Lai Châu: Têx uô tâu jông tso công an lok uô hâux lưv hâur xã

Jok Bút Dưới, xã Trung Đồng, huyện Tân Uyên muôx zuôr xar 100 chuôz zis tsôngv box Poz Ziz uô nênhx nhoz. Txix thâuv ntêx txos nhiv no, tsôngv box khênhr uô nênhx nhoz uô cê, siz hluz siz paz, tsêr luz nhoz tik luz, tsi muôx lax caz xor têir, txơưv muôx lok cux lav xor mê njik têx ntông, lok sik cxiv poz jêz thêir kis, jêx jok tsi yuô truôx tuk, khênhr muôx tuz saz tuz nhiês. Txix hnuz muôx canr bôv Công an lok uô hâux lưv hâur xã, tuôx qênhz yuôx shuôs têx jêx jok, qơư nhoz, yênhx lix tổ côngz xưv ntơưv jok, thax tsav qơư tưz tror truôx tuk, nox nhoz njiês to. Niêv lâuk Tòng Thị Là, nhoz jok Bút Dưới, xã Trung Đồng, huyện Tân Uyên shir phaz heik:

“Muôx công an, canr bôv hâur xã moz siêz txos pêz, nhiv no tsi muôx tuz saz tuz nhiês li thâuv ntêx lơưv. Nhiv no pêz tso siêz uô nox, tu têx yuôx zêx, uô liêx têz. Tov kaz no pêz zuôr uô trơưk canr bôv công an xã”.

Zos xã tox siêz hâur huyện Tân Uyên, têx shông đrav ntêx, Trung Đồng zos thax tsav phiv liv lok sâuv tsi truôx tuk. Thax tsav xã đar, muôx 19 jok thiêz 4 heir nênhs uô nênhx nhoz uô cê thiêz hâur thax tsav qơư muôx 8 jok yêik txar lok nhoz yiêz, têx tsi truôx tuk li uz li no tsi so muôx yưv. No cux zos thax tsav qơư tưz muôx jiês siz pênhr chôngz lênhx nênhs txos trâu têx hloz hâu nov siêz phiv liv.  Uô lơưr Ban Giám đốc Công an tỉnh Lai Châu chox kriê lok sâuv phênhz công an muk hâux lưv ntơưv têx xã zov chênhr, phiv liv lok tsi truôx tuk, công an huyện Tân Uyên tưz qênhz shuôs, xeir tsov têx lênhx canr bôv công an muôx txux chi tsưr ziv uô nuv jông chiê hlôngr, tso lok mul uô hâux lưv trâu hâur xã. Đhâu zuôr xar iz shông công an huyện lok uô hâux lưv hâur têx xã, ntơưv qơư tưz tror truôx tuk, nox nhoz njiês to. Trung úy Tà Xênhv Lâux, Tsar công an xã Trung Đồng, huyện Tân Uyên heik pâuz:

“Uô ntêx thâuv pêz lok no uô hâux lưv mak thax tsav qơư no zos iz thax tsav phiv liv, tsi yuô truôx tuk. Tiv iz hâur thax tsav  muôx 8 jok yêik txar lok nhoz yiêz mak muôx têx ntơưr siz pênhr txos trâu têx hloz thênhv siêz cik txos qơư nhoz. Têx têx phiv liv, uô cxâuv chei li: Nhiês zuôr muôs, uô luôv zax zênhz, trâus tik cêr cxâuv mak cux muôx ntâu lênhx nênhs. Taz sik nhiv kruôr đhâu, pêz chêx tsôngk lol qênhz yuôx thiêz qênhz shuôs đuô têx qơư cuz nxor, têx jok phiv liv lok sâuv tsi yuô truôx tuk mak pêz cux tưz muôx têx tsưr ziv uô”.

Huyện Tân Uyên muôx 10 xã, thị trấn mak nhiv no tưz muôx 3 xã tâu phênhz canr bôv công an lok, zos xã Trung Đồng, Pắc Ta, Phúc Khoa, đros thiêz 11 lênhx canr bôv. Đhâu iz shông fuô uô lơưr đêx anr, xuz thơưx têx canr bôv công an tưz uô tâu jông têx hâux lưv zok muôz, nhoz đros tsôngv px, sưv jê px, đơưk tu zênhx max têx txuz nuv phiv liv thiêz paz truôx tuk thax tsav qơư. Thượng tá Nguyễn Đức Trường, Phưv Tsar Công an huyện Tân Uyên, tỉnh Lai Châu heik pâuz:

“Xuz thơưx uô tâu lok six jông, no zos lưv lươngv công an tâu choz kriê txux chi, tsưr ziv uô hâux lưv jông. Thâuv hla đhâu têx tsưr ziv lês uô hâux lưv mak mul hâur thax tsav qơư uô jông hâux lưv nhênhz chơưv trâu cấp ủy đảng, hâu nov ntơưv qơư, đros têx tsưr tsix đoanx thêv đơưk uô jông têx luôs hâux lưv truôx tuk thax tsav qơư. Thauav đơưk uô têx hâux lưv ntơưv qơư mak taz por uô tâu sei thiêz jông, trơưk chei têz qơưk, tsi chiê muôx yưv têx txuz phiv liv, yênhx cuz nxor ntêr. Chor đôngx chir pâuz lok six tsênhz mênhx txiv ngaz ntơưv qơư , car seiz truôx jông lênhx nênhs”.

