Yên Bái: Shông yiêz nhoz têx xã jêx jok yiêz

Têx txox cêr mul lok jêx jok hâur xã Phù Nham, huyện Văn Chấn, tỉnh Yên Bái hâur têx hnuz hâur shôngk shông yiêz lov jêv đuô cxiê shông. Hâur têx cêr luôv xuôz jêz, đu lus jông mul lok, tsôngv box sđ lov jêv ntưk siz zâuv muk uô liêx têz, uô chiv kôngz ntux tsâus yiêz đros trâu têx tsưr ziv, siêz xar njôngr uô tâu ntâu kôngz, sâu tâu nju. Pos Hà Thị Lan, nhoz jok Bản Quân, xã Phù Nham, huyện Văn Chấn heik: “Shir phaz cơưs, tâu têz qơưk paz uô cêr, zôngx ziv mul lok; kriê cxaz tsưr  ziv uô nox trâu sđ. Đrav ntêx pluôk yeiz pluôk tsâu xưz, nhiv no tsi thôngx li ntơư, uô tsâus ntâu txos Đảng, têz qơưk”.

Đros trâu xã Phù Nham têx cêr shir phaz cxuô,  xã Đông Cuông cux nhiv kruôr uô tâu 19 luôs hâux lưv cxiv tsa jêx jok yiêz. Iz hâur têx phiv liv yax mak Đông Cuông njiz trâus thâuv cxiv uô jêx jok yiêz zos têx hâux lưv lok tênhx qơư, tsưr tsix uô nox uô hâuk. Taz sik đros thiêz hâu nov, tsôngv px sđ têx sir jos, Đông Cuông tưz muôx ntâu hlôngr yiêz. Têx lar heik, phiv liv đrav ntêx xưk li: têx vuôz tsuôz, kiêk nênhs, qơư tu zus tsiêx cxu….tưz tâu tsôngv box cxiv uô jông, muôx qơư trâu trơưk li tsưr ziv fuô kriê lok cxiv tsa jêx jok yiêz. Nhoz suôv qơư jêx jok yiêz ntơư, tsôngv px sđ tưz pâuz tsưr ziv uô nox  lơưr chiv cheix, huôv tsar uô têx nuv  txơưr đuô reik đros têz qơưk di tích lịch sử tsêr mnov Đông Cuông, muôx cêr sik thôngx siêz đuô hâur luz nênhx. Zơưv Ngô Xuân Ky, nhoz xã Đông Cuông, huyện Văn Chấn heik: “Cur seiz uô tâu luôs hâux lưv cxiv tsa jêx jok yiêz mak muôx ntâu kror hlôngr yiêz đuô, pir li cêr mul lok, vêv xênhz tênhx qơư mak hur si, đu lus. Tsôngv box sđ cux moz siêz thiêz siz paz siz hluz đuô iz zav li: ziv chuôz zis muôx mê njik paz têx ziv pluôs…. Zuôr huv, bax uô uz uô no tok tsiêz têx lok cux siz heik kriê, sir zôngv cxênhx txuôs taz sik cê muôx tsiêz đros luôs nox lov jêv. Heik cxuô mak hâur shông yiêz, cxiê shông sđ moz siêz txos nox hâuk ntâu đuô, taz  sik shông no lơưr moz siêz txos uô li chas cov jông đuô, heik lok luz nênhx nox nhoz nhiv no tsâu sor-hlôngr yiêz”.

Yuôr xã Tuy Lộc, TP Yên Bái, xã xuz thơưx hâur tỉnh Yên Bái uô tâu luôs hâux lưv cxiv tsa jêx jok yiêz hâur têx hnuz txos tsiêz, têx vax jâuz tâu tsôngv box bax uô tâu; cxuô jêk liêx tưz lêix bax tsâu đêx tsês chiê tsêz chos chiv kôngz đhâu nox tsiêz tas. Pos Bùi Thị Hùy, tsar jok Xuân Lan, xã Tuy Lộc heik pâuz: “Pêz tsôngv box sđ tsi so siz heik kriê uô li chas por hưv tâu jông têx cưx đês liêx chiê phưx vưv uô kôngz; tiv 2 ntu tưs tsi jông mak kho ntu ntơư cov jông chiê đêx ntưk tâuk lok uô liêx. Tsêr vênhx huôv jok mak đhâu thâuv tâu têz qơưk muôz nhiêx tuôx paz uô tưz uô tâu tiêr, yuôr têx nja vax mak pêz heik tsôngv px sđ siz chos paz mê njik nhiêx txiêx chiê cxiv uô thiêz uô yar tiêx cov muôx qơư jông uô si…”.

Đhâu 5 shông ntâu sir jos uô, tỉnh Yên Bái tưz hu zâuv sđ siz chos gôngr paz tâu xar muôx 6 cxênhz tỷ đeiv trâu cxiv uô jêx jok yiêz. Txix ntơư,, tưz paz 18 hâur 152 xã txos nhiv no uô tâu luôs hâux lưv heik sâuv. Cux txix têx pênhr nhiêx sđ siz chos paz no, muôx zuôr xar 600 cêik cêr luôv xuôz jêz, 1.200 cêik cêr mul lok jêx jok tâu krêz đar, cxiv uô jông mul lok; cxiv uô, kho đuô yiêz 400 ntâu côngz trênhx đêx liv phưx vưv uô têx kôngz.

