Nghị quyết 116, paz max txo grêk tsơưs têx phiv liv trâu nênhs lox tôngv trâul pôngz hâux lưv uô

Đros uô iz dưv anr phi chính phủ hâur thax tsav tỉnh Điện Biên, taz sik, tiv moz Covid-19 uô ruôr hiêv, tix lâus Nguyễn Trọng Nam-iz lênhx lox tôngv nhoz TP Điện Biên tưz trâul pôngz hâux lưv uô. Tsi muôx hâux lưv uô txix thâuv hli 4 txos nhiv no, tix lâus Nam chuôz zis njiz ntâu phiv liv thâuv 4 lênhx nênhs, hur tiz si puôr lênhx khov txos pox niêv têx nhiêx hli.

Chiê txo grêk tsơưs têx phiv liv, cêr txov, tix lâus Nam tưz zok nriêr uô iz cxiê hâux lưv, taz sik, phênhv sâu tâu tsơưs, tsi truôx tuk. Thâuv canr bôv Bảo hiểm xã hội tỉnh Điện Biên heik tuôx tiêk, tâu paz max nhiêx trâu chor nênhs trâul pôngz hâux lưv uô tiv moz ovid-19 uô ruôr hiêv, tix lâus Nam tưz đas cir uô têx ntâuz ntơưr thiêz tâu lênhk txeik zênhx max têx nhiêx paz co:

“Hâur ntu moz Covid-19 tsênhv huôv xênhz phiv liv, tas nro cxuô lênhx sơưr đơưk têx hâux lưv uô cux puôr lênhx trâul uô tuôr thênhv thiêz cur lok cux  li ntơư, têz qơưk paz max li no lok six jông. Txơưv tsi tâu ntâu, cur tâu paz 2,1 tsov đeiv taz sik cux paz iz phênhv tưs nhiêx txiêx sir zôngv, xênhz huôx hâur niêx hnuz”.

Đhâu hlo thâuv Nghị quyết 116 tâu tso tơưv, hnuz xiêz 01/10, Bảo hiểm xã hội tỉnh Điện biên tưz fuô uô luôs hâux lưv qênhz shuôs 1.490 taz li têx sôr laov thiêz muôx nhos 28.900 lênhx lox tôngv tsênhv cxaz chuôz bảo hiểm trâul pôngz hâux lưv hâur tas nro thax tsav tỉnh. Đhâu qênhz shuôs xav tinhv muôx 630 ntâu taz viv tâu paz max lok sâuv txo grêk tsơưs têx nhiêx thêv Bảo hiểm trâul pôngz hâux lưv trâu nênhs sir zôngv lox tôngv trâul uô ruôr hiêv tiv moz Covid-19, xav hur si chor nhiêx xar muôx 5 tyv đeiv; tas nro tỉnh muôx nhos 8.430 lênhx lox tôngv tsênhv cxaz chuôz bảo hiểm trâul pôngz hâux lưv uô tâu paz max. Xav txos hnuz 22/11, Bảo hiểm xã hội tỉnh Điện Biên tưz lênhk txeik, cir ntơưr thiêz muôz 23 tyv đeiv ntâu trâu nhos 9.200 lênhx lox tôngv tsênhv cxaz chuôz bảo hiểm trâul pôngz hâux lưv uô thiêz hur si nênhs lox tôngv tưz nduô tsês tsi cxaz chuôz bảo hiểm trâul pôngz hâux lưv uô tâu paz max; txo grêk tsơưs cuiv nhiêx bảo hiểm trâul pôngz hâux lưv uô 836 tsov đeiv trâu 639 taz viv sir zôngv lox tôngv. Pos Nguyễn Thị Trinh, Tsar phongx seiz car sâu têx nhiêx txiêx li heik sâuv, Bảo hiểm xã hội tỉnh Điện Biên heik pâuz: Taz viv tưz kriê lok six tsênhz mênhx xa txos trâu chor qơư sir zôngv lox tôngv kriê uô têx ntâuz ntơưr muôz nhiêx paz trâu nênhs lox tôngv. Iz chas ntơư, sir jos uô jông hâux lưv yax xa mông sâuv cổng thôngz xor mông, têx ntơưr pov tsir, ti vi….txos trâu yênhx xã, jêx jok chiê nênhs lox tôngv, têx lênhx trâul uô ruôr hiêv tiv moz Covid-19 ntơư pâuz txos têz qơưk têx chei paz max thiêz đas cir uô ntâuz ntơưr lênhk txeik nhiêx paz ntơưv cơ quan Bảo hiểm xã hội:

“Lơưr tsuôk tuôx ntơưv cơ quan Bảo hiểm xã hội thiêz krêz uô iz đeiv ntơưr heik lol têx cik txos sôr sổ bảo hiểm, căn cước công dân xưz; lol sâuv hnuz nhôngs chiê tâu sơưv nhiêx paz tưz muôx nênhs hâur cơ quan bảo hiểm xã hội paz chiê uô cov tiêr têx ntâuz ntơưr co”.