Công an huyện muk uô hâux lưv hâur têx xã hâur thax tsav huyện Tân Uyên, tỉnh Lai Châu tưz thiêz  tsênhv paz zov chênhr trâu phax tir thêir têx nênhs fêv, nênhs uô cxâuv chei têz qơưk hâur thax tsav; iz chas ntơư fuô uô tâu jông đuô têx tsưr ziv lês uô cxuô luôs hâux lưv zok muôz. Thôngz đhâu co, canr bôv, chiến sỹ cux muôx six hơưv chiê chuôs njiz, sik cơưv shâuv têx txux chi, tsưr ziv uô hâux lưv, bax tâu jông đuô têx tsưr ziv hâur lês uô têx hâux lưv choz zok, zênhx max nhênhz chơưv trâu cấp ủy, hâu nov ntơưv qơư đơưk tu tâu sei thiêz jông têx cêr cuz nxor, tsi truôx tuk, paz tsôngv px tso siêz huôv tsar uô nox uô hnar, cxuz cêr yeiz pluôs./.  

(Khắc Kiên-Riê Lâux cxeik, nhênhv)

Heik kriê yênhx tưv lok Tsaz yênhx têz qơưk li qơư tsov txos lok txu gris cêr pluôk truôx vênhs ntu 2016-2020

          Chox luk: Tsaz yênhx hnuz no, pêz zuôr tror xa txos tsôngv cưr tix fôngx zưs têx njiêz luv hâur dự án paz txưv huôv tsar tsiv uô xênhz yar kôngz nuv, krêz đar trâur nuv txu gris cêr pluôs sâuv thax tsav têx xã đrâuv tsaz yênhx 30a thiêz tsaz yênhx 135.

          Nus: Dự án paz txưv huôv tsar tsiv uô xênhz yar kôngz nuv thiê krêz đar trâur nuv txu gris cêr pluôk sâuv thax tsav têx xã đrâuv tsaz yênhx 30a thiêz tsaz yênhx 135 li qơư tsov txos zos li chas?

          Têz: Dự án paz txưv huôv tsar tsiv uô xênhz yar kôngz nuv thiê krêz đar trâur nuv txu gris cêr pluôk sâuv thax tsav têx xã đrâuv tsaz yênhx 30a thiêz tsaz yênhx 135 li qơư tsov txos zos:

          + Paz txưv huôv tsar uô kôngz, jôngr, đêx nuv reik đros muôz hâux lưv uô lơưr saz uô hax huv lơưr tsưr ziv njuôs xav sâuv tiv phaz li têx muôx ntơưv qơư; gôngr phênhv txu gris têx tsi jông muôx yưv tiv ntux nas, tiv qiv hơưv txơưr txar, gôngr phênhv chuôz cxaz phênhv sâu, muôz siêz luz nênhx trâu tôngv box sâuv thax tsav;

          + Paz txưv têx tsưr ziv uô nox uô hâuk tsi zos uô kôngz nuv, hâux lưv jix vu, huv đros thax tsav;

          + Krêz đar têx trâur nuv txu gris cêr pluôk muôx chêx cuk; paz nênhs pluôk tâu sơưv têx cêr chei, pênhr jos, niêv ciêz.

Nhạc cắt

          Nus: Têx lênhx nênhs tâu sơưv dự án zos lênhx tưs?

          Têz: Têx lênhx nênhs tâu sơưv dự án zos:

          + Nênhs lox tôngv zos ziv chuôz zis pluôk, chuôz zis zuôr xar pluôk, chuôz zis nhiv kruôr hla đhâu cêr pluôk, tsov cưv txos chuôz zis nênhs mênhx cxưx tsơưs nênhs thiêz pox niêv zos ziv chuôz zis pluôk;

          Nus: Dự án paz txưv li chas thiêz pênhr jos chiê uô dự án zos li chas?

          + Paz txưv huôv tsar tsiv uô xênhz yar kôngz nuv, nriêr tsưr ziv uô nox uô hâuk:

          + Krêz đar trâur nuv txu gris cêr pluôk muôx chêx cuk:

          + Tas nro pênhr yưv uô zos 842 tỷ đeiv, hâur co:

          . Nhiêx txiêx trung ương zos 522 tỷ đeiv

          . Nhiêx txiêx tiv phaz zos 210 tỷ đeiv

          . Pênhr huiz tôngv huv cêr chei txơưr zos 110 tỷ đeiv

(B.Thủy-Txâur Vax cxeik nhênhv)