuv muôz tso hâur huz, tsôngv box khênhr zôngv muôz iz kro hmôngr cxur đo shơư têx txux lov sâuv tso puô hâur kaz chiê cov chor grêix njêl tsi trâul tuôx pưv. Thâuv sđ muôz tso hâur huz tsuv zôngv têk niêv cov chênhr chor grêix trâu, zos tsi uô li, têx grêix njêl zuôr kâuz tsi jông thiêz nox tsi yuô tsư kaz. Chor grêix njêl đhâu thâuv muôz tso hâur huz, tsuv tsês muôx nhos iz ciêz txơưx jông nox, thâuv co chor njêl tưz kâuz thiêz tsi hnor tsư nhôngk lơưv. Zơưv Lường Văn muôn heik pâuz nzir:“Thâuv ntêx tsôngv box uô chiê tsês hâur yênhx hli, tâu nox ntêr, viv ziv tsês tâu ntêr chor grêix njêl co ziv kâuz jông, ziv tsư ha, nox kaz đuô. Xar cov têx grêix njêl kâuz no tsês tâu ntêr, tsuv tsưv ziv txos chor njêr muôz trâu chor grêix njêl co. Zos njêr tsơưs mak chor grêix njêl kâuz sei đuô, taz sik tsês tsi tâu ntêr, viv li tsuv muôz njêr cov huv xưz”.

Thâuv ntêx, têx grêix thiêz njêl tsi muôx ntâu li nhiv no. Thâuv tưs tso pak njêl, lok sik ntâul muôz tâu njêl đrav têx đêx lox, pak đêx lok, tsôngv box Poz Ziz khênhr muôz uô njêl kâuz chiê tsês tâu nox ntêr. Nhiv no, tsôngv box Poz Ziz Tây Bắc zav grêix njêl kâuz co tsi tiêk zos chuôz zis zav nox hâur têx pluôk nox niêx hnuz, mak lơưr tsênhv uô trơưk li tsôngv kruô đas cir, zuôr txos thiêz. Chênhr viv li, zav nox co ziv hnuz ziv tâu ntâu tus chôngz lênhx pâuz txos thiêz nhiêv nox. Hâur niêx hnuz sđ khênhr muôz zav grêix njêl kâuz co lok nox ciês cux tâu, viv tưz tâu muôz đruôz tsês hâur huz siêr jông, shơư têx txux lov hur si, nox njư têx jâuz nox nhôngk li: Blôngx chêr, blôngx tuôz thox, têx zav jâuz blôngx ntông mê njik pluôk ntơư lok six nziv. Lok sik muôz chor grêix njêl kâuz co ciz lok sik chi mak thâuv nox lok six tsư ha, nưk cux kaz txơưr lơưv nưk iz zav thiêz. Niêv lâuk Nguyễn Thị Huệ, kuz qơư nhoz Thanh Hóa tuôx uô nênhx nhoz ntơưv Sơn La tưz tâu ntâu shông  lok no heik:“Cur tuôx nhoz no tâu ntâu shông, thiêz tâu nox lok six ntâu tsôngv box Poz Ziz têx zav nox muôz njêl uô. Iz zav nox nưk puôr lênhx muôx nưk iz kro kaz  txơưr tsi siz thôngx. Hok chor grêix njêl kâuz mak nox muôx iz tsok kaz jiz, mê njik trok, tsư ha, tsư txux lov…”.

Tuôx txos trâu cxuô jêx jok tsôngv box Poz Ziz tox siêz Tây Bắc, tsôngv kruô sđ tsuv ndo njôngr nox siv têx zav nox kaz muôz njêl uô, hâur co muôx tsôngv box nhoz thax tsav no li zav njêl kâuz./.

