Kon Tum: Ntâu ziv chuôz zis mênhx cxưx tsơưs nênhs

thor tsi nhoz chuôz zis pluôs

A Nuôi thiêz Y Biển 2 niêv txir nhoz jos Kon Tơ Nẻ zos 1 hâur 5 ziv chuôz zis tsôngv box nhoz xã Đăk Tờ Re, huyện Kon Rẫy, tỉnh Kon Tum tưz sâu ntơưr thor hâu nov xã thôngz đhâu tsi zos ziv chuôz zis pluôs. Hâur luz tsêr hur đu, niêv lâuk Y Biển, 38 shông pheiz kênh, qir tiv uô niêv lâuk 2 niêv txir muôx luz nênhx yeiz pluôs li ntơưv zos tiv xênhz zus 4 tul mê nhuôs. Cxôngx shông 2016 txos nhiv no têx mê nhuôs hloz lox tiêr nênhx tas mak tsi yuô khưr lơưv thiêz, đros co zos gruôs uô nox uô hâuk viv li chuôz zis luz nênhx jông đuô jux jus. Nhiv no đros trâu 2 hecta ntâu kok ntong, 200 ntâu tsoz ntông cao su thiêz tu zus nhux đas, keiz ok, chuôz zis li phênhv sâu tâu 2,3 châuv tsov đeiv iz shông, chuôz zis tsi txov nhêv li thâuv ntêx viv li xar njôngr têz qơưk tsês phênhv tsov cưv paz txưv co trâu têx ziv chuôz zis txov nhêv txơưr:

          “Chuôz zis pluôs mak cur tâu sơưv 3 shông. Shông no cur thor tsi zos chuôz zis pluôs thiêz chiê pox nhuôs uô lơưr. Luz nênhx nhoz no heik cxuô mak txov nhêv taz sik zos sir jos uô nox uô hâuk mak cux jông đuô tuôx”.

          Hâur 5 ziv chuôz zis tsôngv box chiv chir sâu ntơưr thor chinhr quyênx xã Đăk Tờ Re, huyện Kon Rẫy thôngz đhâu tsi zos chuôz zis pluôs thiêz mak muôx txos 4 chuôz zis mênhx cxưx tsơưs nênhs, co zos: Y Biển, A Cách, mênhx cxưx Ba Na, tsêr nhoz jos Kon Tơ Rẻ; chuôz zis A Thang, A Lanh, mênhx cxưx Xơ Đăng, tsêr nhoz jos Kon Rơ Lang. Hâur 5 ziv chuôz zis no muôx 2 tsar jos chiv chir sâu ntơưr thix ziv chinhr quyênx tiv phaz thongz đhâu chiê tsi zos chuôz zis pluôs thiêz zos niêv lâuk Y Biển thiêz tix lâuk A Thang. Zơưv A Đi, Phưv bí thư thường trực Đảng ủy xã Đăk Tờ Re puz pâuz, jông siêz tiv zix zos pov tâu chêx cuk hâux lưv jê tsôngv box, heik kriê tsôngv box tsưr ziv uô nox uô hâuk, chiv chir sir jos hla đhâu cêr pluôs mak têx ban,nganhx, đoàn thể xã truôx siêz uô ntâu shông đhâu:

          “Thâuv xã jênhv tâu pox nhuôs li ntơưr mak lok six jông siêz viv tưz muôx siêz xar chiv chir sir jos hla đhâu cêr pluôs. Thâuv jênhv tâu ntơưr, xã heik cán bộ chuyên môn mul seiz car lơưr li luz nênhx. Thâuv qênhz yuôx pov têx chuôz zis no cux taz por lok kinh têr thiêz chuôz zis luz nênhx hâur niêx hnuz”.

          Xã Đăk Tờ Re muôx 4 ziv chuôz zis mênhx cxưx tsơưs nênhs chiv chir uô ntơưr thor chinhr quyênx xã thôngz đhâu tsi zos chuôz zis pluôs zos chinhr quyênx, tsôngv box tiv phaz li cêr jông siêz. Zơưv Võ Duy Ngọc, tsar phongx lox tôngv, saz pênhz thiêz xã hội huyện Kon Rẫy puz pâuz:

          “Cur ntâus grê no zos têx lênhx nênhs jông, tsôngv box tưz muôx siêz xar tsi tos njôngr txos têz qơưk li phênhv paz txưv chuôz zis pluôs thiêz. Tiv zix zos cur pov tâu chinhz yênhx niêv côngv siêz hâur tsôngv box, sik paz max cxuôv yeiz thiv pluôs. Têx dự án, tsaz yênhx txu gris cêr pluôs truôx vênhs tưz tâu krêz uô txos têx ziv chuôz zis tâu sơưv muôx chêx cuk”.

          Lơưr Đảng ủy thiêz UB xã Đăk Tờ Re, khov krêz uô muôx chêx cuk Chinhr phưv li tsaz yênhx têz qơưk li qơư tsov txos cux xưk li tiv phaz li têx tsaz yênhx, dự án viv li chor ziv chuôz zis pluôs hâur xã txu gris ntâu. Shông 2019 no, xã txu gris 9% ntâu chor ziv chuôz zis pluôs, zos phênhv siêz pir đros thiêz tỉnh Kon Tum li qơư tsov txos. Hâux lưv xuz thơưx xã Đăk Tờ Re heik taz thiêz tỉnh Kon Tum heik cxuô muôx 5 ziv chuôz zis chiv chir uô ntơưr thor chinhr quyênx xã thôngz đhâu tsi zos chuôz zis pluôs thiêz zos iz hâux lưv uô zuôr trâus tâu sâuv jênhv, kruôk txos./.

(Khoa Điềm- Txâur Vax cxeik nhênhv)