Zơưv Nguyễn Xuân Thảnh, Phưv Giám đốc Bảo hiểm xã hội tỉnh Điện Biên heik pâuz: Chiê fuô uô zênhx max Nghị quyết 116, taz viv tưz choz zok hâux lưv tsênhz mênhx trâu têx qơư uô hâux lưv, heik cxuô taz viv hâur tas nro ngênhx uô nzir six hơưv chiê phưx vưv uô tâu sei têx ntâuz ntơưr, muôz nhiêx txiêx paz trâu nênhs lox tôngv thiêz sir zôngv lox tôngv.

Taz sik nhiv no luôs hâux lưv fuô uô têx tsênhv chei co cux tsênhv njiz trâul iz cxiê phiv liv li: Ntơưv ntu 2, Grê 4 Thủ tướng Chính phủ Quyết tinhv sôr 28 cui tinhv trâu taz viv lês uô têx hâux lưv têz qơưk tâu phênhz sir zôngv nhiêx txiêx trơưk Nghị quyết sôr 60 hnuz 21/6/2021, taz sik tsi tâu muôx heik tsênhz mênhx zos têx ntâuz ntơưr tưs (Quyết tinhv yênhx lix; Quyết tinhv choz têx hâux lưv co….). Têx li heik no uô trâu chor qơư sir zôngv lox tôngv tsi pov kaz uô têx ntâuz ntơưr, cơ quan bảo hiểm xã hội tsi pâuz uô trơưk li chas chiê xav tinhv lênhx nênhs, taz viv zôngv iz phênhv têx nhiêx txiêx:

“Chiê đơưk tu têx phiv hâur thax tsav tỉnh, Bảo hiểm xã hội tỉnh Điện Biên tror hux jos đros têx sở, ban, ngênhx, cơ quan thôngz xor mông chiê yax kriê txos nênhs lox tôngv thiêz nênhs sir zôngv lox tôngv pâuz lok Nghị quyết 116 cux iz zav li Thủ tướng Chính phủ Quyết tinhv sôr 28 têx muôx liv. Têx qơư lês uô têz qơưk hâux lưv zos sir zôngv iz phênhv têx nhiêx txiêx trơưk li Chính phủ Nghị định sôr 60 mak taz viv zuôr uô ntơưr heik trâu bảo hiểm xã hội Việt Nam thiêz thor Bộ Lox tôngv- xã hội li ziv chênhv chiê heik kriê tsênhz mênhx”.

Têx uô tâu li heik sâu tưz tso pov ngênhx Bảo hiểm xã hội tỉnh Điện Biên sir jos hâur fuô uô Chính phủ Nghị quyết 116 . Txix ntơư, txo grêk tsơưs têx phiv liv trâu nênhs lox tôngv thiêz sir zôngv lox tôngv hâur thax tsav txix moz Covid-19 uô ruôr hiêv./.

                                                    (Vũ lợi-Riê Lâux cxeik, nhênhv)

Lênhx cưk kriê ntơưr pluôs, muôx siêz hluz chor shux xênhz thax tsav mênhx cxưx tsơưs nênhs

Hâur ntâu shông đhâu lok no, chor tsêr ntiêr so                                                                                                                                                                                                           nhoz muk lok ntơưv thax tsav jok Ea Sang, xar Ea H’Đing, huyện Cư Mgar, tỉnh Đắk Lắk zos yênhx kror qơư nhoz sor so trâu chor shux xênhz pluôs tsôngv box mênhx cxưx tsơưs nênhs. Chor tsêr so                                                                                                                                                                                                           no zos cưk kriê ntơưr Lương Hữu Hải, cưk kriê ntơưr luk Anh, Tổng sêiz shuôk đôiv Tsêr cơưv cxênhx oz Nguyễn Trường Tộ muôz nhiêx thêv chiê 30 lênhx shuv xênhz pluôs tuôx nhoz muk lok cơưv ntơưr thiêz tsênhv zos qơư cưk kriê ntơưr kriê nzir luk Anh tsik tas nhiêx txiêx trâu xar muôx 150 lênhx shux xênhz muôx luz nênhx txov nhêv. Đros co, cưk kriê tsênhv jênhv tu zus trâu chôngz lênhx shux xênhz muôx luz nênhx txov nhêv. Iz hâur chor shux xênhz tâu cưk kriê Hải jênhv tu zus, H’Ba Su Đi M’lô shir phaz lul hêik:

“Cur chuôz zis lok six txov nhêv, niêv xir muk uô nox đêz. Cur oz nuk muôs đros pos zơưs nhoz. Txix thâuv tâu cưk kriê Hải paz tu zus, nox nhoz mak cur uô tsâus ntâu hênhr. Cur zuôr sir jos cơưv ntơưr cov tsik uô trâu cuk kriê pôngz siêz”.