                              (Lường Huyền-Riê Lâux cxeik, nhênhv)

Muk sêiz shuôk thax tsav jông jav Mẫu Sơn

          Nhoz đêz đrôngl Hà Nội 180 cêik cêr lok faz đông Bắc, tỉnh Lạng Sơn, zos thax tsav qơư du lix muôx chôngz lênhx kruô hâur pêz têz qơưs thiêz kruô oz chas têz qơưs xêir tsov tuôx ndis uô si, sêiz shuôk têz qơưs. Txix đrôngl thành phố Lạng Sơn, muk trơưk txox cêr 4B, xar 30 cêik lok faz đông thiêx txos thax tsav qơư du lix jông jav Mẫu Sơn, huyện Lộc Bình.

          Mẫu Sơn zos thax tsav qơư jông jav đros trâu yênhx cxênhz ha jôngr ntông, muôx ntâu zav tsiêx kuk tsiv grê. Trơưk li zơưv Nông Xuân Tiến, uô hâux lưv nhoz tsênhv qơư cxơưz cxiz huôv tsar du lix tỉnh Lạng Sơn hêik pâuz:“Thax tsav qơư du lix Mẫu Sơn muôx cxuô zav chiê tsôngv kruô ndis shuôk têz qơưs tuôx nhoz so muk lok hâur thax tsav. Viv thax tsav qơư no nhoz siêz ntus niêv đêx hiêr 1.500 thiêr, muôx jôngr ntông, chuô lax nziês hâur yênhx shông”

          Chênhr zos thax tsav qơư jông jav, muôx chôngz lênhx kruô tuôx uô si, sêiz shuôk têz qơưs, zos txix hli 5 txos hli 9 hâur niêx shông. Thiêz phênhv ntâu zos tsôngv kruô xêir tsov luz chêix ntux no tuôx so uô si.

          Tsôngv fôngx…!Trôngz Mẫu sơn txix xã Mẫu Sơn, huyện Lộc Bình txos trâu xã Công Sơn, Mẫu, huyện Cao Lộc, puôr lênhx nhoz thax tsav ntus đriv têz qơưs Suôr, trôngx đriv Chi Ma thiêz ntơư cux zos thax tsav qơư zôngx ziv trâu Mẫu Sơn huôv tsar du lix hâur thax tsav ntus đriv: Qươ du lix Mẫu sơn, zos thax tsav qơư jông jav nhoz huyện Lộc Bình, zos iz hâur 5 huyện nhoz puôz ntus đriv têz qơưs Suôr thiêz txizz trôngz Mẫu Sơn, cux sêiz pov trôngx đriv Chi Ma”

          Đros trâu thax tsav qơư du lix Mẫu Sơn, tsôngv px hâur thax tsav cux tsênhv tuôr tâu tsês cxuô hêir tsơưs têx txux chi, vênhx huôv jông muôx đros đrêiv hâur luz nênhx thiêz ntơư cux chênhr zos cxơưz cxiz tsôngv kruô tuôx uô si, sêiz shuôk têz qơưs txos.

          Tsênhz tiês zos tsôngv kruô tuôx ndis uô si txos thax tsav qơư co, cux pov hêir nênhs Cho, Tày têx jêx jos đros trâu têx suôz sênhr cưr cxiêx páo Dung, suôz cưr cxiêx Then, Sila….Zơưv Hoàng Thế Vinh, Phưv Giám đốc Sở vênhx huôv-du lix tỉnh Lạng Sơn hêik pâuz:“Huôv tsar truôx jông cxuô zav lok du lix thiêz khơưk tsês cxuô hêir nênhs tsơưs têx txux chi, vênhx huôv jông txuôk đros kriz đar du lix jôngr ntông hâur thax tsav Mẫu Sơn cov ziv hnuz ziv muôx chôngz lênhx kruô tuôx so uô si, sêiz shuôk têz qơưs”

          Chiê Mẫu Sơn ziv hnuz ziv huôv tsar, yênhx thax tsav qơư du lix ndis shuôk têz qơưs nto bê, hâu nov ntơưv qơư thiêz tsôngv px sđ tsuv sik côngv têk huôv tsar uô thiêx uô tâu tiêr luôs hâux lưv kriz đar cxuô qơư ndis uô si, sêiz shuôk têz qơưs trâu têx shông zuôr txos./.

                                                                      Tsu cxêik nhênhv-VOV4