Trơưk li tsưr ziv ntu 2015-2020, tỉnh Yên Bái sir jos cov muôx 25 xã tror zar sâuv uô tâu luôs hâux lưv cxiv tsa jêx jok yiêz. Zơưv Mai Mộng Tuân, Chánh Văn phongx seiz car têz qơưk tsaz yênhx lok cxiv tsa jêx jok yiêz tỉnh Yên Bái heik: “Tiv iz zos cxơưz tiês têx tsưr ziv fuô kriê chiê tsôngv box sđ pâuz to tâuz tsaz yênhx cxiv tsa jêx jok yiêz zos tsaz yênhx huôv tsar kinh tế-XH cxuô thiêz ntêr hâur jêx jok. Tiv 2  zos xav tinhv cxiv tsa jêx jok yiêz zos cxiv kho đuô thax tsav tox siêz zos khov uô lơưr thiêz por hưv chiê têx muôx jông ntơưv qơư lok huôv tsar  kinh tế-XH, iz chas ntơư pêz moz siêz txos huôv tsar uô  têx cêr mul lok jêx jok trơưk tỉnh li đêx anr huôv tsar uô jông têx cêr mul lok. Tiv 3 zos hu zâuv têx pênhr jos huôv tsar uô têx côngz trênhx ntơưv jêx jok reik đros tsôngv box sđ luz nênhx nox nhoz”.

Txix tsôngv box sđ thiêz hâu nov cxuô cấp li siêz truôx bo, sir jos, têx xã jêx jok yiêz cux tsênhv jux juk yênhx têx qơư chi cax lok kinh tế-XH ntơưv têx thax tsav tox siêz Yên Bái./.

(PV CQTT Tây Bắc-Riê Lâux cxeik, nhênhv)

          Zơưv Chảo Láo Sử-lênhx nênhs muôx suôz bê hâur côngv thôngx

Zơưv Chảo Láo Sử, nhoz jok Phìn Hồ, xã Tả Phời, thành phố Lào Cai zos lênhx nênhs xuz thơưx ciês muôz tsoz ntông txir Le VH6 chox lok chos hâur jok. Shông 2010 pov tsoz chos no muôx chêx cur, zơưv Sử tưz kriz đar thax tsav chos tsoz txir Lê ntơưv chuôz zis. Pov tsoz txir Lê paz muôx phênhv sâu txix 40-50 triệu đêiv iz hec ta iz chiv, zơưv Sử tưz hêik pox nhuôs sik đros chos. Zơưv đros cán bộ cxơưz cxiz uô kôngz kruôz kriê pox nhuôs tsoz phưz tsoz txir Lê muôx chêx cur siêz. Txos nhiv no tas nro jok tưz muôx 40 hec ta txir Lê. Zơưv Chảo Láo Sử puz pâuz: “Txir hơưk nhiv no mak lâul tas lơưv viv li tsuv hlôngr chos tsoz chos txơưr đuô. Xar ntâu thiêx pov tsoz txir Lê no chos tâu viv li cur hêik pox nhuôs sơưr đơưk chos chiê muôx cxaz phênhv sâu. Thâuv hêik pox nhuôs chos cux njiz lok six ntâu phiv liv viv pox nhuôs xar chos tsoz chos sâu tâu sêi. Viv li cur hêik pox nhuôs tsuv chos tsoz chos ntêr shông mak sâu tsik tâu sêi, taz sik zuôr paz muôx phênhv sâu truôx”.

Jok Phìn Hồ muôx 100% zos mênhx cxưx tsơưs nênhs. Tsôngv box Hmôngz, Cho hâur jok tsênhv yuôr ntâu phôngx cxưx pôngz kaz. Viv li zơưv Sử tưz sir jos kriê trâu pox nhuôs pâuz, tso tsês têx phôngx cxưx co. Txix co paz trâu pox nhuôs hlôngr yiêz đuô siêz xar chiê luz nênhx ziv hnuz ziv jông đuô. Tiv zix zos tưz tsik nox hâuk ntêr hnuz hâur yôngz cok. Zơưv Chảo Láo Sử hêik: “Chor tuz nhuôs siz zuôr nox yôngz cok mak tsik zuôr gri yôngz nhiêx đơưz li thâuv ntêx lơưv. Nhiv no pox nhuôs nox hâuk thiêz tsưr ziv xar tưz hlôngr yiêz ntâu lơưv”.

Phuôx huiz jông kror liv hâur huôv star kinh tế, cxuôv yêiz thiv pluôs. Paz hlôngr yiêz jêx jok tox siêz Lào Cai, kror co zos muôx chor nênhs muôx suôz bê hâur côngv thôngx li zơưv Chảo Láo Sử li têx paz tsik tsơưs. Pos Vi Thị Hới, Chủ tịch UBND xã Tả Phời, thành phố Lào Cai puz pâuz: “Nhoz jok Phìn Hồ mak thành phố tsênhv kriz uô chos tsoz txir Lê ntơưv no. Đros phôngx cxưx pôngz kaz thiez phênhv ntâu zos zuk uô zuk zôngv. Txix thâuv muôx dự án no mak Chảo Láo Sử lok six sir jos uô, paz hêik pox nhuôs hlôngr yiêz tsoz chos, tsiêx tu zus”.

Đhâu zơưv Chảo Láo Sử li têx hâux lưv uô co puz pov, nênhs muôx suôz bê hâur tsôngv box mênhx cxưx tsơưs nênhs li pưk txux zos kror zov chênhr paz trâu cấp ủy, chính quyền tiv phaz hâur hâur hâux lưv yax kriê, hêik pox nhuôs uô jông Đảng, têz qơưk li têx cêr chêi, paz huôv tsar kinh tế-xã hội nhoz tiv phaz./.

(Thanh Thủy-Lik Thox cxêik nhênhv)