Cưk kriê ntơưr Lương Hữu Hải tưz kriê ntơưr ntơưv tsêr cơưv cxênhx oz Nguyễn Trường Tộ, nhoz xar Ea H’Đing, huỵen Cư Mgar, tỉnh Đắk Lắk tâu muôx 20 ntâu shông. No zos luz tsêr cơưv hâur thax tsav tsôngv box mênhx cxưx tsơưs nênhs, pêx xênhv luz nênhx tsênhv yuôr ntâu kror txov nhêv. Hêik lok cưk kriê ntơưr têx hâux lưv uô tâu, cưk kriê Lương Hữu Hải hêik:

“Cur zênhx nhoz ntơưv thax tsav Tây Nguyên no txix thâuv zâu lok lơưv, txix thâuv cơưv lớp 3, lớp 4. Thâuv ntêx no cux njiz lok six ntâu cêr txov hâur cêr cơưv ntơưr, tâu chor cưk kriê ntơưr, têx fôngx zưs sơưr đơưk paz mak cơưv tas tror lok ntơưv no, cur xar mak zuk tsuv uô iz kror hâux lưv jông tưs chiê uô tsâus chor cưk kriê ntơưr co. Thiez ntơưv no zos thax tsav tsôngv box mênhx cxưx tsơưs nênhs mak chor nhuôs luz nênhx lok six txov nhêv, chor shux xênhz tsuv so ntơưr lok six ntâu viv li cur xar mak zuk tsuv sir jos chiê paz trâu chor nhuôs”.

Zơưv Bùi Đinh Thảo, Hiệu trưởng tsêr cơưv cxênhx oz Nguyễn Trường Tộ puz pâuz, thax tsav tsôngv box mênhx cxưx tsơưs nênhs nhoz đêz li no, iz lênhx cưk kriê ntơưr tưz tsik zos kriê ntơưr xưz mak tsênhv tsuv sir jos paz cov chor shux xênhz tsik cxoz tso ntơưr tsês. Ntâu shông no, cưk kriê ntơưr Lương Hữu Hải tsik so zos lênhx cưk kriê ntơưr uô ntêx hlo hâur uô têx hâux lưv no.

“Hâur têx shông đhâu cưk kriê ntơưr Lương Hữu Hải tưz muôx têx hâux lưuv uô lok six tsênhv tsênhz, tiv zix zos côngz xưv yax kriê, paz trâu chor shux xênhz, tiv zix zos chor shux xênhz pluôs sir jos cơưv ntơưr sâuv thax tsav xar Ea H’Đing hêik cxuô thiêz Tsêr cơưv cxênhx oz Nguyễn Trường Tộ hêik taz”.

Zơưv Nguyễn Hữu Nhật, Chủ tịch Ủy ban xar Ea H’Đing puz pâuz iz shông cưk kriê ntơưr Lương Hữu Hải tưz paz xar muôx 30 lênhx shux xênhz muôx luz nênhx txov nhêv tso ntơưr tsês tror tuôx cơưv ntơưr. Txix hâur shôngk shông cơưv txos nhiv no, cưk kriê Hải tưz hêik sơưr đơưk paz yênhx cxênhz fâu ntơưr cơưv, trik yo, yêz tuôv…tas nro tsiv gri xar muôx 200 triệu đêiv paz trâu chor shux xênhz luz nênhx txov nhêv zos mênhx cxưx tsơưs nênhs. Hâur jiês huôv xênhz caz moz nhiv kruôr đhâu, cưk kriê Hải tsênhv hêik sơưr đơưk paz muôx 65.000 đêiv bos kror ndâux, 460 lir cuô yuôx nzuôr têk thiêz 21 luz mêir njuôk shuôk moz paz trâu thax tsav qơư phax, tar caz moz.

“Txix têx hâux lưv uô txuôk đros chor câu lạc bộ siêz jông hâur thiêz đrâuv tỉnh, cưk kriê ntơưr tưz tsêx trung nriêr pâuz chor shux xênhz tsôngv box mênhx cxưx tsơưs nênhs ntơưv xar njiz phiv liv lok ntâuz ntơưr, chuôz zênhx. Cưk kriê ntơưr tưz kriz uô chor jiês hâux lưv siêz jông thiêz paz trâu lôk six ntâu chor shux xênhz sâuv thax tsav”.

Txix têx sir jos co, cưk kriê ntơưr Lê Hữu Hải tưz paz trâu chor shux xênhz muôx luz nênhx txov nhêv sir jos đuô hâur cơưv ntơưr, chiê zos yênhx chor nênhs muôx txux chi, tsưr ziv paz trâu xar hôiv./.

(TTTN-Lik Thox cxêik nhênhv)